Romə 7
7
Kwata' məni car mbə wa dan cin nji
1Daw ba man, hi we dan məni na wə də in mi ne nə si njeŋ, zə hi we dan dlay si. Dan dlay kəta' kə gbəgboŋ wa swə kəri məni mum kə i ɓo. 2Dan rum ce' ndə ma məti cin nji. Dan dlay tləɓa ma rə kə nji sə kəri məni mum kə i ɓo. Ama mum la' mar si, dan dlay məni tləɓa sə kə rum nə par mbə wa sə si. 3Ta la' cin nji məsin kəri məni nji sə kə i ɓo si, sôwâ də sə ɗe kə i gi nja. Ama nji sə la' mar si, dan dlay rum cu wa sə za' mi, ɓay ta kə vari kədan ta cin nji məsin dan gi nja. 4Daw ba man, dan rum də ke ndəna' zə ri ta', hi mar wə hay' dan dlay, zə hi kwa tu Kris ɓay mgbaŋ ni nə, hi nə mə Swə məni car mbə mar, kədan namba gi sin mə ɓay zə Ifraya. 5Kəri məni namba ke wə ta zə kpak tu mba, dan dlay wə pla' zu kwa səna' tu mba mə bro' kədan namba gi kwa mə bro', ɓay kwa rum mba pla' də mara. 6Ama mgbaŋ ni nə, Ifray siɗ mba mbə du dan dlay, zə namba mar wə hay' kwa məni kaw mba ce' ndə daŋgay'i. Ndəna', namba gak gi sin zə Ifray kə vari mə mbrew məni wə gi sin zə gbəgboŋ Simbeɗ Ifray, cu kə vari mə kəmbar məni wə gi sin zə gbəgboŋ dan dlay məni wây' nə mi.
Sin məni dan dlay wə gi
7Namba də in ma su? Dan dlay nə kwa mə bro' su? Cu ndəna' mi! Zawa, dan dlay nə kə məni ta' kwa mə bro' ne nana. Dan dlay la' cu in kəza: A səna' kwa mi si, na cu gak we kwa səna' mi#Psi 20.17; Ddd 5.21. 8Kwa mə bro' za' vari wə du dan dlay kədan mum car kwa səna' cem cem wə vunduk rini. Zə dan dlay la' cu kəzə mi si, kwa mə bro' ce' ndə mara. 9Ɓa' si, kəri məni dan dlay cu mbə məto', na ke kə i, ama kəri məni dan dlay mbə day, kwa mə bro' car i, 10ɓay na mara: Ifray ne dan dlay kədan mum tle swə də fe nyî mə də hâ, ama mə na, dan dlay rum tle nan ta mara. 11Kwa mə bro' za' vari wə du dan dlaya. Mum ɓu nan, ɓay mum ci nan kə dan dlay rumu#Tzk 3.13. 12Ndəna', dan dlay nə kə tu rum car mbə hay' Ifray, dan dlay ɗaw ɗaw daŋ' car mbə hay' Ifray, ɓay handay njeŋ ɓay ɓaya.
