Nesiaṅe 18
18
Ghale'te mba ntô Lévi
1Tshùaben tshob Aron ndù: A b'a wù bin à bon tsho mba nzwit Lévi bèn ngù ntsha ngelaṅ ze bo nsi fànte mo' nu ntùm dù' neghamte Nsi là, a bèn mba wù bin à bon tsho bèn ngù ntsha num nefa' fa' num nele'te. 2O nsi faṅ fèt tsho, num nzwit Lévi num tunndà tàan ndù mba bo yub ghebte ntùm ndà mbumte Nsi. Bo nsi b'a nkwébu tsho, ghaywimt'o. A nda' bin, bin bon tsho bèn ke tsin mbwe ndà Koṅ Ntshù'. 3Bo nsi b'a num fa' su mba num fa' ndà mbumte num njoṅ yôg sub fa, nda' ndù ke kwag tshu fa' ndà Nsi mba num tômbwôge, mbwôg ndù kà sàm mèn num bo mba bin kwù. 4Bo nsi b'a nkwébu tsho, nke mfa' ntùm ndà mbumte njoṅ fa' fa num ntàb, kà mènghua se' ntamte num bo. 5A b'a bin bèn fa' fa' ntùm dù' Nsi mba num tômbwôge, ndùlala ndù kà bon Israél bèn nkamte yantù. 6Yene, tu wul àm lo' bon Israél, fèt tsine, tunndà Lévi, me fà bin mba ju bwôntù là, bo fà yub Tshùaben ndù bo ke mfa' num ndà mbumte. 7Wù, bon tsho, bin nsi ke fa' à num nele'te, mba num njoṅ tshu fa ts'a kwag tômbwôge mba ju z'a be njam nzwe là. Bin nsi fa' sin fa'. Me fà fa' num nele'te bin. A b'a tu fa' ze me yab zin bwe là. Mènghua ghebte mbaṅ bwe mba bo nsi zwi i.
Tse tshu ghale'te
8Tshùaben tshob Aron ndù: Yene, me fà yàm tu wut, njoṅ tshu fa ts'a num nse' me là, njoṅ tshu fa tse ba Israél ghù nse' nefà me là, me fà tshen tshu là bin, bin à bon tsho, yen nà tù' b'a ntshù' ke bate. 9Tshù tshu ts'a ghù nse' wù num njoṅ tshu neghamte tse nelàne, tse bo ke ton nà, a b'a tshu nefà mba: Mbab bàn, tshu nele'te num nukebwô, boa tshu nele'te num nenabte nu, z'a b'a ju netô me là, tshen tshu nefà tse nelàn nà tù' b'a tsho bin à bon tsho. 10Bin a' ghù mfèt tshen tshu là ntùm dù' nelàne. Njoṅ bandum fa ghù nefèle. O nsi lo' tshen tshu là mba tshu nelàn nà. 11Tshù tsemo' tshu ts'a ghù nse' wù li: Nesébte ju num tse bon Israél ghù nse' mfà là, me fà tshen nà wù, bin à bon tsho, tse bandum mba tse bènnzwi, mfà ntùm ntshù' ke bate. Njoṅ benntùn fa tse bo be ndà o, mbe ben nelàn nà nsi fèle. 12Tshu tse me fà wù là b'a: Njô mfèt, ndu' nswe mi mebwô, ngù nsa ntùn, mbwe ju nelo' num tshu nelo' tse bo nsi fà Tshùaben nà, me fà wù. 13Njoṅ benntùn fa tse bo be ndà o ndù bo làn nà, nsi fèle. 14Mba #Lev. 27.28njoṅ tshu fa tse ba Israél nsi se' faṅ Tshùaben nà b'a tsho. 15Njoṅ tuswe benntùn fa tse bo num mfà Tshùaben nà b'a tsho. Tuswe njoṅ tshu tse Nsi na' nabte là fa, tuswe benntùn mba ba nyàm. Bo nsi tshu' njoṅ tuswe benntùn fa, mba tuswe ba nyàm tse bo ke' kàn nà. 16Ju nsi be kum ta' maṅwù, bo tshu' mfà ju z'o nsi bètte là num nkàb silba tàn, nkàb dù' Nsi, ta' silba b'a gueras ṅam mbàa. 17Nda' ndù bo ke nsi tshu' tuswe nyàmna', ke njùmbwe lo, ke mbwe lo, tshen nà b'a tshu nelàne, tshu nelo' ngamte Nsi yi, o nsi fètte nda' lem tshobe num tômbwôge, njag nzit mube mba jujù ze ywèt tse num ndamte Tshùaben nà. 18O nsi lo' mbàb tshen tshu là, be ndaṅndaṅ mb'o num ndo' nônsi nyàm mba ku nyàm ze zwim ze bo la't'é là.
