Mt 24
24
Yérusalém a ye tyamban
(Mk 13:1-4; Lk 21:5-7)
1Eyoñe Yésus a kôlôya e *nda Zambe na a nga ke, nde beyé'é bé ba zu nye bebé asu ya liti nye melôñe ya *nda Zambe. 2Nye ve yalan a jô be na: Ye mi nji yene jôme jina ése? Ma jô mia bebela na: Te ke ako'o da da ye li'i é bete di avo'o yôp; jôme jina ése ja ye sô'ôlôbane si. 3Eyoñ a tabeya si e nkôle beôlivié ane beyé'é bé be nga zu nye bebé be too ve bebe a jô na: Kate bia, mam mete ma ye boban éyoñ évé a ndeme ya nsoone wôé é ne fé, nalé fe nyô asu'ulane ya miaé wu' 4Yésus a nga yalan a jô be na: Taba'ane ntyele na môt a bo te yale mia fé; 5yaa! Bôt abui ba ye zu a jôé dam be jô'ô na: Ma me ne Krist, a ba ye yale bôt abui fé. 6Mia ye wô'ô ajô bita a biduñe ya bita; momba'an a te koone woñ; mam mete ma yiane taté boban te na asu'ulan e boban. 7Ayoñ da ye fo'o wosan ayoñ avok, a éjôé ja ye wosan éjôé évok, bemfumbale zaé a mimfô'ôsan mi si bia ye bo ane mevôm me né. 8Mam mete mese me ne ve atata'a mintaé mi abiaé. 9Ba ye kee mia bôt be tibili mia a ba ye wôé mia, a *meyoñ mese ma ye vini mia amu ma. 10Bôt abui ba ye ku Zambe; bevok ba ye koñan e zañe jap a siñan bana a ba bevok; 11a abui bekulu mejô e ne minsos da ye kôlô si a yale abui bôt zene fe; 12nye'an abui bôt wo ye bo avoé amu nnenan *abé da ye dañe nen. 13Nyô a ye yeme ngu akui asu'ulan nye a ye nyiiban. 14Mbamba Foé y'éjôé ya yôp a ye kateban émo ése ya bôt be too ane ngaa asu *meyoñ mese, mvus éte nje asu'ulan da ye kui.
E jam e ngenan te tame boban. Bekulu mejô be ne minsos
(Mk 13:14-31; Lk 21-20-33; 17:22-25, 31, 37)
15Eyoñe mia ye yene jam e ngenan te tame boban da bôé minlam nde *nkulu mejô Daniel a nga kobô e telébaneya e vôm a ne étyi, e môt a lañ a ntoo ve wôk! 16Ajô te bôt ba ye tabe Yudé, be kele mbi e minkô, 17nyô a ye tabe e nseñ ya *nda yôp, a bo'o te sise na a ke nyoñe biôme ya *nda jé, 18a nyô a ne afup a bo'o te bulane mvuse na a ke nyoñe ngômesane jé. 19Bidim a binga be ne mebum a ba ba nyaa *bon melu mete. 20Ye'ela'an asu ya na mi bo te tup a ôyôn, nge môse *sabat. 21Beta njuk a ye boban aval e ngenan te tame boban ataté ane émo é nga téban a zu kui éyoñe ji, a teke selane na da ye fe bo teke beta boban. 22A nge melu mete me nji ye bo étun, teke môt a nga ye nyiñ; ve melu mete ma ye bo étun amu mintoban. 23Ajô te nge môt éziñ a jô mia na: Mi lôô Krist a ne va nge li, te bunane nye. 24Bekrist be ne minsos ba ye tebe, nalé fe bekulu mejô be ne minsos ba ye liti beta mendem a bitua bi mam avale ya yale, ja'ane mintoban, zene fe. 25Mi lôô me maneya kuli mia mam mete. 26Nde ñhe nge ba jô mia na: Mi lôô a ne e *nkôte si, te kuan atan; mi lôô a ne e bitune menda, te bunan; 27amu aval ane feleves a so mfa'a jôp da tôô a faé a kui jôp da dim, nalé ate nsoone mona môt wo ye boban; 28e vôme mbime jôm ô né vôm ate bingbwañ bia sulan. 29Eté été, éyoñe nju'u ya mimôse mite ô maneya, jôp da ye bo dibi a ngon ja ye bo te beta faé miel, ateté da ye ku e so'o yôp a mengule ya yôp ma ye téébane si. 30Eyoñe te ndeme mona môt ja ye litiban e yôp; *meyoñ mese ya *si nyô ma ye kute tôé a ma ye yene mona môt a so'o minkute ya yôp a ngu a beta étôtok; 31a a ye lôme beéngele be so'o meku'u menyine ya si, ataté meku'u ya yôbe di a kui ma ya yôbe di.
32Yéka'ane *nkana figié: éyoñe ntyaé wé ô ntoo ésôsoñ a mekaé ma kui, mia yeme na ésep é ntoo bebé; 33nalé ate fe mia, éyoñe mia yene mam mete mese, mi yeme na a ntoo bebé mimbé mienan. 34Ma jô mia bebela na: Te ke selan, miaé bôte wuna wo ye bo te lôt te na mam mete mese me kuik. 35Yôp a si bia ye lôt ve mejô mam ma ye bo te lôt.
Momba'an a taba'ane nkôman
(Mk 13:32-35; Lk 17:26-27, 34-35; 12:39-40)
36Ve *môs ôte a awolo te, teke môt a yeme bie, to'o beéngele ya yôp, to'o mon, teke môt *a yem, vengevenge ve Esaa étam. 37Aval e nga boban melu me Noé, nne nsoone mona môt wo ye bobane nalé; 38amu aval e nga boban melu mete, te na ndôn é kui, na bôt be nga di, a nyu, a lu'u binga, be ke'e fe bengone meluk, akekui môse Noé a nga nyiin e *ark été, 39be nji tyelé nleme yôp a jam éziñ, akekui ndôn é nga kui a vaa bese: nalé ate nsoone mona môt wo ye boban. 40Eyoñe te bôte bebaé be too afup, wua a ye nyoñeban, nyô mbok a ye li'i.
41Binga bebaé be ko'o akok, wua a ye nyoñeban a wua a ye li'i. 42Ajô te momba'an, amu mi nji yem e môse Nti wônan a ye so. 43Mia yeme na nge mie ndaa a too yem awolo ya alu ñwuwup wo ye so, a nga ye mombô, teke jô'é na be tube mfine ya *nda jé. 44Ajô te mia fe momba'an amu mi nji yem awolo mona môt a ye so.
45Za ñhe a ne mbo ésaé ya buni a fek, nye masa wé a nga telé e be bôte ya *nda jé asu ya ve be bidi éyoñe ja yian' 46Ebotan a mbo ésaé ate nye masa wé, éyoñ a ye so, a ye koone a bo'o ésaé te.
47Bebela, ma jô mia na, a ye telé nye mba'ale ya akume dé ése.
48Ve nge mbia mbo ésaé ate a jô e nleme wé été na: Masa wom a bo nju'u ya so, 49ve taté na a bôme beébe bebo bisaé bé, ve di a nyu ba be beso'o bilam, 50masa mbo ésaé ate a ye so e *môs a nji yange nye a awolo a nji yem; 51a ye titane nye a bo na ba be bôte bebadu'u be kaban asu'ulane dap: vôm a ye bo ve miñyôn a nlatane mesôñ.
Currently Selected:
Mt 24: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.