Nlb 7
7
Mimvean asu mveane Zambe ata'a metuna'a
(Nlb 4:4-33; 1 Minkte 29:6)
1Eyoñe Môze a nga mane telé *tabernakel, a nga wo'o mbon a telé nye étyi a biôme mebelan bise y'été; avale te fe a nga bo ata'a metuna'a a biôme mebelan bise y'été. A nga wo'o bie mbon a telé bie étyi; 2éyoñe te bivete ya menda me bôt, ba be nga volô ésaé ya lañe bôt, be nga zu bebé avale *meyoñ y'Israél me né. 3Be nga zu ve Nti mimvean avale di: bikalik bi ne mbutane yôp bisaman a beyôm benyak awôm a bebaé. Ekali'i ése é mbe mveane ya bivete bibaé, a nnôme nya'ase mveane ya évete jia. Be nga zu liti bie ôsu *tabernakel, 4nde Nti a nga kobô Môze na: 5Kañese'e mimveane miap! Bikalik a benya'a bete ba ye belane bie asu ésaé ya *nda éndelé bendôba'ane. Wo ye kalane bie bone be Lévi ane bisaé biap bi né. 6Nde Môze a nga nyoñe bikalik a benyak a kabe bie bone be Lévi; 7a nga ve bone be Gerson bikali'i bibaé a nya'a ényin, nalé ate ésaé ja ye bo be tyi'ibi. 8Bikali'i binyin a nya'a muam bi nga li'i asu bone be Merari, nalé ate ésaé jap ja ye fe bo tyi'ibi: Itamar e mone Aron *ntuni a too be évet. 9Ve bone be Kehat be nji ke nyoñe jôm, to'o bikalik, to'o benyak, amu mbe be nga ba'ale biôm bi n'étyi, a be nga yiane be'e bie e bitule biabe yôp.
Mimvean asu ya ve Zambe ata'a metuna'a
(2 Minkte 7:4-9; Esd 6:16-17; 2 Ko 9:7-8)
10E môse be nga telé ata'a metuna'a étyi, bivete ya menda me bôt bi nga soo fe mimvean asu ya ve Nti ata'a metuna'a te. 11Ve Nti a nga jô Môze na: Bivet bia yiane zu ve mimveane ya ve Nti ata'a metuna'a, môt ase e môse wé.
12Môt a nga ve mveane wé e *môs ôsu a mbe Nason e mone Aminadab ya mvô'ô Yuda. 13Mveane wé ô mbe na: Be'e argent a too adit besikel ntet a mewôm mela, *élaé argent é too adit besikel mintete zamgbwa, avale sikel ya *tabernakel a né; be'e ate a *élaé te njalan a mbamba avut a ne mfu'an ate a mbon asu mvean; 14beta *élaé or a too adit besikel awôm, njalan a ôlobinda; 15Etoñe nnôme nyak, nnôme ntômba, mone ntômba a ntoo mbu wua asu mvean ô ne ngumba, 16nnôm ékela asu étyi'a *njaman abé; 17a asu metuna'a nlatane ngbwa, nya'a ébaé, beyôm mintômba betan, beyôm bikela betan, bone mintômba be ntoo ngumba mbu betan, mveane Nason, e mone Aminadab a nga ve ñwô le.
18E môse baa, Natanaél e mone Suar, évete mvô'ô Isakar, a nga bili mveane wé ana: 19be'e argent adit besikel ntet a mewôm mela, *élaé argent adit besikel mewômezamgbwa avale sikel ya *tabernakel a né, njalan bebaane a ékekeb avut mfu'an a mbon asu mimvean; 20beta *élaé or besikel awôm, njalan a ôlobinda, 21étoñe nnôme nyak, nnôme ntômba wua, étoñe ntômba é ntoo ngume mbu asu mvean ô ne ngumba; 22nnôm ékela wua asu étyi'a ya *njaman abé. 23A asu metuna'a ya nlatane ngbwa; nya'a ébaé, beyôm mintômba betan, beyôm bikela betan, bitoñ mintômba bitan bi ntoo mbu wua: mveane Natanaél a nga ve ñwô le.
