Nesiaṅe 1
1
ISRAEL NUM KÔNKWA
Mbwe nesiaṅ tunndà bon Israél
1Tshùaben #Nes. 26.1-51tshob Mosé num kônkwa ntùm ndà mbumte, num mbwe lé'njù ntùm mbatte maṅwù bàa, ntùm mbatte ngu'njù bàa mba bo tum Egipto là ndù:
2Bin siaṅ njoṅ ntse'te bon Israél, tunndà tunndà, be mba tà tshobe na' nke mbe yi là, nke ndo' ta' mèn netèt bandum fa. 3Neto'te num ngu'njù ṅam mbàa mba tse bo tôg là, mba we lo netèt ba Israél ze mb'a ma' kô là. Bin Aron nsi siaṅ yube be nkam nkam ntùm ba ndà manjô be mba bo be là. 4Bin nsi lo' ta' mandum num tu nzwit mèn, ngatô tunndà ba tà tshobe. 5Tshù ndèn bandum tse bin à bo nsi be li: Num ndà Rubèn, bin lo' Elitsur nshum Shéda. 6Num ndà Siméon, bin lo' Shelumamel Tshuri Shadal, 7Tunndà Yuda: Naskron, nshum Aminadab. 8Tunndà Isakar: Nétanél, nshum Tsuar. 9Tunndà Zabulon: Bin lo' Eliab, nshum Hélon. 10Num bon Yosèf, Manasé: Bin lo' Elishama, nshum Amihud, num tu Manasé bin lo' Gamliél nshum Pédatsur. 11Num tu Benjamin: Bin lo' Abidan, nshum Guideoni. 12Num tu Dan: Bin lo' Ahieza, nshum Amishada. 13Num tu Aser bin lo' Pagiel, nshum Okran. 14Num tu Gad: Bin lo' Eliasaf nshum Deul. 15Num tu Néftali: Bin lo' Ahira, nshum Enan. 16Tshen ni b'a benntùn tse bo tsiaṅ yub ntùm mbumte ngag mèn num tunndà ba tà tshobe, ngatô benntùn ntsha'ntsha' netèt ba Israél là. 17Mosé bo Aron lo' tshen benntùn tse bo na' ntsho' yub ndèn nà. 18Bo tsiaṅ ntse'te fafa num mbwe lé'njù num mbatte maṅwù bàa. Bo su ndèn mub ntùm ṅwa'ni be mba tunndà be yi là, be mba nzwit yub be yi là, nke ndo' ta' mèn num ndèn yàme, ndo' num ngu'njù ṅam mbàa, mba tse bo tôg là. 19Mosé siaṅ benntùn num mbat Sinaï: be mba Tshùaben na' mbètte ndù a ghù là.
20Bo su nshumnshum Rubèn, tuswe Israél be mba tunndà be là, mbe mba ba tà tshobe na' ntum nà, nke ndo' ta' mandum num tu bandum fa, neto'te num ngu'njù ṅam mbàa mba tse bo tôg là, tse bo ku'ni nema' kô là. 21Benntùn num tunndà Rubèn tse bo na' nsiaṅ nà lo kum ntsha' ntshob ntôge ṅam nkuà ngù nkù tàn.
22Bo su ndèn bon Siméon, be mba tunndà be yi là, be mba ba tà tshob na' ntum yi là, bo lo' ta' mandum num tu bandum fa ntùm tunndà, neto'te ntùm ngu'njù ṅam mbàa, mba tse bo tôg là, tse bo ku'ni nema' kô là. 23Bandum tse bo na' njen ntùm nesiaṅ tunndà Siméon yi là, na' mb'a ntsha' ntshob bwe'e ṅam ntàn ngù nkù tat.
24Bo su ndèn bon Gad, be mba tunndà be là, be mba ba tà tshob na' ntum nà, neto'te num ngu'njù ṅam mbàa, mba tse bo tôg là, njoṅ benntùn tse bo ku'ni nema' kô là. 25Benntùn tse bo na' njen num nesiaṅ tunndà Gad là, na' mb'a ntsha' ntshob tàn ṅam nkuà ngù nkù ntôge ṅam ntàn.
26Bo su ndèn bon Yuda be mba tunndà be là, be mba ba tà tshob na' ntum nà, neto'te num ngu'njù ṅam mbàa, mba tse bo tôg là, tse bo ku'ni nema' kô là. 27Benntùn num tunndà Yuda tse bo na' nsu ndèn mub là, na' mb'a ntsha' ntshob kuà ṅam sammbàa ngù nkù ntôge.
