Nk 37
37
Nkôman éwolo, tebele a ébi bifufup
(Nk 25:10-40; Hé 9:3-5; Nb 10:33-36; Lv 24:5-9; Nl 11:12-20; 4:5)
1Ane Betsalél a nga kôme éwolo a asé, nté ô too menyi'i me mo mebaé a étun, ndam ke anyi'i wo da a étun. 2Ane a nga yañe je atan a été a mvot a ne mfuban; nde fe a nga bo nkôngô mvot mbôma'ane meku'u mese. 3Nde a nga nyemé bilondo binyin ya futi meku'u menyin ya été, éfase ése bilondo bibaé. 4Ane a nga bo mimbôñ mi asé a yañ mie mvot. 5Ane a nga some mimbôñ mite e bilondo e meku'u ya éwolo mfa'a ya be'e je. 6Ane a nga bo ébuta'a éwolo a mvot a dañe mfuban; ébuta'a te é too nté menyi'i me mo mebaé a étun a ndam anyi'i wo da a étun. 7Ane a nga bo besérafeñ bebaé a mvot e meku'u mebaé ya ébuta'a; a nga bo be a mvot ane mbiban; 8Sérafeñ wua éfase ji a nyô mbok, éfase évok; a nga bo besérafeñ nlatan a meku'u mebaé ya ébuta'a. 9Besérafeñ be same mefabe mabe yôp, be buti'i ébuta'a a mefabe mete be lôane fe mesu. Mesu Besérafeñ me mbe me lôô ébuta'a.
10A nga kôme tebele a asé; nté ô too menyi'i me mo mebaé, ndam anyi'i wo da a nkôñe yôp anyi'i wo da a étun. 11A nga yañe je a mvot a dañe *mfuban a bo fe nkôngô mvot mbôma'ane. 12A nga bo filim mbôma'ane été a bo fe nkôngô été a mvot mbôma'ane filim. 13Ane a nga nyemé bilondo bi mvot binyin asu tebele a futi bie meku'u menyin ma tôban a mebo menyin. 14Bilondo bi mbe bebé filim, mimbôñ mi tula'an été mfa'a mbe'an tebele. 15A nga kôme mimbôñ mite a asé a mane fe yañe mie mvot; mi nga volô mbe'an tebele. 16Ane a nga kôme biôm ya belan bie tebele: Bisua, bilaé mevale mebaé a mekob minlak asu nsôban mo a mebo: Biôm bite bi nga boban a mvot.
17A nga bo ébi bifufub a mvot ane *mfuban a too mbiban; abo, nkuk, bilaé, bibuma a mesam mé bi too mboon jôme jia. 18Ebi bifufub te é bili mintyaé misaman, milal éfase ji milale mivok éfase ji. 19Ntyaé ôse ô bili bilaé bilaa éyeka'a ane ébuma mvin, bibuma a mesam me too été; mintyaé misaman mise mi nga tii ébi bifufup mi mbe avale te. 20Nku'u ébi bifufub ô nga bili bilaé binyin éyeka'a ane ébuma mvin, bibuma a mesam me too été. 21Mintyaé misaman mi nga beme nkuk ébi bifufub mi mbe mba'atan mibaé mibaé, ébuma é too mba'atan ôse si. 22Bibuma a mintyaé mi ébi bifufub bi too jôme jia; ase mboon a mvot a ne mbiban a *mfuban. 23Belambe bé zamgbwa, menjo mé a bikutan asup bié bi too mboon a mvot a ne *mfuban. 24Be nga belan bekiligram be mvot a ne *mfuban mewôm mela mfa'a ya kôme ébi bifufub a biôm mebelan bié bise.
Nlôñan ata'a metuna'a b'ôlobinda
(Nk 30:1-10; 22-38; Nl 8:3-4)
25Ane a nga lôñe ata'a metuna'a b'ôlobinda a asé; nté ô too anyi'i wo da, ndam fe anyi'i wo da; ata'a metuna'a ate a mbe abime da nté a ndam, ve ôyabe yôp ô mbe menyi'i me mo mela. A nga futi minlak meku'u menyin; minlak a ata'a metuna'a bi too jôm jia. 26A nga yañe nye a mvot a ne *mfuban mfa'a ya yôp, e mefefel, mbôma'ane a minlak, ane fe a nga bo nkôngô mvot mbôma'an. 27A nga bo bilondo bibaé e nkôngô mvot si éfase ya li a li, a futi fe bilondo mevôme mevok mfa'a ya some mimbôñ ya be'e ata'a metuna'a. 28Nde a nga kôme mimbôñ mite a asé a dube mie a mvot.
29Ane a nga kôme fe mbon ô ne étyi ba wo'o bôt éyoñ ba telé be bito, nalé fe ôlobinda a nyume mvaé, a too *mfuban, nkôman avale ntyetyeñ nkôm be ôlobinda a ne kôm.
