1 سَرَاكُنَ 2
2
غَرْغَطِنْ دَ دَاوُدَ يَيِ وَ سُلَيْمَٰنُ
1دَ لُواْكَثِنْ مُتُوَرْ سَرْكِے دَاوُدَ يَيِ كُسَ، سَيْ يَكِرَا طَنْسَ سُلَيْمَٰنُ يَغَرْغَطٜىٰشِ يَثٜىٰ، 2«نَا كُسَ إِنْمُتُ كَمَرْ يَدَّ كُواْوَ عَدُونِيَا ذَيْ يِ؞ سَيْ كَڧَرْڢَڢَ، كَنُونَ كَنْكَ نَمِجِنٜىٰ؞ 3سَيْ كَيِ أَبِنْدَ يَهْوٜىٰهْ اللَّهْ نْكَ يَعُمَرْثٜىٰكَ كَيِ؞ كَيِ تَڢِيَ أَ حَنْيَرْسَ؞ كَكِيَايٜىٰ ڧَٰعِدُواْدِنْسَ دَ دُواْكُواْكِنْسَ دَ عُمَرْنَنْسَ دَ غَرْغَطِنْسَ كَمَرْ يَدَّ عَكَ رُبُوتَ ثِكِنْ كُواْيَرْوَرْ مُوسَٰى؞ كَيِ وَنَّنْ دُواْمِنْ كَيَلْوَتَ ثِكِنْ دُكَنْ أَبِنْدَ ذَاكَيِ دَ كُمَ دُكْ عِنْدَ ذَاكَ تَڢِے؞ 4سَعَنً يَهْوٜىٰهْ ذَيْثِكَ أَلْڧَوَرِنْسَ دَ يَيِ مِنِ ثٜىٰوَ ‹عِدَنْ یَیَنْكَ سُنَ لُورَ دَ حَنْيَرْسُ، سُنَ تَڢِيَ دَ أَمِنْثِ أَغَبَنَ دَ دُكَنْ ذُوثِيَارْسُ دَ كُمَ دُكَنْ رَنْسُ، بَذَاعَ رَسَ مُتُمْ دَغَ ثِكِنْ یَیَنْكَ وَنْدَ ذَيْ ذَوْنَ عَكُجٜىٰرَرْ مُلْكِنْكَ عَ إِسْرَٰٓءِيلَ بَ؞›
5«بَنْ دَ وَنَّنْ، كَا سَنْ أَبِنْدَ يُواْوَبْ طَنْ ظٜىٰرُوِيَ يَيِ مِنِ، يَدَّ يَكَشٜىٰ شُوغَبَنِّنْ سُواْجُواْجِنْ إِسْرَٰٓءِيلَ غُدَا بِيُ، وَتُواْ أَبْنٜىٰرْ طَنْ نٜىٰرْ دَ أَمَسَ طَنْ يٜىٰتٜىٰرْ؞ يُواْوَبْ يَظُبَرْدَ جِنِنْسُ أَ لُواْكَثِنْ سَلَمَ كَمَرْ أَنَ ثِكِنْ يَاڧِ؞ شَيْدَرْ جِنِنْ يَاڧِ كُوَ تَنَ عَكَنْ طَمَرَرْ دَتَكٜىٰ أَغِنْدِنْسَ دَ كُمَ تَاكَلْمَنْ دَسُكٜىٰ عَڧَڢَاڢُنْسَ؞#2 سَمْ 3.27؛ 20.10 6كَيِمَسَ بِسَغَ حِكِمَرْكَ، عَمَّا كَدَ كَبَرْ شِ يَغَنْغَرَ ذُوَا وُرِنْ ذَمَنْ مَتَتُّو أَڟُوڢَرْسَ لَاڢِيَ؞
7«عَمَّا كَيِ أَلْحٜىٰرِ غَ یَیَ مَظَا نَ بَرْظِلَّيْ مُتُمِنْ غِلٜىٰيَدْ؞ بَرِ سُثِ تَرٜىٰدَ مَاسُثِ عَتٜىٰبُرِنْكَ، غَمَا سُنْيِ مِنِ أَلْحٜىٰرِ لُواْكَثِنْ دَ نَكٜىٰ غُدُ دَغَ طَنْعُوَنْكَ أَبْسَلُوامْ؞#2 سَمْ 17.27-29
8«أَݣَويْ كُمَ شِمٜىٰيِ طَنْ غٜىٰرَ مُتُمِنْ بِلِيَامِنُ دَغَ بَهُرِمْ؞ يَظَظْذَغٜىٰنِ سُواْسَيْ رَانَرْدَ نَتَڢِے مَهَنَيِمْ؞ عَمَّا دَ يَڢِتُواْ دُواْمِنْ يَتَرْيٜىٰنِ عَبَاكِنْ كُواْغِنْ يُواْدَنْ، نَا ضَنْڟٜىٰ مَسَ دَ سُونَنْ يَهْوٜىٰهْ ثٜىٰوَ بَذَنْ كَشٜىٰشِيبَ؞#2 سَمْ 16.5-13؛ 19.16-23 9يَنْذُ كَدَ كَكَاسَ حُكُنْتَشِ؞ تُنْدَيَكٜىٰ كَيْ مُتُمْ مَيْ حِكِمَ نٜىٰ، ذَاكَسَنْ أَبِنْدَ يَكَمَاتَ كَيِ دَشِ، كَيْ دَيْ كَتَبَّتَرْ أَنْكَشٜىٰشِ أَڟُوڢَرْسَ؞»
مُتُوَرْ دَاوُدَ