24E môse lale ô mbe wu évete bone be Zabuloñ, Eliab e mone Elôn. 25Mveane wé ô mbe ana: Be'e argent adit besikel ntet a mewôm mela, *élaé argent besikel mewôme zamgbwa avale sikel ya *tabernakel a né, bebaane njalan a ékekeb avut, mfu'an a mbon asu mimvean; 26beta *élaé or besikel awôm, njalan a ôlobinda; 27étoñe nnôme nya'a jia, nnôme ntômba wua, étoñe ntômba é ntoo mbu wua jia asu mvean ô ne ngumba; 28nnôm ékela wua asu étyi'a ya *njaman abé; 29a asu metuna'a me nlatane ngbwa: nya'a ébaé, beyôm mintômba betan, beyôm bikela betan, bitoñe mintômba bi ne mbu wua bitan: mvean Eliab e mone Elôn ñwô le.
30Evete bone be Ruben, Ebisur e mone Sédér, é nga zu e môse nyini. 31Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean; 32kobe or jia é ne besikel awôm njalan a ôlobinda; 33étoñe nnôme nya'a jia, nnôme ntômba wua, étoñe ntômba é ntoo mbu wua jia, asu mvean ô ne ngumba; 34nnôm ékela wua asu étyi'a *njaman abé; 35a nya'a ébaé, beyôm mintômba bebaé, beyôm bikela betan, bitoñe mintômba bitan bi ntoo mbu wua asu metuna'a me nlatane ngbwa: mvean Elisur e mone Sédéur ñwô le.
36Evete bone be Siméoñ, Selumiél e mone Surisadayi é nga zu ve e môse tane. 37Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean; 38beta *élaé or besikel awôm, njalan a ôlobinda; 39étoñe nnôme nya'a jia, nnôme ntômba wua, étoñe ntômba jia asu mvean ô ne ngumba, 40nnôm ékela wua asu étyi'a *njaman abé. 41Benya'a bebaé, beyôm mintômba bebaé, beyôm bikela bebaé, bitoñe mintômba bi ntoo mbu wua bitan asu metuna'a me nlatane ngbwa: mveane Selumiél e mone Surisadayi ñwô le.
42Evete bone be Gad é nga zu e môse saman, jôé na Eliasaf e mone Deuél. 43Mveane wé ô mbe na: Be'e argent besikel ntete a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean; 44beta *élaé or besikel awôm, njalan a ôlobinda, 45étoñe nnôme nyak, nnôme ntômba wua, étoñe ntômba é ne mbu wua, jia asu mvean ô ne ngumba, 46nnôm ékela wua asu étyi'a *njaman abé; 47nya'a ébaé, a beyôm mintômba betan, beyôm bikela betan, bitoñe mintômba bi ne mbu wua bitan, asu metuna'a me nlatane ngbwa: mvean Eliasaf e mone Deuél ñwô le.
48Evete bone b'Efrayim é nga zu e môse zamgbwale, jôé na Elisama e mone Amihud. 49Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon, asu mimvean; 50beta *élaé or besikel awôm, njalan a ôlobinda, 51étoñe nnôme nya'a jia, nnôme ntômba wua, étoñe ntômba jia asu mvean ô ne ngumba, 52nnôm ékela wua asu metuna'a me *njaman abé, 53nya'a ébaé, beyôm mintômba bebaé, beyôm bikela betan, bitoñ mintômba bi ne mbu wua bitan asu metuna'a me nlatane ngbwa: mvean Elisama e mone Amihud ñwô le.
54Evete bone be Manasé é nga zu e môse Muam, jôé na Gamliél e mone Pédasur. 55Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean. 56Beta *élaé or besikel awôm, njalan a ôlobinda; 57étoñe nnôme nya'a jia, nnôme ntômba wua, étoñe ntômba ô ne mbu wua, jia asu mvean ô ne ngumba, 58nnôm ékela wua asu metuna'a me *njaman abé, 59benya'a bebaé, beyôm mintômba betan, beyôm bikela betan, bitoñe mintômba bi ne mbu wua bitan, asu metuna'a me nlatane ngbwa: mvean Gamliél e mone Pédasur ñwô le.
60Evete bone be Bényamin é nga zu e *môs ébulu, jôé na Abidan, e mone Gidéôni. 61Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean. 62Beta *élaé or besikel awôm njalan a ôlobinda, 63étoñe nnôme nya'a jia, nnôme ntômba wua asu metuna'a me ne ngumba, 64nnôm ékela wua asu metuna'a me *njaman abé, 65benya'a bebaé beyôm mintômba betan, beyôm bikela betan, bitoñe mintômba bi ne mbu wua bitan asu metuna'a me nlatan ngbwa: mveane Abidan e mone Gidéôni, ñwô le.
