Yililu 20
20
Kuhita muMasidoniya nimumpata yaGriki
1Ipumba chidinamweni, Pawulu hakutambika atumbanji; chaneliyi nayikundeji dehi, hakuyishalisha chachiwahi, hakufumaku nindi ayi muMasidoniya.
2Chanahitiyi mumpatoyu, chanayikwashiyi namazu amavulu, ashika nimumpata yawaGriki.
3Chanashakamiyi kwenoku tukweji tusatu, wadiŋi namuchima wakukeŋa kuya kuSiriya muwatu; ilaŋa chanatiyiyi nawu anamushakamini dehi hampúŋa kudi aYudeya, hakukinkaŋana nakuya cheŋi muMasidoniya.
4Wendelaŋa hamu namwana kaPirihusi, Sopateri wakuBereya; niArisitaka naSekundu akuTesalonika; niGayusi wakuDeribi naTimotewu; niTikikusa naTrofwimusa antu akuAsiya.
5Hiyakuyaŋahu dehi kumbidi, hiyakutuchiŋilila kuTrowasi.
6Chanamanuwu mafuku amankendi akadi iluŋi, hitukufuma muFwilipi muwatu, chimunahiti mafuku atanu hitukudiwana nawu kuTrowasi. Kwenoku hitukulabilaku mafuku atanu nayedi.
Kusaŋula Yutikusa
7Hamulungu #1 Kor 16:2; Chim 1:10dodifuku datachi, chitunapompi #1 Kor 11:23-24nakuhumuna dinkendi, Pawulu hakuyitaŋisha, natoŋojoki dehi nindi nukunyamuka hankunku yakucha, hakwila hoshe-e nimukachi kawufuku.
8Mwitala dahewulu mutwapompeleli mwadiŋi manoŋu amavulu.
9Munjanina mwashakamini mukwenzi weyala, ijina dindi Yutikusa, hakuya mutulu twatweni; chaneliyi Pawulu hakushaku mazu amakwawu, yena hakukunduka, hakuholoka kufuma hetala dahewulu damuchisatu, hiyakumunona wafwa dehi.
10Pawulu hakusuluka, hakumubandamina nakumukumbata, nindi, Bayi mwakamaku, himumi.
11Hakukandama cheŋi hakuhumuna dinkendi, hakudya nawu. Chaneliyi hanjike-e nichikunachi, hakufumaku.
12Owu mukwenzi hiyakumutwala wamuwenyi, hiyakutiya kuwaha nankashi.
Pawulu hakushalisha akulumpi akuEfwesesa
13Etu hitukuyaŋahu dehi kuwatu, hitukuya kuAsosa muwatu owu, netu diku kutwakamwiŋijila Pawulu; muloŋa dimu mwatulejeliyi yomweni nindi, Ami nukuya heseki.
14Chanatuwaniyi kuAsosa, hitukumwiŋijamu, hitukushika nikuMitilene.
15Hitukufuma kwenoku muwatu; chikunachi tushika nikwatalaŋana naChiyosi; chikunachi nawa tudata nikuSamosi; chikunachi nawa cheŋi tushika nikuMiletusa.
16Muloŋa Pawulu nakeŋi dehi kupandakana Efwesesa muwatu, kulonda abuli kulabila muAsiya. Hakudihinda nindi wamba kela nakatwesha kushika kuYerusalema hefuku daPentekosta.
17Chadiŋiyi kuMiletusa, hakutambika akulumpi achipompelu chakuEfwesesa.
18Chanenzuwu kudi yena hakuyila nindi, Enu aweni mweluka dehi munashakaminaŋa nenu mafuku ejima, kufumisha kwifuku dinasambilili kudata mwendu muAsiya;
19nakukalakela Mwanta nakudizoza mumuchima, namadilu niyuma yakala yinamweni hanshakamininuwu hampúŋa kudi aYudeya.
20Chinabulili kuheŋuka nakuleka kushimuna yuma yakuyikwasha nachu yejima; nayitaŋishili hatooka hetala hetala,
21nakushimwina niaYudeya niaGriki #2:38; 11:18; 26:20kubalumuka munyichima nakutala kudi Nzambi, #Rom 3:23-26nikumukuhwelela Mwanta Yesu Kristu.
22Ichi dinu tiyenu, yami nukuyiwu kuYerusalema, anankasi dehi mudi Spiritu. Yuma yakanwana kwenoku hinayilukuku.
23Nakumini dakwiluka mwanlejaŋawu munyikala yejima kudi Spiritu Wajila, nindi kumbidi kunanshakamini #21:9-11nyonji niyuma yakala.
24Hela chochu, wumi wami hinawumoni kulemaku; chakala nakamanishi njila yami, nimudimu wanyinkeliyi Mwanta Yesu kukalakala, nikushimuna nsaŋu yayiwahi yaluwi lwaNzambi.
25Ichi dinu tiyenu, neluki dehi nami enu akwetu ejima, mwanmwenaŋa nakukimbuka nakushimuna wanta waNzambi, himwamba kanmona nawa cheŋuku.