Zi məni wə vunduk swa
13Kwa mə ɓay faŋ mbə kə mar wa rin su? Cu ndəna' mi! Kwa mə bro' kə məni mbə kə mar rumu: Kwa mə bro' tle kwa mə ɓay faŋ ci nan kə ndi. Kəri məni kwa mə bro' gi ndəna', mum ta' kpak tu rum mə kəzin' nə ta rəka. Kəri məni dan dlay mbə day, kwa mə bro' faŋ bro' ɓayrumu. 14Namba we si, dan dlay car mbə hay' Simbeɗ, ama mə na, na swə mə tətâ ɓay kwa mə bro' coɓ nan ce' ndə bek umu. 15Na cu mun zu kwa məni na wə gi nə mi, zə na cu gi kwa məni na wə wa' gi rum nə mi: Zawa, na wə gi kwa məni na sî#Gal 5.17. 16Na la' wə gi kwa məni na cu bə gi rum mi nə si, na wə we ndəna' i dan dlay nə ɓaya. 17Mgbaŋ ni nə, na cu kə məni wə gi ndəna' nə mi, ama kwa mə bro' məni wə vunduk rin kə məni wə gi rumu. 18Na we si, kwa mə ɓay cu wə vunduk rin mi, wa' dan ini: Wə kpak tu rin, zə ko mê' gi kwa mə ɓay la' kəta' wə vunduk rin, na cu kə gbəgboŋ kədan na gi kwa rum mi. 19Na cu gi kwa mə ɓay məni na kə mê' gi rum nə mi, zawa na faŋ gi kwa mə bro' məni na cu bə gi rum nə mi. 20Na la' wə gi kwa məni na cu bə gi kwa rum mi nə si, kwa rum wə ta' i na cu kə məni wə gi kwa rum nə mi, ama kwa mə bro' məni wə vunduk rin kə məni wə gi kwa rumu. 21Zə rum, na za' dan dlay məni nə wə vunduk rini: Kəri məni na wə wa' kədan na gi kwa mə ɓay, na faŋ za' na wə gi kwa mə bro' tawa. 22Wə dan ɗik vunduk rin mə seŋ, na wə tuk kəɗam kə dan dlay Ifraya. 23Ama na wə za' dan dlay məsin wə tu rin məni wə zi kə dan dlay məni dan ɗik vunduk rin wə tuk kəɗam kə ndi. Mum nə kə məni wə man kaw ce' ndə daŋgay' zə dan dlay kwa mə bro' məni wə tu rini. 24Ay' 'yum zə na bə ndəkara! Sa nə də man siɗ mbə wə tu məni wə man ci nə su? 25Na gi soko ne kə Ifray zə Bârî mba Zezu Kris!
Ndəna', na wə ta zə dan dlay Ifray kə dan ɗik vunduk rin, ama kə kpak tu rin, na wə ta zə dan dlay kwa mə bro'o.
Currently Selected:
Romə 7: KMN
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Romə 7
7
Kwata' məni car mbə wa dan cin nji
1Daw ba man, hi we dan məni na wə də in mi ne nə si njeŋ, zə hi we dan dlay si. Dan dlay kəta' kə gbəgboŋ wa swə kəri məni mum kə i ɓo. 2Dan rum ce' ndə ma məti cin nji. Dan dlay tləɓa ma rə kə nji sə kəri məni mum kə i ɓo. Ama mum la' mar si, dan dlay məni tləɓa sə kə rum nə par mbə wa sə si. 3Ta la' cin nji məsin kəri məni nji sə kə i ɓo si, sôwâ də sə ɗe kə i gi nja. Ama nji sə la' mar si, dan dlay rum cu wa sə za' mi, ɓay ta kə vari kədan ta cin nji məsin dan gi nja. 4Daw ba man, dan rum də ke ndəna' zə ri ta', hi mar wə hay' dan dlay, zə hi kwa tu Kris ɓay mgbaŋ ni nə, hi nə mə Swə məni car mbə mar, kədan namba gi sin mə ɓay zə Ifraya. 5Kəri məni namba ke wə ta zə kpak tu mba, dan dlay wə pla' zu kwa səna' tu mba mə bro' kədan namba gi kwa mə bro', ɓay kwa rum mba pla' də mara. 6Ama mgbaŋ ni nə, Ifray siɗ mba mbə du dan dlay, zə namba mar wə hay' kwa məni kaw mba ce' ndə daŋgay'i. Ndəna', namba gak gi sin zə Ifray kə vari mə mbrew məni wə gi sin zə gbəgboŋ Simbeɗ Ifray, cu kə vari mə kəmbar məni wə gi sin zə gbəgboŋ dan dlay məni wây' nə mi.
