Romə 16
16
Pol kaw jeɓ sôwâ cem ceme
1Na sin vay ba mba mə ma mə ɗe kə Fobe məti wə gi sin zə kul sôwâ Kris məni gay' wə so Keŋkreyas. 2I ve sə kə semɗe Bârî ce' ndə məni sôwâ Ifray wə gi mbok nji, ɓay i kawɓa sə du kwa daŋ' məni ta kə mê' rum du ri. Zə ta kə tu sə, ta kawɓa sôwâ juk, ɓay ta kawɓa rin ta'a.
3I kaw jeɓ Priskila kə Akilas məni wə gi sin zə Zezu Kris ce' ndə na#Sin 18.2. 4Handay wa' ar tu nday kədan handay mar kəzə zə rini. Na gi soko ne nday juk, na cu taw mi, ama kul sôwâ məni cu zu saŋ sôwâ Zuwif mi məni ve Kris gi soko ne nday ta'a. 5I kaw jeɓ kul sôwâ Kris məni wə ɓa wə so nday ta'a. I kaw jeɓ bây man mə kə vunduk rin, Epaynet məni ve Kris cop kə sôwâ məsin wə nya Azi. 6I kaw jeɓ Mari məti gi sin zə ri ɓayrumu. 7I kaw jeɓ Andronikus kə Zuniyas məni sôwâ nya mə ɗaw kə rini. Handay ke wə so daŋgay' kə rin, handay kə semɗe wə du sum sin Kris, ɓay handay ve Kris cop kə rini. 8I kaw jeɓ Ampliyatus, bây man mə du Bârî. 9I kaw jeɓ Urbiŋ məni wə gi sin zə Kris ce' ndə namba, ɓay bây man Stakis. 10I kaw jeɓ Apeles məni car ŋgəɗiŋ' wə du dan məni mum ve wa Kris kəri məni cik mbə wa rumu. I kaw jeɓ sôwâ so Aristobul. 11I kaw jeɓ Herodiyoŋ məni wə nya mə ɗaw kə rini. I kaw jeɓ sôwâ so Narsis məni ve Bârî. 12I kaw jeɓ Trifen kə Trifosa məni wə gi sin zə Bârî, ɓay bây man Persidə məti gi sin juk zə Bârî. 13I kaw jeɓ Rufus, bə sin Bârî mə kə mbra', kə ya um məti ce' ndə ya man ta'a#Mak 15.21. 14I kaw jeɓ Asiŋkrite, kə Flegoŋ, ɓay Hermes, kə Patrobos, ɓay Hermas, kə daw ba mba məsin məni kəta' kə ndaya. 15I kaw jeɓ Filologe, kə Zuli, ɓay Nere, kə njar rum, ɓay Olimpas, kə raw sôwâ Ifray məni kəta' kə ndaya.
16I kaw jeɓ nji mbok nji kə kaw nji də vunduk kə soɓ nji kə vun kə dan ɗik mə ɓaya. Kul sôwâ Kris daŋ' kaw jeɓ ri.
Ndo' vun har kwa
17Daw ba man, na mi hara: I kaw wa ri hay' sôwâ məsin məni wə mbə kə dan mə ɓul sôwâ ɓay wə ɗənok sôwâ Kris ɓay wə ta' kwa cem kə kwata' məni hi ve. I gay' seŋ kə ndaya. 18Zə sôwâ mə ndani kuni cu gi sin zə Bârî mba Kris mi, ama handay wə gi sin zə rawti nday, handay wə ɗənok dan ɗik sôwâ məni cu jeŋ wə du dan məni handay ve nə mi kə vun kəɗam nday ɓay dan ge nday mə ɓay məni wə ɓu sôwâ. 19Sôwâ daŋ' we i hi wə mun vun Bârî, zə rum na wə tuk kəɗam kə ri. Ama na wə wa' i i ke kə gwet kədan hi gi kwa mə ɓay, ɓay i ke njeŋ dan gi kwa mə bro'o. 20Ifray məni wə ne heɓ ne kə sôwâ, mum də haɓ wa ne kə Satan ga'ri zə sem ri. Na wə wa' i ɓay Bârî mba Zezu nə ke kə ri.
