Romə 12
12
Ta mə mbrew du sin Ifraya
1Daw ba man, na wə mi o zə we ca Ifray kədan i ar tu ri ne kə Ifray ce' ndə kwa po' fur mə kə i, məni cin wə zə Ifraya. Kwa rum wə kəɗam tu rumu. Mum nə vari bur Ifray mə ɓaya. 2I gi kwa ce' ndə məni sôwâ nya wə gi kuni mi, zawa i ar Ifray nə gila' ri kə faŋwa gwet mi cete. Hi la' gi ndəna' si, hi gak we kwa məni Ifray wə wa', kwa mə ɓay, kwa məni wə kəɗam tu rum, ɓay kwa mə njeŋe.
3Zə kwane məni Ifray ne nan wə du ɓay um, na in mi ne daŋ'ŋ: I ɗik dan toŋ mə wa tu ri pâ wa toŋ tu ri mi. Zawa, i ɗik dan njeŋe. Na wa' i sa su daŋ' du ri nə ɗik dan tu rum ce' ndə vari məni Ifray ne num kədan mum ve dan umu. 4Wə tu sumra', namba kə kwa han cem cem raw, wə du nday, handay kə sin nday cem ceme. 5Ndəna' ta', ko namba la' raw, namba faŋ tu mə ɗaw wə du ɓa mba kə Kris, ɓay namba daŋ' tləɓa nji ce' ndə kwa cem cem məni tləɓa nji wə tu mə ɗawa#1Ko 12.12. 6Mə gi sin kə kwane cem cem məni Ifray ne mba ɗaw ɗaw daŋ' wə du ɓay umu. Swə ɗaw du mba la' fe mə ka' dan məni Ifray ne num si, say nə ka' ce' ndə vari məni Ifray ne num kədan mum ve dan rumu. 7Swə məsin la' fe mə gi zə sôwâ si, say nə gi. Swə məsin la' fe mə ta' kwa si, say nə ta'a. 8Swə məsin la' fe mə jeŋ vunduk ne kə sôwâ si, say nə jeŋe. Swə məni la' fe mə ne kwa mə ɓay um ne kə sôwâ məsin si, say nə ne kə vunduk mə ɓaya. Swə məsin la' fe mə suk bârî wa sôwâ si, say nə tle fur rumu. Swə məsin la' fe mə kawɓa sôwâ mə du cik si, say nə gi kə kəɗama. 9Say bə mi nə ke njeŋe. I sî kwa mə bro', i bə kwa mə ɓaya. 10I ke kə bə nji mbok nji ce' ndə daw ya məni wə bə nji. Ɓay i tuk kəɗam kə mbâ nji mbok nji. 11I gi sin, i ke ndal mi, i nyen kə simbeɗ mə ɓay, ɓay i gi zə Bârî kə vunduk mə ɗawa. 12I tuk kəɗam kə kwa məni hi wə njay vunduk ri wa rum, i car ŋgəɗiŋ' wə du boni, i in dan kə Ifray bəka daŋ'ŋ. 13I kawɓa sôwâ mə njeŋ du kwa məni handay kə mê' rum, i ve rəkway məni wə mbə so mi kə ɓayrumu. 14I o Ifray kədan nə kuswa' sôwâ məni wə gi boni mi ne. I o num kədan nə kuswa' nday ɓay nə ge nê' nday mi#Mat 5.44; Luk 6.28. 15I tuk kəɗam kə sôwâ məni wə tuk kəɗam, i ci' kə sôwâ məni wə ci'i. 16I gay' ɓay mbok nji: I mbra' tu ri mi, zawa i ve sin məni cu kə mbra' mi. I gi tu ri ce' ndə sum kwawe mi#Vmi 3.7. 17I po' swə məni gi kwa mə bro' hay' ri kə kwa mə bro' mi. I keɓ vari gi kwa mə ɓay kor sôwâ daŋ'ŋ. 18Hi la' gak kəta' si, i keɓ kədan i gay' heɓ kə sôwâ daŋ'ŋ. 19Bây man kwa, i sa' bal swə məni gi kwa mə bro' hay' ri kə tu ri mi. Zawa, i ar Ifray nə gi bak um, zə Dan rum wây' wə du ɗerwa: «Bârî ini: Na kə məni wə də sa' bal sôwâ məni wə gi kwa mə bro'o. Na kə məni wə də po' bal rumu.» 20Ɓay ta'a: «Bə sî wû la' kə mê' si, a ne kwati ne num, mum la' kə mê' mbi si, a ne mbi ne num ce, zə ha la' gi ndəna' si, kwa rum də ke ce' ndə məni ha wə ɓa riŋê ku də wa rumu#Vmi 25.21-22.» 21A ar kwa mə bro' suk gbəgboŋ wa ru mi, zawa a suk gbəgboŋ wa kwa mə bro' kə kwa mə ɓaya.
