Lévitiko 13
13
Ngokèt ngub wut num mandum
1Tshùaben tshob Mosé bo Aron ndù: 2A be ze ta' ju ko' num ngub mèn, mbile, ngù dù' i fôg mba kôglage, mfute nkin nà, mb'a bwô nenèn ng'é mbwe Aron ngale'te, ke mo' nshum i netèt tse bo be ghale'te lo. 3Ngale'te nsi lôte mfaṅ z'a be num ngub wut mèn mbit là. A be ze nyiaṅ z'a be dù' i fôge, mfaṅ tsho nèn ntùm bwe là, mb'a yen mfaṅ nà b'a ze nkine. A be ze ngale'te yen nenùn yen nu là là, mb'a' tshob ndù yen mèn nà sagte. 4A be ze ta' mfaṅ be num ngub, mfôg mba kôglage, ke yôg mbe ndù mfaṅ tsho nèn ntùm bwe, nyiaṅ a be dù' i ke fôg là, mb'a bwô ndù ngale'te lem ng'é ntùm lé'njù sammbàa. 5A bwô ndù a bèn ntsha' ng'é ndùse mbatte lé'njù sammbàa ku' là. A be z'a tsha' ng'é njen mfaṅ ke' be mbe mi, ke ke njù ngub ng'é nèn yi be mbwe là, mb'a bwô ndù ngale'te bèn mfùn ng'é ndà mo' lé'njù sammbàa. A mbèn mbe kum mbatte lé'njù sammbàa a bèn ntsha' ng'é. 6A be ze mfaṅ na' nke njumte, ke bèn nejù ngub ng'é là, mb'a bwô ndù ngale'te tshob ndù yen mèn nà làn; yen nà b'a kôglage; a bwô ndù ng'é sôg nzwe tse, ntù' mèn nelàne. 7A be ze kôglage bèn ntum mànjam njù ngub ng'é ndùs'a yà la'te wul i ngale'te t'a tshob ndù a b'a mèn nelàn nà, mb'a bwô ndù a bèn nèn nda'te wul i ngale'te mbatte yoṅ bàa. 8A bwô ndù ngale'te tsha' ng'é. A be ze kôglag jù ngub i là mba ngale'te a' tshob mb'a sagte. Yen nà b'a nkine.
9A bwô nelo' mba we lo ze bo yen mfaṅ nkin num i là nèn yi mbwe ngale'te. 10A bwô ndù ngale'te tsha' ng'é. A be ze mo' ju ko' num ngub ng'é nke mfôge, dù' i ke' ntùn nà, 11mb'a b'a nkin mi a ke' a bam ngub là; yen ngelaṅ nà a bwô ndù ngale'te tshob ndù a sagte, là ke yôg mfùn i ntùm ndà. 12A be ze mfaṅ ke njù ngub ngangokèt, neto' tu i nkum num nku mi là, mba ngale'te z'a tsha' i 13njen ndù nkin fim ngub i là nsi tshob ndù ngangokèt làn. Nummbe mba nkin fim i fafa, a fôg là, a làn. 14Nda' ndù bo nsi lo' i mba mèn z'a sagte là lé'njù se bo nsi yen dù' ntùn num i là. 15Ndùse ngale'te nsi yen dù' ntùn, a nsi tshob ndù ng'é sagte, nummbe dù' ntùn ke nda't'a ndù a ghù nkine, yen dù' ntùn nà sagt'é. 16Mba tà ndùlala, a be z'a be mànjam, dù' ntùn nà kaṅ mfôg là, mb'a bwô ndù ng'é bèn nèn njen ngale'te, a tsha' i; 17a be ze mfaṅ fôg là, mba ngangokèt làn, mbwô ndù ngale'te tshob ndù a làn.
18A be ze bo tshwinte ta' keko' num ta' mènntùn, kà keko' tùn, mo' ju bèn nko' num dù' mfaṅ, 19ta' to' fôgtab ke ta' to' s'a fôg nke mba lo, mb'a bwô ndù yen mèn nà nèn njen ngale'te a tsha' i. 20A be ze to' là tsho nèn ntùm bwe, nyiaṅ fôg dù' i là, mba ngale'te nsi tshob ndù ng'é sagte; tshù nkin à te ndà num ntshu keko' là. 21Là, a be ze ngale'te yen ndù nyiaṅ ke' fôg num to' se là, ntshu mfaṅ ke bèn ntsho, mba ndù ntshu mfaṅ tshwèt nsèn nà mb'a bwô ndù a fùn yen mèn nà num lé'njù sammbàa ntùm ndà. 22A be ze to' là ke njù ngub nèn be mbwe là, mb'a b'a mfaṅ nkine, mbwô ndù a tshob mbe ng'é sagte. 23Là, a be ze to' là ke' dù' i, ke ke nga'te là, mb'a b'a mbe mfaṅ ke nejumte, mbwô mbe ngale'te tshob mbe ng'é làn.