10سَعَنً دَاوُدَ يَكُواْمَ غَ كَاكَنِّنْسَ، عَكَ بِنّٜىٰشِ أَ عُرُوشَلِيمَ، بِرْنِنْ دَاوُدَ؞ 11دَاوُدَ يَيِ مُلْكٍ إِسْرَٰٓءِيلَ شٜىٰكَرَا أَرْبَعِنْ؞ يَيِ مُلْكِ شٜىٰكَرُ بَݣَويْ أَ هٜىٰبْرُوانْ دَ كُمَ شٜىٰكَرُ تَلَاتِنْ دَ عُكُ أَ عُرُوشَلِيمَ؞#2 سَمْ 5.4-5؛ 1 تَارْ 3.4 12سُلَيْمَٰنُ يَهَوْ كُجٜىٰرَرْ مُلْكٍ بَابَنْسَ دَاوُدَ، مُلْكِنْسَ كُوَ يَكَڢُ سُواْسَيْ؞#1 تَارْ 29.23
مُتُوَرْ أَدُواْنِيَ
13وَتَرَانَ أَدُواْنِيَ وَنْدَ مَامَرْسَ ثٜىٰ هَغِّتْ، يَذُواْ وُرِنْ بَتْشٜىٰبَةُ، مَامَرْ سُلَيْمَٰنُ؞ سَيْ تَتَمْبَيٜىٰشِ تَثٜىٰ «لَاڢِيَ دَيْ كَا ذُواْ؟»
يَأَمْسَ «لَاڢِيَ لَوْ؞» 14يَكُمَثٜىٰ «نَاذُواْ نٜىٰ إِنْيِمَغَنَ دَكٜىٰ؞»
سَيْ تَثٜىٰ «يِمَغَنَرْكَ؞»
15أَدُواْنِيَ يَأَمْسَ يَثٜىٰ «كِنْ سَنِ ثٜىٰوَ دَا مَا مُلْكٍ نَوَنٜىٰ، كُمَ دُكَنْ جَمَعَرْ إِسْرَٰٓءِيلَ سُنْسَا رَيْ ثٜىٰوَ نِے ذَنْيِ مُلْكِ؞ عَمَّا أَبُبُوَ سُكَ ثَنْجَ، سَيْ مُلْكٍ يَكُواْمَ غَ ڧَنٜىٰنَ غَمَا نَاسَ نٜىٰ بِسَغَ نُڢِنْ يَهْوٜىٰهْ؞ 16يَنْذُ دَيْ إِنَدَ ضُواْڧُواْ غُدَا ذُوَا غَرٜىٰكِ، كَدَ كِحَنَ مِنِ؞»
بَتْشٜىٰبَةُ تَأَمْسَ تَثٜىٰ «يِمَغَنَرْكَ؞»
17سَيْ يَثٜىٰ «كِضُواْڧِ سَرْكِے سُلَيْمَٰنُ يَبَا نِے أَبِشَغْ یَرْ غَرِنْ شُنٜىٰمْ تَذَمَ مَاتَتَ، نَسَنِ بَذَيْڧِ جِنْكِبَ؞»#1 سَرْ 1.3-4
18بَتْشٜىٰبَةُ تَثٜىٰمَسَ «دَ ݣَوْ، ذَنْيِ وَسَرْكِے مَغَنَ دُواْمِنْكَ؞»
19سَيْ بَتْشٜىٰبَةُ تَتَڢِے وُرِنْ سَرْكِے سُلَيْمَٰنُ دُواْمِنْ تَيِ مَغَنَ دَشِ أَمَدَدِنْ أَدُواْنِيَ؞ سَرْكِے كُوَ يَتَاشِ دَغَ كَنْ كُجٜىٰرَرْ مُلْكِنْسَ دُواْمِنْ يَمَرَبْثٜىٰتَ، يَرُسُنَ أَغَبَنْتَ؞ دَ يَذَوْنَ، سَيْ يَسَا عَكَ كَٰوُاْ مَتَ وَتَ كُجٜىٰرَرْ مُلْكِ، تَا كُوَ ذَوْنَ تَهَنُّنْ دَامَنْسَ؞ 20سَيْتَثٜىٰ وَسَرْكِے سُلَيْمَٰنُ «إِنَدَ طَنْ ضُواْڧُواْ دَ ذَنْيِمَكَ؞ إِنَ ڢَاتَا بَذَاكَ هَنَنِبَ؞»
سَرْكِے يَثٜىٰ مَتَ «مَامَاتَ، سَيْ كِڢَطَا إِنْجِ، أَيْ، بَذَنْ هَنَكِبَ؞»
21سَيْ تَثٜىٰ «تُواْ، كَسَا عَبَا طَنْعُوَنْكَ أَدُواْنِيَ أَبِشَغْ یَرْ غَرِنْ شُنٜىٰمْ تَذَمَ مَاتَرْسَ؞»
22سُلَيْمَٰنُ يَأَمْسَ يَثٜىٰ «دُوانْمٜىٰ ذَاكِ ضُواْڧَاوَ أَدُواْنِيَ أَبِشَغْ؟ بَڠُومَّ كَوَيْ كِضُواْڧَا مَسَ مُلْكٍ بَ؟ دَيَكٜىٰ مَا شِ یَیَنَ نٜىٰ، كُمَ أَبِيَتَرْ ڢِرِسْتِ دَ يُواْوَبْ طَنْ ظٜىٰرُوِيَ سُنَ غُواْيُوانْ بَايَنْسَ؞»