28Bo su ndèn bon Isakar be mba tunndà be là, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là. 29Benntùn num tunndà Isakar tse bo su ndèn mub là na' mb'a ntsha' ntshob kuà ṅam ntàn ngù nkù kuà.
30Bo su ndèn bon Zabulon be mba tunndà be là, be mba ba tà tshob na' ntum nà, neto'te num ngu'njù ṅam mbàa, mba tse bo tôg là, tse bo ku'ni nema' kô là. 31Benntùn tse bo nsiaṅ tunndà Zabulon njen nà na' mb'a ntsha' ntshob sammbàa ṅam ntàn ngù nkù kuà.
32Bo su ndèn Yosèf, bon Efraim, be mba tunndà be là, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là. 33Bon Efraim tse bo na' nsiaṅ njen nà na' mb'a ntsha' ṅam nkuà ngù nkù tàn.
34Bo su ndèn bon Manasé tunndà tunndà be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là. 35Ben Manasé tse bo na' nsiaṅ nà na' mb'a ntsha' ntshob bàa ṅam ntat ngù nkù bàa.
36Bo su ndèn bon Benjamin tunndà tunndà, fe num ba tà tshob, neto'te num ngu'njù ṅam mbàa mba tse bo tôg là, tse bo ku'ni nema' kô là. 37Ben Benjamin tse bo na' nsiaṅ nà na' mba ntsha' ntshob tàn ṅam ntat ngù nkù kuà.
38Bo su ndèn bon Dan tunndà tunndà, be mba ba tà tshob na' ntum nà neto'te num ngu'njù ṅam mbàa mba tse bo tôg là, tse bo ku'ni nema' kô là. 39Bon tunndà Dan tse bo na' nsiaṅ njen nà na' mb'a ntsha' ntshob bàa ṅam ntôge nkù sammbàa.
40Bo su ndèn bon Aser tunndà tunndà, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là. 41Ben Aser tse bo na' nsiaṅ njen nà na' mb'a ntsha' ntshob ntshù' ṅam nkuà ngù nkù tàn.
42Bo su ndèn bon Néftali tunndà tunndà, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là. 43Ben Néftali tse bo na' nsiaṅ njen nà na' mb'a ntsha' ntshob tat ṅam ntàn ngù nkù kuà.
44Tshù nesiaṅ benntùn tse Mosé bo Aron boa benntùn ntshob bà gham, ngag mèn netèt ba Israél, ta' mandum num tu ba tà tshob là. 45Njoṅ tshen bon ba Israél, tse bo na' nsiaṅ tunndà tunndà, neto'te num ngu'njù ṅam mbàa mba tse bo tôge, tse bo ku'ni nema' kô là, tum ntsha' nkù ntôge ngù ntsha' bon tàn nkù tàn. 46Njoṅ ben bo siaṅ yub là tum ben ntsha' nkù ntôge, ntsha' tat ngù bon tàn nkù tàn. 47Benntùn num tunndà Lévi, fe num tunndà ba tà tshob, lo ke su ndèn mub ntùm yen nesiaṅ nà.
Mfa' ntôndà Lévi
48Tshùaben lo tshob Mosé ndù: 49O ke nsi siaṅ tunndà Lévi, o ke nsi siaṅte yub netèt ba Israél. 50Ghù ndù ben Lévi ke ndôte be nda' ndà mbumte. Kwénta boa tshu nefa' fa' yi ndà, boa njoṅ tshu fa ts'a be ndà là. Bo a' ghù nket yen ndà mbumte là boa tshu fa', nke ndo' mfa' fa' yi, nke nkut mbàn yub yi, ndiaṅ yen ndà là mbume. 51Bo a' ghù mbe nène, ben Lévi tsho'te yen ndà mbumte là, nkum dù' ze bo nsi tswe bwe là, nabte nte tù. Bo nsi zwi mènghua z'a ghebte mbaṅ bwe là.
52Bon Israél nsi tswe mba we lo ntùm ze mbàn, mba zit mèn lo mbaṅ ngô, tswe be manjô manjô. 53Ben Lévi nsi kut mbàn yub, ndiaṅ ndà mbumte mbume, ndù kà yantù Nsi kamte num ntse'te bon ba Israél. A b'a ze ntsha bon Lévi nelôte yen ndà lèn bumte kwénta là.
54Tshù ju ze bon ba Israél na' ngù là, bo ghù be ndaṅndaṅ mba Tshùaben na' ntshob Mosé ndù a ghù là.
Currently Selected:
Nesiaṅe 1: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
