Lv. 11
11
Atiñ ya betit be ne *mfuban a ba be ne te mfuban
(Lv 20:25-26; Dt 14:1-21; Mm 10:11-16)
1Nti a nga kobô Môze ba Arone na: 2Kobô'ô bone b'Israél a jô be na: E betite bese ya si, bana mbe mia ye di. 3Mia ye di tit ése é bili ébo'os é too nsalan, mbiaé fe ô too nsalan a a bo'otô'ô nyalak.
4Ve bana mbe mia ye bo te di akôsa bo na ba bo'otô nyalak nge na be bili ébo'os é too nsalan: kamel, amu a bo'otô nyalak ve ébo'os te nsalan: mia ye yene je ane tit é ne te mfuban; 5nyôk é too *mekok, amu ja bo'otô nyalak ve ébo'os te nsalan: mia ye yene je ane tit é ne te mfuban; 6Liévre, amu a bo'otô nyalak ve ébo'os te nsalan: mia ye yene nye ane tit é ne te mfuban; 7ngôé, amu é bili ébo'os é too nsalan nalé fe mbiaé, ve te bo'otô nyalak: mia ye yene je ane tit é ne te *mfuban. 8Mia ye bo te di minsône miap: mia ye yene be ane betit be ne te *mfuban. 9Betite bese ba nyiñe mendim, bana mbe mia ye di: Ba bese be bili mengap a bibas be too e mendim, to'o mañ nge bone b'asôé. 10Ve ayôme betit ése é too mendim a jôm ése ja nyiñ e mendim, to'o mañ nge bone b'asôé, ba bese be nji bi mengap nge bibas, ba ye bo mbia be biôm mfa'a wônan. 11Ba ye bo mbia be biôm mfa'a wônan, mia ye bo te di minsône miap a mia ye yene mimbime miab ane mbia be biôm. 12Betite bese be ne e mendim te mengap nge bibas, ba ye bo mbia jôm mfa'a wônan.
13Mfa'a ya anon, dina nde mia ye yen ane mbia jôm, a mia ye bo te di de: jun, ébandôé a ndôé mañ; 14ze yôp a fufu ôbam a di da funane nye; 15éngbwañ a anon ese da funane nye; 16a éngutu, a mvômvôt, a élolé mañ a ôbam avale dé; 17a nyôk, nsoñemeto'o a nduk; 18akuñ e be'e bitombo, ngôkoé a ntememvoé; 19Bingobingo, Sôsolôsôé a ônon ôse ô ne ane je, hupe a Ôngem.
20Mone tit ase a be'e mefab a wulu'u a mebo menyin, a ye bo mbia jôm mfa'a wônan. 21Ve bone betit bese be be'e mefap be wulu'u a mebo menyin, mia ye di e ba be be'e mevale mebo mebaé: ma ba wulu me a ma ma volô be na be yôô. 22Bana mbe mia ye di: Étandak, mba'asan, mbu a aselek, jôm ése y'été é too avale dé. 23Bone betite bevo'o bese be be'e mefab a mebo menyin, ba ye bo mbia jôm mfa'a wônan. 24Be ne bo mia na mi yené te *mfuban, a môt ase a ye nambe mimbime miap, a ye bo te *mfuban a kui mamengô'é, 25a môt ase a ye be'e mimbime miap a ye sôbe mengômesane mé a tabe fe te *mfuban a kui mamengô'é. 26Tit ése ébo'os é ne nsalan ve mbiaé ô too te nsalan, nalé fe te bo'otô nyalak, mia ye yene je ane nyô é ne te *mfuban. 27Betite mekule bese, mia ye yene be ane te *mfuban: môt ase a ye nambe mimbime miap a ye bo te *mfuban a kui mamengô'é, 28a môt ase a ye be'e mimbime miap a ye sôbe mengômesane mé a tabe te *mfuban a kui mamengô'é. Mia ye yene be ane betit be ne te *mfuban. 29Bone betit ba woñe si bana mbe mia ye yen ane te *mfuban: kpwañesan, fôô a nsoo, jôm ése y'été avale dé; 30afaé, nka'a, kuu, ôngôtô a jôngô ô. 31Mia ye yene be ane te *mfuban e bone betite bese été: môt ase a ye nambe be, éyoñ be wuya, a ye bo te *mfuban a kui mamengô'é. 32Jôm ése jôme ya mimbime miab ja ye nambe ja ye bo te *mfuban: ékanda, ngômesan, ékôbe tit, nkuta, élaba'a ése ba belane je: ba ye futi jôme te mendim é tabe fe te *mfuban a kui mamengô'é, ja ye bo *mfuban éyoñe ngô'é é lôteya. 33Jôm ése ba ye koone je élaba'a é ne mboon a tyia été a jôm éziñe ya mimbime betite mite é too été, ja ye bo te *mfuban, a mia ye bôé élaba'a te. 34Adi ese ba di, mendim ya élaba'a te me too nsôan été ma ye bo te mfuban; jôm ése ba nyu avale élaba'a te ese ja ye bo te *mfuban. 35Jôm ése ngabe ya mbime wob ja ye ku yôp ja ye bo te mfuban; ja'ane mbum nge ntaka'a ya di, ba ye tyame bie. Bi ne te *mfuban, a mia ye yene bie ane te *mfuban. 36Ve jame da na anjeñ a ébé bi ne mboon mfa'a ya ba'ale mendim bia ye bo mfuban; ve nyô a ye nambe mbime wop a ye bo te *mfuban. 37Nge jôm éziñe ya mbime wob ja ku e mvoñ ja yiane béébane yôp, mvoñ éte é ngenane mfuban; 38ve nge be nga jini mvoñ éte mendim, a jôm éziñe ya mbime wop é kpwelé je yôp, mia ye yene mvoñ éte ane te *mfuban.