Currently Selected:
Romə 12: KMN
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Romə 12
12
Ta mə mbrew du sin Ifraya
1Daw ba man, na wə mi o zə we ca Ifray kədan i ar tu ri ne kə Ifray ce' ndə kwa po' fur mə kə i, məni cin wə zə Ifraya. Kwa rum wə kəɗam tu rumu. Mum nə vari bur Ifray mə ɓaya. 2I gi kwa ce' ndə məni sôwâ nya wə gi kuni mi, zawa i ar Ifray nə gila' ri kə faŋwa gwet mi cete. Hi la' gi ndəna' si, hi gak we kwa məni Ifray wə wa', kwa mə ɓay, kwa məni wə kəɗam tu rum, ɓay kwa mə njeŋe.
3Zə kwane məni Ifray ne nan wə du ɓay um, na in mi ne daŋ'ŋ: I ɗik dan toŋ mə wa tu ri pâ wa toŋ tu ri mi. Zawa, i ɗik dan njeŋe. Na wa' i sa su daŋ' du ri nə ɗik dan tu rum ce' ndə vari məni Ifray ne num kədan mum ve dan umu. 4Wə tu sumra', namba kə kwa han cem cem raw, wə du nday, handay kə sin nday cem ceme. 5Ndəna' ta', ko namba la' raw, namba faŋ tu mə ɗaw wə du ɓa mba kə Kris, ɓay namba daŋ' tləɓa nji ce' ndə kwa cem cem məni tləɓa nji wə tu mə ɗawa#1Ko 12.12. 6Mə gi sin kə kwane cem cem məni Ifray ne mba ɗaw ɗaw daŋ' wə du ɓay umu. Swə ɗaw du mba la' fe mə ka' dan məni Ifray ne num si, say nə ka' ce' ndə vari məni Ifray ne num kədan mum ve dan rumu. 7Swə məsin la' fe mə gi zə sôwâ si, say nə gi. Swə məsin la' fe mə ta' kwa si, say nə ta'a. 8Swə məsin la' fe mə jeŋ vunduk ne kə sôwâ si, say nə jeŋe. Swə məni la' fe mə ne kwa mə ɓay um ne kə sôwâ məsin si, say nə ne kə vunduk mə ɓaya. Swə məsin la' fe mə suk bârî wa sôwâ si, say nə tle fur rumu. Swə məsin la' fe mə kawɓa sôwâ mə du cik si, say nə gi kə kəɗama. 9Say bə mi nə ke njeŋe. I sî kwa mə bro', i bə kwa mə ɓaya. 10I ke kə bə nji mbok nji ce' ndə daw ya məni wə bə nji. Ɓay i tuk kəɗam kə mbâ nji mbok nji. 11I gi sin, i ke ndal mi, i nyen kə simbeɗ mə ɓay, ɓay i gi zə Bârî kə vunduk mə ɗawa. 12I tuk kəɗam kə kwa məni hi wə njay vunduk ri wa rum, i car ŋgəɗiŋ' wə du boni, i in dan kə Ifray bəka daŋ'ŋ. 13I kawɓa sôwâ mə njeŋ du kwa məni handay kə mê' rum, i ve rəkway məni wə mbə so mi kə ɓayrumu. 14I o Ifray kədan nə kuswa' sôwâ məni wə gi boni mi ne. I o num kədan nə kuswa' nday ɓay nə ge nê' nday mi#Mat 5.44; Luk 6.28. 15I tuk kəɗam kə sôwâ məni wə tuk kəɗam, i ci' kə sôwâ məni wə ci'i. 16I gay' ɓay mbok nji: I mbra' tu ri mi, zawa i ve sin məni cu kə mbra' mi. I gi tu ri ce' ndə sum kwawe mi#Vmi 3.7. 17I po' swə məni gi kwa mə bro' hay' ri kə kwa mə bro' mi. I keɓ vari gi kwa mə ɓay kor sôwâ daŋ'ŋ. 18Hi la' gak kəta' si, i keɓ kədan i gay' heɓ kə sôwâ daŋ'ŋ. 19Bây man kwa, i sa' bal swə məni gi kwa mə bro' hay' ri kə tu ri mi. Zawa, i ar Ifray nə gi bak um, zə Dan rum wây' wə du ɗerwa: «Bârî ini: Na kə məni wə də sa' bal sôwâ məni wə gi kwa mə bro'o. Na kə məni wə də po' bal rumu.» 20Ɓay ta'a: «Bə sî wû la' kə mê' si, a ne kwati ne num, mum la' kə mê' mbi si, a ne mbi ne num ce, zə ha la' gi ndəna' si, kwa rum də ke ce' ndə məni ha wə ɓa riŋê ku də wa rumu#Vmi 25.21-22.» 21A ar kwa mə bro' suk gbəgboŋ wa ru mi, zawa a suk gbəgboŋ wa kwa mə bro' kə kwa mə ɓaya.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.