Lévitiko Ju z'a ntùm bwe là
Ju z'a ntùm bwe là
Mbwe nka ṅwa'ni Lévitiko num nda'te mba Nsi na' ntsin ntshu ntàb mbumte ntsiaṅ Mosé ntshob nu yi là. Nsi lo tshùa num ntshob mi mi a be ntùm yen ṅwa'ni li là, nsoṅ Mosé njoṅ nkàn boa njoṅ ntshù' fa mi a nsi tswite ba Israél yi, mba nka'ni mi a na' mbù bo là, ndùlala ndù mba zit mèn no z'a tshùb mbèn nke nze là ghù ntshùa bwe njôge (18.5, lôte ntùm Roma 10.5). Njoṅ i fa b'a mba Nsi na' nda'te ba Israél mba be bo ghua' njoṅ fa'te fa ts'a num ntshètte yub mb'a be boa bo tamte là, mba mb'a be bo ghù kà ze “ntàb” mbe kua' dù' ze boa bo ghù mbumte bwe là; a bwô ndù ben tse bo nsi ke ton tshu neghamt'é yi là, ke nton à ntùm mal à tshob bo là (kam 1—7); a bwô bo ke nku'ni ghaghamte Nsi. Mba bo yub bèn ngù mat mebwô (nkam 8—10) ndù njoṅ benntùn fa tshùa ndùlala nkù tshunu ṅu'u (nkam 11—16) mba yôg kat ze ntshob Nsi ke' be kô là (nkam 17—27). Nsi b'a Nsi nelàne, Nsi nkôni, Nsi yôg z'a num nkô ndù njoṅ ben tse fa tswe ntùm nelàn i là (19.2) ndù bo lo' yen nelàn nà mba nkôni nké' manze yôg yi tsemo' benntùn.
Nsi kwate ndùlala mfà men ntshù' mi Yésu na' ntshaṅ nekut tu njoṅ ntshù' Nsi fa yi là ba Israél ndù: “Mba zit mèn no ke nkô mèn z'a ghebte mbaṅ i là mb'a num nkô tu wul i là.” Men ntshù' fa là mi a be nu netshàm ghasiaṅ ntshob Nsi ndonni là num nkwimte ghabam Nsi njoṅ ngelaṅ fa, ntùm njoṅ dù' fa, nke nsaṅlaṅ bwe ke bot ndù: Neyab ntù num Nsi bèn nku'ni neghù ndù mba zit mèn no se' njôge.
Currently Selected:
Lévitiko Ju z'a ntùm bwe là: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.