1 سَرَاكُنَ 15
15
سَرْكِے أَبِيَ نَ يَهُودَ
﴿شٜىٰكَرَا 913-911 كَاڢِنْ حَيْڢُوَرْ عِيسَىٰ﴾
﴿2 تَارْ 13.1—14.1﴾
1عَثِكِنْ شٜىٰكَرَا تَغُواْمَشَا تَݣُوسْ تَمُلْكٍ سَرْكِے يٜىٰرُواْبُواْوَمْ طَنْ نٜىٰبَتْ، أَبِيَ يَڢَارَ مُلْكِ أَ يَهُودَ؞ 2يَيِ مُلْكِ شٜىٰكَرَا عُكُ أَ عُرُوشَلِيمَ؞ سُونَنْ مَامَرْسَ مَعَكَ، یَرْ أَبِشَلُوامْ؞ 3يَعَيْكَتَ دُكَنْ ذُنُبَنْدَ بَابَنْسَ يَيِ؞ بَيْ كُوَ مِيڧَا وَ يَهْوٜىٰهْ اللَّهْ نْسَ ذُوثِيَارْسَ غَبَاطَيَ كَمَرْ يَدَّ كَكَنْسَ دَاوُدَ يَيِبَ؞ 4دُكْدَهَكَ، سَبُواْدَ دَاوُدَ، يَهْوٜىٰهْ اللَّهْ نْسَ يَبَا شِ طَا يَذَمَ ڢِتِلَرْ مُلْكٍ دَاوُدَ أَ عُرُوشَلِيمَ كُمَ يَتَبَّتَرْ دَ كَسَنْثٜىٰوَرْ عُرُوشَلِيمَ؞#1 سَرْ 11.36 5يَهْوٜىٰهْ يَا يِهَكَ غَمَا دَاوُدَ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ، كُمَ بَيْ كَوْثٜىٰ دَغَ دُكَنْ أَبِنْدَ يَهْوٜىٰهْ يَعُمَرْثٜىٰشِ بَ دُكَنْ ݣُونَكِنْ رَنْسَ، سَيْدَيْ أَ ذَنْثٜىٰنْسَ دَ مَاتَرْ عُرِيَ مُتُمِنْ هِتِّ؞#2 سَمْ 11.1-27 6يَاڧِنْ دَ عَكَ ڢَارَ ڟَكَانِنْ رٜىٰهُواْبُواْوَمْ دَ يٜىٰرُواْبُواْوَمْ يَثِيغَبَ أَدُكَنْ ݣُونَكِنْ أَبِيَ؞ 7سَوْرَنْ أَيُّكَنْ أَبِيَ دَ دُكَنْ أَبِنْدَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ أَنْيِ تَيَاڧِ ڟَكَانِنْ أَبِيَ دَ يٜىٰرُواْبُواْوَمْ؞
8أَبِيَ يَكُواْمَ غَ كَاكَنِّنْسَ عَكَ بِنّٜىٰشِ عَبِرْنِنْ دَاوُدَ؞ سَيْ طَنْسَ أَسَ يَغَاجٜىٰشِ، يَذَمَ سَرْكِے؞
سَرْكِے أَسَ نَ يَهُودَ
﴿شٜىٰكَرَا 911-870 كَاڢِنْ حَيْڢُوَرْ عِيسَىٰ﴾
﴿2 تَارْ 15.16—16.6﴾
