Nesiaṅe 21
21
Bon Israél ma' ntsho ntshùa ba Kanaan
1Ba #Nes. 33.40Kanaan. Mfen Arad lo ke ntswe Negéf, nju' mbe ba Israél num manze Atafim nke nse'e, bo ma' Israél ntsho, ndo' bon Israél ngù ghandàtsha yi. 2Be ndùse, Israél bètte yen ju li Tshùaben. A be z'o kô nebù' tshen ben ni mfà mum mbu màm nà, mba m'a' le' yub kà ntusô mub vù nsi. 3Tshùaben ju' nkua' ba Israél, mbù' ba Kanaan mfà bo. Israél kôg se' sube mba se' ntusô mube. Bo tswi lén yen dù' là ndù Horma — dù' bwembwôg ntsho, dù' ntsi' ntsho.
Ba mbanyu
4Bo #Neb. 2.1lo kônga Hor, nzin num manze dibantse na' nko' ndiaṅ mbaṅ ngô Edom à nediaṅe, là nkum manze fènntù mi bo. 5Bo #1 Korin. 10.9to' netshabte Nsi mba Mosé ntshob ndù: Ke bèn ngù bin sô yag nko' yi mà Egipto à? Ndù bag se' kwù num kônkwa nsen ni ké? Nummbe sàm bàn mba sàm ntse ke nsen ni, mba yen mana zwentù li yà ke mbag yage! 6Be ndùse, Tshùaben tum ba mbanyu njam tunndà Israél, mbanyu tshôg yub neshu, benntùn yàme kwù num tunndà Israél. 7Tunndà se' njen Mosé, ntshob yi ndù: Bag fàn mba bag tshabte Nsi mbèn ntshabt'o là, bu' mbu Tshùaben a ghù mbanyu kù nèn ngùanesà mbaṅ bag. Mosé le'te Nsi num tunndà. 8Tshùaben tshob yi ndù: Ghù bo nabte ta' mbanyu nkwim tu kam ntshwèn; mba we lo ze mbanyu tshôg i a lôte là, mb'a nsi yôge.
9Mosé #2 Fen. 18.4; Yoha. 3.14nabte ta' ba nyu, nkwim tu ta' kam ntshwèn. Ngelaṅ ze ta' nyu ke ntshôg mèn nà, yen mèn nà lôte ba nyu, njôge.
Nema' ntshùa mfen Sion bo Og
10Bon Israél nèn, nte mbàn yub Obot. 11Mbèn ndo Obot, nte mbàn yub Liyé-Ava. Num kônkwa bag ntumnyam Moab là. 12Mbèn ndo bwe, nte mbàn yub mbaṅ netsha' ntse Zérèd. 13Mbèn ndo bwe, nte mbàn yub yoṅ kaṅ Arnon z'a ke nswe' kônkwa, ntùm ngô ba Amor là. Arnon na' mb'a ndùnsi netèt Moab bo ba Amor. 14A b'a ju z'a ghù bo tshob ntùm ṅwa'ni ntsho Tshùaben ndù: Wahéb mà Sufa boa tse netsha' ntse, 15ts'a num nswe' mbaṅ la' Ar, ndam be ndùlala nèn nkum ndù Moab là. 16Bo tsho bwe, ndo' tôntse Ber. A b'a num yen Ber là ze Tshùaben na' ntshob Mosé ndù: Tse'te bwoṅ benntùn me fà ntse bo là. 17Be bwe, Israél na' fà sen kwi li ndù: Tôntse! Ko'o! Bin tam ku' tun i.
