1 سَرَاكُنَ 9
9
يَهْوٜىٰهْ يَسَاكٜىٰ بَيَّنَ غَ سُلَيْمَٰنُ
﴿2 تَارْ 7.11-22﴾
1سُلَيْمَٰنُ يَغَمَ غِنِنْ غِدَنْ يَهْوٜىٰهْ دَ غِدَنْ سَرْكِے دَ كُمَ دُكَنْ أَبِنْدَ يَيِ نِيَّرْيِ؞ 2سَعَنً يَهْوٜىٰهْ يَا سَاكٜىٰ بَيَّنَ مَسَ كَمَرْ يَدَّ يَيِ أَ غِبٜىٰيُوانْ؞#1 سَرْ 3.5؛ 2 تَارْ 1.7 3يَهْوٜىٰهْ يَثٜىٰ مَسَ،
«نَاجِ أَدُّعَ دَ ضُواْڧُواْ وَنْدَ كَيِ مِنِ؞ نَا كُوَ ڟَرْكَكٜىٰ وَنَّنْ غِدَنْدَ كَغِنَ، نَا كُمَ تَبَّتَرْ دَ سُونَنَ أَوُرِنْ حَرْ أَبَدَا؞ عِدَنُونَ دَ ذُوثِيَاتَ بَذَاسُ تَٻَ رَبُوَ دَ غِدَنْ بَ؞
4«كَيْ كُوَ، عِدَنْ ذَاكَيِ تَڢِيَ تَرٜىٰدَنِ دَ غَسْكِيَ أَ ظُوثِ دَ أَمِنْثِ كَمَرْ يَدَّ بَابَنْكَ دَاوُدَ يَيِ تَڢِيَ تَرٜىٰدَنِ، كُمَ إِنْ كَيِ بِيَيَّ دَ دُواْكُواْكِنَ دَ ڧَٰعِدُواْدِنَ دَ عُمَرْنَيْنَ، 5تُواْ، ذَنْ كَڢَ ذُرِيَرْكَ تَدِنْغَ كَسَنْثٜىٰ عَكَنْ كُجٜىٰرَرْ مُلْكٍ إِسْرَٰٓءِيلَ، بِسَغَ يَرْجٜىٰجٜىٰنِيَرْدَ نَيِ دَ بَابَنْكَ؞ غَمَا نَا ثٜىٰ مَسَ، ‹بَذَاعَ رَسَ مُتُمْ دَغَ ذُرِيَرْكَ دَ ذَيْ يِمُلْكٍ إِسْرَٰٓءِيلَ بَ؞›#1 سَرْ 2.4؛ 2 تَارْ 7.18
6«عَمَّا عِدَنْ كَيْ كُواْ ذُرِيَرْكَ كُنْ جُويَا مِنِ بَايَ، كُكَڧِ بِنْ عُمَرْنَيْنَ دَ ڧَٰعِدُواْدِنَ وَطَنْدَ نَشِمْڢِطَا أَغَبَنْكُ، حَرْ كُكَ كُواْمَ كُكَ بَوْتَاوَ وَطَنْسُ أَلُّواْلِ، كُكَيِ مُسُ سُجَّدَ، 7تُواْ، ذَنْ كَوَرْدَ مُتَنٜىٰنْ إِسْرَٰٓءِيلَ دَغَ ڧَسَرْ نَنْدَ نَبَاسُ؞ ذَنْ كُمَڧِ وَنَّنْ غِدَنْدَ نَكٜىٰٻٜىٰ دُواْمِنْ أَغِرْمَمَ سُونَنَ؞ إِسْرَٰٓءِيلَ كُوَ ذَاتَ ذَمَ أَبِنْ مِصَالِ دَ أَبِنْ غُواْرِ أَ ڢُسْكَرْ دُكَنْ أَلْعُمَّيْ؞ 8كُواْدَيَكٜىٰ وَنَّنْ غِدَا يَذَمَ أَبِنْ أَ ذُواْ أَغَنِ يَنْذُ، نَنْ غَبَ دُكَنْ وَنْدَ يَوُثٜىٰ يَغَنِ ذَيْ رَسَ أَبِنْ ڢَطَا؞ ذَيْ يِڟَكِ يَنَ ثٜىٰوَ ‹مٜىٰيَسَا يَهْوٜىٰهْ يَيِ حَكَ دَ غِدَنَّنْ دَ ڧَسَرْ نَنْ؟›#2 سَرْ 25.9؛ 2 تَارْ 36.19 9ذَاعَبَادَ أَمْسَ عَثٜىٰ، ‹سَبُواْدَ مُتَنٜىٰنْ يَهْوٜىٰهْ اللَّهْ سُنْ مَنْتَادَشِ، شِے وَنْدَ يَڢِتَرْدَ كَاكَنِّنْسُ دَغَ ڧَسَرْ مَصَرْ، سُكَبِے وَطَنْسُ أَلُّواْلِ، سُكَيِ مُسُ سُجَّدَ، سُكَ بَوْتَا مُسُ؞ أَبِنْدَ يَسَا يَهْوٜىٰهْ يَكَٰوُاْ دُكَنْ مَسِيڢَرْ نَنْ عَكَنْسُ كٜىٰنَنْ؞› »
