Lv. 20
20
Mbia mimboon mia dutu awu
(Dt 17:2-7; Lv 18; Dt 27:16, 20-23; 2 Ko 6:15-7:1)
1Ane Nti a nga kobô Môze a jô na: 2Wo ye jô bone b'Israél na: Môte ya bone b'Israél nge mintabe mi too Israél a ye ve môte ya mvoñe jé be *zambe Molok a ye fo'o wôéban: bôte ya si jé ba ye lume nye *mekok. 3Amu ma fe ma ye telé môt ate asu dam ngame yat a ma ye vaa nye ayoñ Israél été amu a nga ve Molok wua ya bone bé mfa'a ya ve vôme wom a n'étyi mvin a ndamane fe jôé dam e n'étyi. 4Nge bôte be too si éte ba viane dime mis mfa'a môte a ve Molok wua ya bone bé a bo te wôé nye, 5mamien ma ye telé asu dam e ngame môt ate yat a *nda bôte jé, a vaa nye Israél été ba be ba bese ba kañe Molok aval'ane émien.
6Nge môt a ke yene bebi'i bekôn nge bekobô mame ya melu ôsu a kañe bengunemelan ba be be, ma ye telé asu dam e ngame môt ate yat a vaa nye bôte bé été. 7Mia ye telé miabebien étyi a mia ye bo étyi amu me ne Nti e Zambe wônan. 8Mia ye ba'ale metiñe mam a bo me: ma me ne Nti a nga tobe mia na mi bo ayoñ e n'étyi.
9Môt a yo'é ésaa nge nyia a ye wôéban; amu a nga yo'é ésaa nge nyia, a ye be'e mekua ya awu dé émien.
10Nge môt a bo *mejian a minga a ne nlu'an, nge bo *mejian a nga môt baa nye be too, fam ba minga *mejian ba ye wôéban. 11Nge fam ja jô'ôbô nga ésaa a yene soé ésaa amu mboone te, fam éte a minga ate ba ye wôéban: metyi mab ma ye bulan e be bebien. #20:11 Bebien ba ye be'e mekua ya awu dap. 12Nge fam ja jô'ôbô mbome wé, bebaane ba ye wôéban amu be boya mful'énoñ a nji yian. Metyi mab ma ye bulan e be bebien. 13Nge fam ja jô'ôbô fame fok ane ba jô'ôbô minga, bebaane be boya jam e n'angôndô; ba ye wôéban a metyi mab ma ye bulan e be bebien. 14Nge fam ja lu'u ngon a nyia ngon bebaane: mbia jame le: ba ye di'i be belale e nduan, nalé mbia jam ate a ye bo te tabe ézezañe jenan. 15Nge fam ja jô'ôbô tit, ja ye wôéban, tite fe ja ye wôéban. 16Nge minga a subu tite bebé a jô'ôbô je, ba ye wôé minga a tit; ba ye wôéban bebaane a metyi mab ma ye bulan e be bebien.
17Nge fam ja nyoñe kale jé ngon ésaa nge ngone nyia, a yene je soé a je ke é yene soé jé, jam ôsone le; ba ye nyoñe meleb e bôte bab be lôô: amu môt ate a nga yene soé kale jé, a ye be'e adite mbe'e ya mekua mé émien. 18Nge fam ja jô'ôbô minga a yene ngon a kuli soé jé, nge fam éte ja liti metyi ma kui minga ate éngengeñ, a minga ate a yene metyi, bebaane ba ye vas e zañe bôte bap. 19Wo ye bo te yene soé monyañe nyua nge soé ésoñgo: amu wo telé môte mia nye mi ne abialé soé. Bôte ba bo nalé ba ye be'e adite mbe'e ya mbia mboone wop. 20Nge môt a lu'u nga ndômenyañ, a kuliya soé ndômenyañ atan; bebaane ba ye be'e adite mbe'e ya *abé dap: ba ye wu teke *bon. 21Nge fam ja lu'u nga monyañ, nalé a ne mvin; a kuliya soé monyañ atan: ba ye bo teke *bon.
22Ajô te mia ye ba'ale metiñe mam mese a minjôane miam a bo bie, éyoñe te si, e vôme ma kee mia na mi tabe, ja ye bo te yô mia. 23Mia ye bo te tôñe mimboon mi mame ya *meyoñ ma ye titan ôsu vienan; amu be nga bo mam mete mese nde me nga vini me. 24Me nga jô mia na: Mia ye nyoñe si jab a ma ye ve mia je: si menyañ a wôé bia len: ma me ne Nti, e Zambe wônan, ma me nga kandé mia a *meyoñ mevok. 25Mia ye ve nkandan e zañe betit be ne *mfuban a ba be ne te *mfuban, e zañe anon e ne te *mfuban a di e ne *mfuban, nalé mia ye bo te bo bôte benan be yené mvin amu betit, anon a jôm ése ja woñe si, mbie me nga tyili mia na bi ne mvin. 26Mia ye bo étyi asu dam, amu ma Nti, me n'étyi; me nga kandé mia a *meyoñ mevo'o na mi bo v'émbam.
27Nge fam nge minga be bili fulu ya bi'i bekôn é too be be, nge nyô ya yene mame ya melu ôsu, ba ye wôéban; ba ye lume be *mekok a metyi mab ma ye bulane be bebien.