23سَعَنً سُلَيْمَٰنُ يَرَنْڟٜىٰ دَ سُونَنْ يَهْوٜىٰهْ يَثٜىٰ «بَرِ اللَّهْ يَطَوْكِ رَيْنَ، عِدَنْ وَنَّنْ ضُواْڧُوانْ أَدُواْنِيَ بَيْ جَٰوُاْ مَسَ مُتُوَبَ؞ 24يَهْوٜىٰهْ يَا تَبَّتَرْ دَنِے يَاكُمَ سَا نِے عَكَنْ كُجٜىٰرَرْ مُلْكٍ بَابَنَ دَاوُدَ، يَكُمَ كَڢَ ظُرِيَاتَ تَذَمَ غِدَنْ مُلْكِ؞ نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، سَيْ أَدُواْنِيَ يَمُتُ يَوْ!» 25سَيْ سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَكَشٜىٰ أَدُواْنِيَ؞ تَهَكَ أَدُواْنِيَ يَمُتُ؞
أَنْ كَشٜىٰ يُواْوَبْ أَنْ كُواْرِ أَبِيَتَرْ
26عَمَّا سَرْكِے يَثٜىٰ وَ أَبِيَتَرْ ڢِرِسْتِ «كَكُواْمَ غِدَنْكَ عَثَنْ غَرِنْ أَنَتُواتْ؞ كَا ثَنْثَنْثِ مُتُوَ، عَمَّا بَذَنْ كَشٜىٰكَ يَنْذُ بَ، سَبُواْدَ كَكَنْ طَوْكِ عَݣُوتِنْ يَرْجٜىٰجٜىٰنِيَ نَ عُبَنْغِجِ يَهْوٜىٰهْ أَغَبَنْ بَابَنَ دَاوُدَ، كُمَ دُكَنْ وَهَلُواْلِنْ دَ سُكَ ڢُسْكَنْثِ بَابَنَ، كَجِمْرٜىٰ تَرٜىٰدَشِ؞»#1 سَمْ 22.20-23؛ 2 سَمْ 15.24 27سَبُواْدَ حَكَ سُلَيْمَٰنُ يَكُواْرِ أَبِيَتَرْ دَغَ ذَمَنْ ڢِرِسْتِ نَ يَهْوٜىٰهْ؞ وَنَّنْ كُوَ يَثِكَ مَغَنَرْ دَ يَهْوٜىٰهْ يَيِ أَ شِلُواْ غَمٜىٰدَ غِدَنْ عٜىٰلِ؞#1 سَمْ 2.27-36
28لُواْكَثِنْ دَ يُواْوَبْ يَجِ لَابَرِنَّنْ، سَيْ يَغُدُ ذُوَا تٜىٰنْتِنْ يَهْوٜىٰهْ يَكَامَ ڧَهُواْنِنْ بَغَدٜىٰنْ يَرِڧٜىٰ؞ غَمَا يُواْوَبْ يَا يِغُواْيُوانْ بَايَنْ أَدُواْنِيَ عَمَّا أَدَا ثَنْ بَيْيِ غُواْيُوانْ بَايَنْ أَبْسَلُوامْ بَ؞ 29عَكَ ڢَطَا وَ سَرْكِے سُلَيْمَٰنُ ثٜىٰوَ يُواْوَبْ يَغُدُ ذُوَا ثِكِنْ تٜىٰنْتِنْ يَهْوٜىٰهْ كُمَ يأَنَانً وَجٜىٰنْ بَغَدٜىٰنْ؞ سَيْ سُلَيْمَٰنُ يَعَيْكِ بٜىٰنَيَ ثٜىٰوَ يَتَڢِے يَكَشٜىٰ يُواْوَبْ؞ 30بٜىٰنَيَ يَتَڢِے وُرِنْ تٜىٰنْتِنْ يَهْوٜىٰهْ يَثٜىٰ «سَرْكِے يَثٜىٰ كَڢِتُواْ؞»
يُواْوَبْ يَأَمْسَ يَثٜىٰ «أَعَ، نَنْ ذَنْ مُتُ؞»
سَيْ بٜىٰنَيَ يَكُواْمَ وُرِنْ سَرْكِے يَڢَطَا مَسَ أَبِنْدَ يُواْوَبْ يَثٜىٰ؞
31سَرْكِے سُلَيْمَٰنُ يَثٜىٰ «كَيِ أَبِنْدَ يُواْوَبْ يَثٜىٰ؞ كَكَشٜىٰشِ كَبِنّٜىٰ، دُواْمِنْ كَرَبَنِ دَ كُمَ ذُرِيَرْ بَابَنَ دَغَ أَلْحَكِنْ جِنِنْ مَرَسَ لَيْڢِنْدَ يُواْوَبْ يَكَشٜىٰ؞ 32تَهَكَ يَهْوٜىٰهْ ذَيْ رَامَ عَكَنْسَ أَلْحَكِنْ جِنِنْ وَطَنْدَ يَكَشٜىٰ بَاتَرٜىٰدَ سَنِنْ بَابَنَ دَاوُدَ بَ؞ يَكَشٜىٰ مُتَنٜىٰ بِيُ دَ تَكُواْبِے، وَتُواْ أَبْنٜىٰرْ طَنْ نٜىٰرْ، شُوغَبَنْ سُواْجُواْجِنْ إِسْرَٰٓءِيلَ دَ أَمَسَ طَنْ يٜىٰتٜىٰرْ، شُوغَبَنْ سُواْجُواْجِنْ يَهُودَ، وَطَنْدَ سُكَ ڢِيشِ أَدَلْثِے دَ أَلْحٜىٰرِ؞#2 سَمْ 3.26-27؛ 20.10 33بَرِ أَلْحَكِنْ جِنِنْسُ يَكُواْمَ عَكَنْ يُواْوَبْ دَ كُمَ ذُرِيَرْسَ حَرْ أَبَدَا؞ عَمَّا غَ دَاوُدَ دَ ذُرِيَرْسَ دَ غِدَنْسَ دَ كُمَ مُلْكِنْسَ، بَرِ سَلَمَرْ يَهْوٜىٰهْ تَكَسَنْثٜىٰ حَرْ أَبَدَا؞»
