Lévitiko 7
7
Tshule'te nelagte mfànnu
1Tshù ntshù' jule'te mfànnu li: A b'a ju z'a làn neshu là. 2Bo nsi wat nyàm jule'te mfànnu à dù' ze bo num ngwat nyàm jule'te ze neton bwe là; bo nsi naṅ lem tse lo' diaṅ tômbwôg yi bume. 3Bo nsi fà nzit mi fa, nkun i, nzit mi a be mbe num tshu bam tse là, 4mba zwe' mi mbàa, boa nzit mi a be mbe num mbat mi là, nkal i, ntsho' i tà mbaṅ mba zwe' mi. 5Ngafà tshule'te nsi ton njoṅ i fa num tômbwôge, a be jule'te ze neton mbwe Tshùaben. A b'a jule'te mfànnu. 6Mba zit mandum no netèt ghafà tshule'te nsi jù ze bwe. A nsi jù yen jule'te l'a dù' nelàne. A b'a ju z'a làn neshu là. 7Bo nsi ghù num jule'te mfànnu à mba bo num ngù num jule'te ze netamte fa là; ntshù' tshen tshule'te bàa là b'a ntshù'. Nyàm yen jule'te là nsi b'a ze ngafà jule'te z'a tamte fa là.
Ju z'a tù' ze ghafà tshule'te là
8Ngafà tshule'te z'a nsi bèn ton nyàm mo' mèn yi là, nsi lo' ngub nyàm z'a fà là. 9Ju bwôntù ze bo na num mbwôge, ze bo nabt'é num bag tùne, ntùm kab tùne, b'a ze ngafà tshule'te z'a lo' tshen tshu là nèn yi mbwe Tshùaben nà. 10Njoṅ ju bwôntù fa ze bo lo' mfèt ntébte yi ke ze ju ke bwe lo là b'a ze njoṅ tse nshum Aron fa ke faṅ sàm mèn.
Tshule'te tse fite
11Tshù ntshù' jule'te z'a tshwèt nda'te ndù mèn tamte bo Tshùaben ni. 12A be ze mèn fà yen ju l'a nelo' ndèn numebwô yi là, mb'a bwô nyàm jule'te z'a tshwèt nda'te ndù mèn tamte bo Tshùaben nà ghù: Ba makela' tse bo lo' mfèt ntébte yi ke ma' ntsha' bwe là, tag ke ntsha' ze bo naṅ mfèt bwe là, ngù mbab bàn bo tébte mfèt nkate là. 13Num tshen makela', a nsi yab bàn bo ma' ntsha' bwe là bwe, num ze ju bwôntù bo ze jule'te nelèn numebwô bo z'a tshwèt nda'te ndù mèn tamte bo Tshùaben nà. 14Bo nsi bù' mba zit bag ju bwôntù lo tù mbwe Tshùaben. Yen nà nsi b'a ze ngafà tshule'te z'a naṅ lem nyàm jule'te z'a tshwèt nda'te ndù mèn tamte bo Tshùaben nà. 15Bo nsi fèt mbàb jule'te z'a tshwèt nda'te ndù mèn tamte bo Tshùaben nà mba nelèn numebwô be kua' lé' se se bo wal i là, ke faṅ ndù a zi ndà kà ntèt ndamnjù nkebnjù.
16A be ze mèn fà ta' jule'te nelo' nzwiagte ta' nka'ni yi là, ke ta' ju bwôntù kua' mb'a ko' ntù i lo, mb'a bwô nefèt nyàm fa be lé' se s'a fà i là, ntshag mfèt z'a tù' là ndamnjù. 17Mbàb z'a nsi tù' bwe là, bo nsi ton i mbwôg num mbatte lé'njù tat. 18A be ze mèn fèt mbàb ze jule'te z'a tshwèt nda'te ndù mèn tamte bo Tshùaben num mbatte lé'njù tat là, mba bo gha yen jule'te là; mba bo ke lôte mèn z'a fà yen jule'te là. A b'a ju z'a bagte là, mbe ndù mba we lo z'a fèt là nsi ket nukebwô i. 19Bo ke nsi fèt mbàb z'a kwag ju nesagte là: Bo nsi ton i à mbwôge. 20Mèn z'a làn nà ku'ni nefèt mbàb jule'te.