24Ndùse mèn ghù mfaṅ mbwôg num i, ntshu mfaṅ mbwôg tù' to' fôgtab ke nefôg mba lo, mb'a bwô ndù ngale'te tsha' ng'é. 25A be ze nyiaṅ z'a dù' i fôge, dù' i bèn ntsho, mba nkin te ndà num ntshu mfaṅ mbwôge, mbètte ndù ngale'te tshob ndù ng'é sagte. Tshù mfaṅ nkin nà. 26A be ze ngale'te yen mbe nyiaṅ fôgtab ke ntùm to'o, a ke bèn ntsho nèn ntùm bwe, mbe ndù a tshwèt nsèn nà, mb'a bwô ndù a fùn mèn nà ndà num lé'njù sammbàa. 27Yen nà nsi be tôg ngale'te bèn ntsha' ngangokèt. A be ze to' jù ngub là, mba ngale'te a' tshob ndù ng'é sagte. Tshù mfaṅ nkin nà. 28Là, a be ze to' là ke' dù' i, ke ke nga'te, là nke nsèn nà, mb'a b'a nda' mfaṅ mbwôge, mbètte ndù ngale'te tshob mbe ng'é làn, nummbe yen nà b'a mfaṅ mbwôg z'a tshwèt njumte là.
29A be ze mandum ke mènnzwi lo ghù mfaṅ tu i ke tun ntshu i lo, 30mb'a bwô ndù ngale'te tsha' i. A be ze mfaṅ tsho, nyiaṅ meba ke nyiaṅ nke' lo be bwe là, mb'a bwô ngale'te tshob ndù ngangokèt sagte: Yen nà b'a mbàne, mbe nkin tu ke mi tun ntshu lo. 31A be ze ngale'te yen mbe mfaṅ mbàn ke' tsho nèn ntùm bwe, nyiaṅ fôgtab ke be bwe là, mb'a bwô ndù a fùn mèn a ghù mfaṅ mbàn nà num lé'njù sammbàa. 32A bwô ndù a tsha' ngangokèt num mbatte lé'njù sammbàa. A be z'a yen ndù mbàn ke tshwèt njù ng'é, sàm nyiaṅ meba ke be dù' i, mfaṅ ke be ndù a tsho nèn ntùm bwe là, 33mb'a bwô ndù ngangokèt kom tu i, kà ntag nda' dù' mfaṅ, ngale'te bèn mfùn i ndà mo' lé'njù sammbàa. 34A bwô ndù ngale'te bèn ntsha' mbàn num mbatte lé'njù sammbàa. A be ze mbàn ke' gha'te, mfaṅ ke bèn ntsho nèn ntùm bwe là, mb'a bwô ndù ngale'te tshob ndù yen mèn ni làn, a sôg nzwe tse ndàne. 35A be ze mbàn bèn njù ngub i fa ndùse bo yà tshob ndù a làn nà, mb'a bwô ndù ngale'te bèn ntsha' i. 36A be ze mbàn bèn ṅab ngub i fa là, mb'a ke' bwô ngale'te bèn nke ndiag nyiaṅ meba, nummbe yen mèn nà b'a mèn nesagte. 37A be ze mbàn tàn dù' i, ba nyiaṅ nesèn bit bwe là, mb'a b'a ndù mbàn tùne, ng'é làn tse, mbwô ndù ngale'te tshob mb'a làn ndùlala.
38A be ze ta' mandum ke ta' mènnzwi lo ghù nto' fôgtab num ngub wul i là, 39mb'a bwô ndù ngale'te tsha' i. A be ze nto' mi a fôg na' nzwe'te là, mb'a b'a nto' mi a mi nko' num ngub i là. Ng'é be ts'a nelàne.
