Kolosə 2
2
1Na wə wa' i i we zi mə mbri məni na wə zi zə ri, zə sôwâ məni gay' wə so Lawdise, ɓay zə sôwâ daŋ' məni cu we nan mi. 2Na zi ndəna' kədan na jeŋ vunduk nday, kədan handay ɓa ɗaw du bə, ɓay kədan Ifray nday ne kwawe mə kəzin' məni gak jeŋ dan ɗik nday, ndəna', handay gak we dan ɗik Ifray məni ke pe', wə ta'a: Kris. 3Gwet kə kwawe məni car mbə hay' Ifray daŋ', pe' wə du Kris. 4Na wə in mi ne ndəna', kədan i ar swə ɗaw ɓu ni kə vun kəɗam mi. 5Ko na la' wə seŋ kə ri kə tu rin, na wə həre' kə ri kə dan ɗik man, ɓay na wə tuk kəɗam zə hi gay' ŋgəɗiŋ' vun nji ɗaw wə du dan məni hi ve wa Kris.
Ta mə ɓay məni namba kə ndi wə du ɓa mba kə Kris
6Zə hi ve Zezu Kris ce' ndə Bârî mi, i ta də kofo wə du ɓa mi kə rumu. 7I pe tlor ri du rum, i jeŋ tu ri wa rum, i gay' ŋgəɗiŋ' wə du dan məni hi ve bəka daŋ', ce' ndə məni namba ta' ne ni, i gi soko ne kə Ifray bəka daŋ'ŋ. 8I kaw wa ri kədan swə ɗaw nə gi daŋgay' ri kə dan ɓu kwa mə uray məni car mbə gwet sumra' nə mi, gwet rum car wa kwata' məni sumra' wə ta', ɓay wa kwata' məni car mbə hay' usiya məni gay' jwə kə gbəgboŋ mbok fray kə nya, gwet rum cu car mbə hay' Ifray mi. 9Zə kpak Ifray daŋ' kəta' wə tu Kris, 10ɓay wə du ɓa mi kə rum, hi fe kwa daŋ', mum suk gbəgboŋ wa usiya məni gay' jwə kə gbəgboŋ mbok fray kə nya daŋ'ŋ.
11Wə du ɓa mi kə rum, hi tagura si. Gura rum, gura mə gi kə ɓa sumra' cu mi, ama gura rum car mbə hay' Kris. Gura rum nə ni na: Kris siɗ ni mbə du gbəgboŋ kpak tu ri mə bro'o. 12Zə kəri məni hi fe baptem, sôwâ mo' ni kə Kris, ɓay Ifray ra' ni mbə mar kə rum ta', zə hi ve gbəgboŋ Ifray məni par Zezu mbə mara#Rom 6.4. 13Ɓa' si, hi ke mar zə kwa mə bro' mi ɓay dan tagura mə tu mi, ama mgbaŋ ni nə, Ifray car i ri kə Kris. Mum vrum kwa mə bro' mba daŋ'ŋ.
14Mum vrum dan bal məni wə wa mba
kə dan dlay daŋ' məni wə mba gi kə dole
kədan namba po' bal rum kuni ta rəka.
Mum ndo' dan rum daŋ' kəri
məni sôwâ gay' num ta wa gu#Efe 2.15,
15zə mar Kris wa gu,
Ifray ra' gbəgboŋ wa usiya
məni gay' jwə kə gbəgboŋ mbok fray kə nya,
ɓay mum ta' zur nday kəri
məni mum ra' nday
ce' ndə bek ɓay gaŋ kə nday,
ce' ndə sôwâ məni ta 'way zi
wə ra' bek məni handay kaw han
ɓay gaŋ kə nday kor sôwâ daŋ'ŋ.