18Tôntse se ba fenfen tswe' là, se ba kam ngô tsiagte boa kamfà yub mba nkôg mub là! Bo lo kônkwa nèn Matana. 19Ndo Matana nèn Nahaliél, ndo Mahaliél nèn Bamot, 20mbèn ndo Bamot nèn tômbo' z'a ke nzin nkum tu mbat Moab là. Ntshùa kônga Pisga nèn tu ntshùa kônkwa. 21Israél tum ghantum bo nèn ntshob Sion, mfen ba Amor ndù: 22Faṅ me tshùa mum yu ngô, bag ke nsi faṅ manze kù'te nèn ntùm nà, ke ntùm nkùa lo. Bag ke nsi nu tshag ntse mum ntôntse mo. Bag nsi zin à be num koṅ manze ndùb kà ntôg o ntshùa. 23Là Sion ke bam Israél mb'a tshùa mum ngô i, a tse'te njoṅ ben tse fa bo à bo nèn nebumte boa Israél num kônkwa. Bo se' Yahat, dù' ze bo ma' Israél ntsho bwe là. 24Israél lab i ntshùag ṅwi nkwé ngô i neto' Arnon nèn nkum Yabok mba tà ndùnsi bon Arnon na' nkut a ta là. 25Israél lo' njoṅ ntusô fa, nte mbàn i ntùm ntusô bon Amor ts'a be Hesbon, mba ts'a ghebte mbaṅ bwe là. 26Nummbe Hesbon na' mb'a tusô Sion, mfen bon Amor, z'a na' ma' miagte mfen Moab ntsho, nkwé ngô i tà nèn nkum mbaṅ Arnon là. 27A b'a ju z'a ghù ghakite nke ntshob ndù: Bin se' Hesbon! Bin bèn nkul i kut nswe, ngù tusô Sion bèn njwèn tse! 28Ta' #Yer. 48.45-46mbwôg tum tusô Hesbon, la' mfen Sion, ta' lambwôg z'a mi Ar ntùm tusô Moab, ntshùa kô z'a sag nèn tù mà Arnon là. 29Ndon tu o là me Moab! O bi ntàn me tunndà Kémoshe! Bo lo' bon tse tse bandum ngù ghakù ntsho yi, ndo' ngonngon tse ngù nkuan yi ju Sion mfen Amor. 30Bag tote yub nkéle, neto' Hesbon nèn nkum Dibon, bo kwù fa. Bag ṅwat njoṅ tshu fa neto' Nofa nèn nkum Madaba.
31Israél te mbàn i ntùm ngô ba Amor. 32Mosé tum bo nèn ndo' Yazer boa dù' ts'a ghebte mbaṅ bwe, Mosé ta' njoṅ bon Amor fa tse bo be bwe là. 33Ngelaṅ bo na' ndo bwe ntshùb mo' manze nswe nke nzin bwe là, bo ko' num manze Basan, Og, z'a be mfen Basan nà tum boa tse bwoṅ benntùn, nèn nete'te yube, ma' yub ntsho Edrei. 34Tshùaben tshob Mosé ndù: Kà bwôg i! Me bù' i mfà mum mbu mu, yi mba ben tse boa ngô i; o nsi na nkôntshu fà yi mb'o na' ngù num Sion mfen ba Amor z'a ke ntô Hesbon nà. 35Bo ma' ntsho ntshùa i mba bon tse boa njoṅ ben tse fa, kà mba nda' mènntùn ntshù' ke bèn mbwe' yi; bo ghù ndùlala kà ndo' ngô i.
Currently Selected:
Nesiaṅe 21: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Nesiaṅe 21
21
Bon Israél ma' ntsho ntshùa ba Kanaan
1Ba #Nes. 33.40Kanaan. Mfen Arad lo ke ntswe Negéf, nju' mbe ba Israél num manze Atafim nke nse'e, bo ma' Israél ntsho, ndo' bon Israél ngù ghandàtsha yi. 2Be ndùse, Israél bètte yen ju li Tshùaben. A be z'o kô nebù' tshen ben ni mfà mum mbu màm nà, mba m'a' le' yub kà ntusô mub vù nsi. 3Tshùaben ju' nkua' ba Israél, mbù' ba Kanaan mfà bo. Israél kôg se' sube mba se' ntusô mube. Bo tswi lén yen dù' là ndù Horma — dù' bwembwôg ntsho, dù' ntsi' ntsho.
Ba mbanyu
4Bo #Neb. 2.1lo kônga Hor, nzin num manze dibantse na' nko' ndiaṅ mbaṅ ngô Edom à nediaṅe, là nkum manze fènntù mi bo. 5Bo #1 Korin. 10.9to' netshabte Nsi mba Mosé ntshob ndù: Ke bèn ngù bin sô yag nko' yi mà Egipto à? Ndù bag se' kwù num kônkwa nsen ni ké? Nummbe sàm bàn mba sàm ntse ke nsen ni, mba yen mana zwentù li yà ke mbag yage! 6Be ndùse, Tshùaben tum ba mbanyu njam tunndà Israél, mbanyu tshôg yub neshu, benntùn yàme kwù num tunndà Israél. 7Tunndà se' njen Mosé, ntshob yi ndù: Bag fàn mba bag tshabte Nsi mbèn ntshabt'o là, bu' mbu Tshùaben a ghù mbanyu kù nèn ngùanesà mbaṅ bag. Mosé le'te Nsi num tunndà. 8Tshùaben tshob yi ndù: Ghù bo nabte ta' mbanyu nkwim tu kam ntshwèn; mba we lo ze mbanyu tshôg i a lôte là, mb'a nsi yôge.
9Mosé #2 Fen. 18.4; Yoha. 3.14nabte ta' ba nyu, nkwim tu ta' kam ntshwèn. Ngelaṅ ze ta' nyu ke ntshôg mèn nà, yen mèn nà lôte ba nyu, njôge.