26Dihu hanafumi kuyileja lelu, nami nabuli muloŋa wamashi awantu ejima.
27Muloŋa hinaheŋukili nileka kuyishimwina mwaya mpúŋa yaNzambi yejimaku.
28 #
1 Tim 4:16
Dihembenu enu aweni, hembenu #Yow 21:15-17; 1 Pet 5:2-3ninyikoku yejima yanayikunjikuwu kudi Spiritu Wajila kwikala anhembi, mwikali atubiŋa nakudiisha chachiwahi chipompelu chaNzambi chalandiliyi #Efw 1:7; 1 Pet 1:19; Chim 5:9namashi indi yomweni.
29Ami neluki nami chinakafumahu, #Mat 7:15atuŋwidi azuwa akeŋila mukachi kenu, hiyakaanakena nyikokuku.
30Hela mukachi kenwenu aweni mwakanyamuka antu akuhosha yuma yaheŋa, akadikokela atumbanji awenawu.
31Dichi dinu tonenu, mwanukaŋa mwahita nyaka yisatu hinalekeli kuyikonkomwena wejima wenu niwufuku nimwaana namadiluku.
32Ichi dinu, hinukuyikunjika kudi Nzambi, nikwizu daluwi lwindi dinatweshi kuyituŋa nakuyinka #Efw 1:14; Kol 1:12; 3:24; 1 Pet 1:4wuswana nawantu ajila ejima.
33Hinadiŋi #2 Kor 12:14-18nalwisu lwasiliva yamuntu niwumu, hela lwawuru hela lwamahinaku.
34Enu aweni muneluki makasami awa diwu adiŋi #18:3; 1 Tes 2:9nakukalakela yuma yinabulili, niyabulili akwetu nadiŋi nawu.
35Yuma yejimiyi nelili kulonda mutaliluhu, kulonda enu aweni mwakakalakali mukwashi akwenu abula ŋovu; mwanukaŋa mazu aMwanta Yesu chahosheliyi nindi, Chikweti kukooleka yowu kwinka akwenu, kutambula chakuminamu.
36Chanakumishiyi kuhosha mwenimu hakufukama, hakulombela nawu wejima wawu.
37Wejima wawu hiyakudila nankashi, hiyakudinata hanshiŋu yaPawulu nakumupwepujola.
38Chuma chaswejeluwu kutiya wushona dodizu dahosheliyi nindi, Himwamba kanmona nawa cheŋuku. Hiyakumutwalaku munjila yindi yakuya kuwatu.
Currently Selected:
Yililu 20: MWW04
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Yililu 20
20
Kuhita muMasidoniya nimumpata yaGriki
1Ipumba chidinamweni, Pawulu hakutambika atumbanji; chaneliyi nayikundeji dehi, hakuyishalisha chachiwahi, hakufumaku nindi ayi muMasidoniya.
2Chanahitiyi mumpatoyu, chanayikwashiyi namazu amavulu, ashika nimumpata yawaGriki.
3Chanashakamiyi kwenoku tukweji tusatu, wadiŋi namuchima wakukeŋa kuya kuSiriya muwatu; ilaŋa chanatiyiyi nawu anamushakamini dehi hampúŋa kudi aYudeya, hakukinkaŋana nakuya cheŋi muMasidoniya.
4Wendelaŋa hamu namwana kaPirihusi, Sopateri wakuBereya; niArisitaka naSekundu akuTesalonika; niGayusi wakuDeribi naTimotewu; niTikikusa naTrofwimusa antu akuAsiya.
5Hiyakuyaŋahu dehi kumbidi, hiyakutuchiŋilila kuTrowasi.
6Chanamanuwu mafuku amankendi akadi iluŋi, hitukufuma muFwilipi muwatu, chimunahiti mafuku atanu hitukudiwana nawu kuTrowasi. Kwenoku hitukulabilaku mafuku atanu nayedi.
Kusaŋula Yutikusa
7Hamulungu #1 Kor 16:2; Chim 1:10dodifuku datachi, chitunapompi #1 Kor 11:23-24nakuhumuna dinkendi, Pawulu hakuyitaŋisha, natoŋojoki dehi nindi nukunyamuka hankunku yakucha, hakwila hoshe-e nimukachi kawufuku.
8Mwitala dahewulu mutwapompeleli mwadiŋi manoŋu amavulu.
9Munjanina mwashakamini mukwenzi weyala, ijina dindi Yutikusa, hakuya mutulu twatweni; chaneliyi Pawulu hakushaku mazu amakwawu, yena hakukunduka, hakuholoka kufuma hetala dahewulu damuchisatu, hiyakumunona wafwa dehi.
10Pawulu hakusuluka, hakumubandamina nakumukumbata, nindi, Bayi mwakamaku, himumi.
11Hakukandama cheŋi hakuhumuna dinkendi, hakudya nawu. Chaneliyi hanjike-e nichikunachi, hakufumaku.
12Owu mukwenzi hiyakumutwala wamuwenyi, hiyakutiya kuwaha nankashi.