Mba we lo z'a ke' sagte là ghù nefèt mbàb; là, mèn z'a be ntùm nesagte, mfèt mbàb jule'te z'a tshwèt nda'te ndù mèn tamte bo Tshùaben nà, mba bo a' sô ng'é netèt ze nzwit mèn. 21Mèn z'a kwag ju nesagte z'a fe à mènntùn, ta' nyàm nesagte, ke mba ke lo z'a sagte, mfèt mbàb jule'te z'a tshwèt nda'te ndù mèn tamte bo Tshùaben nà, mba bo a' sô ng'é netèt ze nzwit mèn.
Mba ngô nsi ke ghù là
22Tshùaben tshob Mosé ndù: 23Tshob bon Israél ndù: Bin ke nsi fèt nzit nyàmna', mi njùmbwe ke mi mbwe lo. 24Nzit nyàm z'a kwù ke mo' ju sé't'é lo là nsi nèn à num mo' fa' ghua, là, bin ke nsi fèt men nzit là. 25Nummbe mèn z'a fèt nzit nyàm tse bo fà Tshùaben mba jule'te ze neton mbwôg là, mba bo a' sô ng'é netèt ze nzwit mèn.
26Bin #Net. 9.4; Lev. 17.10-14; 19.26; Neb. 12.16,23; 15.23ke nsi fèt lem, ke tse saṅe, ke tse nyàm no ntùm njoṅ dù' fa tse bin nsi tswe là. 27Mèn z'a nsi fèt lem mba ke lèn nyàm no là, mba bo a' sô ng'é netèt ze nzwit mèn.
28Tshùaben tshob Mosé ndù: 29Tshob bon Israél ndù: Mèn z'a fà ze jule'te z'a tshwèt nda'te ndù mèn tamte bo Tshùaben nà, mb'a' lo' mba ze ju bwôntù nse' mfà Tshùaben. A nsi lo' yen ju bwôntù l'a num ze jule'te z'a tshwèt nda'te ndù mèn tamte bo Tshùaben nà. 30A bwô kua' tu wul i lo' ju ze bo ton mbwôg là nse' yi mbwe Tshùaben; a lo' nzit bo nônsi nyàm nse' yi, nse' nônsi nyàm ndùlala nshùte bag bag mbwe Tshùaben, nyi't'é. 31Ngafà tshule'te nsi ton nzit num tômbwôg, nônsi nyàm b'a ze ju Aron boa nshumnshum tse. 32Bin nsi ke nèn num tshule'te tsin ts'a tshwèt nda'te ndù mèn tamte bo Tshùaben nà fà bu nyàm ze zwim ngafà tshule'te. Bin nsi be fà yi bù' tshag tù. 33Mba zit nshum Aron no z'a nsi bèn fà lem bo nzit jule'te z'a tshwèt nda'te ndù mèn tamte bo Tshùaben no là nsi bèn ghù bu nyàm ze zwim mba ze ju là. 34Nummbe me lo' nônsi nyàm num tshule'te ts'a tshwèt nda'te ndù mèn tamte bo Tshùaben nà, tshen nà tse bon Israél bèn mfà là, bo nsi shùt'é bag bag bo bu nyàm ze bo nsi be fà tshag tù là. Me fà tshen tshu là Aron ngafà tshule'te mba tse nshum. Me yab ntshù' num yen nu là matmat, mbe ndù bon Israél nsi ke ze yen ntshù' là. 35Yen nà b'a ju ze neyo' Aron boa tse nshum fà bo num tshule'te tse bo ton mbwôg mbwe Tshùaben nà. Yen nà nsi b'a fe lé'njù se bo la'te yube, bo tsho ntùm fa' sàm, fa' nele'te Nsi là. 36A b'a ju ze Tshùaben tshob ndù bon Israél ke mfà bo fe lé'njù se bo yo' yub là; a b'a ta' ntshù' z'a tswe matmat netèt nzwit yub là.
37Tshù mba ntshù' nyàm netone, ju bwôntù, jule'te ze netamte fa, jule'te ze mfànnu, ntshù' neyo' num fa', bo ze jule'te z'a tshwèt nda'te ndù mèn tamte bo Tshùaben nà. 38Tshùaben lo kite yen ntshù' là Mosé num mbat Sinaï, lé'njù s'a na' ntshob bon Israél ndù bo fà tshob tshu bwôntù Tshùaben num kônkwa Sinaï là.