Nema' ntshùa mfen Sion bo Og
10Bon Israél nèn, nte mbàn yub Obot. 11Mbèn ndo Obot, nte mbàn yub Liyé-Ava. Num kônkwa bag ntumnyam Moab là. 12Mbèn ndo bwe, nte mbàn yub mbaṅ netsha' ntse Zérèd. 13Mbèn ndo bwe, nte mbàn yub yoṅ kaṅ Arnon z'a ke nswe' kônkwa, ntùm ngô ba Amor là. Arnon na' mb'a ndùnsi netèt Moab bo ba Amor. 14A b'a ju z'a ghù bo tshob ntùm ṅwa'ni ntsho Tshùaben ndù: Wahéb mà Sufa boa tse netsha' ntse, 15ts'a num nswe' mbaṅ la' Ar, ndam be ndùlala nèn nkum ndù Moab là. 16Bo tsho bwe, ndo' tôntse Ber. A b'a num yen Ber là ze Tshùaben na' ntshob Mosé ndù: Tse'te bwoṅ benntùn me fà ntse bo là. 17Be bwe, Israél na' fà sen kwi li ndù: Tôntse! Ko'o! Bin tam ku' tun i.
18Tôntse se ba fenfen tswe' là, se ba kam ngô tsiagte boa kamfà yub mba nkôg mub là! Bo lo kônkwa nèn Matana. 19Ndo Matana nèn Nahaliél, ndo Mahaliél nèn Bamot, 20mbèn ndo Bamot nèn tômbo' z'a ke nzin nkum tu mbat Moab là. Ntshùa kônga Pisga nèn tu ntshùa kônkwa. 21Israél tum ghantum bo nèn ntshob Sion, mfen ba Amor ndù: 22Faṅ me tshùa mum yu ngô, bag ke nsi faṅ manze kù'te nèn ntùm nà, ke ntùm nkùa lo. Bag ke nsi nu tshag ntse mum ntôntse mo. Bag nsi zin à be num koṅ manze ndùb kà ntôg o ntshùa. 23Là Sion ke bam Israél mb'a tshùa mum ngô i, a tse'te njoṅ ben tse fa bo à bo nèn nebumte boa Israél num kônkwa. Bo se' Yahat, dù' ze bo ma' Israél ntsho bwe là. 24Israél lab i ntshùag ṅwi nkwé ngô i neto' Arnon nèn nkum Yabok mba tà ndùnsi bon Arnon na' nkut a ta là. 25Israél lo' njoṅ ntusô fa, nte mbàn i ntùm ntusô bon Amor ts'a be Hesbon, mba ts'a ghebte mbaṅ bwe là. 26Nummbe Hesbon na' mb'a tusô Sion, mfen bon Amor, z'a na' ma' miagte mfen Moab ntsho, nkwé ngô i tà nèn nkum mbaṅ Arnon là. 27A b'a ju z'a ghù ghakite nke ntshob ndù: Bin se' Hesbon! Bin bèn nkul i kut nswe, ngù tusô Sion bèn njwèn tse! 28Ta' #Yer. 48.45-46mbwôg tum tusô Hesbon, la' mfen Sion, ta' lambwôg z'a mi Ar ntùm tusô Moab, ntshùa kô z'a sag nèn tù mà Arnon là. 29Ndon tu o là me Moab! O bi ntàn me tunndà Kémoshe! Bo lo' bon tse tse bandum ngù ghakù ntsho yi, ndo' ngonngon tse ngù nkuan yi ju Sion mfen Amor. 30Bag tote yub nkéle, neto' Hesbon nèn nkum Dibon, bo kwù fa. Bag ṅwat njoṅ tshu fa neto' Nofa nèn nkum Madaba.
31Israél te mbàn i ntùm ngô ba Amor. 32Mosé tum bo nèn ndo' Yazer boa dù' ts'a ghebte mbaṅ bwe, Mosé ta' njoṅ bon Amor fa tse bo be bwe là. 33Ngelaṅ bo na' ndo bwe ntshùb mo' manze nswe nke nzin bwe là, bo ko' num manze Basan, Og, z'a be mfen Basan nà tum boa tse bwoṅ benntùn, nèn nete'te yube, ma' yub ntsho Edrei. 34Tshùaben tshob Mosé ndù: Kà bwôg i! Me bù' i mfà mum mbu mu, yi mba ben tse boa ngô i; o nsi na nkôntshu fà yi mb'o na' ngù num Sion mfen ba Amor z'a ke ntô Hesbon nà. 35Bo ma' ntsho ntshùa i mba bon tse boa njoṅ ben tse fa, kà mba nda' mènntùn ntshù' ke bèn mbwe' yi; bo ghù ndùlala kà ndo' ngô i.
La Sainte Bible en Bamiléké-Medùmba © Alliance Biblique du Cameroun, 1993. All rights reserved.