Nesiaṅe 9
9
Lé'njù jùa Pasa
1Tshùaben #Netu. 12.1-13tshob Mosé num kônkwa Sinaï, num mbatte ngu'njù bàa ntùm mbwe maṅwù, mba bo tum Egipto là ndù: 2A bwô ndù bon ba Israél ke nze Pasa num ngelaṅ ze bo na' nabte njab là. 3A' ghù mbe num lé'njù ntshob kuà gham, num yen maṅwù li, kua' mà nkebnjù, bin kwimte neze, nke nze njoṅ ntshù' fa, boa tse mat fafa tse bo na' nabte nte ndù bo ke ngù là. 4Mosé tshob bon ba Israél ndù bo ke nze Pasa. 5Bo ze Pasa num mbwe maṅwù ntùm lé'njù ntshob kuà gham. Bon ba Israél ghù be ndaṅndaṅ mba Tshùaben tshob Mosé ndù a tshob bo là.
6Tsemo' bandum lo be ndù bo kwag fe mèn, nket ṅu'u, ke ku'ni neze sen lé'njù Pasa là. Bo se' ntèt Mosé bo Aron, mbètte yub ndù: 7Bag sagte wut tshage, nkwag fe mèn, bag ghù nelo' yag ju ze nefà Tshùaben ndo' nse' yi num lé'njù bo na' njab là ké? 8Mosé bùnte ndù: Bin bébe, me bètte Tshùaben, a soṅ àm mba bin nsi ghù là. 9Tshùaben tshob Mosé ndù: 10Tshob bon ba Israél ndù ngelaṅ ze mo' mèn netèt bo sagte wul i, ngelaṅ z'a kwag fe mèn nà, k'a b'a ngùanesà, manze katte lo, yen nu li b'a num bin mba num tunndà zine; a ze Pasa num neghamte Tshùaben. 11Mbe ndùlal'a ntùm mbatte maṅwù bàa, ntùm lé'njù tshob kuà gham, mà nkebnjù, mfèt mbàb mén njùmbwe bo bàn keko' mba nenà nezwe. 12Njù #Netu. 12.46; Yoha. 19.36yen bàn nà ke lé' mbwe'é, mfèt mbàb ke nyute mvôg mi, ngù ndùlala ntùm mat neghù. 13A be ze mènntùn ke' b'a ngùanesà, ke bèn nsagte wul i, ngwag neze lé'njù Pasa là, mba bo nsi sô i netèt tunndà mb'a ke' fà ze ju nefà ghamte Tshùaben yi num lé'njù ze bo na' njab là, nu nsi ghù mba ndùlala. 14A be ze ngùn z'a be netèt bin na sen lé'njù Pasa là, mb'a bwô ndù a ze njoṅ mat fa z'a tshwèt mbètte ndù mèn ghù mfà num sen lé'njù là, ndo' ngamte Tshùaben yi, yen mat neghù là b'a num ménla' mba ngùn.
Ndot kabte dù' nelàne
(Netu. 40.34-38)
15Lé'njù ze bo na' mbù' ndà mbumte nte tù là, ndot kabte yen ndà mbumte là, yen nà bagt'a ndù ndà Ntshù'. A be mfetnjù, a be num bwe mba mbwôg là, nzi bwe tà nkum nkebnjù. 16A lo ke mbe ndùlala njoṅ ngelaṅ fa, ndot nke nkabte ndà mbumte, nke ntswe mba mbwôg là. 17A be ze ndot lo num tu ndà mbumte nèn tù là, mba bon Israél nsi lo tam manze num nenène, dù' ze bo kum bwe, a swe' nse' num tu ndà mbumte là, bo zi bwe. 18Tshùaben lo nke ntshobe, bo lo nène, mbèn ntshobe, bo tswe ntùm mbàn yub. 19Ngelaṅ ze ndot ghô num tu ndà mbumte là, mba bon Israél nsi ke fa'a num ndà mbumte, ke nèn dù'; 20mo' ngelaṅ ndot ntswe num tu ndà mbumte be metsit ngelaṅ, ngelaṅ ze Tshùaben tshob ndù bo nèn nà, bo nèn, ngelaṅ z'a tshob ndù bo tswe là, bo tswe; 21mo' ngelaṅ ndot tswe num tu ndà mbumte neto' mfetnjù nkum nkebnjù, ndo nko' nèn tù, bo lo ntam manze nke nène. 22Ke ndot tswe num tu ndà mbumte lé'njù bàa, ke ta' maṅwù ke netswe yàm no, mba bon Israél nsi tswe à be ntùm mbàn tshobe, ke nèn dù', ndot ko' nèn tù, bo lo ntam manze. 23Tshùaben lo nke ntshobe, bo nèn, mbèn ntshobe, bo tswe nsi nke mfa' fa' Tshùaben be ndaṅndaṅ mba Tshùaben na' ntswite Mosé nganze yub là.