Currently Selected:
Lévitiko 7: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Lévitiko 7
7
Tshule'te nelagte mfànnu
1Tshù ntshù' jule'te mfànnu li: A b'a ju z'a làn neshu là. 2Bo nsi wat nyàm jule'te mfànnu à dù' ze bo num ngwat nyàm jule'te ze neton bwe là; bo nsi naṅ lem tse lo' diaṅ tômbwôg yi bume. 3Bo nsi fà nzit mi fa, nkun i, nzit mi a be mbe num tshu bam tse là, 4mba zwe' mi mbàa, boa nzit mi a be mbe num mbat mi là, nkal i, ntsho' i tà mbaṅ mba zwe' mi. 5Ngafà tshule'te nsi ton njoṅ i fa num tômbwôge, a be jule'te ze neton mbwe Tshùaben. A b'a jule'te mfànnu. 6Mba zit mandum no netèt ghafà tshule'te nsi jù ze bwe. A nsi jù yen jule'te l'a dù' nelàne. A b'a ju z'a làn neshu là. 7Bo nsi ghù num jule'te mfànnu à mba bo num ngù num jule'te ze netamte fa là; ntshù' tshen tshule'te bàa là b'a ntshù'. Nyàm yen jule'te là nsi b'a ze ngafà jule'te z'a tamte fa là.
Ju z'a tù' ze ghafà tshule'te là
8Ngafà tshule'te z'a nsi bèn ton nyàm mo' mèn yi là, nsi lo' ngub nyàm z'a fà là. 9Ju bwôntù ze bo na num mbwôge, ze bo nabt'é num bag tùne, ntùm kab tùne, b'a ze ngafà tshule'te z'a lo' tshen tshu là nèn yi mbwe Tshùaben nà. 10Njoṅ ju bwôntù fa ze bo lo' mfèt ntébte yi ke ze ju ke bwe lo là b'a ze njoṅ tse nshum Aron fa ke faṅ sàm mèn.
Tshule'te tse fite
11Tshù ntshù' jule'te z'a tshwèt nda'te ndù mèn tamte bo Tshùaben ni. 12A be ze mèn fà yen ju l'a nelo' ndèn numebwô yi là, mb'a bwô nyàm jule'te z'a tshwèt nda'te ndù mèn tamte bo Tshùaben nà ghù: Ba makela' tse bo lo' mfèt ntébte yi ke ma' ntsha' bwe là, tag ke ntsha' ze bo naṅ mfèt bwe là, ngù mbab bàn bo tébte mfèt nkate là. 13Num tshen makela', a nsi yab bàn bo ma' ntsha' bwe là bwe, num ze ju bwôntù bo ze jule'te nelèn numebwô bo z'a tshwèt nda'te ndù mèn tamte bo Tshùaben nà. 14Bo nsi bù' mba zit bag ju bwôntù lo tù mbwe Tshùaben. Yen nà nsi b'a ze ngafà tshule'te z'a naṅ lem nyàm jule'te z'a tshwèt nda'te ndù mèn tamte bo Tshùaben nà. 15Bo nsi fèt mbàb jule'te z'a tshwèt nda'te ndù mèn tamte bo Tshùaben nà mba nelèn numebwô be kua' lé' se se bo wal i là, ke faṅ ndù a zi ndà kà ntèt ndamnjù nkebnjù.
16A be ze mèn fà ta' jule'te nelo' nzwiagte ta' nka'ni yi là, ke ta' ju bwôntù kua' mb'a ko' ntù i lo, mb'a bwô nefèt nyàm fa be lé' se s'a fà i là, ntshag mfèt z'a tù' là ndamnjù. 17Mbàb z'a nsi tù' bwe là, bo nsi ton i mbwôg num mbatte lé'njù tat. 18A be ze mèn fèt mbàb ze jule'te z'a tshwèt nda'te ndù mèn tamte bo Tshùaben num mbatte lé'njù tat là, mba bo gha yen jule'te là; mba bo ke lôte mèn z'a fà yen jule'te là. A b'a ju z'a bagte là, mbe ndù mba we lo z'a fèt là nsi ket nukebwô i. 19Bo ke nsi fèt mbàb z'a kwag ju nesagte là: Bo nsi ton i à mbwôge. 20Mèn z'a làn nà ku'ni nefèt mbàb jule'te.