21Timote, bây hoɓ sin man kaw jeɓ ri, Lusiyus kə Jason ɓay Sosipater məni wə nya mə ɗaw kə rin kaw jeɓ ri ta'a#Sin 16.1. 22Ɓay na, Tersiyus məni wây' ɗerwa məni nə, na kaw jeɓ ri kə semɗe Bârî mba məni ɓa mba. 23Gayus məni na dam rəkway wə so um, ɓay kul sôwâ Kris daŋ' ɓa wə so um, mum kaw jeɓ ri. Erastə, bə ji səlay so rum, kə Kartus, vay ba man, kaw jeɓ ri ta'a#Sin 19.29; 1Ko 1.14; 2Tim 4.20.
[24Na wə wa' i ɓay Bârî mba Zezu Kris nə ke kə ri daŋ'ŋ. Amen.#16.24 Ri ɗerwa rum cu wə du ɗerwa məni wây' cem cem məsin kuni mi.]
Ndo' vun bur kwa
25Mə bur Ifraya! Mum kə gbəgboŋ kədan mum mi gi faŋ gbəgboŋ wə dan məni hi ve, ce' ndə Dan mə Kəɗam məni na wə ka' wa Zezu Kris, ɓay ce' ndə kwawe məni Ifray ta' ne mba du dan ɗik Ifray məni ke pe' 'yeŋe. Dan ɗik rum ke pe' ɓa' si, 26ama mgbaŋ ni nə, dan rum ta' ta rəka kə ɗerwa sum ka' dan ɓay ce' ndə məni Ifray mə də hâ ne vari rum, dan rum wə ta' ne kə sôwâ nya daŋ' kədan handay ve ɓay ta zə dan rum, 27Mbra' nə ke kə Ifray mə kə gwet kə semɗe Zezu Kris hâ də hâ! Amen.
Currently Selected:
Romə 16: KMN
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Romə 16
16
Pol kaw jeɓ sôwâ cem ceme
1Na sin vay ba mba mə ma mə ɗe kə Fobe məti wə gi sin zə kul sôwâ Kris məni gay' wə so Keŋkreyas. 2I ve sə kə semɗe Bârî ce' ndə məni sôwâ Ifray wə gi mbok nji, ɓay i kawɓa sə du kwa daŋ' məni ta kə mê' rum du ri. Zə ta kə tu sə, ta kawɓa sôwâ juk, ɓay ta kawɓa rin ta'a.
3I kaw jeɓ Priskila kə Akilas məni wə gi sin zə Zezu Kris ce' ndə na#Sin 18.2. 4Handay wa' ar tu nday kədan handay mar kəzə zə rini. Na gi soko ne nday juk, na cu taw mi, ama kul sôwâ məni cu zu saŋ sôwâ Zuwif mi məni ve Kris gi soko ne nday ta'a. 5I kaw jeɓ kul sôwâ Kris məni wə ɓa wə so nday ta'a. I kaw jeɓ bây man mə kə vunduk rin, Epaynet məni ve Kris cop kə sôwâ məsin wə nya Azi. 6I kaw jeɓ Mari məti gi sin zə ri ɓayrumu. 7I kaw jeɓ Andronikus kə Zuniyas məni sôwâ nya mə ɗaw kə rini. Handay ke wə so daŋgay' kə rin, handay kə semɗe wə du sum sin Kris, ɓay handay ve Kris cop kə rini. 8I kaw jeɓ Ampliyatus, bây man mə du Bârî. 9I kaw jeɓ Urbiŋ məni wə gi sin zə Kris ce' ndə namba, ɓay bây man Stakis. 10I kaw jeɓ Apeles məni car ŋgəɗiŋ' wə du dan məni mum ve wa Kris kəri məni cik mbə wa rumu. I kaw jeɓ sôwâ so Aristobul. 11I kaw jeɓ Herodiyoŋ məni wə nya mə ɗaw kə rini. I kaw jeɓ sôwâ so Narsis məni ve Bârî. 12I kaw jeɓ Trifen kə Trifosa məni wə gi sin zə Bârî, ɓay bây man Persidə məti gi sin juk zə Bârî. 13I kaw jeɓ Rufus, bə sin Bârî mə kə mbra', kə ya um məti ce' ndə ya man ta'a#Mak 15.21. 14I kaw jeɓ Asiŋkrite, kə Flegoŋ, ɓay Hermes, kə Patrobos, ɓay Hermas, kə daw ba mba məsin məni kəta' kə ndaya. 15I kaw jeɓ Filologe, kə Zuli, ɓay Nere, kə njar rum, ɓay Olimpas, kə raw sôwâ Ifray məni kəta' kə ndaya.