39Nge tite jia ya betite mia di ja wu, môt a ye nambe mbim a ye bo te *mfuban a kui mamengô'é; 40môt a ye di avale mbime te a ye sôbe mengômesane mé a tabe te *mfuban a kui mamengô'é. 41E mone tit ase a woñe si a ye bo mbia jôm: ba ye bo te di nye. 42Mia ye bo te di to'o ve wua ya bone betit ba woñe si, nge ba ba vutan a mebum, nge ba ba wulu a mebo menyin nge a abui mebo, amu be ne mbia jôm. 43Te boone miabebiene mbia jôm amu bone betite bete bese ba woñ; a te boone miabebien te *mfuban a be, nge ve miabebiene mvin a be. 44Amu me ne Nti, e Zambe wônan: mia ye telé miabebien étyi, a naa mia ye bo étyi amu me n'étyi; a mia ye bo te bo miabebiene mvin a bone betite bete bese ba woñe si.
45Amu me ne Nti a nga soo mia e si y'Ejipte na me bo e Zambe wônan, a mia ye bo étyi, amu me n'étyi. 46Atiñe da fombô betit, anon, bevevee be biôme bese ba fô'ôsan e mendim a biôme bi vee bi woñe si, nde le, 47mfa'a ya kandé jôm é ne te *mfuban a jôm é ne *mfuban, tite ba di a nyô be ne te di.
Currently Selected:
Lv. 11: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Lv. 11
11
Atiñ ya betit be ne *mfuban a ba be ne te mfuban
(Lv 20:25-26; Dt 14:1-21; Mm 10:11-16)
1Nti a nga kobô Môze ba Arone na: 2Kobô'ô bone b'Israél a jô be na: E betite bese ya si, bana mbe mia ye di. 3Mia ye di tit ése é bili ébo'os é too nsalan, mbiaé fe ô too nsalan a a bo'otô'ô nyalak.
4Ve bana mbe mia ye bo te di akôsa bo na ba bo'otô nyalak nge na be bili ébo'os é too nsalan: kamel, amu a bo'otô nyalak ve ébo'os te nsalan: mia ye yene je ane tit é ne te mfuban; 5nyôk é too *mekok, amu ja bo'otô nyalak ve ébo'os te nsalan: mia ye yene je ane tit é ne te mfuban; 6Liévre, amu a bo'otô nyalak ve ébo'os te nsalan: mia ye yene nye ane tit é ne te mfuban; 7ngôé, amu é bili ébo'os é too nsalan nalé fe mbiaé, ve te bo'otô nyalak: mia ye yene je ane tit é ne te *mfuban. 8Mia ye bo te di minsône miap: mia ye yene be ane betit be ne te *mfuban. 9Betite bese ba nyiñe mendim, bana mbe mia ye di: Ba bese be bili mengap a bibas be too e mendim, to'o mañ nge bone b'asôé. 10Ve ayôme betit ése é too mendim a jôm ése ja nyiñ e mendim, to'o mañ nge bone b'asôé, ba bese be nji bi mengap nge bibas, ba ye bo mbia be biôm mfa'a wônan. 11Ba ye bo mbia be biôm mfa'a wônan, mia ye bo te di minsône miap a mia ye yene mimbime miab ane mbia be biôm. 12Betite bese be ne e mendim te mengap nge bibas, ba ye bo mbia jôm mfa'a wônan.
13Mfa'a ya anon, dina nde mia ye yen ane mbia jôm, a mia ye bo te di de: jun, ébandôé a ndôé mañ; 14ze yôp a fufu ôbam a di da funane nye; 15éngbwañ a anon ese da funane nye; 16a éngutu, a mvômvôt, a élolé mañ a ôbam avale dé; 17a nyôk, nsoñemeto'o a nduk; 18akuñ e be'e bitombo, ngôkoé a ntememvoé; 19Bingobingo, Sôsolôsôé a ônon ôse ô ne ane je, hupe a Ôngem.