66Evete bone be Dan é nga zu e *môs awômô, jôé na Ahiézer e mone Amisadayi. 67Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean; 68beta *élaé or besikel awôm njalan a ôlobinda; 69étoñe nnôme nya'a jia asu mvean ô ne ngumba; 70nnôm ékela wua asu metuna'a me *njaman abé. 71Benya'a bebaé, beyôm mintômba betan, beyôm bikela betan, bitoñe mintômba bi ne mbu wua bitan asu metuna'a me nlatane ngbwa: mvean Ahiézer e mone Amisadayi ñwô le.
72Evete bone b'Azér é nga zu e *môs awômô a wua, jôé na Pagiél e mone Okran. 73Mveane wé ô mbe avale di: be'e sila besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an mbon asu mimvean; 74beta *élaé or njalan besikel awôm, njalan a ôlobinda, 75étoñe nnôme nya'a jia, nnôme ntômba wua, étoñe ntômba ô ne mbu wua jia asu mvean ô ne ngumba; 76nnôm ékela wua asu metuna'a me *njaman abé; 77benya'a bebaé, beyôm mintômba bebaé, beyôm bikela bebaé, bitoñ mintômba mi ne mbu wua bitan asu metuna'a me nlatane ngbwa: mveane Pagiél e mone Okran ñwô le.
78Evete bone be Néftali é nga zu e *môs awômô a baa, jôé na Ahira e mone Enan. 79Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean; 80beta *élaé or besikel awôm njalan a ôlobinda; 81étoñe nnôme nya'a jia, nnôme ntômba wua, étoñe ntômba ô ne mbu wua jia asu mvean ô ne ngumba, 82nnôme ntômba wua asu metuna'a me *njaman abé; 83benya'a bebaé, beyôm mintômba betan, beyôm bikela betan, bitoñe mintômba mi ne mbu wua bitan asu metuna'a me nlatane ngbwa: mvean Ahira e mone Enan ñwô le.
84Mimvean mise bivete ya menda me bôte y'Israél bi nga ve éyoñ ya mveane Zambe a ntelan ata'a metuna'a étyi mi mbe avale di: bebe'e be argent awôm a mebaé, bilaé bi argent awôm a bibaé, beta bilaé bi or fe awôm a bibaé. 85Be'e ase a mbe besikel ntet a mewôm mela, *élaé ése besikel mewôme zamgbwa: besikel be argent bese toyini ébaé a mintete minyin avale sikel ya *tabernakel a né. #7:85 Sikel wua 10 gram. 2400 sikel 24 kili. 86Beta bilaé awôm a bebaé, jia ése y'été besikel awôm avale sikel ya *tabernakel a né a bebaé be mbe besikel ntet a mewôm mebaé, bese njalan a ôlobinda ba di'i. #7:86 1200 gram 1,2 kili. 87Beyôm benyak be mbe awôm a bebaé, a bitoñe mintômba awôm a bibaé bi ne mbu wua asu metuna'a me ne ngumba, a mimvean avut y'été, nalé fe beyôm bikela awôm a bebaé asu metuna'a me *njaman abé, 88beyôme benyak mewôm mebaé a benyin, beyôm mintômba mewôm mesaman, beyôm bikela mewôm mesaman, a bitoñe mintômba bi ne mbu wua mewôm mesaman asu metuna'a me nlatane ngbwa. Mimvean ya ve Zambe a telé ata'a metuna'a étyi mmie le.
89Eyoñ ése Môze a nga nyiin e *nda éndelé bendôba'ane na a laane Nti, a nga wô'ô tyiñe jé; *tyiñ éte é mbe é so'o e zañe Bekerubim bebaé a ébuta'a éwolo é nga bili biôme y'élate yôp. Avale te nde Zambe a mbe a kobô'ô a nye.
