Yililu 6
6
Ankwashi atanu nayedi
1Hamafuku owu, chelili atumbanji hiyakuya nakuvula, hiyakutachika kuditopeka; aYudeya ahoshelaŋa Griki hiyakutopeka aYudeya ahoshelaŋa Heberu, muloŋa abondeli #9:39, 41amfwila jawu hanjaŋenaŋawu yakudya hefuku hefuku.
2Ikumi nayedi (12) hiyakutambika izaza dawatumbanji, hiyakwila nawu, Hichachiwahi etu kushiya izu daNzambi nakukalakela kujimesaku.
3Dichi enu anakwetu, talatalenu mukachi kenu amayala atanu nayedi akweti mpuhu yayiwahi, #2:4enzala dehi naSpiritu nimaana, tuyikunjiki kumudimu iwu.
4Ilaŋa etu kwetu tukukakela kukulombela, nimudimu wezu daNzambi.
5Omu mwahosheluwu mutiyisha niizaza dejima kuwaha. Hiyakutonda Stefwanu, iyala wasweja kukuhwelela, #v8; 7:55-60wenzala naSpiritu Wajila; niFwilipu, niPorokorusi, niNikanori, niTimoni, niPamenasi, niNikola wakuAntiyoki, wabalumukili kwikala kaYudeya.
6Wenawa hiyakuyisha kumesu awapostolu. Chanalombeluwu hiyakuyinaŋika makasawu.
7 #
12:24; 19:20 Izu daNzambi hidikutanda; niatumbanji hiyakuya nakuvula nankashi muYerusalema; mukanka wawatupristu waweni hiyakwovwahila chikuhwelelu.
Kumukwata Stefwanu
8Stefwanu, wenzala nawuselewa waNzambi niŋovu, hakwila yuma yakuhayamisha, niyinjikijilu yamaneni mukachi kawantu.
9Ilaŋa hikukusaŋumuka antu amakwawu akushikola yawantu anasubuluwu muwuduŋu niakwaKireni, niakwaAlesanderiya, niakwaSilisiya, niakwaAsiya, hiyakutadika ntadi naStefwanu.
10Hiyakumukaŋanya hansaŋu yamaanindi, naSpiritu wahosheliyi nachu.
11Hiyakwinka antu maseleka kulonda ahoshi nawu, Tunamutiyi nakuhosha mazu akutuka Mosi niNzambi.
12Hiyakusaŋumona antu niakulumpi niansoneki; chanamuwanuwu hiyakumukwata naŋovu nakumutwala muchota.
13Hiyakwimika #Mat 26:59-61ayinsahu akutwamba elili nawu, Iwu iyala halekaŋa kutena munu mwajila ninshimbi chatamaku.
14Muloŋa tunamutiyi nakuhosha nindi, Iwu Yesu wakuNazareta wakakisaŋana Tembeli iyi nakubalumuna yaaku yatulejeliyi Mosi.
15Antu ejima ashakamini muchota hiyakumushinshika namesu awu swi-i; hiyakumona kumesu indi kudi neyi kumesu akaŋelu.
Currently Selected:
Yililu 6: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Yililu 6
6
Ankwashi atanu nayedi
1Hamafuku owu, chelili atumbanji hiyakuya nakuvula, hiyakutachika kuditopeka; aYudeya ahoshelaŋa Griki hiyakutopeka aYudeya ahoshelaŋa Heberu, muloŋa abondeli #9:39, 41amfwila jawu hanjaŋenaŋawu yakudya hefuku hefuku.
2Ikumi nayedi (12) hiyakutambika izaza dawatumbanji, hiyakwila nawu, Hichachiwahi etu kushiya izu daNzambi nakukalakela kujimesaku.
3Dichi enu anakwetu, talatalenu mukachi kenu amayala atanu nayedi akweti mpuhu yayiwahi, #2:4enzala dehi naSpiritu nimaana, tuyikunjiki kumudimu iwu.
4Ilaŋa etu kwetu tukukakela kukulombela, nimudimu wezu daNzambi.
5Omu mwahosheluwu mutiyisha niizaza dejima kuwaha. Hiyakutonda Stefwanu, iyala wasweja kukuhwelela, #v8; 7:55-60wenzala naSpiritu Wajila; niFwilipu, niPorokorusi, niNikanori, niTimoni, niPamenasi, niNikola wakuAntiyoki, wabalumukili kwikala kaYudeya.
6Wenawa hiyakuyisha kumesu awapostolu. Chanalombeluwu hiyakuyinaŋika makasawu.
7 #
12:24; 19:20 Izu daNzambi hidikutanda; niatumbanji hiyakuya nakuvula nankashi muYerusalema; mukanka wawatupristu waweni hiyakwovwahila chikuhwelelu.
Kumukwata Stefwanu
8Stefwanu, wenzala nawuselewa waNzambi niŋovu, hakwila yuma yakuhayamisha, niyinjikijilu yamaneni mukachi kawantu.
9Ilaŋa hikukusaŋumuka antu amakwawu akushikola yawantu anasubuluwu muwuduŋu niakwaKireni, niakwaAlesanderiya, niakwaSilisiya, niakwaAsiya, hiyakutadika ntadi naStefwanu.
10Hiyakumukaŋanya hansaŋu yamaanindi, naSpiritu wahosheliyi nachu.
11Hiyakwinka antu maseleka kulonda ahoshi nawu, Tunamutiyi nakuhosha mazu akutuka Mosi niNzambi.
12Hiyakusaŋumona antu niakulumpi niansoneki; chanamuwanuwu hiyakumukwata naŋovu nakumutwala muchota.
13Hiyakwimika #Mat 26:59-61ayinsahu akutwamba elili nawu, Iwu iyala halekaŋa kutena munu mwajila ninshimbi chatamaku.
14Muloŋa tunamutiyi nakuhosha nindi, Iwu Yesu wakuNazareta wakakisaŋana Tembeli iyi nakubalumuna yaaku yatulejeliyi Mosi.
15Antu ejima ashakamini muchota hiyakumushinshika namesu awu swi-i; hiyakumona kumesu indi kudi neyi kumesu akaŋelu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.