34سَيْ بٜىٰنَيَ طَنْ يٜىٰهُواْيِدَ يَهَوْ يَسَارٜىٰشِ يَكَشٜىٰ؞ عَكَ بِنّٜىٰشِ أَغِدَنْسَ أَدَاجِ؞ 35سَرْكِے يَمَيْدَ بٜىٰنَيَ طَنْ يٜىٰهُواْيِدَ شُوغَبَنْ سُواْجُواْجِ أَمَيْمَكُوانْ يُواْوَبْ، سَيْ يَمَيْدَ ظَدُواكْ ڢِرِسْتِ أَمَيْمَكُوانْ أَبِيَتَرْ؞
مُتُوَرْ شِمٜىٰيِ
36سَرْكِے يَعَيْكَ عَكَ كِرَا شِمٜىٰيِ يَثٜىٰ مَسَ «كَغِنَ وَكَنْكَ غِدَا أَنَنْ عُرُوشَلِيمَ، كَذَوْنَ عَثِكِ؞ كَدَ كَڢِتَ دَغَ بِرْنِنْ ذُوَا وَنِ وُرِے؞ 37رَانَرْدَ كَڢِتَ كَڧٜىٰتَرٜىٰ رَاڢِنْ كِدْرُوانْ، كَسَنِ لَلَّيْ ذَاكَ مُتُ، كُمَ أَلْحَكِنْ جِنِنْكَ ذَيْ كَسَنْثٜىٰ عَكَنْكَ؞»
38شِمٜىٰيِ يَأَمْسَ «رَنْكَيَدَطٜىٰ، مَغَنَرْدَ كَيِ دَيْدَيْنٜىٰ، بَاوَنْكَ ذَيْ يِهَكَ؞» سَيْ شِمٜىٰيِ يَذَوْنَ أَ عُرُوشَلِيمَ ݣُونَكِے دَيَوَ؞
39عَمَّا بَايَنْ شٜىٰكَرَا عُكُ، سَيْ بِيُ دَغَ ثِكِنْ بَايِنْ شِمٜىٰيِ سُكَ غُدُ ذُوَا وُرِنْ عَكِشْ طَنْ مَعَكَ سَرْكِنْ غَتْ؞ عَكَ ڢَطَا وَ شِمٜىٰيِ ثٜىٰوَ بَايِنْسَ سُنَ أَ غَتْ؞ 40سَيْ يَتَاشِ يَطَوْرَا وَ جَاكِنْسَ أَبِنْ ذَمَ، يَتَڢِے غَتْ وُرِنْ عَكِشْ دُواْمِنْ نٜىٰمَنْ بَايِنْسَ؞ شِمٜىٰيِ يَكُوَ دَاوُاْ دَسُو غِدَا دَغَ غَتْ؞ 41سَعَدَّ عَكَڢَطَا وَ سُلَيْمَٰنُ ثٜىٰوَ شِمٜىٰيِ يَڢِتَ دَغَ عُرُوشَلِيمَ ذُوَا غَتْ حَرْ يَدَاوُاْ، 42يَعَيْكَ عَكَ كِرَشِ؞ سَيْ يَثٜىٰ مَسَ «بَ نَا سَا كَرَنْڟٜىٰ دَ سُونَنْ يَهْوٜىٰهْ، نَا كُمَ غَرْغَطٜىٰكَ ثٜىٰوَ دُكْ ضَنْدَا كَبَرْ عُرُوشَلِيمَ كَتَڢِے وَنِ وُرِے ذَاكَ مُتُبَ؟ بَ حَرْ كَثٜىٰ مِنِ مَغَنَرْدَ نَيِ دَيْدَيْنٜىٰ، كُمَ ذَاكَيِ بِيَيَّ دَشِيبَ؟ 43تُواْ، دُوانْمٜىٰ كَڧِ كَكِيَايٜىٰ ضَنْڟُوَارْ دَكَيِ وَ يَهْوٜىٰهْ دَ كُمَ دُواْكَرْدَ نَبَاكَ؟ 44كَكُمَ سَنِ أَ ذُوثِيَارْكَ دُكَنْ مُغُنْتَارْدَ كَيِ وَبَابَنَ دَاوُدَ؞ يَنْذُ يَهْوٜىٰهْ ذَيْ دَاوُاْ دَ مُغُنْتَارْكَ عَكَنْكَ؞ 45عَمَّا نِے سَرْكِے سُلَيْمَٰنُ ذَنْسَامِ أَلْبَرْكَ، كُمَ كُجٜىٰرَرْ مُلْكٍ دَاوُدَ ذَيْ كَڢُ أَغَبَنْ يَهْوٜىٰهْ حَرْ أَبَدَا؞»
46سَعَنً سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَتَڢِے يَكَشٜىٰ شِمٜىٰيِ؞ سَيْيَتَڢِے يَكَشٜىٰشِ؞
أَوَنَّنْ لُواْكَثِ كُوَ مُلْكٍ يَكَڢُ دَݣَوْ أَ حَنُّنْ سُلَيْمَٰنُ؞
Currently Selected:
1 سَرَاكُنَ 2: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
