1 سَمَٰعِيلَ 22
22
دَاوُدَ دَ مُتَنٜىٰنْسَ أَ كُواْغُوانْ يَنْكِنْ أَدُلَّمْ
1دَاوُدَ يَبَرْ بِرْنِنْ غَتْ يَكُواْمَ وَنِ كُواْغُوانْ دُوڟٜىٰنْ دَيَكٜىٰ عَيَنْكِنْ أَدُلَّمْ؞ دَ یَنْعُوَنْسَ دَ دَنْغِنْسَ سُكَجِ ثٜىٰوَ يَنَ عَثَنْ، سُكَتَاشِ سُكَ تَڢِے وُرِنْسَ؞#زَبُو 57 كَنْ مَغَنَ؛ زَبُو 142 كَنْ مَغَنَ 2مُتَنٜىٰنْ دَسُكٜىٰ ثِكِنْ وَهَلَ دَ وَطَنْدَ عَكٜىٰ بِنْسُ بَاشِ دَ مَاسُ دَامُوُاْيِ، سُكَ تَتَّارُ أَوُرِنْ دَاوُدَ؞ شِے كُوَ يَذَمَ شُوغَبَنْسُ؞ يَوَنْسُ يَكَيْ طَرِے حُطُ؞
3دَغَ نَنْ دَاوُدَ يَتَاشِ يَتَڢِے مِظْڢَ عَڧَسَرْ مُواْوَبْ يَيِ مَغَنَ دَ سَرْكِنْ مُواْوَبْ؞ يَثٜىٰ مَسَ «إِنَ ضُواْڧُوانْكَ كَبَرْ بَابَنَ دَ مَامَاتَ سُذُواْ سُذَوْنَ دَكَيْ سَيْ حَرْ نَسَنْ أَبِنْدَ اللَّهْ ذَيْ يِدَنِے؞» 4سَيْ دَاوُدَ يَبَرْ إِيَايٜىٰنْسَ أَ حَنُّنْ سَرْكِنْ مُواْوَبْ؞ سُكَ ذَوْنَ أَوُرِنْ حَرْ إِيَاكَرْ لُواْكَثِنْ دَ دَاوُدَ يَيِ أَوُرِنْ ٻُيَنْسَ؞
5سَيْ وَنِ أَنَّبِے مَيْ سُونَ غَدْ يَذُواْ يَثٜىٰ وَ دَاوُدَ «كَدَ كَذَوْنَ أَوُرِنْ ٻُيَ؞ كَتَاشِ مَظَا كَكُواْمَ يَنْكِنْ يَهُودَ؞» دَاوُدَ يَتَاشِ يَكُواْمَ كُرْمِنْ هٜىٰرٜىٰتْ؞
أَنْ كَشٜىٰ ڢِرِسْتُواْثِنْ غَرِنْ نُوابْ
6وَتَرَانَ طَالُوتَ يَنَ أَغَرِنْ غِبٜىٰيَ يَنَ ظَوْنٜىٰ عَڧَرْڧَشِنْ ڧَرَمِنْ إِتَاثٜىٰ عَكَنْ وَنِ تُدُ يَنَ رِڧٜىٰ دَ مَاشِ؞ مَاسُيِ مَسَ حِدِمَ كُمَ سُنَ كٜىٰوَيٜىٰ دَشِ؞ عَكَ ڢَطَا مَسَ ثٜىٰوَ أَنْغَانٜىٰ وُرِنْ دَ دَاوُدَ طَنْ يٜىٰسّٜىٰ دَ مُتَنٜىٰنْسَ سُكٜىٰ؞ 7سَيْ طَالُوتَ يَثٜىٰ وَمَاسُ يِمَسَ حِدِمَ «كُسَوْرَرَتَ مُتَنٜىٰنْ بِلِيَامِنُ! كُنَ ڟَمَّنِ دَاوُدَ طَنْ يٜىٰسّٜىٰ ذَيْ عِيَ بَا دُكَنْكُ ڢِيلَيٜىٰ دَ غُواْنَكِنْ إِنَبِے نٜىٰ؟ يَكُمَ مَيْدَكُو شُوغَبَنِّنْ سُواْجُواْجِنْ دُبُو دُبُو دَ كُمَ نَطَرِے طَرِے نٜىٰ؟ 8دُوانْمٜىٰ كُكٜىٰ شِرْيَ مِنِ مُغُنْتَا؟ بَابُ كُواْ طَيَنْكُ دَ يَڢَطَا مِنِ ثٜىٰوَ طَانَ يَيِ يَرْجٜىٰجٜىٰنِيَ دَ طَنْ يٜىٰسّٜىٰ؞ بَاوَنْدَ يَدَامُ سَبُواْدَنِ؞ بَاوَنْدَ يَڢَطَا مِنِ ثٜىٰوَ طَانَ يَظُغَ دَاوُدَ، مَيْيِ مِنِ حِدِمَ، يَيِ مِنِ ݣُونْتُوانْ ٻَوْنَ أَوَنَّنْ لُواْكَثِ؞»
9أَ لُواْكَثِنْ كُوَ دُواْوٜىٰكْ مُتُمِنْ عٜىٰدُوامْ، يأَنَانً ڟَيٜىٰ تَرٜىٰدَ مَاسُيِ وَ طَالُوتَ حِدِمَ؞ يَثٜىٰ «نَغَ طَنْ يٜىٰسّٜىٰ سَعَدَّ يَتَڢِے وُرِنْ أَهِمٜىٰلٜىٰكْ طَنْ أَهِتُبْ أَغَرِنْ نُوابْ؞#1 سَمْ 21.7-9؛ زَبُو 52 كَنْ مَغَنَ 10أَهِمٜىٰلٜىٰكْ يَضُواْڧِ يَهْوٜىٰهْ غَمٜىٰدَ دَاوُدَ، يَكُمَ بَا دَاوُدَ عَبِنْثِ دَ تَكُواْبِنْ جَالُوتَ مُتُمِنْ ڢِلِسْتِيَ؞»
11سَرْكِے طَالُوتَ يَعَيْكَ عَكَٰوُاْ أَهِمٜىٰلٜىٰكْ طَنْ أَهِتُبْ وَنْدَ يَكٜىٰ ڢِرِسْتِ تَرٜىٰدَ دُكَنْ دَنْغِنْسَ وَطَنْدَ سُكٜىٰ ڢِرِسْتُواْثِے أَغَرِنْ نُوابْ؞ دُكَنْسُ سُكَذُواْ وُرِنْ سَرْكِے؞ 12طَالُوتَ يَثٜىٰ وَ أَهِمٜىٰلٜىٰكْ «كَسَوْرَرَتَ، طَنْ أَهِتُبْ؞»
أَهِمٜىٰلٜىٰكْ يَثٜىٰ «إِنَ جِنْكَ، رَنْكَيَدَطٜىٰ!»
13طَالُوتَ يَثٜىٰ مَسَ «دُوانْمٜىٰ كَيْ دَ طَنْ يٜىٰسّٜىٰ كُكٜىٰ شِرْيَ مِنِ مُغُنْتَا؟ دُوانْمٜىٰ كَبَاشِ عَبِنْثِ دَ تَكُواْبِے، كَكُمَ نٜىٰمَ مَسَ نُڢِنْ اللَّهْ دُواْمِنْ يَظُغَ طَنْ يٜىٰسّٜىٰ يَيِ مِنِ ݣُونْتُوانْ ٻَوْنَ؟»
14أَهِمٜىٰلٜىٰكْ يَأَمْسَ يَثٜىٰ «أَيْ، دَاوُدَ نٜىٰ مَڢِے أَمِنْثِ ثِكِنْ مَاسُيِمَكَ حِدِمَ دُكَ! شِينٜىٰ مِجِنْ یَرْكَ، شُوغَبَنْ مَاسُ غَادِنْكَ، وَنْدَ عَكَڢِے بَاشِ غِرْمَ أَغِدَنْكَ؞ 15بَابُ شَكَّ نَا ضُواْڧَا مَسَ نُڢِنْ اللَّهْ، كُمَ وَنَّنْبَ شِينٜىٰ نَڢَرْكُواْبَ؞ غَمٜىٰ دَ ذَنْثٜىٰنْ شِرْيَ مَكَ مُغُنْتَا كُوَ، رَنْكَيَدَطٜىٰ، إِنَ ضُواْڧُوانْكَ كَدَ كَبَانِ لَيْڢِے كُواْ وَنِ دَغَ ثِكِنْ دَنْغِنَ؞ غَمَا بَنْ سَنْ كُواْمٜىٰ غَمٜىٰدَ ذَنْثٜىٰنَّنْبَ!»