9أَ شٜىٰكَرَا تَعَشِرِنْ تَمُلْكٍ سَرْكِے يٜىٰرُواْبُواْوَمْ نَ إِسْرَٰٓءِيلَ، أَسَ يَڢَارَ مُلْكِ أَ يَهُودَ؞ 10يَيِ مُلْكِ شٜىٰكَرَا أَرْبَعِنْ دَ طَيَ؞ سُونَنْ كَكَرْسَ مَعَكَ نٜىٰ یَرْ أَبِشَلُوامْ؞#2 تَارْ 11.20 11أَسَ كُوَ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ، كَمَرْ يَدَّ كَكَنْسَ دَاوُدَ يَيِ؞ 12يَكُواْرِ دَغَ ڧَسَرْ دُكَنْ مَظَا دَ مَاتَادَسُكٜىٰ كَارُوَنْثِ أَوُرَارٜىٰنْ سُجَّدَ دَ بَسُ دَاثٜىٰبَ، يَكُمَ كَوَرْدَ دُكَنْ غُمَكَنْ دَ كَاكَنِّنْسَ سُكَيِ؞ 13يَكُمَ سَوْكَرْ دَ كَكَرْسَ مَعَكَ دَغَ ذَمَنْ سَرَوْنِيَ، سَبُواْدَ تَيِ غُنْكِنْ بَنْ ڨَمَرْ نَنْ نَ أَشٜىٰرَ؞ أَسَ يَسَسَّرٜىٰ غُنْكِنَّنْ نَاتَ يَڧُواْنٜىٰشِ أَ ݣُورِنْ كِدْرُوانْ؞ 14كُواْدَيَكٜىٰ بَعَكَوَرْدَ دُكَنْ وُرَارٜىٰنْ سُجَّدَ دَ بَسُ دَاثٜىٰبَ، دُكْدَهَكَ أَسَ يَمِيڧَ ذُوثِيَارْسَ غَبَاطَيَ غَ يَهْوٜىٰهْ دُكَنْ ݣُونَكِنْسَ؞ 15يَأَجِيٜىٰ دُكَنْ كَايَنْ دَ بَابَنْسَ يَكٜىٰٻٜىٰ دَ وَنْدَ شِے كَنْسَ يَكٜىٰٻٜىٰ عَثِكِنْ غِدَنْ يَهْوٜىٰهْ، وَتُواْ سُو أَظُرْڢَا دَ ظِينَارِيَ دَ ݣُونُواْنِ؞
16أَنْيِ تَيَاڧِ ڟَكَانِنْ سَرْكِے أَسَ نَ يَهُودَ دَ سَرْكِے بَعَشَ نَ إِسْرَٰٓءِيلَ دُكَنْ ݣُونَكِنْسُ؞ 17سَيْ سَرْكِے بَعَشَ نَ إِسْرَٰٓءِيلَ يَكَيْوَ يَهُودَ يَاڧِ؞ يَكُمَ ڠَغْڠَرَ رَمَ دُواْمِنْ يَحَنَ كُواْوَ ڢِتَ دَ شِغَ وُرِنْ سَرْكِے أَسَ نَ يَهُودَ؞ 18سَيْ أَسَ يَطَوْكِ دُكَنْ أَظُرْڢَا دَ ظِينَارِيَرْ دَسُكَ رَغُ ثِكِنْ غِدَنْ يَهْوٜىٰهْ دَ ثِكِنْ غِدَنْ سَرْكِے، يَدَنْڧَ أَ حَنُّنْ دَتَّاوَنْسَ سُكَيْ وَ سَرْكِے بٜىٰنْهَدَدْ نَ سُورِيَ وَنْدَ يَكٜىٰ ذَمَ أَ دِمَشْڧُ؞ بٜىٰنْهَدَدْ طَنْ تَبْرِمُّوانْ نٜىٰ، جِيكَنْ هٜىٰظِيُوانْ؞ 19أَسَ يَثٜىٰ مَسَ «بَرِ مُسَابُنْتَ يَرْجٜىٰجٜىٰنِيَرْمُ ڟَكَانِنْ بَابَنْكَ دَ بَابَنَ؞ غَا أَظُرْڢَا دَ ظِينَارِيَ نَعَيْكُواْ مَكَ دُواْمِنْ كَكَرْيَ يَرْجٜىٰجٜىٰنِيَ دَ سَرْكِے بَعَشَ نَ إِسْرَٰٓءِيلَ دُواْمِنْ يَجَنْيٜىٰ دَغَ ڧَسَاتَ؞»