16Zə rum, i ar swə ɗaw ɓok dan wa ri zə kwa məni hi wə ti, ko wa kwa məni hi wə ce, ko bəka cer mə mbrew, ko wa fəta pemây mi. 17Kwa məni kuni daŋ' njəɓo kwa mə ɓay məni wə də mbə, ama tu kwa rum nə Kris. 18Sôwâ məsin kəta' məni wə hom tu nday kə vari vur vur, wə bur sum sin Ifray mə wafray, ɓay wə car wa dan kwa məni handay wə we. I ar swə ɗaw du sôwâ mə ndani nə ra' bal cik mi kə vari vur vur nday mi, swə mə ndani nə wə mbra' tu rum juk kə vari dan ɗik um, ama kwa rum daŋ' uraya. 19Mum ar ɓa um kə Kris məni wa nə si, wə zə wa nə, tu daŋ' wə fe ur kə tləɓa nji kə vun fur tu kə səje, ɓay tu rum wə jeŋ ce' ndə məni Ifray wə wa'a#Efe 4.16.
Hi mar kə Kris, ɓay Ifray ra' ni mbə mar kə rumu
20Hi mar kə Kris, ɓay Ifray siɗ ni mbə du gbəgboŋ usiya məni gay' jwə kə gbəgboŋ mbok fray kə nya, la' ndəna' si, zə mi hi wə ta ce' ndə məni hi sôwâ mə nya məni nə su? Zə mi hi wə ta zə dan dlay məni kuni: 21«A tle kwa məni nə mi!» «A tuk kwa mə nay' nə mi!» «A ɗak kwa məsin mi» su? 22Dan dlay rum daŋ' wə in dan wa kwa məni wə də ndo' kəri məni swə wə gi kwa rumu: Handay dan dlay kə kwata' sumra' tawa. 23Kəzin', swə gak nday kar ce' ndə gwet, zə sôwâ məni wə ta zə dan dlay rum wə gi tu nday kə gbəgboŋ kədan handay bur sum sin Ifray mə wafray, kədan handay hom tu nday, ɓay kədan handay lim tu ndaya. Ama dan dlay rum cu kə gbəgboŋ kədan tak kwa səna' kpak tu mi.
Currently Selected:
Kolosə 2: KMN
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.
Kolosə 2
2
1Na wə wa' i i we zi mə mbri məni na wə zi zə ri, zə sôwâ məni gay' wə so Lawdise, ɓay zə sôwâ daŋ' məni cu we nan mi. 2Na zi ndəna' kədan na jeŋ vunduk nday, kədan handay ɓa ɗaw du bə, ɓay kədan Ifray nday ne kwawe mə kəzin' məni gak jeŋ dan ɗik nday, ndəna', handay gak we dan ɗik Ifray məni ke pe', wə ta'a: Kris. 3Gwet kə kwawe məni car mbə hay' Ifray daŋ', pe' wə du Kris. 4Na wə in mi ne ndəna', kədan i ar swə ɗaw ɓu ni kə vun kəɗam mi. 5Ko na la' wə seŋ kə ri kə tu rin, na wə həre' kə ri kə dan ɗik man, ɓay na wə tuk kəɗam zə hi gay' ŋgəɗiŋ' vun nji ɗaw wə du dan məni hi ve wa Kris.
Ta mə ɓay məni namba kə ndi wə du ɓa mba kə Kris
6Zə hi ve Zezu Kris ce' ndə Bârî mi, i ta də kofo wə du ɓa mi kə rumu. 7I pe tlor ri du rum, i jeŋ tu ri wa rum, i gay' ŋgəɗiŋ' wə du dan məni hi ve bəka daŋ', ce' ndə məni namba ta' ne ni, i gi soko ne kə Ifray bəka daŋ'ŋ. 8I kaw wa ri kədan swə ɗaw nə gi daŋgay' ri kə dan ɓu kwa mə uray məni car mbə gwet sumra' nə mi, gwet rum car wa kwata' məni sumra' wə ta', ɓay wa kwata' məni car mbə hay' usiya məni gay' jwə kə gbəgboŋ mbok fray kə nya, gwet rum cu car mbə hay' Ifray mi. 9Zə kpak Ifray daŋ' kəta' wə tu Kris, 10ɓay wə du ɓa mi kə rum, hi fe kwa daŋ', mum suk gbəgboŋ wa usiya məni gay' jwə kə gbəgboŋ mbok fray kə nya daŋ'ŋ.
