Nlb 17
17
Nkobô menyiñe ya bôt a *melep ma tôñe be
(1Ko 10:10-12)
1Ane Nti a nga kobô Môze na: 2Jô'ô Eléazar e mone Ntuni Arone na, a vaa bisua bi ôtu e vôme ndi'an wo te boban, a mialane nduane y'été ôyap, amu bisua bite bi n'étyi. 3Ba ye kôme ata'a metuna'a a bisua bi ôtu ya bôt be nga bo *abé a dimili binyiñe biap; amu be nga liti bisua bite e be bone Israél. 4Ajô te Eléazar *ntuni a nga nyoñe bisua bi mvote bôt be nga di'ibane nduan be nga liti asu be Nti a kôme biba'a asu ata'a metuna'a. 5Jame ya simesane le mfa'a bone b'Israél, éyoñe te môt ase a ve ôlobinda asu be Nti, a za boo ane Koré a nsamba wé, avale Nti a nga jô a anyu Môze.
6Eyoñe tyé é nga lendé, ékôane bôt ése ya bone b'Israél é nga kobô Môze a Aron *abé menyiñ a jô na: Mia mi nga wôé e bôte be Nti. 7Eyoñe nsamba ôse ô nga sulan mfa'a ya tebe Môze a Aron e ngame yat, mesu me lôô be mfa'a ya *nda éndelé bendôba'ane, nde nsume *nkut ô nga yandane *nda éndelé éte a étôto'o Nti é nga yené. 8Ane Môze ba Aron be nga kui e *nda éndelé bendôba'ane. 9Nde Nti a ngo kobô Môze na: 10Kôla'an ézezañe ya bôte bana, a ma ye jiane be éyoñe jijia. Nde be nga ku mesu me butu si. 11Ane Môze a nga jô Arone na: Nyoñ ésua ôtu a futi e nduan wo te nyoñ ata'a metuna'a. Telé'é fe ôlobinda ésua été, wôna kele avô e vôme bôte be né, a bulu be nsem; amu ôlune Nti ô tôtaneya, a ébubua é tatéya. 12Eyoñe te Aron a nga nyoñ ésua avale Môze a nga jô, a mate mbil e vôm ékôane bôt é nga too; a koé na ébubua é tatéya e bôte zañ. Nde Aron a nga ve ôlobinda a bulu nsem asu ékôane bôt. 13Nde a nga tebe e zañe bewu a bevevee, éyoñe te ébubua é nga tebe. 14Bôte toyini awôm a ényin a mintete zamgbwa be nga wu ébubua éte, te lañe ba be nga wu amu mbia mboone Koré. 15Ane Aron a nga bulan e be Môze, anyiine ya *nda éndelé bendôba'ane. Ebubua é nga tebe.
Ntum Aron
(Nlb 16:1-17:5; 18:1-7; Hé 5:4)
16Ane Nti a nga kobô Môze na: 17Kobô'ô bone b'Israél a bo'o na be ve wo *ntum ane menda me bôte map me né; mintum mise mia ye bo awôm a mibaé mi so'o e be bivete biap avale menda me bôte map me né. 18Wo ye tili jôé Aron e ntume Lévi yôp; amu évet ése ya menda me bôte map ja ye bi *ntum. 19Wo ye bôôé mie e *nda éndelé bendôba'an, ôsu éwolo élat, e vôme me wô'ô tôbane mia. 20Ntume môte ma ye top wo ye faa, éyoñe te ma ye mane menyiñ me bone b'Israél ba kobô mia ôsu viam.
21Nde Môze a nga kobô bone b'Israél; bivete biabe bise bi nga ve nye *ntum, évet ése ntume wua, avale menda me bôte map me né, nde mintum mise mi nga kui awôm a mibaé; *ntum Aron ô mbe ézezañe ya mintume miap. 22Ane Môze a nga bôé mintum asu be Nti, e *nda éndelé, éwolo élat é nga bôô. 23Mametyé, éyoñe Môze a nga nyiin e *nda éndelé éwolo élat é nga bôô, a koone na *ntum Aron, asu *nda bôte Lévi, ô faaya; ô kpwaé ya metak, ô sameya a bitôtôlô bibuma bi amande bi ntoo f'été. 24Nde Môze a nga nyoñe mintume mise a zuu mie e be bone b'Israél bese; ane be nga yene mie a be nga nyoñ môt ase e ntume wé.
25Nde Nti a nga jô Môze na: Bula'ane *ntum Aron ôsu éwolo élat ane ba ye ba'ale wô ô bo ndem asu bôte be ne melo, nalé wo ye mane menyiñe map ôsu viam a éyoñe te ba ye bo te wu. 26Ane Môze a nga bo nalé; a nga bo avale Nti a nga bendé nye.