Currently Selected:
Nlb 7: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nlb 7
7
Mimvean asu mveane Zambe ata'a metuna'a
(Nlb 4:4-33; 1 Minkte 29:6)
1Eyoñe Môze a nga mane telé *tabernakel, a nga wo'o mbon a telé nye étyi a biôme mebelan bise y'été; avale te fe a nga bo ata'a metuna'a a biôme mebelan bise y'été. A nga wo'o bie mbon a telé bie étyi; 2éyoñe te bivete ya menda me bôt, ba be nga volô ésaé ya lañe bôt, be nga zu bebé avale *meyoñ y'Israél me né. 3Be nga zu ve Nti mimvean avale di: bikalik bi ne mbutane yôp bisaman a beyôm benyak awôm a bebaé. Ekali'i ése é mbe mveane ya bivete bibaé, a nnôme nya'ase mveane ya évete jia. Be nga zu liti bie ôsu *tabernakel, 4nde Nti a nga kobô Môze na: 5Kañese'e mimveane miap! Bikalik a benya'a bete ba ye belane bie asu ésaé ya *nda éndelé bendôba'ane. Wo ye kalane bie bone be Lévi ane bisaé biap bi né. 6Nde Môze a nga nyoñe bikalik a benyak a kabe bie bone be Lévi; 7a nga ve bone be Gerson bikali'i bibaé a nya'a ényin, nalé ate ésaé ja ye bo be tyi'ibi. 8Bikali'i binyin a nya'a muam bi nga li'i asu bone be Merari, nalé ate ésaé jap ja ye fe bo tyi'ibi: Itamar e mone Aron *ntuni a too be évet. 9Ve bone be Kehat be nji ke nyoñe jôm, to'o bikalik, to'o benyak, amu mbe be nga ba'ale biôm bi n'étyi, a be nga yiane be'e bie e bitule biabe yôp.
Mimvean asu ya ve Zambe ata'a metuna'a
(2 Minkte 7:4-9; Esd 6:16-17; 2 Ko 9:7-8)
10E môse be nga telé ata'a metuna'a étyi, bivete ya menda me bôt bi nga soo fe mimvean asu ya ve Nti ata'a metuna'a te. 11Ve Nti a nga jô Môze na: Bivet bia yiane zu ve mimveane ya ve Nti ata'a metuna'a, môt ase e môse wé.
12Môt a nga ve mveane wé e *môs ôsu a mbe Nason e mone Aminadab ya mvô'ô Yuda. 13Mveane wé ô mbe na: Be'e argent a too adit besikel ntet a mewôm mela, *élaé argent é too adit besikel mintete zamgbwa, avale sikel ya *tabernakel a né; be'e ate a *élaé te njalan a mbamba avut a ne mfu'an ate a mbon asu mvean; 14beta *élaé or a too adit besikel awôm, njalan a ôlobinda; 15Etoñe nnôme nyak, nnôme ntômba, mone ntômba a ntoo mbu wua asu mvean ô ne ngumba, 16nnôm ékela asu étyi'a *njaman abé; 17a asu metuna'a nlatane ngbwa, nya'a ébaé, beyôm mintômba betan, beyôm bikela betan, bone mintômba be ntoo ngumba mbu betan, mveane Nason, e mone Aminadab a nga ve ñwô le.
18E môse baa, Natanaél e mone Suar, évete mvô'ô Isakar, a nga bili mveane wé ana: 19be'e argent adit besikel ntet a mewôm mela, *élaé argent adit besikel mewômezamgbwa avale sikel ya *tabernakel a né, njalan bebaane a ékekeb avut mfu'an a mbon asu mimvean; 20beta *élaé or besikel awôm, njalan a ôlobinda, 21étoñe nnôme nyak, nnôme ntômba wua, étoñe ntômba é ntoo ngume mbu asu mvean ô ne ngumba; 22nnôm ékela wua asu étyi'a ya *njaman abé. 23A asu metuna'a ya nlatane ngbwa; nya'a ébaé, beyôm mintômba betan, beyôm bikela betan, bitoñ mintômba bitan bi ntoo mbu wua: mveane Natanaél a nga ve ñwô le.