11Wə du ɓa mi kə rum, hi tagura si. Gura rum, gura mə gi kə ɓa sumra' cu mi, ama gura rum car mbə hay' Kris. Gura rum nə ni na: Kris siɗ ni mbə du gbəgboŋ kpak tu ri mə bro'o. 12Zə kəri məni hi fe baptem, sôwâ mo' ni kə Kris, ɓay Ifray ra' ni mbə mar kə rum ta', zə hi ve gbəgboŋ Ifray məni par Zezu mbə mara#Rom 6.4. 13Ɓa' si, hi ke mar zə kwa mə bro' mi ɓay dan tagura mə tu mi, ama mgbaŋ ni nə, Ifray car i ri kə Kris. Mum vrum kwa mə bro' mba daŋ'ŋ.
14Mum vrum dan bal məni wə wa mba
kə dan dlay daŋ' məni wə mba gi kə dole
kədan namba po' bal rum kuni ta rəka.
Mum ndo' dan rum daŋ' kəri
məni sôwâ gay' num ta wa gu#Efe 2.15,
15zə mar Kris wa gu,
Ifray ra' gbəgboŋ wa usiya
məni gay' jwə kə gbəgboŋ mbok fray kə nya,
ɓay mum ta' zur nday kəri
məni mum ra' nday
ce' ndə bek ɓay gaŋ kə nday,
ce' ndə sôwâ məni ta 'way zi
wə ra' bek məni handay kaw han
ɓay gaŋ kə nday kor sôwâ daŋ'ŋ.
16Zə rum, i ar swə ɗaw ɓok dan wa ri zə kwa məni hi wə ti, ko wa kwa məni hi wə ce, ko bəka cer mə mbrew, ko wa fəta pemây mi. 17Kwa məni kuni daŋ' njəɓo kwa mə ɓay məni wə də mbə, ama tu kwa rum nə Kris. 18Sôwâ məsin kəta' məni wə hom tu nday kə vari vur vur, wə bur sum sin Ifray mə wafray, ɓay wə car wa dan kwa məni handay wə we. I ar swə ɗaw du sôwâ mə ndani nə ra' bal cik mi kə vari vur vur nday mi, swə mə ndani nə wə mbra' tu rum juk kə vari dan ɗik um, ama kwa rum daŋ' uraya. 19Mum ar ɓa um kə Kris məni wa nə si, wə zə wa nə, tu daŋ' wə fe ur kə tləɓa nji kə vun fur tu kə səje, ɓay tu rum wə jeŋ ce' ndə məni Ifray wə wa'a#Efe 4.16.
Hi mar kə Kris, ɓay Ifray ra' ni mbə mar kə rumu
20Hi mar kə Kris, ɓay Ifray siɗ ni mbə du gbəgboŋ usiya məni gay' jwə kə gbəgboŋ mbok fray kə nya, la' ndəna' si, zə mi hi wə ta ce' ndə məni hi sôwâ mə nya məni nə su? Zə mi hi wə ta zə dan dlay məni kuni: 21«A tle kwa məni nə mi!» «A tuk kwa mə nay' nə mi!» «A ɗak kwa məsin mi» su? 22Dan dlay rum daŋ' wə in dan wa kwa məni wə də ndo' kəri məni swə wə gi kwa rumu: Handay dan dlay kə kwata' sumra' tawa. 23Kəzin', swə gak nday kar ce' ndə gwet, zə sôwâ məni wə ta zə dan dlay rum wə gi tu nday kə gbəgboŋ kədan handay bur sum sin Ifray mə wafray, kədan handay hom tu nday, ɓay kədan handay lim tu ndaya. Ama dan dlay rum cu kə gbəgboŋ kədan tak kwa səna' kpak tu mi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament et Psaumes en Peve © Alliance Biblique du Tchad, 2014.