Nesiaṅe 6
6
Kàn num mèn z'a kàn mfe Nazir là
1Tshùaben tshob Mosé ndù: 2Tshob ba Israél ndù: A be ze mandum ke mènnzwi lo, bam nesô wul i num tsemo' benntùn, mbam nefà wul i Tshùaben nà, 3yen #Luk. 1.15mèn nà z'a bam neze ju, mb'a fà wul i Nsi là, ke nsi nu ndu' z'a num ngù mènntùn bum nà, a ke nsi nu ndu' ntene, mba ndu' ngefele, ke bwete ndu' ntene bo ndu' nkùa, ke fèt mba ntù nedùmte mi fi mba mi njum. 4Yen ngelaṅ nà z'a bam neze ju là, kà sàm ju z'a fe à num tù ndu' là, neto'te num miag ntàm tù tà nèn nkum num ngub tse. 5Num yen ngelaṅ neze ju là, kà bo kom tu i, tà nkum ngelaṅ ze neze ju mi, mb'a na' nka' là. A nsi b'a ntùm nelàne faṅ nyiaṅtu tse a ke nsage.
6Num yen ngelaṅ nà z'a bam ju Tshùaben nà, a ke nsi ghebte mbaṅ fe mèn. 7A ke nsi ket ṅu'u num fe tàab, màab, mfèl i ze mandum ke ze mènnzwi lo, tse bo kwù là, kà ket ṅu'u num fe yube, nummbe a ket ju tu i, a nke nda'te ndù a fà wul i Nsi. 8Num njoṅ ngelaṅ neze ju fa, a nsi fà wul i Tshùaben. 9A be mèn kwù mbaṅ i be ndende, a yen, nsu ṅu'u num tu i z'a fà Nsi là mb'a nsi kom tu i num lé'njù nelànte wut, nkom tu i num lé'njù sammbàa. 10A be kum lé'njù fome, a lo' fôgtab ngab bàa ngù bwoṅtambia' bàa ndo' nèn yi ju ngale'te, nzendà ba' mbumte. 11Ngale'te nsi zwi mo' ta' i num nukebwô, nton mo' ta' i a kù, ndo' ngamte Nsi yi, ngù ndùlala ndo' nsôgte nukebwô tse yi mb'a yen fe mèn nà. A nsi ghù ndùlala tu i tù' nelàne num sen lé'njù là. 12A nsi bèn fà wul i ghua ntshùate num ngelaṅ z'a na' njab là, mfà njùmbwe tamngu' nelo' mbètte nelagte nukebwô tse yi, bo ke mbèn nsiaṅ lé'njù z'a na' njab là, nummbe a ket ṅu'u num ju neze z'a na' mbam nà.
13Tshù #Mfa' Gha. 21.23-24ntshù' mfà num neze ju ngelaṅ z'a nsi miagte neze li: Bo nsi ghù a se' nzendà mbumte. 14A nsi fà ju neghamte Nsi. Mén njùmbwe ke lo' z'a tswe tamngu' là, num neton a kù ndo' nde'te Nsi yi, njùmbwe ke lo' z'a tswe tamngu' là num nesôgte nukebwô tse yi, ngù kekomnjù z'a tswe tamngu' là, num nefà me bam Nsi. 15Ngù bàn ke ko' ntùm kesoṅ ndune, ngù tag nekate ndù bo lo' a mfèt kà, ntébte yi, mbèn ngù mo' tag nekate ndù bo tsha mfèt num bwe, ngù ju nefà mba ju nefètte dù'nsi, be mba bo num to' ngù là. 16Ngale'te lo' tshen tshu là nèn yi mbwe Tshùaben mbèn mfà ze ju num nukebwô mba ze ju neton a kù ndo' nde'te Nsi yi. 17A lo' kekomnjù, mfà Tshùaben mba ju nele'te z'a num mfà fite là, ngù nkesoṅ bàn keko', ntamte boa ju nele'te mba ndu' nefètte dù'nsi. 18Yen ngaze là kom tu i z'a fà Nsi là, mbwe ndà mbumte, ntswitte nyiaṅtu ts'a fà Nsi là ma' mbwôge a kù mbwe ju nele'te z'a num mfà fite là. 19Ngale'te lo' bu mbàb kekomnjù ze bo kate là, mba tag keko' ntùm kesoṅe, mba mo' ju nekate ze ju keko' ke' be bwe là, mbe ghù ndùlala ndù a kom tu i z'a fà Nsi là. 20Ngale'te nyi'te yen ju là bag bag mbwe Tshùaben, a ju nelàne, ze ju ngale'te, ngù metsit kekomnjù z'a la'te, ngù ku i z'a nsi sô là, tshen tshu là nsi be tôge, ngabam neze ju nu ndu'. 21Tshù ntshù' mfà num mènntùn z'a bam neze ju là, tshù ze ju nefà Nsi num neze ju là, kà ngù ju z'a ku'ni nefà nkwi'te num tshen tshu là là.
Nefà fite num benntùn
22Tshùaben tshob Mosé ndù: 23Tshob Aron boa nshumnshum tse ndù: Tshù mba bin ghù naṅ fite num ba Israél li:
24Tshùaben naṅ fite num o nke mbéb o.
25Tshùaben fà se i nke ndôt'o, nko ndèn mo.
26Tshùaben fà se i nke ndôt'o, mfà fite wù.
27Bo tsi lén sàm ndùlala mbwe Israél kà me naṅ fite num bo.