Currently Selected:
Lv. 20: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Lv. 20
20
Mbia mimboon mia dutu awu
(Dt 17:2-7; Lv 18; Dt 27:16, 20-23; 2 Ko 6:15-7:1)
1Ane Nti a nga kobô Môze a jô na: 2Wo ye jô bone b'Israél na: Môte ya bone b'Israél nge mintabe mi too Israél a ye ve môte ya mvoñe jé be *zambe Molok a ye fo'o wôéban: bôte ya si jé ba ye lume nye *mekok. 3Amu ma fe ma ye telé môt ate asu dam ngame yat a ma ye vaa nye ayoñ Israél été amu a nga ve Molok wua ya bone bé mfa'a ya ve vôme wom a n'étyi mvin a ndamane fe jôé dam e n'étyi. 4Nge bôte be too si éte ba viane dime mis mfa'a môte a ve Molok wua ya bone bé a bo te wôé nye, 5mamien ma ye telé asu dam e ngame môt ate yat a *nda bôte jé, a vaa nye Israél été ba be ba bese ba kañe Molok aval'ane émien.
6Nge môt a ke yene bebi'i bekôn nge bekobô mame ya melu ôsu a kañe bengunemelan ba be be, ma ye telé asu dam e ngame môt ate yat a vaa nye bôte bé été. 7Mia ye telé miabebien étyi a mia ye bo étyi amu me ne Nti e Zambe wônan. 8Mia ye ba'ale metiñe mam a bo me: ma me ne Nti a nga tobe mia na mi bo ayoñ e n'étyi.
9Môt a yo'é ésaa nge nyia a ye wôéban; amu a nga yo'é ésaa nge nyia, a ye be'e mekua ya awu dé émien.
10Nge môt a bo *mejian a minga a ne nlu'an, nge bo *mejian a nga môt baa nye be too, fam ba minga *mejian ba ye wôéban. 11Nge fam ja jô'ôbô nga ésaa a yene soé ésaa amu mboone te, fam éte a minga ate ba ye wôéban: metyi mab ma ye bulan e be bebien. #20:11 Bebien ba ye be'e mekua ya awu dap. 12Nge fam ja jô'ôbô mbome wé, bebaane ba ye wôéban amu be boya mful'énoñ a nji yian. Metyi mab ma ye bulan e be bebien. 13Nge fam ja jô'ôbô fame fok ane ba jô'ôbô minga, bebaane be boya jam e n'angôndô; ba ye wôéban a metyi mab ma ye bulan e be bebien. 14Nge fam ja lu'u ngon a nyia ngon bebaane: mbia jame le: ba ye di'i be belale e nduan, nalé mbia jam ate a ye bo te tabe ézezañe jenan. 15Nge fam ja jô'ôbô tit, ja ye wôéban, tite fe ja ye wôéban. 16Nge minga a subu tite bebé a jô'ôbô je, ba ye wôé minga a tit; ba ye wôéban bebaane a metyi mab ma ye bulan e be bebien.
17Nge fam ja nyoñe kale jé ngon ésaa nge ngone nyia, a yene je soé a je ke é yene soé jé, jam ôsone le; ba ye nyoñe meleb e bôte bab be lôô: amu môt ate a nga yene soé kale jé, a ye be'e adite mbe'e ya mekua mé émien. 18Nge fam ja jô'ôbô minga a yene ngon a kuli soé jé, nge fam éte ja liti metyi ma kui minga ate éngengeñ, a minga ate a yene metyi, bebaane ba ye vas e zañe bôte bap. 19Wo ye bo te yene soé monyañe nyua nge soé ésoñgo: amu wo telé môte mia nye mi ne abialé soé. Bôte ba bo nalé ba ye be'e adite mbe'e ya mbia mboone wop. 20Nge môt a lu'u nga ndômenyañ, a kuliya soé ndômenyañ atan; bebaane ba ye be'e adite mbe'e ya *abé dap: ba ye wu teke *bon. 21Nge fam ja lu'u nga monyañ, nalé a ne mvin; a kuliya soé monyañ atan: ba ye bo teke *bon.
22Ajô te mia ye ba'ale metiñe mam mese a minjôane miam a bo bie, éyoñe te si, e vôme ma kee mia na mi tabe, ja ye bo te yô mia. 23Mia ye bo te tôñe mimboon mi mame ya *meyoñ ma ye titan ôsu vienan; amu be nga bo mam mete mese nde me nga vini me. 24Me nga jô mia na: Mia ye nyoñe si jab a ma ye ve mia je: si menyañ a wôé bia len: ma me ne Nti, e Zambe wônan, ma me nga kandé mia a *meyoñ mevok. 25Mia ye ve nkandan e zañe betit be ne *mfuban a ba be ne te *mfuban, e zañe anon e ne te *mfuban a di e ne *mfuban, nalé mia ye bo te bo bôte benan be yené mvin amu betit, anon a jôm ése ja woñe si, mbie me nga tyili mia na bi ne mvin. 26Mia ye bo étyi asu dam, amu ma Nti, me n'étyi; me nga kandé mia a *meyoñ mevo'o na mi bo v'émbam.
27Nge fam nge minga be bili fulu ya bi'i bekôn é too be be, nge nyô ya yene mame ya melu ôsu, ba ye wôéban; ba ye lume be *mekok a metyi mab ma ye bulane be bebien.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.