Nk 18
18
Yétrô, ntyia Môze a zu jome nye
(Nk 4:18-26; Ibb 8:41-43; Dt 1:9-18; 16:18-20; 2 Minkte 4:10; Mink 27:9)
1Yétrô, *ntuni ya Madian, ntyia Môze, a nga wô'ôtane mam mese Zambe a nga bo Môze a Israél ayoñe dé; ane a nga vaa be Ejipte. 2Ane Yétrô, ntyia Môze a nga nyoñe Séfôra, nga Môze, nye a nga suu na a ke, 3nalé fe bobefam bé bebaé: wua jôé na Gérschom, amu Môze a nga jô na: Me ne *ntabe éza si; 4nyô mbo'o jôé na Eliézer, amu a nga jô na: Zambe ésaa a zuya volô ma a kôté ma e meyo me nkpwaté mekôn Faraoñ. 5Yétrô, ntyia Môze a nga zu e be nye e *nkôte si vôm be nga vule minkan e nkôle Zambe, ba be *bon a minga Môze nsamba. 6Ane a nga jô Môze na: Ma, nyo ntyi, ma zu e be wo bia nyo ngal a bobefam bôé bebaé nsamba. 7Ane Môze a nga ke tôbane ntyi a luu asu si ôsu vié a wubane nye; ane be nga silane minsili ajô ya *mvo'é jap, nde be nga nyiine *nda éndelé été. 8Ane Môze a nga kañete ntyi wé mam mese Nti a nga bo Faraoñ a Ejipte amu ése ajô Israél, minju'u mise mi nga kui be e *zen a ane Nti a nga kôté be. 9Ane Yétrô a nga vak amu mvaé ése Nti a nga bo Israél a amu a nga kôté be e wo bôte ya Ejipte. 10Ane Yétrô a nga jô na: Nti a bo'o ébotan, nyô a nga kôté mia e wo bôte ya Ejipte a nyô a nga kôté ayoñe dé éjôé bôte ya Ejipte! 11Ma yeme éyoñe ji na a ne anen a dañe bezambe bese: a nga liti nalé éyoñ bôte ya Ejipte be nga tibili bôte ya Israél.
12Ane Yétrô, ntyia Môze a nga nyoñe mveane ba ve ngumba a mife mfa'a ya ve mie Zambe. Ane Aron a bemvendé bese ya Israél be nga zu di vôme wua ba be ntyia Môze asu Zambe.
13Mametyé, Môze a nga tabe éto ya tyi'i bôte mejô, a bôt be nga tebe asu Môze ataté tyé a kui ngô'é. 14Ntyi a nga yene mam mese a nga bo mfa'a bôt, ane a nga jô nye na: Jé wo bo ji mfa'a bôte ba? Amu jé wo tabe éto ya tyi'i mejô étam, a bôte bese be za'a ve be wo ataté tyé a kui ngô'é' 15Ane Môze a nga yalane ntyi na: Nalé a ne na bôt ba zu e be ma na be sili Zambe mam. 16Nge be bili ajô éziñ, ba zu fe e be ma: éyoñe te ma tyi'i ajô e zañe mengam mebaé, a éyoñe te ma ye'ele be memvinda a metiñ me Zambe.
17Nde ntyia Môze a nga jô nye na: Jam wo bo e nji ke yiane nalé. 18Wo ye te'e womien a bôt mia be be mi ne nsamba ba, amu mbe'e ô dañeya wo adit, ô se nguleya be'e wô étam. 19Eyoñ ji tame vô'ôlô tyiñe jam; ma zu ve wo fek a Zambe émien a tabe'e e be wo! Bo'o ntebe zañ e zañe ayoñ a Zambe, a womien kele liti mam e be Zambe. 20Ye'ele'e bôt metiñ a memvinda, liti'i be *zen ba yiane tôñ, a ésaé ba yiane bo. 21Wôna tobôk ayoñ été, benyabôtô, ba ba ko Zambe woñ, ba ba nye'e bebela, ba ba vini ma'an me ne ékotekot; telé'é be bivete ya bôte toyini, ntet, mewôm metan nge bôte awôm. 22Mbe ñhe be tame tyi'i bôte mejô biyoñ bise, ve be zu e be wo mfa'a ajô ese e ne anen: Bebien be tyi'i mejô me ne éveves. Seké'é mbe'e wôé, be volô wo wô be'e. 23Nge wo bo nalé a Zambe a va'a wo mebendé, wo ye tebe *mvo'é, a ayoñe dina ese da ye kui *mvo'é e vôm mia ke.
24Ane Môze a nga vô'ôlô tyiñe ntyi wé: nde a nga bo aval ese a nga jô. 25Ane a nga tobe benyabôtô Israél ase été, a telé be minlô ya ayoñ: bivet ya toyina bôt, ntet, mewôm metan a awôme da. 26Bôte bete mbe be nga tyi'i bôt mejô éyoñ ése; be kele liti Môze mejô me ne ayaé, a tyi'i ma mese me ne éveves.
27Ane Môze a nga suu ntyi a ke a bulane e si jé.
