Mt 9
9
Yésus a saé mbôbôk
(Mk 2:1-12; Lk 5:17-25)
1Eyoñ a dañeya éfunga été, Yésus a nga ke éfase kindi'i fok a kui e tisone jé. 2Nde bôt be nga zu be nye be be'e mbôbôk ô bôô énoñ; éyoñe Yésus a yeneya mbunane wop, a nga jô mbôbô'ô na: Bii ngule *nlem, a mon, mam *abé môé me ntoo *njaman. 3Nde *beyeme bekalate b'éziñ be nga jô e bebien été na: Nyôna a kobô nkobô ébiasé. 4Eyoñe Yésus a yemeya asimesane dap nye be na: Amu jé mi bili mbia be asimesane minleme mienan été' 5Jé ja dañe tyi'ibi, ye jô na: Mam *abé môé me nto *njaman ye na: Kôlô'ô si a wulu'u' 6Nalé ate mia ye yeme na mona môt a bili nguleya jamé mam *abé e *si nyô, nde ñhe a jô mbôbô'ô na: Kôlô'ô si, beke'e énoñe jôé a kelek e *nda jôé. 7Nde mbôbô'ô wo kôlô si a ke e *nda jé. 8Eyoñe minkunda mi bôt mi yeneya jame di, mi nga ko woñ a ve Zambe duma nyô a nga ve bôt avale ngule njôane di.
Yésus a loone Metias
(Mk 2:13-17; Lk 5:27-32)
9Yésus a lôtôk, nde a yene môt jôé na Metias a too e vôme ba bo mam me *toya, nde a loone nye a jô nye na: Tôñe ma. Ane Metias a nga kôlô si a tôñe nye.
10A nga bo na, Yésus a ja'a tebele e *nda Metias, nde abui benyoñe *toya a bebo *abé be nga zu tabe ba be Yésus a beyé'é bé. 11Ayene Befarizieñ be nga yene jame te, be nga jô beyé'é bé na: Amu jé masa wônan ba be benyoñe *toya a bebo *abé ba di vôme wua' 12Ve Yésus, éyoñ a wô'ôya mejô mete, a nga jô na: Sa ñhe mimvômvo'é mmie mia yi *dokita, ve minkôkon. 13Kelane ñhe yé'é atinane ya bifia bina na: Ma yi nkoon éngôngo sa ke étyi'a. Amu me nga zu loon, sa ke bezôsôô be bôt, ve bebo *abé.
Ntyiane bidi, nnôm a mfefé éyé
(Mk 2:18-22; Lk 5:33-39)
14Nde beyé'é be Yôanes ba yene nye a sili nye na: Amu jé éyoñe bia a Befarizieñ bia tyi bidi, beyé'é bôé be teke bie tyi' 15Yésus a nga yalane be na: Ye bôte ba te loon abô'ô aluk be ne tabe ôlun awu été nté ba be nlu'u minga be ngenan? Ve melu ma zu, éyoñe ba ye vaa be nlu'u minga éyoñe te ba ye tyi bidi. 16Teke môt a ne futi éfuse mfefé éyé e nnôme ngômesane yôp, amu abaka ba te futi da ye limiti ngômesan, a nyaban wo ye dañe bo *abé.
17Be nji futi mfefé woon e minnôme mendek; nalé momo wôna mendek ma bôlé a woon a nga kui, mende'e ki jôme ya wua fé. Ve ba futi mfefé woon e mimfefé mendek, nalé ate woon a mendek bia tabe.
Nkôkone minga ba mbime mona minga
(Mk 5:21-43; Lk 8:40-56)
18A ngenan a kobô'ô nalé, nde nyamôtô éziñ a subu nye bebé ve kute meboñe si a jô nye na: Ngo jam é ne ñwuan awolo di; ve za'a beté nye wo wôna a ye nyiñ. 19Nde Yésus a kôlô si ve tôñe môte nyô ba beyé'é bé. 20Nde de ki e boya vana na minga éziñ a kone metyi mimbu mi ntoo awôm a mibaé, ve subu Yésus bebé mfa'a ya mvus a nambe nye ñwôndé ngômesan. 21A mbe a jô'ôk émiene na: Nge ma kui vôme ya nambe nye ve ngômesane jé, ma ye nyiñ. 22Eyoñe Yésus a kôñelaneya a yene nye a nga jô nye na: Tabe'e ndi, a ngo jam! Mbunane wôé ô nyiiya wo. A minga a nga bo *mvo'é ataté awolo te.
23Eyoñe Yésus a kuiya e ndaa nya môtô nyô, a yene beloñe mimfañ a mfô'ôsane nkunda bôt, nde a jô na: 24Kôla'an: a ngenane teke wu, mona minga a ne ôyo. Be nga kpwe'ele nye.
25Eyoñe be maneya kuli nkunda bôt atan, nde a nyiin, ve bi mone wo mona minga ve vee. 26Nde foé ja zu mialan afôla te ese.
Mindindim mibaé
27Yésus a kelek, nde mindindim mibaé mia tôñe nye mvus mi yôta'ane na: Koo bia éngôngo, a mone David!
28Eyoñ a nyiiya e *nda été, mindindim mibaé mi nga subu mfa'a a mbe, nde Yésus a jô be na: Ye mia buni na me ne nguleya bo jame te? Be na: Yaa, a Nti. 29Nde a nambe be mis a jô'ô na: E bo'o mia ane mbunane wônan ô né. 30Ane mise map me nga kuiban. Wôna Yésus a nga jô be a ayo'o ese na: Taba'ane ntyee! Môt éziñ a bo'o te yeme de! 31Ve be, nné ane be nga kui atan, be taté ve na ba kobô ajô dé afôla te ese.
Yésus a saé mvumvuk
(Lk 11:14-15)
32Be kuik atan, nde ba soo nye mvumvuk ô bili mbia *nsisim. 33Eyoñe mbia *nsisim a kôlôya, nde mvumvuk wo taté na wo kobô. Jama bôt a nga kame jame te a jô'ô na: Avale jame di e ngenane te tame yené Israél été. 34Befarizieñ be ke be nga viane jô na: Ke a vaa mimbia minsisim a ngule évete mimbia minsisim.
Bebo bisaé be ne tyôtyoé
(Mk 6:6, 34; Lk 10:2)
35Yésus a nga ke a wulu e bitison bise a minlam mise, a ye'ele'e bôt e meba me Zambe map, a yôta'ane Mbamba Foé y'éjôé Zambe a saé aval ôkon ese a aval éyem ése.
36Ayene a nga yene jama bôt, nde a nga ko nye éngôngo, amu a mbe nte'an a nju'ane *nlem ane mintômba mi nji bi mba'ale. 37Nde a jô beyé'é bé na: Nkôane bidi ô ne abui, ve bebo bisaé tyôtyoé; 38ye'ela'ane ñhe masa nkôane bidi na a lôme bebo bisaé e nkôane bidi wé.
Currently Selected:
Mt 9: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.