Rm 6
6
Nwuan amu *abé, ve nyiñan amu Yésus Krist
(Kol 2:11-13; 3:1-10; Ga 2:19-20; 1 Pi 4:1-2)
1Bia ye ñhe jô aya? Ye bia ye ke ôsu a tabe *abé été nde *mvam ja ye nenenen' 2Teke fo'o bebé! Da ye bo aya na, bi too miñwuan mfa'a *abé, bi beta fe vebe mfa'a *abé' 3Nge na, ye mia dimi na nge bia bese bi nga duban e be Yésus Krist, nalé a ne na, bi nga duban awu dé été' 4A zene ya nduban awu dé été, e ne na, bi nga jambe bia be nye. Nalé ate, aval ane Krist a nga wômô ñwuan, étôto'o Esaa été, bia fe bia yiane nyiine mfefé ényiñ. 5Amu nge e ne fo'o nalé na bi nga tu'a lat ngume nlatan a fulan awu dé été, da ye fe bo nalé mfa'a ñwômane wé. 6E ntuka'a wô'an ajô di: nnôme môte wongan ô nga tyeléban élé a nye, nde nyôle *abé nyô ja ye ndaman, ane bia ye bo te fe bo belo b'abé. 7Amu na, e nyô a wuya, a kôlôya éto *ôlo ya *abé. 8Ve nge bi wuya bia be Krist, bia buni na bia ye fe nyiñ bia be nye. 9Bia tu'a yeme na, ñwômane miñwuan, Krist a nji fe wu. Awu e nji fe jôô nye. 10Amu ñwuan a nga wu, a nga wu mfa'a *abé éyoñe jia ya biyoñe bise. Wôna mfa'a ényiñ, a vee mfa'a Zambe. 11Avale te fe mia, yenane miabebiene na mi ne miñwuane mfa'a *abé, a bevevee, amu Zambe, e be Yésus Krist. 12Jeñane ñhe na, *abé e bo te beta jôô e biwuwua menyôle bienan été a bo mia na mi ve mbia minkômbane mié mewôk. 13Te belane bibu'a bienane mfa'a ya bo *abé, aval ane bikpwelé bia bo ékotekot. Ve aval ane bevevee be bôt ba so miñwuan, bo'one Zambe ésaé a belane bibu'a bienan ane bikpwelé bi *zôsôô. 14Amu na, *abé da ye bo te fe jôô mia, amu mi nji fe bo metiñe si, ve e mvame si.
Mboone zôsôô
(Yo 8:31-36; Rm 7:4-6; Tt 2:11-14)
15Nde jé? Ye bia ye bo *abé amu bi nji bo metiñe si, ve mvame si? Teke bebé! 16Ye mi nji yeme na, éyoñ mia bo mia bebiene bebo bisaé môt éziñ, aval ane belo mfa'a ya ve nye mewôk, mi ne belo bé, nge a nji bo belo b'abé da kee mia awu été, wôna belo mewôk ma kee mia e mam me *zôsôô été. 17E mva'ane Zambe akéva! Amu vôme mi nga to belo b'abé, mi nga ve éve'ela ya nye'elan mi nga nyoñ mewô'ô ma so *nlem. 18Nde amu mi kôtébaneya éto belo b'abé, mi ntoo belo be *zôsôô. 19Ma kobô ane môt, amu ate'e denane ya minsôn. Aval ane mi nga belane bibu'a bienan ane belo be mam me ne mvin a nzameta'ane, mme ma su'ulan ébiasé mfa'a Zambe, avale te fe bela'ane bie ane belo be *zôsôô, nye ate a kee mia vôme ya bo mia *mfuban. 20Eyoñe mi nga too belo b'abé, mi nga too beti mfa'a mam me ne *zôsôô, 21za avale bibuma mi nga wum éyoñe te? Eyoñe ji mia wô'ô bie ôson, amu asu'ulane ya été e ne awu. 22Ve éyoñe ji, amu mi ntoo nkôtane mfa'a éto belo b'abé, mi ntoo belo be Zambe, a mia wume bibuma bia kee mia e *mfuban été; asu'ulane dap e ne ényiñe ya melu mese. 23Amu ma'ane m'abé me ne awu, ve mveane zesé Zambe, ô ne ényiñe ya nnôm éto e be Yésus Krist Nti wongan.