20سَرْكِے بٜىٰنْهَدَدْ يَيَرْدَ دَ مَغَنَرْ أَسَ؞ سَيْ يَعَيْكَ دَ شُوغَبَنِّنْ سُواْجُواْجِنْسَ تَرٜىٰدَ سَوْرَنْ سُواْجُواْجِنْ سُكَيْ يَاڧِ عَكَنْ بِرَنٜىٰنْ ڧَسَرْ إِسْرَٰٓءِيلَ؞ سُكَ ڨُوثٜىٰ غَرُضُوً إِيُوانْ دَ دَنْ دَ أَبٜىٰلْ بٜىٰتْ مَعَكَ دَ وُرِنْ دَيَكٜىٰ كُسَدَ تَڢْكِنْ غَلِيلِ دَ دُكَنْ يَنْكِنْ نَڢْتَلِ؞ 21سَعَدَّ بَعَشَ يَجِ حَكَ، سَيْ يَدَيْنَ ڠَغْڠَرَ غِنِنْ رَمَ، يَكُواْمَ تِرْظَ؞
22سَيْ سَرْكِے أَسَ يَيِ شٜىٰلَ كُواْعِنَ أَ يَهُودَ ثٜىٰوَ كُواْوَ يَڢِتُواْ، كُمَ بَابُوَنْدَ عَكَ وَارٜىٰ، كُواْوَ يَتَيْمَكَ عَكْوَاشِ دُوَڟُو دَ كَتَكَنْ دَ بَعَشَ يَيِ أَمْڢَانِ دَسُو دُواْمِنْ ڠَرَنْ رَمَ؞ أَسَ يَيِ أَمْڢَانِ دَ كَايَنَّنْ يَڠَغْڠَرَ بِرْنِنْ غٜىٰبَ عَيَنْكِنْ بِلِيَامِنُ دَ كُمَ مِظْڢَ؞
23سَوْرَنْ أَيُّكَنْ أَسَ دَ دُكَنْ إِيكُوانْ مُلْكِنْسَ دَ دُكَنْ أَبِنْدَ يَيِ دَ بِرَنٜىٰنْدَ يَڠَرَ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ يَهُودَ؞ عَمَّا أَڟُوڢَرْسَ ثِيوُانْ ڧَڢَا يَكَامَشِ؞ 24أَسَ يَكُواْمَ غَ كَاكَنِّنْسَ، عَكَ بِنّٜىٰشِ تَرٜىٰدَ كَاكَنِّنْسَ ثِكِنْ بِرْنِنْ دَاوُدَ؞ سَعَنً طَنْسَ يٜىٰهُواْشَڢَتْ يَغَاجٜىٰشِ يَذَمَ سَرْكِے؞
سَرْكِے نَدَبْ نَ إِسْرَٰٓءِيلَ
﴿شٜىٰكَرَا 910-919 كَاڢِنْ حَيْڢُوَرْ عِيسَىٰ﴾
25أَ شٜىٰكَرَا تَبِيُ تَمُلْكٍ سَرْكِے أَسَ نَ يَهُودَ، نَدَبْ طَنْ سَرْكِے يٜىٰرُواْبُواْوَمْ يَذَمَ سَرْكِنْ إِسْرَٰٓءِيلَ، يَكُمَيِ مُلْكِ شٜىٰكَرَا بِيُ؞ 26يَعَيْكَتَ مُغُنْتَا أَعِدُوانْ يَهْوٜىٰهْ، يَيِ تَڢِيَ أَ حَنْيَرْ كَكَنْسَ كُمَ ثِكِنْ ذُنُوبِنْ دَ كَكَنْسَ يَسَا إِسْرَٰٓءِيلَ سُكَيِ؞