Mba we lo z'a ke' sagte là ghù nefèt mbàb; là, mèn z'a be ntùm nesagte, mfèt mbàb jule'te z'a tshwèt nda'te ndù mèn tamte bo Tshùaben nà, mba bo a' sô ng'é netèt ze nzwit mèn. 21Mèn z'a kwag ju nesagte z'a fe à mènntùn, ta' nyàm nesagte, ke mba ke lo z'a sagte, mfèt mbàb jule'te z'a tshwèt nda'te ndù mèn tamte bo Tshùaben nà, mba bo a' sô ng'é netèt ze nzwit mèn.
Mba ngô nsi ke ghù là
22Tshùaben tshob Mosé ndù: 23Tshob bon Israél ndù: Bin ke nsi fèt nzit nyàmna', mi njùmbwe ke mi mbwe lo. 24Nzit nyàm z'a kwù ke mo' ju sé't'é lo là nsi nèn à num mo' fa' ghua, là, bin ke nsi fèt men nzit là. 25Nummbe mèn z'a fèt nzit nyàm tse bo fà Tshùaben mba jule'te ze neton mbwôg là, mba bo a' sô ng'é netèt ze nzwit mèn.
26Bin #Net. 9.4; Lev. 17.10-14; 19.26; Neb. 12.16,23; 15.23ke nsi fèt lem, ke tse saṅe, ke tse nyàm no ntùm njoṅ dù' fa tse bin nsi tswe là. 27Mèn z'a nsi fèt lem mba ke lèn nyàm no là, mba bo a' sô ng'é netèt ze nzwit mèn.
28Tshùaben tshob Mosé ndù: 29Tshob bon Israél ndù: Mèn z'a fà ze jule'te z'a tshwèt nda'te ndù mèn tamte bo Tshùaben nà, mb'a' lo' mba ze ju bwôntù nse' mfà Tshùaben. A nsi lo' yen ju bwôntù l'a num ze jule'te z'a tshwèt nda'te ndù mèn tamte bo Tshùaben nà. 30A bwô kua' tu wul i lo' ju ze bo ton mbwôg là nse' yi mbwe Tshùaben; a lo' nzit bo nônsi nyàm nse' yi, nse' nônsi nyàm ndùlala nshùte bag bag mbwe Tshùaben, nyi't'é. 31Ngafà tshule'te nsi ton nzit num tômbwôg, nônsi nyàm b'a ze ju Aron boa nshumnshum tse. 32Bin nsi ke nèn num tshule'te tsin ts'a tshwèt nda'te ndù mèn tamte bo Tshùaben nà fà bu nyàm ze zwim ngafà tshule'te. Bin nsi be fà yi bù' tshag tù. 33Mba zit nshum Aron no z'a nsi bèn fà lem bo nzit jule'te z'a tshwèt nda'te ndù mèn tamte bo Tshùaben no là nsi bèn ghù bu nyàm ze zwim mba ze ju là. 34Nummbe me lo' nônsi nyàm num tshule'te ts'a tshwèt nda'te ndù mèn tamte bo Tshùaben nà, tshen nà tse bon Israél bèn mfà là, bo nsi shùt'é bag bag bo bu nyàm ze bo nsi be fà tshag tù là. Me fà tshen tshu là Aron ngafà tshule'te mba tse nshum. Me yab ntshù' num yen nu là matmat, mbe ndù bon Israél nsi ke ze yen ntshù' là. 35Yen nà b'a ju ze neyo' Aron boa tse nshum fà bo num tshule'te tse bo ton mbwôg mbwe Tshùaben nà. Yen nà nsi b'a fe lé'njù se bo la'te yube, bo tsho ntùm fa' sàm, fa' nele'te Nsi là. 36A b'a ju ze Tshùaben tshob ndù bon Israél ke mfà bo fe lé'njù se bo yo' yub là; a b'a ta' ntshù' z'a tswe matmat netèt nzwit yub là.
37Tshù mba ntshù' nyàm netone, ju bwôntù, jule'te ze netamte fa, jule'te ze mfànnu, ntshù' neyo' num fa', bo ze jule'te z'a tshwèt nda'te ndù mèn tamte bo Tshùaben nà. 38Tshùaben lo kite yen ntshù' là Mosé num mbat Sinaï, lé'njù s'a na' ntshob bon Israél ndù bo fà tshob tshu bwôntù Tshùaben num kônkwa Sinaï là.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.