1 سَرَاكُنَ 19
19
يَهْوٜىٰهْ يَسَاكٜىٰ ثِيَرْ دَ إِلْيَاسُ
1سَرْكِے أَهَبْ يَڢَطَا وَمَاتَرْسَ يٜىٰظٜىٰبٜىٰلْ دُكْ أَبِنْدَ إِلْيَاسُ يَيِ، يَدَّ يَكَكَّشٜىٰ أَنَّبَاوَنْ بَعَلْ دَ تَكُواْبِے؞ 2سَيْ يٜىٰظٜىٰبٜىٰلْ تَعَيْكَ دَ طَنْ عَيْكَ ذُوَا وُرِنْ إِلْيَاسُ تَنَ ثٜىٰوَ «بَرِ أَلُّواْلِ سُحُكُنْتَنِ حَرْ مَا ڢِيٜىٰدَ حَكَ، عِدَنْ وَرْهَكَ غُواْبٜىٰ بَنْ كَشٜىٰكَ كَمَرْ يَدَّ كَكَكَّشٜىٰ أَنَّبَاوَنْ بَعَلْ بَ؞» 3إِلْيَاسُ يَجِڟُواْرُواْ، يَتَاشِ يَغُدُ دُواْمِنْ يَثٜىٰثِ رَنْسَ؞ دَ يَ إِسَ غَرِنْ بٜىٰيٜىٰرْشٜىٰبَ عَيَنْكِنْ يَهُودَ، سَيْ يَبَرْ مَيْيِ مَسَ حِدِمَ أَوُرِنْ؞
4عَمَّا إِلْيَاسُ يَوُثٜىٰ؞ دَ يَيِ تَڢِيَ تَرَانَ غُدَا ثِكِنْ دَاجِ، يَكَيْ وُرِنْ وَنِ إِتَاثٜىٰ يَذَوْنَ أَغِنْدِنْسَ؞ سَيْ إِلْيَاسُ يَيِ أَدُّعَ يَثٜىٰ «يَا يَهْوٜىٰهْ، كُواْمٜىٰ يَ إِشٜىٰنِ؞ بَرِ كَطَوْكِ رَيْنَ، غَمَا بَنْڢِے كَاكَنِّنَ وَطَنْدَ سُكَ مُتُبَ؞» 5سَعَنً يَݣُونْتَ أَغِنْدِنْ إِتَاثٜىٰنْ يَيِ بَرْثِ؞ سَيْ وَنِ مَلاَىِٕكَ يَتَٻَ شِ يَثٜىٰ «تَاشِ كَثِ عَبِنْثِ؞» 6دَ يَدُوبَ، سَيْ يَغَ وَيْنَرْ دَ عَكَيِ عَكَنْ دُووَڟُنْ وُتَادَ كُمَ تُلُنْ ضُوَ كُسَدَ كَنْسَ؞ سَيْ يَثِ يَشَا يَسَاكٜىٰ ݣُونْتَاوَ؞ 7مَلاَىِٕكَنْ يَهْوٜىٰهْ يَا سَاكٜىٰ ذُوَا يَتَٻَشِ يَثٜىٰ مَسَ «تَاشِ كَثِ، إِنْ بَهَكَبَ، تَڢِيَرْ ذَاتَڢِ ڧَرْڢِنْكَ؞» 8سَعَنً يَتَاشِ يَثِ عَبِنْثِنْ يَشَا ضُوً، عَبِنْثِنْ كُوَ يَبَاشِ ڧَرْڢِنْ يِنْ تَڢِيَ يِنِ أَرْبَعِنْ دَ دَرٜىٰ أَرْبَعِنْ ذُوَا بَبَّنْ تُدُنْ سِنَيْ،#19.8 سِنَيْ: دَ إِبْرَانِيَنْثِ أَنْرُبُوتَ «هُواْرٜىٰبْ» نٜىٰ أَنَنْ؞ وَتُواْ بَبَّنْ تُدُنْ اللَّهْ؞
يَهْوٜىٰهْ يَبَيَّنَ غَ إِلْيَاسُ
9أَ نَنْ يَشِغَ كُواْغُوانْ دُوڟٜىٰ دُواْمِنْ يَݣُونْتَ سَبُواْدَ دَرٜىٰ يَيِ؞