40Ndùse nyiaṅtu ta' mènntùn tsho'te fa là, mb'a tù' nkomtu, là, mb'a nelàne. 41A be ze nyiaṅtu tse tsho't'a mbwembwe là, mb'a be nkomtu à mbwembwe, là mb'a nelàne. 42Là, a be z'a ghù mfaṅ z'a fôg mba num gho' tu i ke nkoṅ se i lo là, mb'a b'a nkin nà z'a tum num tu i ze nyiaṅ ke' bèn mbe bwe là. 43Ngale'te nsi tsha' i. A be ze ju z'a ko' tu ng'é b'a mfaṅ fôgtab, meba, num tu ze nyiaṅ ke' bèn mbe bwe, njam njam ke mbwembwe lo, mfute nkin ngub wut là, 44mba yen mèn nà b'a ngankine, mbe ndù a sagte, mbwô ndù ngale'te tshob ndùlala, ndù nkin tu ghom i.
45Mèn ze nkin ghom i là nsi kel à nzwe tse ts'a fagte là, faṅ tu i nge, kabte nyiaṅ ntshu tse ke kua' tshob ndù: Nesagte! Nesagte! 46A nsi b'a mèn nesagte num njoṅ ngelaṅ fa ze kebwô i nsi ke' là. A b'a mèn nesagte, mbwô ndù a ke njôg à njam njam; ze dù'ntswe ke nsi bèn b'a ntùm mbàn, là njam bwe.
Ṅu' nkin num nzwe
47A be ze nkin tum num ta' nzwe, nzwe nyiaṅ njùmbwe ke nzwe silik lo là, 48num ta' nzwe mfùag ke silik ke nzwe nyiaṅ njùmbwe lo, ke num ngub ke mo' ta' ju bo lo' ngub nabte yi lo là; 49a be ze to' s'a tum be nzwe'nzwe' ke meba lo num nzwe ke ngub, ke num nzwe mfùag, num nzwe ke mo' ju ze bo lo' ngub nabte yi lo là, mba sen to' là b'a nkine, mbwô ndù bo la'te ngale'te. 50Ngale'te nsi tsha' sen to' là, fùn ju z'a kwag i là ndà num lé'njù sammbàa. 51A nsi tsha' mfaṅ num mbatte lé'njù sammbàa. A be ze mfaṅ ṅab num nzwe dù' i zi ke ta' bàb se là, ke num ngub ke mo' ta' ju ze bo lo' ngub nabte yi lo, mb'a b'a mfaṅ nkine, yen ju là be ze nesagte. 52A bwô ndù a ton nzwe là, nton nzwe mfùag, ke silik, ke nzwe nyiaṅ njùmbwe, ke ju ze bo lo' ngub nabte yi, mfaṅ nkin be bwe lo, nummbe yen mfaṅ nà b'a ze nkine. A bwô ndù bo ton i mbwôge. 53Là, a be ze ngale'te yen mbe mfaṅ ke' ṅab num nzwe dù' i zi, ke num bàb nzwe, ke num ju ze bo lo' ngub nabte yi lo là, 54mb'a' ghù bo sôg yen ju là, a fùn i ndà mo' yoṅ i num lé'njù sammbàa. 55A bwô ndù ngale'te bèn ndôte to' ndùse bo sôg ju mbit là. A be ze ju mbit ke' bate ntshù mi, a be z'a ke' zin nà, mba yen ju là sagte, mbwô ndù bo ton i. To' s'a tam bwe là jù i fa, ke netam i ntôg mo' njam no. 56Là, a be ze ngale'te yen mbe to' se bo sô zwe' là, mb'a' tsho' sen to' là num nzwe, num ngub, num tshan ke num bàb nzwe lo. 57A be ze sen to' là bèn ntum num nzwe, tshan, bàb nzwe ke ju ze bo lo' ngub nabte yi lo là, mb'a b'a nkin bèn mbèt bwe, mbwô ndù bo ton yen ju là ze to' be bwe là.
58Là, a bwô nebèn nsôg nzwe, tshan, bàb nzwe ke ju ze bo lo' ngub nabte yi là lo, num mbatte yoṅ bàa k'a làne.
59Tshù ntshù' z'a kwag to' nkine, z'a be ṅab nzwe nyiaṅ njùmbwe, ke silik, ntshan ke bàb nzwe, ke ju ze bo lo' ngub nabte yi lo là. Bo nsi yi't'a num yen ntshù' li kà tshob ndù tshen tshu làn ke ndù bo sagte lo.
Currently Selected:
Lévitiko 13: BMa
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.