1 سَرَاكُنَ 2
2
غَرْغَطِنْ دَ دَاوُدَ يَيِ وَ سُلَيْمَٰنُ
1دَ لُواْكَثِنْ مُتُوَرْ سَرْكِے دَاوُدَ يَيِ كُسَ، سَيْ يَكِرَا طَنْسَ سُلَيْمَٰنُ يَغَرْغَطٜىٰشِ يَثٜىٰ، 2«نَا كُسَ إِنْمُتُ كَمَرْ يَدَّ كُواْوَ عَدُونِيَا ذَيْ يِ؞ سَيْ كَڧَرْڢَڢَ، كَنُونَ كَنْكَ نَمِجِنٜىٰ؞ 3سَيْ كَيِ أَبِنْدَ يَهْوٜىٰهْ اللَّهْ نْكَ يَعُمَرْثٜىٰكَ كَيِ؞ كَيِ تَڢِيَ أَ حَنْيَرْسَ؞ كَكِيَايٜىٰ ڧَٰعِدُواْدِنْسَ دَ دُواْكُواْكِنْسَ دَ عُمَرْنَنْسَ دَ غَرْغَطِنْسَ كَمَرْ يَدَّ عَكَ رُبُوتَ ثِكِنْ كُواْيَرْوَرْ مُوسَٰى؞ كَيِ وَنَّنْ دُواْمِنْ كَيَلْوَتَ ثِكِنْ دُكَنْ أَبِنْدَ ذَاكَيِ دَ كُمَ دُكْ عِنْدَ ذَاكَ تَڢِے؞ 4سَعَنً يَهْوٜىٰهْ ذَيْثِكَ أَلْڧَوَرِنْسَ دَ يَيِ مِنِ ثٜىٰوَ ‹عِدَنْ یَیَنْكَ سُنَ لُورَ دَ حَنْيَرْسُ، سُنَ تَڢِيَ دَ أَمِنْثِ أَغَبَنَ دَ دُكَنْ ذُوثِيَارْسُ دَ كُمَ دُكَنْ رَنْسُ، بَذَاعَ رَسَ مُتُمْ دَغَ ثِكِنْ یَیَنْكَ وَنْدَ ذَيْ ذَوْنَ عَكُجٜىٰرَرْ مُلْكِنْكَ عَ إِسْرَٰٓءِيلَ بَ؞›
5«بَنْ دَ وَنَّنْ، كَا سَنْ أَبِنْدَ يُواْوَبْ طَنْ ظٜىٰرُوِيَ يَيِ مِنِ، يَدَّ يَكَشٜىٰ شُوغَبَنِّنْ سُواْجُواْجِنْ إِسْرَٰٓءِيلَ غُدَا بِيُ، وَتُواْ أَبْنٜىٰرْ طَنْ نٜىٰرْ دَ أَمَسَ طَنْ يٜىٰتٜىٰرْ؞ يُواْوَبْ يَظُبَرْدَ جِنِنْسُ أَ لُواْكَثِنْ سَلَمَ كَمَرْ أَنَ ثِكِنْ يَاڧِ؞ شَيْدَرْ جِنِنْ يَاڧِ كُوَ تَنَ عَكَنْ طَمَرَرْ دَتَكٜىٰ أَغِنْدِنْسَ دَ كُمَ تَاكَلْمَنْ دَسُكٜىٰ عَڧَڢَاڢُنْسَ؞#2 سَمْ 3.27؛ 20.10 6كَيِمَسَ بِسَغَ حِكِمَرْكَ، عَمَّا كَدَ كَبَرْ شِ يَغَنْغَرَ ذُوَا وُرِنْ ذَمَنْ مَتَتُّو أَڟُوڢَرْسَ لَاڢِيَ؞
7«عَمَّا كَيِ أَلْحٜىٰرِ غَ یَیَ مَظَا نَ بَرْظِلَّيْ مُتُمِنْ غِلٜىٰيَدْ؞ بَرِ سُثِ تَرٜىٰدَ مَاسُثِ عَتٜىٰبُرِنْكَ، غَمَا سُنْيِ مِنِ أَلْحٜىٰرِ لُواْكَثِنْ دَ نَكٜىٰ غُدُ دَغَ طَنْعُوَنْكَ أَبْسَلُوامْ؞#2 سَمْ 17.27-29
8«أَݣَويْ كُمَ شِمٜىٰيِ طَنْ غٜىٰرَ مُتُمِنْ بِلِيَامِنُ دَغَ بَهُرِمْ؞ يَظَظْذَغٜىٰنِ سُواْسَيْ رَانَرْدَ نَتَڢِے مَهَنَيِمْ؞ عَمَّا دَ يَڢِتُواْ دُواْمِنْ يَتَرْيٜىٰنِ عَبَاكِنْ كُواْغِنْ يُواْدَنْ، نَا ضَنْڟٜىٰ مَسَ دَ سُونَنْ يَهْوٜىٰهْ ثٜىٰوَ بَذَنْ كَشٜىٰشِيبَ؞#2 سَمْ 16.5-13؛ 19.16-23 9يَنْذُ كَدَ كَكَاسَ حُكُنْتَشِ؞ تُنْدَيَكٜىٰ كَيْ مُتُمْ مَيْ حِكِمَ نٜىٰ، ذَاكَسَنْ أَبِنْدَ يَكَمَاتَ كَيِ دَشِ، كَيْ دَيْ كَتَبَّتَرْ أَنْكَشٜىٰشِ أَڟُوڢَرْسَ؞»
مُتُوَرْ دَاوُدَ