19Me fà wù, a ghô yoṅ ntshù' ndùlala. Me fà tshen njoṅ tshu là fa, tse ba Israél ghù mfà me là, me fà wù bin à bon tsho tse bandum mba tse bènnzwi, tshu tse nelàne, a ghô ndùlala yoṅ ntshù'. A b'a tsho, bin à nzwil o mbe kàn newat bo ngwa, ju ke bate mbwe Tshùaben. 20Tshùaben tshob Aron ndù: O ke nsi ghù ju ntsi' ntùm ngô yube, ke ghù sàm ju netèt bo. Me bèn mbe yu ju mba yu ju ntsi' netèt ba Israél.
Tse tshu ntô Lévi
21Tshù #Lev. 27.30-33; Neb. 14.22-29ze ju ntô Lévi li: Me fà ju nze ntshù' num nze gham ze bo ghù nkwé Israél là, num mfa' mi bo ghù mfa' ntùm ndà mbumte là. 22Ndùlala, bon Israél ke nsi ghebte mbaṅ ndà mbumte, mbwôg neket nukebwô z'a nsi ghù bo kwù là. 23A b'a nzwit Lévi bèn nke mfa' num ndà mbumte, nu ghù yube mb'a b'a yub nu. A b'a ntshù' ke bate ntùm tunndà, bo ke nsi ghù ntsi' netèt bon Israél. 24Ze ju nzwit Lévi ze bon ba Israél ghù ndo' num tshu mfà bo là b'a ju nze ntshù' num nze gham, num mba ke lo ze mèn ghù là. A b'a ju z'a ghù kà me ntshob ndù: Bo ke nsi ghù ju ntsi' netèt bon ba Israél là.
25Tshùaben tshob Mosé ndu: 26Tshob ntô Lévi ndù: Ngelaṅ ze bin nsi kwé ju nze ntshù' num nze gham num njoṅ tshu fa tse bon ba Israél nsi fà bin nà, mb'a b'a zin ju ntsi'i, bin nsi bèn sébte nze ntshù' num nze gham. A nsi b'a zin ju nesébte num ju ze bin kwé là. 27A nsi b'a zin ju nesébte num tshu tse bin kwé ndaṅndaṅ mba tsemo' benntùn num mfà là, a b'a ngefet neyage, mba ju netshabe. 28Ndùlala, mba bin nsi sébte ju nefà Tshùaben num ze bon ba Israél num nsébte yub nse' mfà bin num lén Tshùaben nà. Bin nsi fà tshen tshu là ngale'te Aron. 29Bin nsi nèn num njoṅ tshu fa, tse bo nsi fà bin nà, sô ze nelàne. 30O nsi bèn tshob bo ndù: Ngelaṅ ze bin sébte tshu mebwô num njoṅ tshen tshu fa là, a nsi b'a ju ntshù' num ju neyage mba ze netshabe. 31Bin nsi tsin mba num zit dù' lo, jù yen ju là, mba tunndà zine, nummbe a b'a nkàbfa' zin num fa' se bin num mfa' num ndà mbumte là. 32Bin ke nsébte tshu num tshu mebwô tse bo num mfà là, mba ntsha ke tu bin, kà bin sagte tshu nelàne tse bo num mfà là, a be ndùlala mba bin ke nsi kwù.