سَوْرَنْ أَيُّكَنْ سَرْكِے سُلَيْمَٰنُ
﴿2 تَارْ 8.1-18﴾
10عَڧَرْشٜىٰنْ شٜىٰكَرَا عَشِرِنْ دَ سُلَيْمَٰنُ يَطَوْكَ يَنَ غِنَا غِدَنْ يَهْوٜىٰهْ دَ غِدَنْ سَرْكِے، 11يَبَا سَرْكِے حِرَمْ نَڧَسَرْ تَيَ غَرُرُوَ عَشِرِنْ عَيَنْكِنْ غَلِيلِ؞ غَمَا حِرَمْ يَبَا سُلَيْمَٰنُ كَتَكَنْ سٜىٰدَ دَ نَڢِرْ دَ كُمَ دُكَنْ يَوَنْ ظِينَارِيَرْدَ يَسُواْ دُواْمِنْ عَيْكِنْ؞ 12عَمَّا دَ حِرَمْ يَذُواْ دَغَ تَيَ دُواْمِنْ يَدُوبِے غَرُضُوً دَ سُلَيْمَٰنُ يَبَا شِ، بَيْ جِ دَاطِے بَ؞ 13سَيْيَثٜىٰ وَ سُلَيْمَٰنُ «طَنْعُوَنَ، وَطَنّٜىٰ إِرِنْ غَرُرُوَنٜىٰ حَكَ كَبَا نِے؟» سَيْ عَكَبَاسُ سُونَنْ كَبُلْ، وَتُواْ مَرَرْ أَمْڢَانِ، هَرْوَيَوْ أَنَ كِرَنْسُ حَكَ؞ 14دَا مَا حِرَمْ يَعَيْكَ وَ سُلَيْمَٰنُ دَ ظِينَارِيَ كِلُواْ دُبُو حُطُ؞
15غَا لِسَّڢِنْ عَيْكِنْ دُواْلٜىٰ وَنْدَ سُلَيْمَٰنُ يَسَا مُتَنٜىٰ سُيِ، وَتُواْ عَيْكِنْ غِنِنْ غِدَنْ يَهْوٜىٰهْ دَ نَسَرْكِے دَ نَ مِلُّواْ دَ نَكَتَنْغَرْ بِرْنِنْ عُرُوشَلِيمَ دَ كُمَ عَيْكِنْ دُواْلٜىٰ نَسَاكٜىٰ غِنَا كَتَنْغَرْ بِرْنِنْ حَزُوارْ دَ مٜىٰغِدُّواْ دَ غٜىٰظٜىٰرْ؞ 16دَا سَرْكِنْ مَصَرْ يَڢَاطَوَ غٜىٰظٜىٰرْ يَثِسُ دَ يَاڧِ، يَكَكَّشٜىٰ كَنْعَنِيَاوَنْ دَسُكٜىٰ ثِكِنْ بِرْنِنْ، يَكُمَ ڧُواْنٜىٰ بِرْنِنْ؞ سَعَنً يَبَا یَرْسَ بِرْنِنْ يَذَمَ مَتَ ݣَوْتَرْ عَوْرٜىٰ سَعَدَّ تَ عَوْرِ سُلَيْمَٰنُ؞ 17تَوُرِنْ عَيْكِنْ دُواْلٜىٰ، سُلَيْمَٰنُ يَسَاكٜىٰ غِنَا بِرْنِنْ غٜىٰظٜىٰرْ دَ بٜىٰتْ حُواْرُوانْ تَݣُورِ، 18دَ بَعَلَتْ دَ كُمَ تَمَرْ عَثِكِنْ دَاجِنْ يَهُودَ؞ 19سُلَيْمَٰنُ يَكُمَ غِنَا غَرُضُوً أَجِيَرْ كَايَ دَ نَكِيوُانْ دَوَكِنْسَ دَ كُمَ نَأَجِيَرْ كٜىٰكُنَنْ دُواْكِنْ يَاڧِنْسَ؞ يَغِنَ دُكْ أَبِنْدَ يَسُواْ غِنَاوَا أَ عُرُوشَلِيمَ دَ لٜىٰبَنُوانْ دَ دُكَنْ يَنْكُنَنْ دَيَكٜىٰ مُلْكِنْسُ؞