10سَعَنً دَاوُدَ يَكُواْمَ غَ كَاكَنِّنْسَ، عَكَ بِنّٜىٰشِ أَ عُرُوشَلِيمَ، بِرْنِنْ دَاوُدَ؞ 11دَاوُدَ يَيِ مُلْكٍ إِسْرَٰٓءِيلَ شٜىٰكَرَا أَرْبَعِنْ؞ يَيِ مُلْكِ شٜىٰكَرُ بَݣَويْ أَ هٜىٰبْرُوانْ دَ كُمَ شٜىٰكَرُ تَلَاتِنْ دَ عُكُ أَ عُرُوشَلِيمَ؞#2 سَمْ 5.4-5؛ 1 تَارْ 3.4 12سُلَيْمَٰنُ يَهَوْ كُجٜىٰرَرْ مُلْكٍ بَابَنْسَ دَاوُدَ، مُلْكِنْسَ كُوَ يَكَڢُ سُواْسَيْ؞#1 تَارْ 29.23
مُتُوَرْ أَدُواْنِيَ
13وَتَرَانَ أَدُواْنِيَ وَنْدَ مَامَرْسَ ثٜىٰ هَغِّتْ، يَذُواْ وُرِنْ بَتْشٜىٰبَةُ، مَامَرْ سُلَيْمَٰنُ؞ سَيْ تَتَمْبَيٜىٰشِ تَثٜىٰ «لَاڢِيَ دَيْ كَا ذُواْ؟»
يَأَمْسَ «لَاڢِيَ لَوْ؞» 14يَكُمَثٜىٰ «نَاذُواْ نٜىٰ إِنْيِمَغَنَ دَكٜىٰ؞»
سَيْ تَثٜىٰ «يِمَغَنَرْكَ؞»
15أَدُواْنِيَ يَأَمْسَ يَثٜىٰ «كِنْ سَنِ ثٜىٰوَ دَا مَا مُلْكٍ نَوَنٜىٰ، كُمَ دُكَنْ جَمَعَرْ إِسْرَٰٓءِيلَ سُنْسَا رَيْ ثٜىٰوَ نِے ذَنْيِ مُلْكِ؞ عَمَّا أَبُبُوَ سُكَ ثَنْجَ، سَيْ مُلْكٍ يَكُواْمَ غَ ڧَنٜىٰنَ غَمَا نَاسَ نٜىٰ بِسَغَ نُڢِنْ يَهْوٜىٰهْ؞ 16يَنْذُ دَيْ إِنَدَ ضُواْڧُواْ غُدَا ذُوَا غَرٜىٰكِ، كَدَ كِحَنَ مِنِ؞»
بَتْشٜىٰبَةُ تَأَمْسَ تَثٜىٰ «يِمَغَنَرْكَ؞»
17سَيْ يَثٜىٰ «كِضُواْڧِ سَرْكِے سُلَيْمَٰنُ يَبَا نِے أَبِشَغْ یَرْ غَرِنْ شُنٜىٰمْ تَذَمَ مَاتَتَ، نَسَنِ بَذَيْڧِ جِنْكِبَ؞»#1 سَرْ 1.3-4
18بَتْشٜىٰبَةُ تَثٜىٰمَسَ «دَ ݣَوْ، ذَنْيِ وَسَرْكِے مَغَنَ دُواْمِنْكَ؞»
19سَيْ بَتْشٜىٰبَةُ تَتَڢِے وُرِنْ سَرْكِے سُلَيْمَٰنُ دُواْمِنْ تَيِ مَغَنَ دَشِ أَمَدَدِنْ أَدُواْنِيَ؞ سَرْكِے كُوَ يَتَاشِ دَغَ كَنْ كُجٜىٰرَرْ مُلْكِنْسَ دُواْمِنْ يَمَرَبْثٜىٰتَ، يَرُسُنَ أَغَبَنْتَ؞ دَ يَذَوْنَ، سَيْ يَسَا عَكَ كَٰوُاْ مَتَ وَتَ كُجٜىٰرَرْ مُلْكِ، تَا كُوَ ذَوْنَ تَهَنُّنْ دَامَنْسَ؞ 20سَيْتَثٜىٰ وَسَرْكِے سُلَيْمَٰنُ «إِنَدَ طَنْ ضُواْڧُواْ دَ ذَنْيِمَكَ؞ إِنَ ڢَاتَا بَذَاكَ هَنَنِبَ؞»
سَرْكِے يَثٜىٰ مَتَ «مَامَاتَ، سَيْ كِڢَطَا إِنْجِ، أَيْ، بَذَنْ هَنَكِبَ؞»
21سَيْ تَثٜىٰ «تُواْ، كَسَا عَبَا طَنْعُوَنْكَ أَدُواْنِيَ أَبِشَغْ یَرْ غَرِنْ شُنٜىٰمْ تَذَمَ مَاتَرْسَ؞»
22سُلَيْمَٰنُ يَأَمْسَ يَثٜىٰ «دُوانْمٜىٰ ذَاكِ ضُواْڧَاوَ أَدُواْنِيَ أَبِشَغْ؟ بَڠُومَّ كَوَيْ كِضُواْڧَا مَسَ مُلْكٍ بَ؟ دَيَكٜىٰ مَا شِ یَیَنَ نٜىٰ، كُمَ أَبِيَتَرْ ڢِرِسْتِ دَ يُواْوَبْ طَنْ ظٜىٰرُوِيَ سُنَ غُواْيُوانْ بَايَنْسَ؞»