Lévitiko 13
13
Ngokèt ngub wut num mandum
1Tshùaben tshob Mosé bo Aron ndù: 2A be ze ta' ju ko' num ngub mèn, mbile, ngù dù' i fôg mba kôglage, mfute nkin nà, mb'a bwô nenèn ng'é mbwe Aron ngale'te, ke mo' nshum i netèt tse bo be ghale'te lo. 3Ngale'te nsi lôte mfaṅ z'a be num ngub wut mèn mbit là. A be ze nyiaṅ z'a be dù' i fôge, mfaṅ tsho nèn ntùm bwe là, mb'a yen mfaṅ nà b'a ze nkine. A be ze ngale'te yen nenùn yen nu là là, mb'a' tshob ndù yen mèn nà sagte. 4A be ze ta' mfaṅ be num ngub, mfôg mba kôglage, ke yôg mbe ndù mfaṅ tsho nèn ntùm bwe, nyiaṅ a be dù' i ke fôg là, mb'a bwô ndù ngale'te lem ng'é ntùm lé'njù sammbàa. 5A bwô ndù a bèn ntsha' ng'é ndùse mbatte lé'njù sammbàa ku' là. A be z'a tsha' ng'é njen mfaṅ ke' be mbe mi, ke ke njù ngub ng'é nèn yi be mbwe là, mb'a bwô ndù ngale'te bèn mfùn ng'é ndà mo' lé'njù sammbàa. A mbèn mbe kum mbatte lé'njù sammbàa a bèn ntsha' ng'é. 6A be ze mfaṅ na' nke njumte, ke bèn nejù ngub ng'é là, mb'a bwô ndù ngale'te tshob ndù yen mèn nà làn; yen nà b'a kôglage; a bwô ndù ng'é sôg nzwe tse, ntù' mèn nelàne. 7A be ze kôglage bèn ntum mànjam njù ngub ng'é ndùs'a yà la'te wul i ngale'te t'a tshob ndù a b'a mèn nelàn nà, mb'a bwô ndù a bèn nèn nda'te wul i ngale'te mbatte yoṅ bàa. 8A bwô ndù ngale'te tsha' ng'é. A be ze kôglag jù ngub i là mba ngale'te a' tshob mb'a sagte. Yen nà b'a nkine.
9A bwô nelo' mba we lo ze bo yen mfaṅ nkin num i là nèn yi mbwe ngale'te. 10A bwô ndù ngale'te tsha' ng'é. A be ze mo' ju ko' num ngub ng'é nke mfôge, dù' i ke' ntùn nà, 11mb'a b'a nkin mi a ke' a bam ngub là; yen ngelaṅ nà a bwô ndù ngale'te tshob ndù a sagte, là ke yôg mfùn i ntùm ndà. 12A be ze mfaṅ ke njù ngub ngangokèt, neto' tu i nkum num nku mi là, mba ngale'te z'a tsha' i 13njen ndù nkin fim ngub i là nsi tshob ndù ngangokèt làn. Nummbe mba nkin fim i fafa, a fôg là, a làn. 14Nda' ndù bo nsi lo' i mba mèn z'a sagte là lé'njù se bo nsi yen dù' ntùn num i là. 15Ndùse ngale'te nsi yen dù' ntùn, a nsi tshob ndù ng'é sagte, nummbe dù' ntùn ke nda't'a ndù a ghù nkine, yen dù' ntùn nà sagt'é. 16Mba tà ndùlala, a be z'a be mànjam, dù' ntùn nà kaṅ mfôg là, mb'a bwô ndù ng'é bèn nèn njen ngale'te, a tsha' i; 17a be ze mfaṅ fôg là, mba ngangokèt làn, mbwô ndù ngale'te tshob ndù a làn.
18A be ze bo tshwinte ta' keko' num ta' mènntùn, kà keko' tùn, mo' ju bèn nko' num dù' mfaṅ, 19ta' to' fôgtab ke ta' to' s'a fôg nke mba lo, mb'a bwô ndù yen mèn nà nèn njen ngale'te a tsha' i. 20A be ze to' là tsho nèn ntùm bwe, nyiaṅ fôg dù' i là, mba ngale'te nsi tshob ndù ng'é sagte; tshù nkin à te ndà num ntshu keko' là. 21Là, a be ze ngale'te yen ndù nyiaṅ ke' fôg num to' se là, ntshu mfaṅ ke bèn ntsho, mba ndù ntshu mfaṅ tshwèt nsèn nà mb'a bwô ndù a fùn yen mèn nà num lé'njù sammbàa ntùm ndà. 22A be ze to' là ke njù ngub nèn be mbwe là, mb'a b'a mfaṅ nkine, mbwô ndù a tshob mbe ng'é sagte. 23Là, a be ze to' là ke' dù' i, ke ke nga'te là, mb'a b'a mbe mfaṅ ke nejumte, mbwô mbe ngale'te tshob mbe ng'é làn.