Currently Selected:
Nesiaṅe 9: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Nesiaṅe 9
9
Lé'njù jùa Pasa
1Tshùaben #Netu. 12.1-13tshob Mosé num kônkwa Sinaï, num mbatte ngu'njù bàa ntùm mbwe maṅwù, mba bo tum Egipto là ndù: 2A bwô ndù bon ba Israél ke nze Pasa num ngelaṅ ze bo na' nabte njab là. 3A' ghù mbe num lé'njù ntshob kuà gham, num yen maṅwù li, kua' mà nkebnjù, bin kwimte neze, nke nze njoṅ ntshù' fa, boa tse mat fafa tse bo na' nabte nte ndù bo ke ngù là. 4Mosé tshob bon ba Israél ndù bo ke nze Pasa. 5Bo ze Pasa num mbwe maṅwù ntùm lé'njù ntshob kuà gham. Bon ba Israél ghù be ndaṅndaṅ mba Tshùaben tshob Mosé ndù a tshob bo là.
6Tsemo' bandum lo be ndù bo kwag fe mèn, nket ṅu'u, ke ku'ni neze sen lé'njù Pasa là. Bo se' ntèt Mosé bo Aron, mbètte yub ndù: 7Bag sagte wut tshage, nkwag fe mèn, bag ghù nelo' yag ju ze nefà Tshùaben ndo' nse' yi num lé'njù bo na' njab là ké? 8Mosé bùnte ndù: Bin bébe, me bètte Tshùaben, a soṅ àm mba bin nsi ghù là. 9Tshùaben tshob Mosé ndù: 10Tshob bon ba Israél ndù ngelaṅ ze mo' mèn netèt bo sagte wul i, ngelaṅ z'a kwag fe mèn nà, k'a b'a ngùanesà, manze katte lo, yen nu li b'a num bin mba num tunndà zine; a ze Pasa num neghamte Tshùaben. 11Mbe ndùlal'a ntùm mbatte maṅwù bàa, ntùm lé'njù tshob kuà gham, mà nkebnjù, mfèt mbàb mén njùmbwe bo bàn keko' mba nenà nezwe. 12Njù #Netu. 12.46; Yoha. 19.36yen bàn nà ke lé' mbwe'é, mfèt mbàb ke nyute mvôg mi, ngù ndùlala ntùm mat neghù. 13A be ze mènntùn ke' b'a ngùanesà, ke bèn nsagte wul i, ngwag neze lé'njù Pasa là, mba bo nsi sô i netèt tunndà mb'a ke' fà ze ju nefà ghamte Tshùaben yi num lé'njù ze bo na' njab là, nu nsi ghù mba ndùlala. 14A be ze ngùn z'a be netèt bin na sen lé'njù Pasa là, mb'a bwô ndù a ze njoṅ mat fa z'a tshwèt mbètte ndù mèn ghù mfà num sen lé'njù là, ndo' ngamte Tshùaben yi, yen mat neghù là b'a num ménla' mba ngùn.
Ndot kabte dù' nelàne
(Netu. 40.34-38)
15Lé'njù ze bo na' mbù' ndà mbumte nte tù là, ndot kabte yen ndà mbumte là, yen nà bagt'a ndù ndà Ntshù'. A be mfetnjù, a be num bwe mba mbwôg là, nzi bwe tà nkum nkebnjù. 16A lo ke mbe ndùlala njoṅ ngelaṅ fa, ndot nke nkabte ndà mbumte, nke ntswe mba mbwôg là. 17A be ze ndot lo num tu ndà mbumte nèn tù là, mba bon Israél nsi lo tam manze num nenène, dù' ze bo kum bwe, a swe' nse' num tu ndà mbumte là, bo zi bwe. 18Tshùaben lo nke ntshobe, bo lo nène, mbèn ntshobe, bo tswe ntùm mbàn yub. 19Ngelaṅ ze ndot ghô num tu ndà mbumte là, mba bon Israél nsi ke fa'a num ndà mbumte, ke nèn dù'; 20mo' ngelaṅ ndot ntswe num tu ndà mbumte be metsit ngelaṅ, ngelaṅ ze Tshùaben tshob ndù bo nèn nà, bo nèn, ngelaṅ z'a tshob ndù bo tswe là, bo tswe; 21mo' ngelaṅ ndot tswe num tu ndà mbumte neto' mfetnjù nkum nkebnjù, ndo nko' nèn tù, bo lo ntam manze nke nène. 22Ke ndot tswe num tu ndà mbumte lé'njù bàa, ke ta' maṅwù ke netswe yàm no, mba bon Israél nsi tswe à be ntùm mbàn tshobe, ke nèn dù', ndot ko' nèn tù, bo lo ntam manze. 23Tshùaben lo nke ntshobe, bo nèn, mbèn ntshobe, bo tswe nsi nke mfa' fa' Tshùaben be ndaṅndaṅ mba Tshùaben na' ntswite Mosé nganze yub là.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.