24E môse lale ô mbe wu évete bone be Zabuloñ, Eliab e mone Elôn. 25Mveane wé ô mbe ana: Be'e argent adit besikel ntet a mewôm mela, *élaé argent besikel mewôme zamgbwa avale sikel ya *tabernakel a né, bebaane njalan a ékekeb avut, mfu'an a mbon asu mimvean; 26beta *élaé or besikel awôm, njalan a ôlobinda; 27étoñe nnôme nya'a jia, nnôme ntômba wua, étoñe ntômba é ntoo mbu wua jia asu mvean ô ne ngumba; 28nnôm ékela wua asu étyi'a ya *njaman abé; 29a asu metuna'a me nlatane ngbwa: nya'a ébaé, beyôm mintômba betan, beyôm bikela betan, bitoñe mintômba bi ne mbu wua bitan: mvean Eliab e mone Elôn ñwô le.
30Evete bone be Ruben, Ebisur e mone Sédér, é nga zu e môse nyini. 31Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean; 32kobe or jia é ne besikel awôm njalan a ôlobinda; 33étoñe nnôme nya'a jia, nnôme ntômba wua, étoñe ntômba é ntoo mbu wua jia, asu mvean ô ne ngumba; 34nnôm ékela wua asu étyi'a *njaman abé; 35a nya'a ébaé, beyôm mintômba bebaé, beyôm bikela betan, bitoñe mintômba bitan bi ntoo mbu wua asu metuna'a me nlatane ngbwa: mvean Elisur e mone Sédéur ñwô le.
36Evete bone be Siméoñ, Selumiél e mone Surisadayi é nga zu ve e môse tane. 37Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean; 38beta *élaé or besikel awôm, njalan a ôlobinda; 39étoñe nnôme nya'a jia, nnôme ntômba wua, étoñe ntômba jia asu mvean ô ne ngumba, 40nnôm ékela wua asu étyi'a *njaman abé. 41Benya'a bebaé, beyôm mintômba bebaé, beyôm bikela bebaé, bitoñe mintômba bi ntoo mbu wua bitan asu metuna'a me nlatane ngbwa: mveane Selumiél e mone Surisadayi ñwô le.
42Evete bone be Gad é nga zu e môse saman, jôé na Eliasaf e mone Deuél. 43Mveane wé ô mbe na: Be'e argent besikel ntete a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean; 44beta *élaé or besikel awôm, njalan a ôlobinda, 45étoñe nnôme nyak, nnôme ntômba wua, étoñe ntômba é ne mbu wua, jia asu mvean ô ne ngumba, 46nnôm ékela wua asu étyi'a *njaman abé; 47nya'a ébaé, a beyôm mintômba betan, beyôm bikela betan, bitoñe mintômba bi ne mbu wua bitan, asu metuna'a me nlatane ngbwa: mvean Eliasaf e mone Deuél ñwô le.
48Evete bone b'Efrayim é nga zu e môse zamgbwale, jôé na Elisama e mone Amihud. 49Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon, asu mimvean; 50beta *élaé or besikel awôm, njalan a ôlobinda, 51étoñe nnôme nya'a jia, nnôme ntômba wua, étoñe ntômba jia asu mvean ô ne ngumba, 52nnôm ékela wua asu metuna'a me *njaman abé, 53nya'a ébaé, beyôm mintômba bebaé, beyôm bikela betan, bitoñ mintômba bi ne mbu wua bitan asu metuna'a me nlatane ngbwa: mvean Elisama e mone Amihud ñwô le.
54Evete bone be Manasé é nga zu e môse Muam, jôé na Gamliél e mone Pédasur. 55Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean. 56Beta *élaé or besikel awôm, njalan a ôlobinda; 57étoñe nnôme nya'a jia, nnôme ntômba wua, étoñe ntômba ô ne mbu wua, jia asu mvean ô ne ngumba, 58nnôm ékela wua asu metuna'a me *njaman abé, 59benya'a bebaé, beyôm mintômba betan, beyôm bikela betan, bitoñe mintômba bi ne mbu wua bitan, asu metuna'a me nlatane ngbwa: mvean Gamliél e mone Pédasur ñwô le.
60Evete bone be Bényamin é nga zu e *môs ébulu, jôé na Abidan, e mone Gidéôni. 61Mveane wé ô mbe avale di: be'e argent besikel ntet a mewôm mela, *élaé argent besikel mewômezamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean. 62Beta *élaé or besikel awôm njalan a ôlobinda, 63étoñe nnôme nya'a jia, nnôme ntômba wua asu metuna'a me ne ngumba, 64nnôm ékela wua asu metuna'a me *njaman abé, 65benya'a bebaé beyôm mintômba betan, beyôm bikela betan, bitoñe mintômba bi ne mbu wua bitan asu metuna'a me nlatan ngbwa: mveane Abidan e mone Gidéôni, ñwô le.