24Ndùse mèn ghù mfaṅ mbwôg num i, ntshu mfaṅ mbwôg tù' to' fôgtab ke nefôg mba lo, mb'a bwô ndù ngale'te tsha' ng'é. 25A be ze nyiaṅ z'a dù' i fôge, dù' i bèn ntsho, mba nkin te ndà num ntshu mfaṅ mbwôge, mbètte ndù ngale'te tshob ndù ng'é sagte. Tshù mfaṅ nkin nà. 26A be ze ngale'te yen mbe nyiaṅ fôgtab ke ntùm to'o, a ke bèn ntsho nèn ntùm bwe, mbe ndù a tshwèt nsèn nà, mb'a bwô ndù a fùn mèn nà ndà num lé'njù sammbàa. 27Yen nà nsi be tôg ngale'te bèn ntsha' ngangokèt. A be ze to' jù ngub là, mba ngale'te a' tshob ndù ng'é sagte. Tshù mfaṅ nkin nà. 28Là, a be ze to' là ke' dù' i, ke ke nga'te, là nke nsèn nà, mb'a b'a nda' mfaṅ mbwôge, mbètte ndù ngale'te tshob mbe ng'é làn, nummbe yen nà b'a mfaṅ mbwôg z'a tshwèt njumte là.
29A be ze mandum ke mènnzwi lo ghù mfaṅ tu i ke tun ntshu i lo, 30mb'a bwô ndù ngale'te tsha' i. A be ze mfaṅ tsho, nyiaṅ meba ke nyiaṅ nke' lo be bwe là, mb'a bwô ngale'te tshob ndù ngangokèt sagte: Yen nà b'a mbàne, mbe nkin tu ke mi tun ntshu lo. 31A be ze ngale'te yen mbe mfaṅ mbàn ke' tsho nèn ntùm bwe, nyiaṅ fôgtab ke be bwe là, mb'a bwô ndù a fùn mèn a ghù mfaṅ mbàn nà num lé'njù sammbàa. 32A bwô ndù a tsha' ngangokèt num mbatte lé'njù sammbàa. A be z'a yen ndù mbàn ke tshwèt njù ng'é, sàm nyiaṅ meba ke be dù' i, mfaṅ ke be ndù a tsho nèn ntùm bwe là, 33mb'a bwô ndù ngangokèt kom tu i, kà ntag nda' dù' mfaṅ, ngale'te bèn mfùn i ndà mo' lé'njù sammbàa. 34A bwô ndù ngale'te bèn ntsha' mbàn num mbatte lé'njù sammbàa. A be ze mbàn ke' gha'te, mfaṅ ke bèn ntsho nèn ntùm bwe là, mb'a bwô ndù ngale'te tshob ndù yen mèn ni làn, a sôg nzwe tse ndàne. 35A be ze mbàn bèn njù ngub i fa ndùse bo yà tshob ndù a làn nà, mb'a bwô ndù ngale'te bèn ntsha' i. 36A be ze mbàn bèn ṅab ngub i fa là, mb'a ke' bwô ngale'te bèn nke ndiag nyiaṅ meba, nummbe yen mèn nà b'a mèn nesagte. 37A be ze mbàn tàn dù' i, ba nyiaṅ nesèn bit bwe là, mb'a b'a ndù mbàn tùne, ng'é làn tse, mbwô ndù ngale'te tshob mb'a làn ndùlala.
38A be ze ta' mandum ke ta' mènnzwi lo ghù nto' fôgtab num ngub wul i là, 39mb'a bwô ndù ngale'te tsha' i. A be ze nto' mi a fôg na' nzwe'te là, mb'a b'a nto' mi a mi nko' num ngub i là. Ng'é be ts'a nelàne.