20دُكَنْ مُتَنٜىٰنْ دَ سُكَ رَغُ دَغَ أَمُواْرِيَاوَا دَ هِتِّيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا، وَطَنْدَ بَ نَمُتَنٜىٰنْ إِسْرَٰٓءِيلَ بَنٜىٰ، 21وَتُواْ، سُو ظُرِيُواْيِنْ ڧَبِيلُنْ دَ مُتَنٜىٰنْ إِسْرَٰٓءِيلَ بَسُ عِيَ سُهَلَّكَ غَبَاطَيَ بَ، وَطَنَّنْ نٜىٰ سُلَيْمَٰنُ يَسَا سُيِ مَسَ عَيْكِنْ دُواْلٜىٰ، حَكَ كُوَ سُكٜىٰ هَرْوَيَوْ؞ 22عَمَّا سُلَيْمَٰنُ بَيْسَا مُتُمِنْ إِسْرَٰٓءِيلَ يَيِ عَيْكِنْ دُواْلٜىٰبَ؞ مَيْمَكُوانْ حَكَ يَسَاسُ سُذَمَ مَاسُ يَاڧِ دَ شُوغَبَنِّنْ ڠُومْنَتِ دَ شُوغَبَنِّنْ سُواْجُواْجِ دَ شُوغَبَنِّنْ سُواْجُواْجِ مَاسُ يَاڧِ دَ كٜىٰكُنَنْ يَاڧِ دَ كُمَ مَاسُ هَوَنْ دَوَكِ؞ 23يَكُمَ نَطَ مُتَنٜىٰ طَرِے بِيَرْ دَ حَمْسِنْ سُذَمَ شُوغَبَنِّ مَاسُ لُورَ دَ أَيُّكَنْسَ؞
24بَايَنْدَ مَاتَرْ سُلَيْمَٰنُ، یَرْ سَرْكِنْ مَصَرْ، تَتَاشِ دَغَ بِرْنِنْ دَاوُدَ ذُوَا سَابُوانْ غِدَنْ دَ سُلَيْمَٰنُ يَغِنَ مَتَ، سَيْ يَغِنَ مِلُّواْ، وَتُواْ وُرِنْ دَ عَكَ ثِثِّكَ دَ ڧَسَا عَتَوَجٜىٰ؞
25سَوْ عُكُ كُواْوَثٜىٰ شٜىٰكَرَا سُلَيْمَٰنُ يَكَنْ مِيڧَ هَدَايُنْ ڧُواْنَاوَا دَ نَڠَرَنْ زُمُنْثِ دَ نَڧُواْنَ تُرَارٜىٰ عَكَنْ بَغَدٜىٰنْدَ يَغِنَ وَ يَهْوٜىٰهْ؞ تَهَكَ يَغَمَ غِنِنْ غِدَنْ؞#ڢِتْ 23.17؛ 34.23؛ مَيْ شَـ 16.16
26سُلَيْمَٰنُ كُمَ يَيِ جِضَاغٜىٰنْ ضُوَ أَ عٜىٰظِيُوانْغٜىٰبٜىٰرْ، وَتُواْ وَتَ تَشَرْ جِضْغِ كُسَدَ عٜىٰلَتْ عَڧَسَرْ عٜىٰدُوامْ، عَبَاكِنْ ضُوً تٜىٰكُنْ ثِيَوَرْ إِوَ؞#9.26 تٜىٰكُنْ ثِيَوَرْ إِوَ: عَيْنِحِنْ سُونَنْ وَنَّنْ تٜىٰكُ كٜىٰنَنْ، عَمَّا أَنْكُمَ سَنْتَ دَ سُونَنْ جَنْ تٜىٰكُ؞ 27سَرْكِے حِرَمْ يَعَيْكَ مَاسُ عِيَ تُوڧِ سُواْسَيْ سُتَيْمَكِ مُتَنٜىٰنْ سُلَيْمَٰنُ تُوڧَ جِضَاغٜىٰنْ؞ 28سُكَيِ تَڢِيَ ذُوَا ڧَسَرْ عُواْڢِرْ سُكَ كَٰوُاْوَ سُلَيْمَٰنُ ظِينَارِيَ كِلُواْ دُبُو غُواْمَشَا حُطُ؞
Currently Selected:
1 سَرَاكُنَ 9: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