23سَعَنً سُلَيْمَٰنُ يَرَنْڟٜىٰ دَ سُونَنْ يَهْوٜىٰهْ يَثٜىٰ «بَرِ اللَّهْ يَطَوْكِ رَيْنَ، عِدَنْ وَنَّنْ ضُواْڧُوانْ أَدُواْنِيَ بَيْ جَٰوُاْ مَسَ مُتُوَبَ؞ 24يَهْوٜىٰهْ يَا تَبَّتَرْ دَنِے يَاكُمَ سَا نِے عَكَنْ كُجٜىٰرَرْ مُلْكٍ بَابَنَ دَاوُدَ، يَكُمَ كَڢَ ظُرِيَاتَ تَذَمَ غِدَنْ مُلْكِ؞ نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، سَيْ أَدُواْنِيَ يَمُتُ يَوْ!» 25سَيْ سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَكَشٜىٰ أَدُواْنِيَ؞ تَهَكَ أَدُواْنِيَ يَمُتُ؞
أَنْ كَشٜىٰ يُواْوَبْ أَنْ كُواْرِ أَبِيَتَرْ
26عَمَّا سَرْكِے يَثٜىٰ وَ أَبِيَتَرْ ڢِرِسْتِ «كَكُواْمَ غِدَنْكَ عَثَنْ غَرِنْ أَنَتُواتْ؞ كَا ثَنْثَنْثِ مُتُوَ، عَمَّا بَذَنْ كَشٜىٰكَ يَنْذُ بَ، سَبُواْدَ كَكَنْ طَوْكِ عَݣُوتِنْ يَرْجٜىٰجٜىٰنِيَ نَ عُبَنْغِجِ يَهْوٜىٰهْ أَغَبَنْ بَابَنَ دَاوُدَ، كُمَ دُكَنْ وَهَلُواْلِنْ دَ سُكَ ڢُسْكَنْثِ بَابَنَ، كَجِمْرٜىٰ تَرٜىٰدَشِ؞»#1 سَمْ 22.20-23؛ 2 سَمْ 15.24 27سَبُواْدَ حَكَ سُلَيْمَٰنُ يَكُواْرِ أَبِيَتَرْ دَغَ ذَمَنْ ڢِرِسْتِ نَ يَهْوٜىٰهْ؞ وَنَّنْ كُوَ يَثِكَ مَغَنَرْ دَ يَهْوٜىٰهْ يَيِ أَ شِلُواْ غَمٜىٰدَ غِدَنْ عٜىٰلِ؞#1 سَمْ 2.27-36
28لُواْكَثِنْ دَ يُواْوَبْ يَجِ لَابَرِنَّنْ، سَيْ يَغُدُ ذُوَا تٜىٰنْتِنْ يَهْوٜىٰهْ يَكَامَ ڧَهُواْنِنْ بَغَدٜىٰنْ يَرِڧٜىٰ؞ غَمَا يُواْوَبْ يَا يِغُواْيُوانْ بَايَنْ أَدُواْنِيَ عَمَّا أَدَا ثَنْ بَيْيِ غُواْيُوانْ بَايَنْ أَبْسَلُوامْ بَ؞ 29عَكَ ڢَطَا وَ سَرْكِے سُلَيْمَٰنُ ثٜىٰوَ يُواْوَبْ يَغُدُ ذُوَا ثِكِنْ تٜىٰنْتِنْ يَهْوٜىٰهْ كُمَ يأَنَانً وَجٜىٰنْ بَغَدٜىٰنْ؞ سَيْ سُلَيْمَٰنُ يَعَيْكِ بٜىٰنَيَ ثٜىٰوَ يَتَڢِے يَكَشٜىٰ يُواْوَبْ؞ 30بٜىٰنَيَ يَتَڢِے وُرِنْ تٜىٰنْتِنْ يَهْوٜىٰهْ يَثٜىٰ «سَرْكِے يَثٜىٰ كَڢِتُواْ؞»
يُواْوَبْ يَأَمْسَ يَثٜىٰ «أَعَ، نَنْ ذَنْ مُتُ؞»
سَيْ بٜىٰنَيَ يَكُواْمَ وُرِنْ سَرْكِے يَڢَطَا مَسَ أَبِنْدَ يُواْوَبْ يَثٜىٰ؞
31سَرْكِے سُلَيْمَٰنُ يَثٜىٰ «كَيِ أَبِنْدَ يُواْوَبْ يَثٜىٰ؞ كَكَشٜىٰشِ كَبِنّٜىٰ، دُواْمِنْ كَرَبَنِ دَ كُمَ ذُرِيَرْ بَابَنَ دَغَ أَلْحَكِنْ جِنِنْ مَرَسَ لَيْڢِنْدَ يُواْوَبْ يَكَشٜىٰ؞ 32تَهَكَ يَهْوٜىٰهْ ذَيْ رَامَ عَكَنْسَ أَلْحَكِنْ جِنِنْ وَطَنْدَ يَكَشٜىٰ بَاتَرٜىٰدَ سَنِنْ بَابَنَ دَاوُدَ بَ؞ يَكَشٜىٰ مُتَنٜىٰ بِيُ دَ تَكُواْبِے، وَتُواْ أَبْنٜىٰرْ طَنْ نٜىٰرْ، شُوغَبَنْ سُواْجُواْجِنْ إِسْرَٰٓءِيلَ دَ أَمَسَ طَنْ يٜىٰتٜىٰرْ، شُوغَبَنْ سُواْجُواْجِنْ يَهُودَ، وَطَنْدَ سُكَ ڢِيشِ أَدَلْثِے دَ أَلْحٜىٰرِ؞#2 سَمْ 3.26-27؛ 20.10 33بَرِ أَلْحَكِنْ جِنِنْسُ يَكُواْمَ عَكَنْ يُواْوَبْ دَ كُمَ ذُرِيَرْسَ حَرْ أَبَدَا؞ عَمَّا غَ دَاوُدَ دَ ذُرِيَرْسَ دَ غِدَنْسَ دَ كُمَ مُلْكِنْسَ، بَرِ سَلَمَرْ يَهْوٜىٰهْ تَكَسَنْثٜىٰ حَرْ أَبَدَا؞»