27Bone b'Israél be nga jô Môze na: Éyoñe ji, mvebe ô maneya bia, bi nga mane wu, bi nga mane wu bese! 28Môt ase a subu *tabernakel Nti bebé a wu. Ye bia bese bia yiane mane wu'
Currently Selected:
Nlb 17: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nlb 17
17
Nkobô menyiñe ya bôt a *melep ma tôñe be
(1Ko 10:10-12)
1Ane Nti a nga kobô Môze na: 2Jô'ô Eléazar e mone Ntuni Arone na, a vaa bisua bi ôtu e vôme ndi'an wo te boban, a mialane nduane y'été ôyap, amu bisua bite bi n'étyi. 3Ba ye kôme ata'a metuna'a a bisua bi ôtu ya bôt be nga bo *abé a dimili binyiñe biap; amu be nga liti bisua bite e be bone Israél. 4Ajô te Eléazar *ntuni a nga nyoñe bisua bi mvote bôt be nga di'ibane nduan be nga liti asu be Nti a kôme biba'a asu ata'a metuna'a. 5Jame ya simesane le mfa'a bone b'Israél, éyoñe te môt ase a ve ôlobinda asu be Nti, a za boo ane Koré a nsamba wé, avale Nti a nga jô a anyu Môze.
6Eyoñe tyé é nga lendé, ékôane bôt ése ya bone b'Israél é nga kobô Môze a Aron *abé menyiñ a jô na: Mia mi nga wôé e bôte be Nti. 7Eyoñe nsamba ôse ô nga sulan mfa'a ya tebe Môze a Aron e ngame yat, mesu me lôô be mfa'a ya *nda éndelé bendôba'ane, nde nsume *nkut ô nga yandane *nda éndelé éte a étôto'o Nti é nga yené. 8Ane Môze ba Aron be nga kui e *nda éndelé bendôba'ane. 9Nde Nti a ngo kobô Môze na: 10Kôla'an ézezañe ya bôte bana, a ma ye jiane be éyoñe jijia. Nde be nga ku mesu me butu si. 11Ane Môze a nga jô Arone na: Nyoñ ésua ôtu a futi e nduan wo te nyoñ ata'a metuna'a. Telé'é fe ôlobinda ésua été, wôna kele avô e vôme bôte be né, a bulu be nsem; amu ôlune Nti ô tôtaneya, a ébubua é tatéya. 12Eyoñe te Aron a nga nyoñ ésua avale Môze a nga jô, a mate mbil e vôm ékôane bôt é nga too; a koé na ébubua é tatéya e bôte zañ. Nde Aron a nga ve ôlobinda a bulu nsem asu ékôane bôt. 13Nde a nga tebe e zañe bewu a bevevee, éyoñe te ébubua é nga tebe. 14Bôte toyini awôm a ényin a mintete zamgbwa be nga wu ébubua éte, te lañe ba be nga wu amu mbia mboone Koré. 15Ane Aron a nga bulan e be Môze, anyiine ya *nda éndelé bendôba'ane. Ebubua é nga tebe.
Ntum Aron
(Nlb 16:1-17:5; 18:1-7; Hé 5:4)
16Ane Nti a nga kobô Môze na: 17Kobô'ô bone b'Israél a bo'o na be ve wo *ntum ane menda me bôte map me né; mintum mise mia ye bo awôm a mibaé mi so'o e be bivete biap avale menda me bôte map me né. 18Wo ye tili jôé Aron e ntume Lévi yôp; amu évet ése ya menda me bôte map ja ye bi *ntum. 19Wo ye bôôé mie e *nda éndelé bendôba'an, ôsu éwolo élat, e vôme me wô'ô tôbane mia. 20Ntume môte ma ye top wo ye faa, éyoñe te ma ye mane menyiñ me bone b'Israél ba kobô mia ôsu viam.
21Nde Môze a nga kobô bone b'Israél; bivete biabe bise bi nga ve nye *ntum, évet ése ntume wua, avale menda me bôte map me né, nde mintum mise mi nga kui awôm a mibaé; *ntum Aron ô mbe ézezañe ya mintume miap. 22Ane Môze a nga bôé mintum asu be Nti, e *nda éndelé, éwolo élat é nga bôô. 23Mametyé, éyoñe Môze a nga nyiin e *nda éndelé éwolo élat é nga bôô, a koone na *ntum Aron, asu *nda bôte Lévi, ô faaya; ô kpwaé ya metak, ô sameya a bitôtôlô bibuma bi amande bi ntoo f'été. 24Nde Môze a nga nyoñe mintume mise a zuu mie e be bone b'Israél bese; ane be nga yene mie a be nga nyoñ môt ase e ntume wé.
25Nde Nti a nga jô Môze na: Bula'ane *ntum Aron ôsu éwolo élat ane ba ye ba'ale wô ô bo ndem asu bôte be ne melo, nalé wo ye mane menyiñe map ôsu viam a éyoñe te ba ye bo te wu. 26Ane Môze a nga bo nalé; a nga bo avale Nti a nga bendé nye.
27Bone b'Israél be nga jô Môze na: Éyoñe ji, mvebe ô maneya bia, bi nga mane wu, bi nga mane wu bese! 28Môt ase a subu *tabernakel Nti bebé a wu. Ye bia bese bia yiane mane wu'
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.