Pawulu hakushalisha akulumpi akuEfwesesa
13Etu hitukuyaŋahu dehi kuwatu, hitukuya kuAsosa muwatu owu, netu diku kutwakamwiŋijila Pawulu; muloŋa dimu mwatulejeliyi yomweni nindi, Ami nukuya heseki.
14Chanatuwaniyi kuAsosa, hitukumwiŋijamu, hitukushika nikuMitilene.
15Hitukufuma kwenoku muwatu; chikunachi tushika nikwatalaŋana naChiyosi; chikunachi nawa tudata nikuSamosi; chikunachi nawa cheŋi tushika nikuMiletusa.
16Muloŋa Pawulu nakeŋi dehi kupandakana Efwesesa muwatu, kulonda abuli kulabila muAsiya. Hakudihinda nindi wamba kela nakatwesha kushika kuYerusalema hefuku daPentekosta.
17Chadiŋiyi kuMiletusa, hakutambika akulumpi achipompelu chakuEfwesesa.
18Chanenzuwu kudi yena hakuyila nindi, Enu aweni mweluka dehi munashakaminaŋa nenu mafuku ejima, kufumisha kwifuku dinasambilili kudata mwendu muAsiya;
19nakukalakela Mwanta nakudizoza mumuchima, namadilu niyuma yakala yinamweni hanshakamininuwu hampúŋa kudi aYudeya.
20Chinabulili kuheŋuka nakuleka kushimuna yuma yakuyikwasha nachu yejima; nayitaŋishili hatooka hetala hetala,
21nakushimwina niaYudeya niaGriki #2:38; 11:18; 26:20kubalumuka munyichima nakutala kudi Nzambi, #Rom 3:23-26nikumukuhwelela Mwanta Yesu Kristu.
22Ichi dinu tiyenu, yami nukuyiwu kuYerusalema, anankasi dehi mudi Spiritu. Yuma yakanwana kwenoku hinayilukuku.
23Nakumini dakwiluka mwanlejaŋawu munyikala yejima kudi Spiritu Wajila, nindi kumbidi kunanshakamini #21:9-11nyonji niyuma yakala.
24Hela chochu, wumi wami hinawumoni kulemaku; chakala nakamanishi njila yami, nimudimu wanyinkeliyi Mwanta Yesu kukalakala, nikushimuna nsaŋu yayiwahi yaluwi lwaNzambi.
25Ichi dinu tiyenu, neluki dehi nami enu akwetu ejima, mwanmwenaŋa nakukimbuka nakushimuna wanta waNzambi, himwamba kanmona nawa cheŋuku.
26Dihu hanafumi kuyileja lelu, nami nabuli muloŋa wamashi awantu ejima.
27Muloŋa hinaheŋukili nileka kuyishimwina mwaya mpúŋa yaNzambi yejimaku.
28 #
1 Tim 4:16
Dihembenu enu aweni, hembenu #Yow 21:15-17; 1 Pet 5:2-3ninyikoku yejima yanayikunjikuwu kudi Spiritu Wajila kwikala anhembi, mwikali atubiŋa nakudiisha chachiwahi chipompelu chaNzambi chalandiliyi #Efw 1:7; 1 Pet 1:19; Chim 5:9namashi indi yomweni.
29Ami neluki nami chinakafumahu, #Mat 7:15atuŋwidi azuwa akeŋila mukachi kenu, hiyakaanakena nyikokuku.
30Hela mukachi kenwenu aweni mwakanyamuka antu akuhosha yuma yaheŋa, akadikokela atumbanji awenawu.
31Dichi dinu tonenu, mwanukaŋa mwahita nyaka yisatu hinalekeli kuyikonkomwena wejima wenu niwufuku nimwaana namadiluku.
32Ichi dinu, hinukuyikunjika kudi Nzambi, nikwizu daluwi lwindi dinatweshi kuyituŋa nakuyinka #Efw 1:14; Kol 1:12; 3:24; 1 Pet 1:4wuswana nawantu ajila ejima.
33Hinadiŋi #2 Kor 12:14-18nalwisu lwasiliva yamuntu niwumu, hela lwawuru hela lwamahinaku.
34Enu aweni muneluki makasami awa diwu adiŋi #18:3; 1 Tes 2:9nakukalakela yuma yinabulili, niyabulili akwetu nadiŋi nawu.
35Yuma yejimiyi nelili kulonda mutaliluhu, kulonda enu aweni mwakakalakali mukwashi akwenu abula ŋovu; mwanukaŋa mazu aMwanta Yesu chahosheliyi nindi, Chikweti kukooleka yowu kwinka akwenu, kutambula chakuminamu.
36Chanakumishiyi kuhosha mwenimu hakufukama, hakulombela nawu wejima wawu.
37Wejima wawu hiyakudila nankashi, hiyakudinata hanshiŋu yaPawulu nakumupwepujola.
38Chuma chaswejeluwu kutiya wushona dodizu dahosheliyi nindi, Himwamba kanmona nawa cheŋuku. Hiyakumutwalaku munjila yindi yakuya kuwatu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.