سَيْ يَهْوٜىٰهْ يَيِ مَغَنَ دَ إِلْيَاسُ ثٜىٰوَ «إِلْيَاسُ مٜىٰ كَكٜىٰيِ أَنَنْ؟»
10إِلْيَاسُ يَثٜىٰ «دَڨُوذُواْ سُواْسَيْ نَبَوْتَا مَكَ، يَهْوٜىٰهْ اللَّهْ مَيْ ضُنْدُنَا؞ عَمَّا مُتَنٜىٰنْ إِسْرَٰٓءِيلَ سُنْ كَرْيَ يَرْجٜىٰجٜىٰنِيَرْكَ، سُكَ رُشٜىٰ بَغَدٜىٰنْكَ، سُكَ كَكَّشٜىٰ أَنَّبَاوَنْكَ دَ تَكُواْبِے؞ نِنٜىٰ كَطَيْ نَضَغٜىٰ؞ يَنْذُ سُنَ نٜىٰمَ سُكَشٜىٰنِ؞»#رُوامْ 11.2
11 يَهْوٜىٰهْ يَثٜىٰ مَسَ «ڢِتَ كَڟَيَ عَكَنْ بَبَّنْ تُدُ أَغَبَنَ؞» سَيْ يَهْوٜىٰهْ يَوُثٜىٰ تَوُرِنْ تَرٜىٰدَ إِسْكَ مَيْ ڧَرْڢِے، وَنْدَ يَڟَٰغٜىٰ تُدُنْ يَكُمَ ڢَرْڢَسَ مَنْيَنْ دُوَڟُو ذُوَا ڧأَنَانً دُوَڟُو؞ عَمَّا يَهْوٜىٰهْ بَايَ ثِكِنْ إِسْكَرْ؞ بَايَنْ إِسْكَرْ عَكَيِ ضَوَرْ ڧَسَا، عَمَّا يَهْوٜىٰهْ بَايَ ثِكِنْ ضَوَرْ ڧَسَرْ؞ 12بَايَنْ ضَوَرْ ڧَسَرْ، وُتَا تَسَوْكَ، عَمَّا يَهْوٜىٰهْ بَايَ ثِكِنْ وُتَرْ؞ بَايَنْ وُتَرْ، سَيْغَا ڧَرَمَرْ مُرْيَ تَڢِتُواْ أَ حَنْكَلِ؞
13دَ إِلْيَاسُ يَجِ مُرْيَرْ، سَيْ يَرُڢٜىٰ ڢُسْكَرْسَ دَ رِغَرْسَ يَڢِتَ يَڟَيَ عَبَاكِنْ شِغَرْ كُواْغُوانْ دُوڟٜىٰنْ؞ وَتَ مُرْيَ تَثٜىٰمَسَ «إِلْيَاسُ مٜىٰنٜىٰنٜىٰ كَكٜىٰيِ أَنَنْ؟»
14سَيْ يَأَمْسَ يَثٜىٰ «دَڨُوذُواْ سُواْسَيْ نَبَوْتَا مَكَ، يَهْوٜىٰهْ اللَّهْ مَيْ ضُنْدُنَا؞ عَمَّا مُتَنٜىٰنْ إِسْرَٰٓءِيلَ سُنْ كَرْيَ يَرْجٜىٰجٜىٰنِيَرْكَ، سُكَ رُشٜىٰ بَغَدٜىٰنْكَ، سُكَ كُمَ كَكَّشٜىٰ أَنَّبَاوَنْكَ دَ تَكُواْبِے؞ نِنٜىٰ كَطَيْ نَضَغٜىٰ؞ يَنْذُ سُنَ نٜىٰمَ سُكَشٜىٰنِ؞»