66Evete bone be Dan é nga zu e *môs awômô, jôé na Ahiézer e mone Amisadayi. 67Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut, mfu'an a mbon asu mimvean; 68beta *élaé or besikel awôm njalan a ôlobinda; 69étoñe nnôme nya'a jia asu mvean ô ne ngumba; 70nnôm ékela wua asu metuna'a me *njaman abé. 71Benya'a bebaé, beyôm mintômba betan, beyôm bikela betan, bitoñe mintômba bi ne mbu wua bitan asu metuna'a me nlatane ngbwa: mvean Ahiézer e mone Amisadayi ñwô le.
72Evete bone b'Azér é nga zu e *môs awômô a wua, jôé na Pagiél e mone Okran. 73Mveane wé ô mbe avale di: be'e sila besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an mbon asu mimvean; 74beta *élaé or njalan besikel awôm, njalan a ôlobinda, 75étoñe nnôme nya'a jia, nnôme ntômba wua, étoñe ntômba ô ne mbu wua jia asu mvean ô ne ngumba; 76nnôm ékela wua asu metuna'a me *njaman abé; 77benya'a bebaé, beyôm mintômba bebaé, beyôm bikela bebaé, bitoñ mintômba mi ne mbu wua bitan asu metuna'a me nlatane ngbwa: mveane Pagiél e mone Okran ñwô le.
78Evete bone be Néftali é nga zu e *môs awômô a baa, jôé na Ahira e mone Enan. 79Mveane wé ô mbe avale di: be'e argent besikel ntet a mewôm mela, *élaé argent besikel mewôme zamgbwa, avale sikel ya *tabernakel a né, bebaane njalan a ékekeb avut mfu'an a mbon asu mimvean; 80beta *élaé or besikel awôm njalan a ôlobinda; 81étoñe nnôme nya'a jia, nnôme ntômba wua, étoñe ntômba ô ne mbu wua jia asu mvean ô ne ngumba, 82nnôme ntômba wua asu metuna'a me *njaman abé; 83benya'a bebaé, beyôm mintômba betan, beyôm bikela betan, bitoñe mintômba mi ne mbu wua bitan asu metuna'a me nlatane ngbwa: mvean Ahira e mone Enan ñwô le.
84Mimvean mise bivete ya menda me bôte y'Israél bi nga ve éyoñ ya mveane Zambe a ntelan ata'a metuna'a étyi mi mbe avale di: bebe'e be argent awôm a mebaé, bilaé bi argent awôm a bibaé, beta bilaé bi or fe awôm a bibaé. 85Be'e ase a mbe besikel ntet a mewôm mela, *élaé ése besikel mewôme zamgbwa: besikel be argent bese toyini ébaé a mintete minyin avale sikel ya *tabernakel a né. #7:85 Sikel wua 10 gram. 2400 sikel 24 kili. 86Beta bilaé awôm a bebaé, jia ése y'été besikel awôm avale sikel ya *tabernakel a né a bebaé be mbe besikel ntet a mewôm mebaé, bese njalan a ôlobinda ba di'i. #7:86 1200 gram 1,2 kili. 87Beyôm benyak be mbe awôm a bebaé, a bitoñe mintômba awôm a bibaé bi ne mbu wua asu metuna'a me ne ngumba, a mimvean avut y'été, nalé fe beyôm bikela awôm a bebaé asu metuna'a me *njaman abé, 88beyôme benyak mewôm mebaé a benyin, beyôm mintômba mewôm mesaman, beyôm bikela mewôm mesaman, a bitoñe mintômba bi ne mbu wua mewôm mesaman asu metuna'a me nlatane ngbwa. Mimvean ya ve Zambe a telé ata'a metuna'a étyi mmie le.
89Eyoñ ése Môze a nga nyiin e *nda éndelé bendôba'ane na a laane Nti, a nga wô'ô tyiñe jé; *tyiñ éte é mbe é so'o e zañe Bekerubim bebaé a ébuta'a éwolo é nga bili biôme y'élate yôp. Avale te nde Zambe a mbe a kobô'ô a nye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.