Currently Selected:
Nk 37: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 37
37
Nkôman éwolo, tebele a ébi bifufup
(Nk 25:10-40; Hé 9:3-5; Nb 10:33-36; Lv 24:5-9; Nl 11:12-20; 4:5)
1Ane Betsalél a nga kôme éwolo a asé, nté ô too menyi'i me mo mebaé a étun, ndam ke anyi'i wo da a étun. 2Ane a nga yañe je atan a été a mvot a ne mfuban; nde fe a nga bo nkôngô mvot mbôma'ane meku'u mese. 3Nde a nga nyemé bilondo binyin ya futi meku'u menyin ya été, éfase ése bilondo bibaé. 4Ane a nga bo mimbôñ mi asé a yañ mie mvot. 5Ane a nga some mimbôñ mite e bilondo e meku'u ya éwolo mfa'a ya be'e je. 6Ane a nga bo ébuta'a éwolo a mvot a dañe mfuban; ébuta'a te é too nté menyi'i me mo mebaé a étun a ndam anyi'i wo da a étun. 7Ane a nga bo besérafeñ bebaé a mvot e meku'u mebaé ya ébuta'a; a nga bo be a mvot ane mbiban; 8Sérafeñ wua éfase ji a nyô mbok, éfase évok; a nga bo besérafeñ nlatan a meku'u mebaé ya ébuta'a. 9Besérafeñ be same mefabe mabe yôp, be buti'i ébuta'a a mefabe mete be lôane fe mesu. Mesu Besérafeñ me mbe me lôô ébuta'a.
10A nga kôme tebele a asé; nté ô too menyi'i me mo mebaé, ndam anyi'i wo da a nkôñe yôp anyi'i wo da a étun. 11A nga yañe je a mvot a dañe *mfuban a bo fe nkôngô mvot mbôma'ane. 12A nga bo filim mbôma'ane été a bo fe nkôngô été a mvot mbôma'ane filim. 13Ane a nga nyemé bilondo bi mvot binyin asu tebele a futi bie meku'u menyin ma tôban a mebo menyin. 14Bilondo bi mbe bebé filim, mimbôñ mi tula'an été mfa'a mbe'an tebele. 15A nga kôme mimbôñ mite a asé a mane fe yañe mie mvot; mi nga volô mbe'an tebele. 16Ane a nga kôme biôm ya belan bie tebele: Bisua, bilaé mevale mebaé a mekob minlak asu nsôban mo a mebo: Biôm bite bi nga boban a mvot.
17A nga bo ébi bifufub a mvot ane *mfuban a too mbiban; abo, nkuk, bilaé, bibuma a mesam mé bi too mboon jôme jia. 18Ebi bifufub te é bili mintyaé misaman, milal éfase ji milale mivok éfase ji. 19Ntyaé ôse ô bili bilaé bilaa éyeka'a ane ébuma mvin, bibuma a mesam me too été; mintyaé misaman mise mi nga tii ébi bifufup mi mbe avale te. 20Nku'u ébi bifufub ô nga bili bilaé binyin éyeka'a ane ébuma mvin, bibuma a mesam me too été. 21Mintyaé misaman mi nga beme nkuk ébi bifufub mi mbe mba'atan mibaé mibaé, ébuma é too mba'atan ôse si. 22Bibuma a mintyaé mi ébi bifufub bi too jôme jia; ase mboon a mvot a ne mbiban a *mfuban. 23Belambe bé zamgbwa, menjo mé a bikutan asup bié bi too mboon a mvot a ne *mfuban. 24Be nga belan bekiligram be mvot a ne *mfuban mewôm mela mfa'a ya kôme ébi bifufub a biôm mebelan bié bise.
Nlôñan ata'a metuna'a b'ôlobinda
(Nk 30:1-10; 22-38; Nl 8:3-4)
25Ane a nga lôñe ata'a metuna'a b'ôlobinda a asé; nté ô too anyi'i wo da, ndam fe anyi'i wo da; ata'a metuna'a ate a mbe abime da nté a ndam, ve ôyabe yôp ô mbe menyi'i me mo mela. A nga futi minlak meku'u menyin; minlak a ata'a metuna'a bi too jôm jia. 26A nga yañe nye a mvot a ne *mfuban mfa'a ya yôp, e mefefel, mbôma'ane a minlak, ane fe a nga bo nkôngô mvot mbôma'an. 27A nga bo bilondo bibaé e nkôngô mvot si éfase ya li a li, a futi fe bilondo mevôme mevok mfa'a ya some mimbôñ ya be'e ata'a metuna'a. 28Nde a nga kôme mimbôñ mite a asé a dube mie a mvot.
29Ane a nga kôme fe mbon ô ne étyi ba wo'o bôt éyoñ ba telé be bito, nalé fe ôlobinda a nyume mvaé, a too *mfuban, nkôman avale ntyetyeñ nkôm be ôlobinda a ne kôm.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.