Currently Selected:
Nk 18: BDCB
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Nk 18
18
Yétrô, ntyia Môze a zu jome nye
(Nk 4:18-26; Ibb 8:41-43; Dt 1:9-18; 16:18-20; 2 Minkte 4:10; Mink 27:9)
1Yétrô, *ntuni ya Madian, ntyia Môze, a nga wô'ôtane mam mese Zambe a nga bo Môze a Israél ayoñe dé; ane a nga vaa be Ejipte. 2Ane Yétrô, ntyia Môze a nga nyoñe Séfôra, nga Môze, nye a nga suu na a ke, 3nalé fe bobefam bé bebaé: wua jôé na Gérschom, amu Môze a nga jô na: Me ne *ntabe éza si; 4nyô mbo'o jôé na Eliézer, amu a nga jô na: Zambe ésaa a zuya volô ma a kôté ma e meyo me nkpwaté mekôn Faraoñ. 5Yétrô, ntyia Môze a nga zu e be nye e *nkôte si vôm be nga vule minkan e nkôle Zambe, ba be *bon a minga Môze nsamba. 6Ane a nga jô Môze na: Ma, nyo ntyi, ma zu e be wo bia nyo ngal a bobefam bôé bebaé nsamba. 7Ane Môze a nga ke tôbane ntyi a luu asu si ôsu vié a wubane nye; ane be nga silane minsili ajô ya *mvo'é jap, nde be nga nyiine *nda éndelé été. 8Ane Môze a nga kañete ntyi wé mam mese Nti a nga bo Faraoñ a Ejipte amu ése ajô Israél, minju'u mise mi nga kui be e *zen a ane Nti a nga kôté be. 9Ane Yétrô a nga vak amu mvaé ése Nti a nga bo Israél a amu a nga kôté be e wo bôte ya Ejipte. 10Ane Yétrô a nga jô na: Nti a bo'o ébotan, nyô a nga kôté mia e wo bôte ya Ejipte a nyô a nga kôté ayoñe dé éjôé bôte ya Ejipte! 11Ma yeme éyoñe ji na a ne anen a dañe bezambe bese: a nga liti nalé éyoñ bôte ya Ejipte be nga tibili bôte ya Israél.
12Ane Yétrô, ntyia Môze a nga nyoñe mveane ba ve ngumba a mife mfa'a ya ve mie Zambe. Ane Aron a bemvendé bese ya Israél be nga zu di vôme wua ba be ntyia Môze asu Zambe.
13Mametyé, Môze a nga tabe éto ya tyi'i bôte mejô, a bôt be nga tebe asu Môze ataté tyé a kui ngô'é. 14Ntyi a nga yene mam mese a nga bo mfa'a bôt, ane a nga jô nye na: Jé wo bo ji mfa'a bôte ba? Amu jé wo tabe éto ya tyi'i mejô étam, a bôte bese be za'a ve be wo ataté tyé a kui ngô'é' 15Ane Môze a nga yalane ntyi na: Nalé a ne na bôt ba zu e be ma na be sili Zambe mam. 16Nge be bili ajô éziñ, ba zu fe e be ma: éyoñe te ma tyi'i ajô e zañe mengam mebaé, a éyoñe te ma ye'ele be memvinda a metiñ me Zambe.
17Nde ntyia Môze a nga jô nye na: Jam wo bo e nji ke yiane nalé. 18Wo ye te'e womien a bôt mia be be mi ne nsamba ba, amu mbe'e ô dañeya wo adit, ô se nguleya be'e wô étam. 19Eyoñ ji tame vô'ôlô tyiñe jam; ma zu ve wo fek a Zambe émien a tabe'e e be wo! Bo'o ntebe zañ e zañe ayoñ a Zambe, a womien kele liti mam e be Zambe. 20Ye'ele'e bôt metiñ a memvinda, liti'i be *zen ba yiane tôñ, a ésaé ba yiane bo. 21Wôna tobôk ayoñ été, benyabôtô, ba ba ko Zambe woñ, ba ba nye'e bebela, ba ba vini ma'an me ne ékotekot; telé'é be bivete ya bôte toyini, ntet, mewôm metan nge bôte awôm. 22Mbe ñhe be tame tyi'i bôte mejô biyoñ bise, ve be zu e be wo mfa'a ajô ese e ne anen: Bebien be tyi'i mejô me ne éveves. Seké'é mbe'e wôé, be volô wo wô be'e. 23Nge wo bo nalé a Zambe a va'a wo mebendé, wo ye tebe *mvo'é, a ayoñe dina ese da ye kui *mvo'é e vôm mia ke.
24Ane Môze a nga vô'ôlô tyiñe ntyi wé: nde a nga bo aval ese a nga jô. 25Ane a nga tobe benyabôtô Israél ase été, a telé be minlô ya ayoñ: bivet ya toyina bôt, ntet, mewôm metan a awôme da. 26Bôte bete mbe be nga tyi'i bôt mejô éyoñ ése; be kele liti Môze mejô me ne ayaé, a tyi'i ma mese me ne éveves.
27Ane Môze a nga suu ntyi a ke a bulane e si jé.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.