16سَرْكِے يَثٜىٰ مَسَ «أَهِمٜىٰلٜىٰكْ، لَلَّيْ ذَاكَ مُتُ دَكَيْ دَ دُكَنْ دَنْغِنْكَ؞» 17سَيْيَثٜىٰ وَ وَطَنْدَ سُكٜىٰ غَادِنْسَ، مَاسُ ڟَيٜىٰ كٜىٰوَيٜىٰ دَشِ «كُكَشٜىٰ ڢِرِسْتُواْثِنْ يَهْوٜىٰهْ؞ غَمَا سُنْ غُواْيِ بَايَنْ دَاوُدَ، كُواْدَيَكٜىٰ سُنْ سَنِ يَنَ غُدُ دَغَ غَرٜىٰنِ بَسُ ڢَطَا مِنِبَ؞» عَمَّا مَاسُيِمَسَ حِدِمَ سُكَڧِ سُتَٻَ ڢِرِسْتُواْثِنْ يَهْوٜىٰهْ؞ 18سَيْ طَالُوتَ يَثٜىٰ وَ دُواْوٜىٰكْ «كَكَشٜىٰسُ؞» دُواْوٜىٰكْ مُتُمِنْ عٜىٰدُوامْ كُوَ يَكَشٜىٰسُ دُكَ؞ أَ رَانَرْ نَنْ يَكَشٜىٰ ڢِرِسْتُواْثِے تَمَٰنِنْ دَ بِيَرْ وَطَنْدَ سُكَ ثَنْثَنْثِ سَنْيَ رِغَرْ لِيلِنْ نَ عٜىٰڢُوادْ؞ 19طَالُوتَ يَكُمَسَا عَكَشٜىٰ مَذَوْنَنْ نُوابْ، غَرِنْ ڢِرِسْتُواْثِے؞ عَكَ كَشٜىٰ مَظَا دَ مَاتَا، يَارَا دَ جَرِرَيْ، شَانُو دَ جَاكُنَ دَ تُمَكِ؞
20عَمَّا أَبِيَتَرْ طَنْ أَهِمٜىٰلٜىٰكْ دَغَ غِدَنْ أَهِتُبْ، شِ كَطَيْ يَكُٻُثٜىٰ يَغُدُ ذُوَا وُرِنْ دَاوُدَ؞ 21يَڢَطَا مَسَ يَدَّ طَالُوتَ يَكَكَّشٜىٰ ڢِرِسْتُواْثِنْ يَهْوٜىٰهْ؞ 22دَاوُدَ يَثٜىٰ وَ أَبِيَتَرْ «لُواْكَثِنْدَ نَغَ دُواْوٜىٰكْ مُتُمِنْ عٜىٰدُوامْ أَوُرِنْ أَ رَانَرْنَنْ، نَتَبَّتَا ذَيْ ڢَطَا وَ طَالُوتَ؞ دُواْمِنْ حَكَ نِنٜىٰ دَلِيلِنْ دَ عَكَ كَشٜىٰ دَنْغِنْكَ؞ 23كَذَوْنَ دَنِے؞ كَدَ كَجِڟُواْرُواْ دُواْمِنْ مُتُمِنْ دَ يَكٜىٰسُواْ يَكَشٜىٰكَ، يَنَ سُواْ يَكَشٜىٰنِ، نِے مَا؞ ذَاكَيِ ذَمَنْكَ لَاڢِيَ تَرٜىٰدَنِ؞»
Currently Selected:
1 سَمَٰعِيلَ 22: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