Currently Selected:
Rm 6: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Rm 6
6
Nwuan amu *abé, ve nyiñan amu Yésus Krist
(Kol 2:11-13; 3:1-10; Ga 2:19-20; 1 Pi 4:1-2)
1Bia ye ñhe jô aya? Ye bia ye ke ôsu a tabe *abé été nde *mvam ja ye nenenen' 2Teke fo'o bebé! Da ye bo aya na, bi too miñwuan mfa'a *abé, bi beta fe vebe mfa'a *abé' 3Nge na, ye mia dimi na nge bia bese bi nga duban e be Yésus Krist, nalé a ne na, bi nga duban awu dé été' 4A zene ya nduban awu dé été, e ne na, bi nga jambe bia be nye. Nalé ate, aval ane Krist a nga wômô ñwuan, étôto'o Esaa été, bia fe bia yiane nyiine mfefé ényiñ. 5Amu nge e ne fo'o nalé na bi nga tu'a lat ngume nlatan a fulan awu dé été, da ye fe bo nalé mfa'a ñwômane wé. 6E ntuka'a wô'an ajô di: nnôme môte wongan ô nga tyeléban élé a nye, nde nyôle *abé nyô ja ye ndaman, ane bia ye bo te fe bo belo b'abé. 7Amu na, e nyô a wuya, a kôlôya éto *ôlo ya *abé. 8Ve nge bi wuya bia be Krist, bia buni na bia ye fe nyiñ bia be nye. 9Bia tu'a yeme na, ñwômane miñwuan, Krist a nji fe wu. Awu e nji fe jôô nye. 10Amu ñwuan a nga wu, a nga wu mfa'a *abé éyoñe jia ya biyoñe bise. Wôna mfa'a ényiñ, a vee mfa'a Zambe. 11Avale te fe mia, yenane miabebiene na mi ne miñwuane mfa'a *abé, a bevevee, amu Zambe, e be Yésus Krist. 12Jeñane ñhe na, *abé e bo te beta jôô e biwuwua menyôle bienan été a bo mia na mi ve mbia minkômbane mié mewôk. 13Te belane bibu'a bienane mfa'a ya bo *abé, aval ane bikpwelé bia bo ékotekot. Ve aval ane bevevee be bôt ba so miñwuan, bo'one Zambe ésaé a belane bibu'a bienan ane bikpwelé bi *zôsôô. 14Amu na, *abé da ye bo te fe jôô mia, amu mi nji fe bo metiñe si, ve e mvame si.
Mboone zôsôô
(Yo 8:31-36; Rm 7:4-6; Tt 2:11-14)
15Nde jé? Ye bia ye bo *abé amu bi nji bo metiñe si, ve mvame si? Teke bebé! 16Ye mi nji yeme na, éyoñ mia bo mia bebiene bebo bisaé môt éziñ, aval ane belo mfa'a ya ve nye mewôk, mi ne belo bé, nge a nji bo belo b'abé da kee mia awu été, wôna belo mewôk ma kee mia e mam me *zôsôô été. 17E mva'ane Zambe akéva! Amu vôme mi nga to belo b'abé, mi nga ve éve'ela ya nye'elan mi nga nyoñ mewô'ô ma so *nlem. 18Nde amu mi kôtébaneya éto belo b'abé, mi ntoo belo be *zôsôô. 19Ma kobô ane môt, amu ate'e denane ya minsôn. Aval ane mi nga belane bibu'a bienan ane belo be mam me ne mvin a nzameta'ane, mme ma su'ulan ébiasé mfa'a Zambe, avale te fe bela'ane bie ane belo be *zôsôô, nye ate a kee mia vôme ya bo mia *mfuban. 20Eyoñe mi nga too belo b'abé, mi nga too beti mfa'a mam me ne *zôsôô, 21za avale bibuma mi nga wum éyoñe te? Eyoñe ji mia wô'ô bie ôson, amu asu'ulane ya été e ne awu. 22Ve éyoñe ji, amu mi ntoo nkôtane mfa'a éto belo b'abé, mi ntoo belo be Zambe, a mia wume bibuma bia kee mia e *mfuban été; asu'ulane dap e ne ényiñe ya melu mese. 23Amu ma'ane m'abé me ne awu, ve mveane zesé Zambe, ô ne ényiñe ya nnôm éto e be Yésus Krist Nti wongan.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.