20Mone tit ase a be'e mefab a wulu'u a mebo menyin, a ye bo mbia jôm mfa'a wônan. 21Ve bone betit bese be be'e mefap be wulu'u a mebo menyin, mia ye di e ba be be'e mevale mebo mebaé: ma ba wulu me a ma ma volô be na be yôô. 22Bana mbe mia ye di: Étandak, mba'asan, mbu a aselek, jôm ése y'été é too avale dé. 23Bone betite bevo'o bese be be'e mefab a mebo menyin, ba ye bo mbia jôm mfa'a wônan. 24Be ne bo mia na mi yené te *mfuban, a môt ase a ye nambe mimbime miap, a ye bo te *mfuban a kui mamengô'é, 25a môt ase a ye be'e mimbime miap a ye sôbe mengômesane mé a tabe fe te *mfuban a kui mamengô'é. 26Tit ése ébo'os é ne nsalan ve mbiaé ô too te nsalan, nalé fe te bo'otô nyalak, mia ye yene je ane nyô é ne te *mfuban. 27Betite mekule bese, mia ye yene be ane te *mfuban: môt ase a ye nambe mimbime miap a ye bo te *mfuban a kui mamengô'é, 28a môt ase a ye be'e mimbime miap a ye sôbe mengômesane mé a tabe te *mfuban a kui mamengô'é. Mia ye yene be ane betit be ne te *mfuban. 29Bone betit ba woñe si bana mbe mia ye yen ane te *mfuban: kpwañesan, fôô a nsoo, jôm ése y'été avale dé; 30afaé, nka'a, kuu, ôngôtô a jôngô ô. 31Mia ye yene be ane te *mfuban e bone betite bese été: môt ase a ye nambe be, éyoñ be wuya, a ye bo te *mfuban a kui mamengô'é. 32Jôm ése jôme ya mimbime miab ja ye nambe ja ye bo te *mfuban: ékanda, ngômesan, ékôbe tit, nkuta, élaba'a ése ba belane je: ba ye futi jôme te mendim é tabe fe te *mfuban a kui mamengô'é, ja ye bo *mfuban éyoñe ngô'é é lôteya. 33Jôm ése ba ye koone je élaba'a é ne mboon a tyia été a jôm éziñe ya mimbime betite mite é too été, ja ye bo te *mfuban, a mia ye bôé élaba'a te. 34Adi ese ba di, mendim ya élaba'a te me too nsôan été ma ye bo te mfuban; jôm ése ba nyu avale élaba'a te ese ja ye bo te *mfuban. 35Jôm ése ngabe ya mbime wob ja ye ku yôp ja ye bo te mfuban; ja'ane mbum nge ntaka'a ya di, ba ye tyame bie. Bi ne te *mfuban, a mia ye yene bie ane te *mfuban. 36Ve jame da na anjeñ a ébé bi ne mboon mfa'a ya ba'ale mendim bia ye bo mfuban; ve nyô a ye nambe mbime wop a ye bo te *mfuban. 37Nge jôm éziñe ya mbime wob ja ku e mvoñ ja yiane béébane yôp, mvoñ éte é ngenane mfuban; 38ve nge be nga jini mvoñ éte mendim, a jôm éziñe ya mbime wop é kpwelé je yôp, mia ye yene mvoñ éte ane te *mfuban.
39Nge tite jia ya betite mia di ja wu, môt a ye nambe mbim a ye bo te *mfuban a kui mamengô'é; 40môt a ye di avale mbime te a ye sôbe mengômesane mé a tabe te *mfuban a kui mamengô'é. 41E mone tit ase a woñe si a ye bo mbia jôm: ba ye bo te di nye. 42Mia ye bo te di to'o ve wua ya bone betit ba woñe si, nge ba ba vutan a mebum, nge ba ba wulu a mebo menyin nge a abui mebo, amu be ne mbia jôm. 43Te boone miabebiene mbia jôm amu bone betite bete bese ba woñ; a te boone miabebien te *mfuban a be, nge ve miabebiene mvin a be. 44Amu me ne Nti, e Zambe wônan: mia ye telé miabebien étyi, a naa mia ye bo étyi amu me n'étyi; a mia ye bo te bo miabebiene mvin a bone betite bete bese ba woñe si.
45Amu me ne Nti a nga soo mia e si y'Ejipte na me bo e Zambe wônan, a mia ye bo étyi, amu me n'étyi. 46Atiñe da fombô betit, anon, bevevee be biôme bese ba fô'ôsan e mendim a biôme bi vee bi woñe si, nde le, 47mfa'a ya kandé jôm é ne te *mfuban a jôm é ne *mfuban, tite ba di a nyô be ne te di.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.