Sin məni dan dlay wə gi
7Namba də in ma su? Dan dlay nə kwa mə bro' su? Cu ndəna' mi! Zawa, dan dlay nə kə məni ta' kwa mə bro' ne nana. Dan dlay la' cu in kəza: A səna' kwa mi si, na cu gak we kwa səna' mi#Psi 20.17; Ddd 5.21. 8Kwa mə bro' za' vari wə du dan dlay kədan mum car kwa səna' cem cem wə vunduk rini. Zə dan dlay la' cu kəzə mi si, kwa mə bro' ce' ndə mara. 9Ɓa' si, kəri məni dan dlay cu mbə məto', na ke kə i, ama kəri məni dan dlay mbə day, kwa mə bro' car i, 10ɓay na mara: Ifray ne dan dlay kədan mum tle swə də fe nyî mə də hâ, ama mə na, dan dlay rum tle nan ta mara. 11Kwa mə bro' za' vari wə du dan dlaya. Mum ɓu nan, ɓay mum ci nan kə dan dlay rumu#Tzk 3.13. 12Ndəna', dan dlay nə kə tu rum car mbə hay' Ifray, dan dlay ɗaw ɗaw daŋ' car mbə hay' Ifray, ɓay handay njeŋ ɓay ɓaya.
Zi məni wə vunduk swa
13Kwa mə ɓay faŋ mbə kə mar wa rin su? Cu ndəna' mi! Kwa mə bro' kə məni mbə kə mar rumu: Kwa mə bro' tle kwa mə ɓay faŋ ci nan kə ndi. Kəri məni kwa mə bro' gi ndəna', mum ta' kpak tu rum mə kəzin' nə ta rəka. Kəri məni dan dlay mbə day, kwa mə bro' faŋ bro' ɓayrumu. 14Namba we si, dan dlay car mbə hay' Simbeɗ, ama mə na, na swə mə tətâ ɓay kwa mə bro' coɓ nan ce' ndə bek umu. 15Na cu mun zu kwa məni na wə gi nə mi, zə na cu gi kwa məni na wə wa' gi rum nə mi: Zawa, na wə gi kwa məni na sî#Gal 5.17. 16Na la' wə gi kwa məni na cu bə gi rum mi nə si, na wə we ndəna' i dan dlay nə ɓaya. 17Mgbaŋ ni nə, na cu kə məni wə gi ndəna' nə mi, ama kwa mə bro' məni wə vunduk rin kə məni wə gi rumu. 18Na we si, kwa mə ɓay cu wə vunduk rin mi, wa' dan ini: Wə kpak tu rin, zə ko mê' gi kwa mə ɓay la' kəta' wə vunduk rin, na cu kə gbəgboŋ kədan na gi kwa rum mi. 19Na cu gi kwa mə ɓay məni na kə mê' gi rum nə mi, zawa na faŋ gi kwa mə bro' məni na cu bə gi rum nə mi. 20Na la' wə gi kwa məni na cu bə gi kwa rum mi nə si, kwa rum wə ta' i na cu kə məni wə gi kwa rum nə mi, ama kwa mə bro' məni wə vunduk rin kə məni wə gi kwa rumu. 21Zə rum, na za' dan dlay məni nə wə vunduk rini: Kəri məni na wə wa' kədan na gi kwa mə ɓay, na faŋ za' na wə gi kwa mə bro' tawa. 22Wə dan ɗik vunduk rin mə seŋ, na wə tuk kəɗam kə dan dlay Ifraya. 23Ama na wə za' dan dlay məsin wə tu rin məni wə zi kə dan dlay məni dan ɗik vunduk rin wə tuk kəɗam kə ndi. Mum nə kə məni wə man kaw ce' ndə daŋgay' zə dan dlay kwa mə bro' məni wə tu rini. 24Ay' 'yum zə na bə ndəkara! Sa nə də man siɗ mbə wə tu məni wə man ci nə su? 25Na gi soko ne kə Ifray zə Bârî mba Zezu Kris!
Ndəna', na wə ta zə dan dlay Ifray kə dan ɗik vunduk rin, ama kə kpak tu rin, na wə ta zə dan dlay kwa mə bro'o.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.