15 يَهْوٜىٰهْ يَثٜىٰ مَسَ «كَكُواْمَ ذُوَا دَاجِنْ دَيَكٜىٰ كُسَدَ دِمَشْڧُ؞ سَعَدَّ كَشِغَ بِرْنِنْ، كَظُبَوَ هَظَيٜىٰلْ مَيْ نَكٜىٰٻٜىٰشِ سَرْكِنْ سُورِيَ؞#2 سَرْ 8.7-13 16كَكُمَ ظُبَاوَ يٜىٰهُو طَنْ نِمْشِ مَيْ نَكٜىٰٻٜىٰشِ سَرْكِنْ إِسْرَٰٓءِيلَ؞ سَعَنً كَظُبَوَ أَلْيَسَعَ#19.16 أَلْيَسَعَ: سُونَنَّنْ دَ إِبْرَانِيَنْثِ دَ كُمَ دَ هَوْسَ أَنْرُبُوتَ أَلْيَسَعَ، دَ لَرَبْثِ أَلْيَسَ؞ طَنْ شَڢَتْ دَغَ غَرِنْ أَبٜىٰلْ مٜىٰهُواْلَ مَيْ نَكٜىٰٻٜىٰشِ أَنَّبِے بَايَنْكَ؞#2 سَرْ 9.1-6 17دُكْ وَنْدَ يَڟٜىٰرٜىٰ دَغَ مُتُوَ أَ حَنُّنْ هَظَيٜىٰلْ، يٜىٰهُو ذَيْ كَشٜىٰشِ، كُمَ دُكْ وَنْدَ يَڟٜىٰرٜىٰ دَغَ مُتُوَ أَ حَنُّنْ يٜىٰهُو، أَلْيَسَعَ ذَيْ كَشٜىٰشِ؞ 18دُكْدَهَكَ ذَنْبَرْ مُتَنٜىٰ دُبُو بَݣَويْ عَ إِسْرَٰٓءِيلَ دَ رَيْ، دُكَنْ وَطَنْدَ بَسُ دُرْڧُسَ دَ ڠُوِوُاْيِنْسُ سُكَيِ وَ بَعَلْ سُجَّدَبَ، بَسُ كُمَسَا بَاكِنْسُ سُكَيِ وَغُنْكِنْ سُمْبَبَ؞»#رُوامْ 11.4
كِرَنْ أَلْيَسَعَ
19سَيْ إِلْيَاسُ يَتَاشِ دَغَ وُرِنْ يَتَرَرْ دَ أَلْيَسَعَ طَنْ شَڢَتْ يَنَ نُواْمَ دَ شَانُنْ نُواْمَ؞ شَانُنْ نُواْمَنْ سُنَانَنْ بِيُ بِيُ حَرْ غُواْمَشَا بِيُ أَغَبَنْسَ؞ أَلْيَسَعَ يَنَ كُوَ تَرٜىٰدَ نَغُواْمَشَا بِيُ طِنْ؞ دَ إِلْيَاسُ يَنَ وُثٜىٰوَ سَيْ يَثِرٜىٰ بَبَّرْ رِغَرْسَ يَجٜىٰڢَ عَكَنْ أَلْيَسَعَ؞ 20أَلْيَسَعَ يَبَرْ شَانُنْ نُواْمَنْسَ يَبِے إِلْيَاسُ عَبَايَ دَ غُدُ يَثٜىٰ «بَرِ إِنْ كُواْمَ إِنْيِ وَبَابَنَ دَ مَامَاتَ سُمْبَرْ بَنْ ݣُونَ، سَعَنً إِنْ كُواْمَ إِنْ عَيْكَ؞»
إِلْيَاسُ يَأَمْسَ يَثٜىٰ «كَتَڢِے، أَيْ مٜىٰنَيِمَكَ؟» 21أَلْيَسَعَ يَكُواْمَ يَطَوْكِ شَانُنْ دَيَكٜىٰ نُواْمَ دَسُو يَيَنْكَ، يَيِ أَمْڢَانِ دَ غُنْغُمٜىٰنْ وُيَنْ شَانُنْ نُواْمَ يَدَڢَ نَامَنْ، يَبَا مُتَنٜىٰ، سُكَثِ؞ سَيْ يَكُواْمَ يَبِے إِلْيَاسُ يَنَيِ مَسَ حِدِمَ؞
Currently Selected:
1 سَرَاكُنَ 19: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