40Ndùse nyiaṅtu ta' mènntùn tsho'te fa là, mb'a tù' nkomtu, là, mb'a nelàne. 41A be ze nyiaṅtu tse tsho't'a mbwembwe là, mb'a be nkomtu à mbwembwe, là mb'a nelàne. 42Là, a be z'a ghù mfaṅ z'a fôg mba num gho' tu i ke nkoṅ se i lo là, mb'a b'a nkin nà z'a tum num tu i ze nyiaṅ ke' bèn mbe bwe là. 43Ngale'te nsi tsha' i. A be ze ju z'a ko' tu ng'é b'a mfaṅ fôgtab, meba, num tu ze nyiaṅ ke' bèn mbe bwe, njam njam ke mbwembwe lo, mfute nkin ngub wut là, 44mba yen mèn nà b'a ngankine, mbe ndù a sagte, mbwô ndù ngale'te tshob ndùlala, ndù nkin tu ghom i.
45Mèn ze nkin ghom i là nsi kel à nzwe tse ts'a fagte là, faṅ tu i nge, kabte nyiaṅ ntshu tse ke kua' tshob ndù: Nesagte! Nesagte! 46A nsi b'a mèn nesagte num njoṅ ngelaṅ fa ze kebwô i nsi ke' là. A b'a mèn nesagte, mbwô ndù a ke njôg à njam njam; ze dù'ntswe ke nsi bèn b'a ntùm mbàn, là njam bwe.
Ṅu' nkin num nzwe
47A be ze nkin tum num ta' nzwe, nzwe nyiaṅ njùmbwe ke nzwe silik lo là, 48num ta' nzwe mfùag ke silik ke nzwe nyiaṅ njùmbwe lo, ke num ngub ke mo' ta' ju bo lo' ngub nabte yi lo là; 49a be ze to' s'a tum be nzwe'nzwe' ke meba lo num nzwe ke ngub, ke num nzwe mfùag, num nzwe ke mo' ju ze bo lo' ngub nabte yi lo là, mba sen to' là b'a nkine, mbwô ndù bo la'te ngale'te. 50Ngale'te nsi tsha' sen to' là, fùn ju z'a kwag i là ndà num lé'njù sammbàa. 51A nsi tsha' mfaṅ num mbatte lé'njù sammbàa. A be ze mfaṅ ṅab num nzwe dù' i zi ke ta' bàb se là, ke num ngub ke mo' ta' ju ze bo lo' ngub nabte yi lo, mb'a b'a mfaṅ nkine, yen ju là be ze nesagte. 52A bwô ndù a ton nzwe là, nton nzwe mfùag, ke silik, ke nzwe nyiaṅ njùmbwe, ke ju ze bo lo' ngub nabte yi, mfaṅ nkin be bwe lo, nummbe yen mfaṅ nà b'a ze nkine. A bwô ndù bo ton i mbwôge. 53Là, a be ze ngale'te yen mbe mfaṅ ke' ṅab num nzwe dù' i zi, ke num bàb nzwe, ke num ju ze bo lo' ngub nabte yi lo là, 54mb'a' ghù bo sôg yen ju là, a fùn i ndà mo' yoṅ i num lé'njù sammbàa. 55A bwô ndù ngale'te bèn ndôte to' ndùse bo sôg ju mbit là. A be ze ju mbit ke' bate ntshù mi, a be z'a ke' zin nà, mba yen ju là sagte, mbwô ndù bo ton i. To' s'a tam bwe là jù i fa, ke netam i ntôg mo' njam no. 56Là, a be ze ngale'te yen mbe to' se bo sô zwe' là, mb'a' tsho' sen to' là num nzwe, num ngub, num tshan ke num bàb nzwe lo. 57A be ze sen to' là bèn ntum num nzwe, tshan, bàb nzwe ke ju ze bo lo' ngub nabte yi lo là, mb'a b'a nkin bèn mbèt bwe, mbwô ndù bo ton yen ju là ze to' be bwe là.
58Là, a bwô nebèn nsôg nzwe, tshan, bàb nzwe ke ju ze bo lo' ngub nabte yi là lo, num mbatte yoṅ bàa k'a làne.
59Tshù ntshù' z'a kwag to' nkine, z'a be ṅab nzwe nyiaṅ njùmbwe, ke silik, ntshan ke bàb nzwe, ke ju ze bo lo' ngub nabte yi lo là. Bo nsi yi't'a num yen ntshù' li kà tshob ndù tshen tshu làn ke ndù bo sagte lo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Sainte Bible en Bamiléké-Medùmba © Alliance Biblique du Cameroun, 1993. All rights reserved.