Mm 27
27
Dulu ya Italie
(2 Ko 11:25-26; Sam 107:23-31; Eza 43:1-2)
1Eyoñ be nga tyi'i na bia ke Italie, ane be nga ve Paul a mimbô'ô mivo'o mo me évete bezimbi ntete wua. A mbe jôé na, Yulius ya nsamba Augustus. 2Ane bi nga bete sitima Adramite, a ke ékôte mañe ya Azi, a wulu mañe mañ. Môte ya Masédôan, afôla ya Tésalônik a too jôé na, Aristark, a nga zu nsamba wongan. 3Tyé kpwaa, bi nga tebe Sidoñ, amu Yulius a nga semé Paul. A nga jô'é nye a ke yene bemvôé bé, a bi ma'a ya nyoñebane be be. 4Akôlô ya valé, bi nga ke dulu ôsu e mañe mañ, a lôte Sipre, amu évuñulu é nga ndeñele bia. 5Ane bi nga dañe mañe me nga womôlô Silisi a Pamfilie, akekui Mire, afôla ya Lisié. 6Valé, évete bezimbi ntete wua é nga yene sitima ya Alékzandri a kele Italie. A nga bo na bi bet été. 7Dulu dangan e nga bo njuk abe melu, te ngule ya wulu avô. E nga bo bia ayaé na, bi kui knide amu évuñulu. Nde bi nga viane womôlô kréte, mfa'a ya Salmoné. 8Eyoñ bi lôte kréte, ane bi nga kui vôme ba loone na: Abeñe kindik, bebé a tison é ne jôé na Lasé. 9Eyoñ ôbe ayap ô nga lôt, e nga to angôndô ya wulu mañe mañ, e too ke na, éyoñe ya bômbô zaé asu nkañan é maneya lôt. Paul a nga kômbô liti be ôsimesane wé avale di na: 10A bemvôé bam, ma tu'a buni na, dulu ya mañe mañ éyoñe ji, da ye soo bia bidim a beta njañelan, sa ve akum étam a sitima, ve ja'ane binyiñe bi bôt. 11Ve évete bezimbi ntete wua é nga too ñwulu sitima baa éjiane Masa ndi a dañe nkobô Paul. 12Evete bezimbi ntete wua é nga dañe buni ôsimesane ntebe ôsu, a e wu mie sitima, a lôte wu Paul. Ve amu melu ya ôyôn me mbe *abé kindik éte, beta ngabe ya bôt a mbe tyiñe na, be kee dulu ôsu. Be ve'e fe'e na, be ne kui Fénix, kindi'i ya Kréte é mbe é yoo, asu nkean éwome ya mfa'a jôp da tôô, a ji ya mfa'a jôp da dime na, be ke yange ôyôn ô man.
Okôs wo vun be mañe yôp
13Mone mfep ya alumbu nké a nga bo. Ane be nga va'a na, e fe'e wop a ne tôéban. Be nga ke tetele éwome mañe ya Kréte. 14Atemeteme na, mbia ôkôs a so'o ékôte mañ, ba loone ôkôs ôte na, érakiloñ, a nga zu jimbi be. 15Ane ô nga kee sitima, nye teke fe ngule ya bet. A teke ngule ya beta liti *zen, ane évuñulu é nga wo'otô bia. 16E tee mon ékôte mañ ba loone na kôda a volô'ô bia, nde bi nga bi éyoñe ya bôndé fek, a ngule ya wulu sitima. 17Ane beliti *zen ya sitima be nga ke selé nye kindik a tiñeti nye minkol mbôma'ane. Nalé, amu be nga ko woñ ya ke jimbi mebôme me nselek ya biwome bi kindik ya Libie. Ane be nga telé, a jô'é na évuñulu nje é wo'otô bia. 18Tyé kpwaa, amu mbia ôkôs a nga ke ôsu a fô'ô bia, ane be nga jibi wua akum ôsôé. 19Wôna, môse lale, a mo map bebien, be nga ke ôsu a kandé biôme ya sitima a wua bie mañ été. 20Bi nga tabe abui melu, te yene jôp nge ateté. Okôs ô nga too angôndô, aval ô ngenane te tame yen, avale ya na, bi nga jañele ndi minlem ya nyiñ.
21Bôte be nga tabe ayap, teke di jôm. Ane Paul a nga tebe tetele a jô na: A bemvôé bam, nge mi nga ye wô'ô melebe mame na, bi bo te tame kôlô Kréte, ve bi nji tôbane avale nju'u di, a jañele abim akume di. 22Eyoñe ji, ma ye'elane mia na, mi bo ngule minlem. Amu teke môt éziñ ya be mia a ye jañele ényiñe jé, sitima étam nye bia ye jañele. 23Alu ebiene di, éngele Zambe wom, nyô ma bo ésaé, a te yené e be ma, 24a jô me na: A Paul te ko woñ, amu wo yiane kobô asu njô bôte nnen. A Zambe a ye nyii bôt bese mia be be mi ne nsamba. 25Ajô te bo'one ngule minlem, a bemvôé bam, amu da ye bobane nalé. 26Ve da, bia ye fo'o ke jimbi ékôte mañ éziñ.
27Alu awômô a nyini, nde évuñulu é nga kee bia e mañe ba loone Adriatik. Wôna, e zañe alu, beliti *zen be sitima be nga taté wô'ôtane si. 28Eyoñe be nga wua ôsoño'o, be nga yene nté édok ô nto méta awôm a étan. 29A woñe ya na, sitima a za jimbi *mekok, be nga wua bitelé bi nyiine mvuse sitima a febe tyé a ôkaé. 30Beliti zene ya sitima be nga jeñe zene ya tup. Ane be nga suu bial wo litane bôte ôsôé, a be nga vañe jô bôte na, be futi bitelé ôsu ya sitima. 31Ve Paul a nga jô mba'ale sitima ya Rôme a bezimbi na: Nge bôte ba be kôlô sitima été, be se ngule ya nyiñ.