27بَعَشَ طَنْ أَهِيَ نَظُرِيَرْ إِسَّكَرْ يَيِ ڧُلّٜىٰ ڧُلّٜىٰنْ كَشٜىٰ نَدَبْ، يَكُوَ كَشٜىٰشِ أَ غِبّٜىٰتُوانْ، وَنْدَ يَكٜىٰ عَيَنْكِنْ ڢِلِسْتِيَاوَا؞ يَيِ حَكَ سَعَدَّ نَدَبْ دَ دُكَنْ إِسْرَٰٓءِيلَ سُكَ كٜىٰوَيٜىٰ غِبّٜىٰتُوانْ دُواْمِنْ يَاڧِ؞ 28بَعَشَ يَكَشٜىٰ نَدَبْ أَ شٜىٰكَرَا تَ عُكُ تَمُلْكٍ أَسَ أَ يَهُودَ؞ تَهَكَ يَهَوْ كُجٜىٰرَرْ مُلْكِ؞ 29دَ يَذَمَ سَرْكِے سَيْ نَنْ دَنَنْ يَكَشٜىٰ دُكَنْ غِدَنْ يٜىٰرُواْبُواْوَمْ؞ بَيْ بَرْ كُواْ مُتُمْ طَيَ دَ رَيْ بَ، يَهَلَكَاسُ كَكَڢْ، بِسَغَ مَغَنَرْ دَ يَهْوٜىٰهْ يَيِ تَبَاكِنْ بَاوَنْسَ أَنَّبِے أَهِيَ مُتُمِنْ شِلُواْ؞ 30وَنَّنْ يَكَسَنْثٜىٰ حَكَ سَبُواْدَ ذُنُوبِنْ دَ يٜىٰرُواْبُواْوَمْ يَيِ، وَنْدَ كُمَ يَسَا دُكَنْ إِسْرَٰٓءِيلَ سُكَيِ، كُمَ سَبُواْدَ ڢُشِنْ دَ ذُنُوبِنْ يٜىٰرُواْبُواْوَمْ يَسَا يَهْوٜىٰهْ اللَّهْ نَ إِسْرَٰٓءِيلَ يَيِ؞
31سَوْرَنْ أَيُّكَنْ نَدَبْ دَ كُمَ دُكَنْ أَبِنْدَ يَيِ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞ 32أَنْيِ تَيَاڧِ ڟَكَانِنْ سَرْكِے أَسَ نَ يَهُودَ دَ سَرْكِے بَعَشَ نَ إِسْرَٰٓءِيلَ دُكَنْ ݣُونَكِنْ رَايُوَرْسُ؞
سَرْكِے بَعَشَ نَ إِسْرَٰٓءِيلَ
﴿شٜىٰكَرَا 909-886 كَاڢِنْ حَيْڢُوَرْ عِيسَىٰ﴾
33أَ شٜىٰكَرَا تَ عُكُ تَمُلْكٍ سَرْكِے أَسَ نَ يَهُودَ، بَعَشَ طَنْ أَهِيَ يَڢَارَ مُلْكٍ دُكَنْ إِسْرَٰٓءِيلَ أَ تِرْظَ؞ بَعَشَ يَيِ شٜىٰكَرَا عَشِرِنْ دَ حُطُ يَنَ مُلْكِ؞ 34عَمَّا يَعَيْكَتَ مُغُنْتَا أَعِدُوانْ يَهْوٜىٰهْ؞ يَيِ تَڢِيَ أَ حَنْيَرْ يٜىٰرُواْبُواْوَمْ، كُمَ ثِكِنْ ذُنُوبِنْ دَ يٜىٰرُواْبُواْوَمْ يَسَا إِسْرَٰٓءِيلَ سُكَيِ؞
Currently Selected:
1 سَرَاكُنَ 15: hauAS
Highlight
Copy
Compare
Share
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