34سَيْ بٜىٰنَيَ طَنْ يٜىٰهُواْيِدَ يَهَوْ يَسَارٜىٰشِ يَكَشٜىٰ؞ عَكَ بِنّٜىٰشِ أَغِدَنْسَ أَدَاجِ؞ 35سَرْكِے يَمَيْدَ بٜىٰنَيَ طَنْ يٜىٰهُواْيِدَ شُوغَبَنْ سُواْجُواْجِ أَمَيْمَكُوانْ يُواْوَبْ، سَيْ يَمَيْدَ ظَدُواكْ ڢِرِسْتِ أَمَيْمَكُوانْ أَبِيَتَرْ؞
مُتُوَرْ شِمٜىٰيِ
36سَرْكِے يَعَيْكَ عَكَ كِرَا شِمٜىٰيِ يَثٜىٰ مَسَ «كَغِنَ وَكَنْكَ غِدَا أَنَنْ عُرُوشَلِيمَ، كَذَوْنَ عَثِكِ؞ كَدَ كَڢِتَ دَغَ بِرْنِنْ ذُوَا وَنِ وُرِے؞ 37رَانَرْدَ كَڢِتَ كَڧٜىٰتَرٜىٰ رَاڢِنْ كِدْرُوانْ، كَسَنِ لَلَّيْ ذَاكَ مُتُ، كُمَ أَلْحَكِنْ جِنِنْكَ ذَيْ كَسَنْثٜىٰ عَكَنْكَ؞»
38شِمٜىٰيِ يَأَمْسَ «رَنْكَيَدَطٜىٰ، مَغَنَرْدَ كَيِ دَيْدَيْنٜىٰ، بَاوَنْكَ ذَيْ يِهَكَ؞» سَيْ شِمٜىٰيِ يَذَوْنَ أَ عُرُوشَلِيمَ ݣُونَكِے دَيَوَ؞
39عَمَّا بَايَنْ شٜىٰكَرَا عُكُ، سَيْ بِيُ دَغَ ثِكِنْ بَايِنْ شِمٜىٰيِ سُكَ غُدُ ذُوَا وُرِنْ عَكِشْ طَنْ مَعَكَ سَرْكِنْ غَتْ؞ عَكَ ڢَطَا وَ شِمٜىٰيِ ثٜىٰوَ بَايِنْسَ سُنَ أَ غَتْ؞ 40سَيْ يَتَاشِ يَطَوْرَا وَ جَاكِنْسَ أَبِنْ ذَمَ، يَتَڢِے غَتْ وُرِنْ عَكِشْ دُواْمِنْ نٜىٰمَنْ بَايِنْسَ؞ شِمٜىٰيِ يَكُوَ دَاوُاْ دَسُو غِدَا دَغَ غَتْ؞ 41سَعَدَّ عَكَڢَطَا وَ سُلَيْمَٰنُ ثٜىٰوَ شِمٜىٰيِ يَڢِتَ دَغَ عُرُوشَلِيمَ ذُوَا غَتْ حَرْ يَدَاوُاْ، 42يَعَيْكَ عَكَ كِرَشِ؞ سَيْ يَثٜىٰ مَسَ «بَ نَا سَا كَرَنْڟٜىٰ دَ سُونَنْ يَهْوٜىٰهْ، نَا كُمَ غَرْغَطٜىٰكَ ثٜىٰوَ دُكْ ضَنْدَا كَبَرْ عُرُوشَلِيمَ كَتَڢِے وَنِ وُرِے ذَاكَ مُتُبَ؟ بَ حَرْ كَثٜىٰ مِنِ مَغَنَرْدَ نَيِ دَيْدَيْنٜىٰ، كُمَ ذَاكَيِ بِيَيَّ دَشِيبَ؟ 43تُواْ، دُوانْمٜىٰ كَڧِ كَكِيَايٜىٰ ضَنْڟُوَارْ دَكَيِ وَ يَهْوٜىٰهْ دَ كُمَ دُواْكَرْدَ نَبَاكَ؟ 44كَكُمَ سَنِ أَ ذُوثِيَارْكَ دُكَنْ مُغُنْتَارْدَ كَيِ وَبَابَنَ دَاوُدَ؞ يَنْذُ يَهْوٜىٰهْ ذَيْ دَاوُاْ دَ مُغُنْتَارْكَ عَكَنْكَ؞ 45عَمَّا نِے سَرْكِے سُلَيْمَٰنُ ذَنْسَامِ أَلْبَرْكَ، كُمَ كُجٜىٰرَرْ مُلْكٍ دَاوُدَ ذَيْ كَڢُ أَغَبَنْ يَهْوٜىٰهْ حَرْ أَبَدَا؞»
46سَعَنً سَرْكِے سُلَيْمَٰنُ يَعُمَرْثِ بٜىٰنَيَ طَنْ يٜىٰهُواْيِدَ يَتَڢِے يَكَشٜىٰ شِمٜىٰيِ؞ سَيْيَتَڢِے يَكَشٜىٰشِ؞
أَوَنَّنْ لُواْكَثِ كُوَ مُلْكٍ يَكَڢُ دَݣَوْ أَ حَنُّنْ سُلَيْمَٰنُ؞
Hausa Common Language Ajami Bible © The Bible Society of Nigeria, 2020