Currently Selected:
Nesiaṅe 18: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Nesiaṅe 18
18
Ghale'te mba ntô Lévi
1Tshùaben tshob Aron ndù: A b'a wù bin à bon tsho mba nzwit Lévi bèn ngù ntsha ngelaṅ ze bo nsi fànte mo' nu ntùm dù' neghamte Nsi là, a bèn mba wù bin à bon tsho bèn ngù ntsha num nefa' fa' num nele'te. 2O nsi faṅ fèt tsho, num nzwit Lévi num tunndà tàan ndù mba bo yub ghebte ntùm ndà mbumte Nsi. Bo nsi b'a nkwébu tsho, ghaywimt'o. A nda' bin, bin bon tsho bèn ke tsin mbwe ndà Koṅ Ntshù'. 3Bo nsi b'a num fa' su mba num fa' ndà mbumte num njoṅ yôg sub fa, nda' ndù ke kwag tshu fa' ndà Nsi mba num tômbwôge, mbwôg ndù kà sàm mèn num bo mba bin kwù. 4Bo nsi b'a nkwébu tsho, nke mfa' ntùm ndà mbumte njoṅ fa' fa num ntàb, kà mènghua se' ntamte num bo. 5A b'a bin bèn fa' fa' ntùm dù' Nsi mba num tômbwôge, ndùlala ndù kà bon Israél bèn nkamte yantù. 6Yene, tu wul àm lo' bon Israél, fèt tsine, tunndà Lévi, me fà bin mba ju bwôntù là, bo fà yub Tshùaben ndù bo ke mfa' num ndà mbumte. 7Wù, bon tsho, bin nsi ke fa' à num nele'te, mba num njoṅ tshu fa ts'a kwag tômbwôge mba ju z'a be njam nzwe là. Bin nsi fa' sin fa'. Me fà fa' num nele'te bin. A b'a tu fa' ze me yab zin bwe là. Mènghua ghebte mbaṅ bwe mba bo nsi zwi i.
Tse tshu ghale'te
8Tshùaben tshob Aron ndù: Yene, me fà yàm tu wut, njoṅ tshu fa ts'a num nse' me là, njoṅ tshu fa tse ba Israél ghù nse' nefà me là, me fà tshen tshu là bin, bin à bon tsho, yen nà tù' b'a ntshù' ke bate. 9Tshù tshu ts'a ghù nse' wù num njoṅ tshu neghamte tse nelàne, tse bo ke ton nà, a b'a tshu nefà mba: Mbab bàn, tshu nele'te num nukebwô, boa tshu nele'te num nenabte nu, z'a b'a ju netô me là, tshen tshu nefà tse nelàn nà tù' b'a tsho bin à bon tsho. 10Bin a' ghù mfèt tshen tshu là ntùm dù' nelàne. Njoṅ bandum fa ghù nefèle. O nsi lo' tshen tshu là mba tshu nelàn nà. 11Tshù tsemo' tshu ts'a ghù nse' wù li: Nesébte ju num tse bon Israél ghù nse' mfà là, me fà tshen nà wù, bin à bon tsho, tse bandum mba tse bènnzwi, mfà ntùm ntshù' ke bate. Njoṅ benntùn fa tse bo be ndà o, mbe ben nelàn nà nsi fèle. 12Tshu tse me fà wù là b'a: Njô mfèt, ndu' nswe mi mebwô, ngù nsa ntùn, mbwe ju nelo' num tshu nelo' tse bo nsi fà Tshùaben nà, me fà wù. 13Njoṅ benntùn fa tse bo be ndà o ndù bo làn nà, nsi fèle. 14Mba #Lev. 27.28njoṅ tshu fa tse ba Israél nsi se' faṅ Tshùaben nà b'a tsho. 15Njoṅ tuswe benntùn fa tse bo num mfà Tshùaben nà b'a tsho. Tuswe njoṅ tshu tse Nsi na' nabte là fa, tuswe benntùn mba ba nyàm. Bo nsi tshu' njoṅ tuswe benntùn fa, mba tuswe ba nyàm tse bo ke' kàn nà. 16Ju nsi be kum ta' maṅwù, bo tshu' mfà ju z'o nsi bètte là num nkàb silba tàn, nkàb dù' Nsi, ta' silba b'a gueras ṅam mbàa. 17Nda' ndù bo ke nsi tshu' tuswe nyàmna', ke njùmbwe lo, ke mbwe lo, tshen nà b'a tshu nelàne, tshu nelo' ngamte Nsi yi, o nsi fètte nda' lem tshobe num tômbwôge, njag nzit mube mba jujù ze ywèt tse num ndamte Tshùaben nà. 18O nsi lo' mbàb tshen tshu là, be ndaṅndaṅ mb'o num ndo' nônsi nyàm mba ku nyàm ze zwim ze bo la't'é là.