Currently Selected:
Nesiaṅe 6: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Nesiaṅe 6
6
Kàn num mèn z'a kàn mfe Nazir là
1Tshùaben tshob Mosé ndù: 2Tshob ba Israél ndù: A be ze mandum ke mènnzwi lo, bam nesô wul i num tsemo' benntùn, mbam nefà wul i Tshùaben nà, 3yen #Luk. 1.15mèn nà z'a bam neze ju, mb'a fà wul i Nsi là, ke nsi nu ndu' z'a num ngù mènntùn bum nà, a ke nsi nu ndu' ntene, mba ndu' ngefele, ke bwete ndu' ntene bo ndu' nkùa, ke fèt mba ntù nedùmte mi fi mba mi njum. 4Yen ngelaṅ nà z'a bam neze ju là, kà sàm ju z'a fe à num tù ndu' là, neto'te num miag ntàm tù tà nèn nkum num ngub tse. 5Num yen ngelaṅ neze ju là, kà bo kom tu i, tà nkum ngelaṅ ze neze ju mi, mb'a na' nka' là. A nsi b'a ntùm nelàne faṅ nyiaṅtu tse a ke nsage.
6Num yen ngelaṅ nà z'a bam ju Tshùaben nà, a ke nsi ghebte mbaṅ fe mèn. 7A ke nsi ket ṅu'u num fe tàab, màab, mfèl i ze mandum ke ze mènnzwi lo, tse bo kwù là, kà ket ṅu'u num fe yube, nummbe a ket ju tu i, a nke nda'te ndù a fà wul i Nsi. 8Num njoṅ ngelaṅ neze ju fa, a nsi fà wul i Tshùaben. 9A be mèn kwù mbaṅ i be ndende, a yen, nsu ṅu'u num tu i z'a fà Nsi là mb'a nsi kom tu i num lé'njù nelànte wut, nkom tu i num lé'njù sammbàa. 10A be kum lé'njù fome, a lo' fôgtab ngab bàa ngù bwoṅtambia' bàa ndo' nèn yi ju ngale'te, nzendà ba' mbumte. 11Ngale'te nsi zwi mo' ta' i num nukebwô, nton mo' ta' i a kù, ndo' ngamte Nsi yi, ngù ndùlala ndo' nsôgte nukebwô tse yi mb'a yen fe mèn nà. A nsi ghù ndùlala tu i tù' nelàne num sen lé'njù là. 12A nsi bèn fà wul i ghua ntshùate num ngelaṅ z'a na' njab là, mfà njùmbwe tamngu' nelo' mbètte nelagte nukebwô tse yi, bo ke mbèn nsiaṅ lé'njù z'a na' njab là, nummbe a ket ṅu'u num ju neze z'a na' mbam nà.
13Tshù #Mfa' Gha. 21.23-24ntshù' mfà num neze ju ngelaṅ z'a nsi miagte neze li: Bo nsi ghù a se' nzendà mbumte. 14A nsi fà ju neghamte Nsi. Mén njùmbwe ke lo' z'a tswe tamngu' là, num neton a kù ndo' nde'te Nsi yi, njùmbwe ke lo' z'a tswe tamngu' là num nesôgte nukebwô tse yi, ngù kekomnjù z'a tswe tamngu' là, num nefà me bam Nsi. 15Ngù bàn ke ko' ntùm kesoṅ ndune, ngù tag nekate ndù bo lo' a mfèt kà, ntébte yi, mbèn ngù mo' tag nekate ndù bo tsha mfèt num bwe, ngù ju nefà mba ju nefètte dù'nsi, be mba bo num to' ngù là. 16Ngale'te lo' tshen tshu là nèn yi mbwe Tshùaben mbèn mfà ze ju num nukebwô mba ze ju neton a kù ndo' nde'te Nsi yi. 17A lo' kekomnjù, mfà Tshùaben mba ju nele'te z'a num mfà fite là, ngù nkesoṅ bàn keko', ntamte boa ju nele'te mba ndu' nefètte dù'nsi. 18Yen ngaze là kom tu i z'a fà Nsi là, mbwe ndà mbumte, ntswitte nyiaṅtu ts'a fà Nsi là ma' mbwôge a kù mbwe ju nele'te z'a num mfà fite là. 19Ngale'te lo' bu mbàb kekomnjù ze bo kate là, mba tag keko' ntùm kesoṅe, mba mo' ju nekate ze ju keko' ke' be bwe là, mbe ghù ndùlala ndù a kom tu i z'a fà Nsi là. 20Ngale'te nyi'te yen ju là bag bag mbwe Tshùaben, a ju nelàne, ze ju ngale'te, ngù metsit kekomnjù z'a la'te, ngù ku i z'a nsi sô là, tshen tshu là nsi be tôge, ngabam neze ju nu ndu'. 21Tshù ntshù' mfà num mènntùn z'a bam neze ju là, tshù ze ju nefà Nsi num neze ju là, kà ngù ju z'a ku'ni nefà nkwi'te num tshen tshu là là.
Nefà fite num benntùn
22Tshùaben tshob Mosé ndù: 23Tshob Aron boa nshumnshum tse ndù: Tshù mba bin ghù naṅ fite num ba Israél li:
24Tshùaben naṅ fite num o nke mbéb o.
25Tshùaben fà se i nke ndôt'o, nko ndèn mo.
26Tshùaben fà se i nke ndôt'o, mfà fite wù.
27Bo tsi lén sàm ndùlala mbwe Israél kà me naṅ fite num bo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.