16I kaw jeɓ nji mbok nji kə kaw nji də vunduk kə soɓ nji kə vun kə dan ɗik mə ɓaya. Kul sôwâ Kris daŋ' kaw jeɓ ri.
Ndo' vun har kwa
17Daw ba man, na mi hara: I kaw wa ri hay' sôwâ məsin məni wə mbə kə dan mə ɓul sôwâ ɓay wə ɗənok sôwâ Kris ɓay wə ta' kwa cem kə kwata' məni hi ve. I gay' seŋ kə ndaya. 18Zə sôwâ mə ndani kuni cu gi sin zə Bârî mba Kris mi, ama handay wə gi sin zə rawti nday, handay wə ɗənok dan ɗik sôwâ məni cu jeŋ wə du dan məni handay ve nə mi kə vun kəɗam nday ɓay dan ge nday mə ɓay məni wə ɓu sôwâ. 19Sôwâ daŋ' we i hi wə mun vun Bârî, zə rum na wə tuk kəɗam kə ri. Ama na wə wa' i i ke kə gwet kədan hi gi kwa mə ɓay, ɓay i ke njeŋ dan gi kwa mə bro'o. 20Ifray məni wə ne heɓ ne kə sôwâ, mum də haɓ wa ne kə Satan ga'ri zə sem ri. Na wə wa' i ɓay Bârî mba Zezu nə ke kə ri.
21Timote, bây hoɓ sin man kaw jeɓ ri, Lusiyus kə Jason ɓay Sosipater məni wə nya mə ɗaw kə rin kaw jeɓ ri ta'a#Sin 16.1. 22Ɓay na, Tersiyus məni wây' ɗerwa məni nə, na kaw jeɓ ri kə semɗe Bârî mba məni ɓa mba. 23Gayus məni na dam rəkway wə so um, ɓay kul sôwâ Kris daŋ' ɓa wə so um, mum kaw jeɓ ri. Erastə, bə ji səlay so rum, kə Kartus, vay ba man, kaw jeɓ ri ta'a#Sin 19.29; 1Ko 1.14; 2Tim 4.20.
[24Na wə wa' i ɓay Bârî mba Zezu Kris nə ke kə ri daŋ'ŋ. Amen.#16.24 Ri ɗerwa rum cu wə du ɗerwa məni wây' cem cem məsin kuni mi.]
Ndo' vun bur kwa
25Mə bur Ifraya! Mum kə gbəgboŋ kədan mum mi gi faŋ gbəgboŋ wə dan məni hi ve, ce' ndə Dan mə Kəɗam məni na wə ka' wa Zezu Kris, ɓay ce' ndə kwawe məni Ifray ta' ne mba du dan ɗik Ifray məni ke pe' 'yeŋe. Dan ɗik rum ke pe' ɓa' si, 26ama mgbaŋ ni nə, dan rum ta' ta rəka kə ɗerwa sum ka' dan ɓay ce' ndə məni Ifray mə də hâ ne vari rum, dan rum wə ta' ne kə sôwâ nya daŋ' kədan handay ve ɓay ta zə dan rum, 27Mbra' nə ke kə Ifray mə kə gwet kə semɗe Zezu Kris hâ də hâ! Amen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.