19Me fà wù, a ghô yoṅ ntshù' ndùlala. Me fà tshen njoṅ tshu là fa, tse ba Israél ghù mfà me là, me fà wù bin à bon tsho tse bandum mba tse bènnzwi, tshu tse nelàne, a ghô ndùlala yoṅ ntshù'. A b'a tsho, bin à nzwil o mbe kàn newat bo ngwa, ju ke bate mbwe Tshùaben. 20Tshùaben tshob Aron ndù: O ke nsi ghù ju ntsi' ntùm ngô yube, ke ghù sàm ju netèt bo. Me bèn mbe yu ju mba yu ju ntsi' netèt ba Israél.
Tse tshu ntô Lévi
21Tshù #Lev. 27.30-33; Neb. 14.22-29ze ju ntô Lévi li: Me fà ju nze ntshù' num nze gham ze bo ghù nkwé Israél là, num mfa' mi bo ghù mfa' ntùm ndà mbumte là. 22Ndùlala, bon Israél ke nsi ghebte mbaṅ ndà mbumte, mbwôg neket nukebwô z'a nsi ghù bo kwù là. 23A b'a nzwit Lévi bèn nke mfa' num ndà mbumte, nu ghù yube mb'a b'a yub nu. A b'a ntshù' ke bate ntùm tunndà, bo ke nsi ghù ntsi' netèt bon Israél. 24Ze ju nzwit Lévi ze bon ba Israél ghù ndo' num tshu mfà bo là b'a ju nze ntshù' num nze gham, num mba ke lo ze mèn ghù là. A b'a ju z'a ghù kà me ntshob ndù: Bo ke nsi ghù ju ntsi' netèt bon ba Israél là.
25Tshùaben tshob Mosé ndu: 26Tshob ntô Lévi ndù: Ngelaṅ ze bin nsi kwé ju nze ntshù' num nze gham num njoṅ tshu fa tse bon ba Israél nsi fà bin nà, mb'a b'a zin ju ntsi'i, bin nsi bèn sébte nze ntshù' num nze gham. A nsi b'a zin ju nesébte num ju ze bin kwé là. 27A nsi b'a zin ju nesébte num tshu tse bin kwé ndaṅndaṅ mba tsemo' benntùn num mfà là, a b'a ngefet neyage, mba ju netshabe. 28Ndùlala, mba bin nsi sébte ju nefà Tshùaben num ze bon ba Israél num nsébte yub nse' mfà bin num lén Tshùaben nà. Bin nsi fà tshen tshu là ngale'te Aron. 29Bin nsi nèn num njoṅ tshu fa, tse bo nsi fà bin nà, sô ze nelàne. 30O nsi bèn tshob bo ndù: Ngelaṅ ze bin sébte tshu mebwô num njoṅ tshen tshu fa là, a nsi b'a ju ntshù' num ju neyage mba ze netshabe. 31Bin nsi tsin mba num zit dù' lo, jù yen ju là, mba tunndà zine, nummbe a b'a nkàbfa' zin num fa' se bin num mfa' num ndà mbumte là. 32Bin ke nsébte tshu num tshu mebwô tse bo num mfà là, mba ntsha ke tu bin, kà bin sagte tshu nelàne tse bo num mfà là, a be ndùlala mba bin ke nsi kwù.
La Sainte Bible en Bamiléké-Medùmba © Alliance Biblique du Cameroun, 1993. All rights reserved.