Nesiaṅe 30
30
1Mosé tshob njoṅ i fa bon Israél, njoṅ i fa ze Tshùaben na' ntshob yi ndù a ghù là.
Ntshù' num tshu nebam nkô
2Mosé tshob kamkam Israél ndù: Tshù ju ze Tshùaben bètte ndù bin ghù li: 3Mo' #Neb. 23.22-24; Mat. 5.33mèn nke mbam neghù mo' nu Tshùaben, ke nebam neze mo' ju num tu wul i lo, k'a tag ke ghù yen ju là, ze kua' tu wul i bèn ntshob là. 4Ngelaṅ ze ménngon z'a ke' ndà tàab bam nu Tshùaben, ke nebam neghù mo' nu num tu wul i lo là, 5a be ze tàab ju' ndù a bam nu Tshùaben, ke num ze tu wut lo, a be z'a ke' tshob nu yi là, mba njoṅ nu fa z'a bam neghù là ghô ze be ndùlala mb'a bam nà. 6Là, a be ze tàab gha yi be num lé'njù z'a na' mbam nà, mba yen nebam nà nèn banban. Tshùaben ke nsi bètt'é yen nu là, nummbe tàab gha yi. 7A be z'a ghù be nandà, mbe ghù nandà ndù nu nebam yen nu là ke' tu i, ke nebam mo' nu a be tum ntshu i a ke ju' lo, 8a be ze ndu i ju' ke tshob nu yi be num sen lé'njù là, mba yen nebam nà nsi ghô. Mba z'a na' mbam mfà num tu wul i là ghô be ndùlala. 9A be ze ndu i ju', nga yi, be num sen lé'njù là là, mba yen nebam nu là, nèn banban, mba nu z'a na' mbe tum ntshu i mfà num ze tu wut, a ke ju' là, nèn be banban mbwe Tshùaben.
10Nebam nu ze mfôg mènnzwi, ke mènnzwi ze bo yoṅ i ntùm nandà là nsi ghô a be ndùlala, k'a bam be nu ke lo. 11Ngelaṅ ze mènnzwi nandà bam nu, ke nu ne kàn mfe bwe tum ntshu i be là; 12ndu i ju' ke tshob nu yi, ke gha, mba yen nebam nà ghô be ndùlala, mba nu z'a bam mfà num tu wul i là ghô be ndùlala. 13Là, a be ze ndu i tshob ndù a gha be num lé'njù z'a ju' là, mba yen nu là, z'a bam nà nsi b'a banban, ndu i gha yen nu là mba Tshùaben ke nsi bètt'é sàm nu bwe. 14Mènnzwi bam, be ke lèn nu lo, ke netswe be ke jù ju, mba ndu i ghù negha ke nebam no, ndù yen nu là be. 15Ndu i ju' ke tshob nu, kà njù làn, mb'a bam nà, mba yen nu là nsi be, nummbe ndu i ke' tshob nu yi num lé'njù z'a na' nju' là. 16A be z'a ju', ke tshob nu, njù làn k'a nke nga là, mba ntsha nsi vù à tu i.
17Tshù ntshù' ze Tshùaben na' ntshob Mosé mfà num mandum bo nzwi i, mfà num tà bo ngon i z'a ke' yoṅ nandà là.
Currently Selected:
Nesiaṅe 30: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Nesiaṅe 30
30
1Mosé tshob njoṅ i fa bon Israél, njoṅ i fa ze Tshùaben na' ntshob yi ndù a ghù là.
Ntshù' num tshu nebam nkô
2Mosé tshob kamkam Israél ndù: Tshù ju ze Tshùaben bètte ndù bin ghù li: 3Mo' #Neb. 23.22-24; Mat. 5.33mèn nke mbam neghù mo' nu Tshùaben, ke nebam neze mo' ju num tu wul i lo, k'a tag ke ghù yen ju là, ze kua' tu wul i bèn ntshob là. 4Ngelaṅ ze ménngon z'a ke' ndà tàab bam nu Tshùaben, ke nebam neghù mo' nu num tu wul i lo là, 5a be ze tàab ju' ndù a bam nu Tshùaben, ke num ze tu wut lo, a be z'a ke' tshob nu yi là, mba njoṅ nu fa z'a bam neghù là ghô ze be ndùlala mb'a bam nà. 6Là, a be ze tàab gha yi be num lé'njù z'a na' mbam nà, mba yen nebam nà nèn banban. Tshùaben ke nsi bètt'é yen nu là, nummbe tàab gha yi. 7A be z'a ghù be nandà, mbe ghù nandà ndù nu nebam yen nu là ke' tu i, ke nebam mo' nu a be tum ntshu i a ke ju' lo, 8a be ze ndu i ju' ke tshob nu yi be num sen lé'njù là, mba yen nebam nà nsi ghô. Mba z'a na' mbam mfà num tu wul i là ghô be ndùlala. 9A be ze ndu i ju', nga yi, be num sen lé'njù là là, mba yen nebam nu là, nèn banban, mba nu z'a na' mbe tum ntshu i mfà num ze tu wut, a ke ju' là, nèn be banban mbwe Tshùaben.
10Nebam nu ze mfôg mènnzwi, ke mènnzwi ze bo yoṅ i ntùm nandà là nsi ghô a be ndùlala, k'a bam be nu ke lo. 11Ngelaṅ ze mènnzwi nandà bam nu, ke nu ne kàn mfe bwe tum ntshu i be là; 12ndu i ju' ke tshob nu yi, ke gha, mba yen nebam nà ghô be ndùlala, mba nu z'a bam mfà num tu wul i là ghô be ndùlala. 13Là, a be ze ndu i tshob ndù a gha be num lé'njù z'a ju' là, mba yen nu là, z'a bam nà nsi b'a banban, ndu i gha yen nu là mba Tshùaben ke nsi bètt'é sàm nu bwe. 14Mènnzwi bam, be ke lèn nu lo, ke netswe be ke jù ju, mba ndu i ghù negha ke nebam no, ndù yen nu là be. 15Ndu i ju' ke tshob nu, kà njù làn, mb'a bam nà, mba yen nu là nsi be, nummbe ndu i ke' tshob nu yi num lé'njù z'a na' nju' là. 16A be z'a ju', ke tshob nu, njù làn k'a nke nga là, mba ntsha nsi vù à tu i.
17Tshù ntshù' ze Tshùaben na' ntshob Mosé mfà num mandum bo nzwi i, mfà num tà bo ngon i z'a ke' yoṅ nandà là.
La Sainte Bible en Bamiléké-Medùmba © Alliance Biblique du Cameroun, 1993. All rights reserved.