32Ane bezimbi be nga tyi'i minkole ya bial a jô'é wô ô ke. 33Nté be nga bo be yange'e melende me tyé, Paul a nga lebe bôte na, be di bidi a jô be na: Den a ne *môs awômô a nyini, mi tele angôndô été, teke di jôm. 34Ma lebe mia na mi di jôm éziñ, amu e ne ajô ényiñ mfa'a wônan. Ma beta ba'alane mia na, teke môt a ye jañele koñ ésile jé. 35Eyoñ a nga mane kobô nalé, ane a nga nyoñe fembé a ve akéva, a be'e je, a taté di. 36Be bese fe be nyoñe ngu, a di éyoñe jap. 37Bi nga to bese bôte mintete mibaé a mewôm mesaman e sitima été. 38Eyoñe bi nga mane di a jaé, be nga jeñe zene ya ve sitima éveves, a wua minkuta bidi mivok e mañ été. 39Eyoñe tyé é nga lendé, beliti zene ya sitima be nji beta yemelane vôm be né. Ve be nga yen mendim me mañ m'éziñ a kindik. Be nga bili nkômban, nge e mbe ngule ya bo na, be telé sitima vôm ate. 40Ve éyoñe be nga bo te yene zene ya tebe, ane be nga tiine bitelé ya sitima a li'i bie mañ. Be nga kuli fe minkole mia volô mfulane sitima mfa'a ya mvus. Ane be nga tindi éyé ja be'e évuñulu ôsu ya sitima, avale ya na, évuñulu nje é tindi be a kee be kindik. 41Ve sitima a nga viane ke jimbi abôme nselek a bôlé mañe yôp, te ngule ya ke ôsu, amu ngule ya mintyôa mi mañ. 42Bezimbi, éyoñ be nga yene na mimbôk mivok mia zu mane tup, e ba ba yeme jok, be nga bôndé fe'e ya wôé be. 43Ane évete bezimbi ntete wua é nga dañe kômbô nyii Paul. A nga kame be, be bo te bo nalé. A nga ve ngule na, e ba ba yeme jok, be jok, a ke kindik. 44E ba bevok be ke ba tyebe e mimbôlane mi biôme ya sitima. Ane bese be nga mane nyiñ.
Currently Selected:
Mm 27: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Mm 27
27
Dulu ya Italie
(2 Ko 11:25-26; Sam 107:23-31; Eza 43:1-2)
1Eyoñ be nga tyi'i na bia ke Italie, ane be nga ve Paul a mimbô'ô mivo'o mo me évete bezimbi ntete wua. A mbe jôé na, Yulius ya nsamba Augustus. 2Ane bi nga bete sitima Adramite, a ke ékôte mañe ya Azi, a wulu mañe mañ. Môte ya Masédôan, afôla ya Tésalônik a too jôé na, Aristark, a nga zu nsamba wongan. 3Tyé kpwaa, bi nga tebe Sidoñ, amu Yulius a nga semé Paul. A nga jô'é nye a ke yene bemvôé bé, a bi ma'a ya nyoñebane be be. 4Akôlô ya valé, bi nga ke dulu ôsu e mañe mañ, a lôte Sipre, amu évuñulu é nga ndeñele bia. 5Ane bi nga dañe mañe me nga womôlô Silisi a Pamfilie, akekui Mire, afôla ya Lisié. 6Valé, évete bezimbi ntete wua é nga yene sitima ya Alékzandri a kele Italie. A nga bo na bi bet été. 7Dulu dangan e nga bo njuk abe melu, te ngule ya wulu avô. E nga bo bia ayaé na, bi kui knide amu évuñulu. Nde bi nga viane womôlô kréte, mfa'a ya Salmoné. 8Eyoñ bi lôte kréte, ane bi nga kui vôme ba loone na: Abeñe kindik, bebé a tison é ne jôé na Lasé. 9Eyoñ ôbe ayap ô nga lôt, e nga to angôndô ya wulu mañe mañ, e too ke na, éyoñe ya bômbô zaé asu nkañan é maneya lôt. Paul a nga kômbô liti be ôsimesane wé avale di na: 10A bemvôé bam, ma tu'a buni na, dulu ya mañe mañ éyoñe ji, da ye soo bia bidim a beta njañelan, sa ve akum étam a sitima, ve ja'ane binyiñe bi bôt. 11Ve évete bezimbi ntete wua é nga too ñwulu sitima baa éjiane Masa ndi a dañe nkobô Paul. 12Evete bezimbi ntete wua é nga dañe buni ôsimesane ntebe ôsu, a e wu mie sitima, a lôte wu Paul. Ve amu melu ya ôyôn me mbe *abé kindik éte, beta ngabe ya bôt a mbe tyiñe na, be kee dulu ôsu. Be ve'e fe'e na, be ne kui Fénix, kindi'i ya Kréte é mbe é yoo, asu nkean éwome ya mfa'a jôp da tôô, a ji ya mfa'a jôp da dime na, be ke yange ôyôn ô man.
Okôs wo vun be mañe yôp
13Mone mfep ya alumbu nké a nga bo. Ane be nga va'a na, e fe'e wop a ne tôéban. Be nga ke tetele éwome mañe ya Kréte. 14Atemeteme na, mbia ôkôs a so'o ékôte mañ, ba loone ôkôs ôte na, érakiloñ, a nga zu jimbi be. 15Ane ô nga kee sitima, nye teke fe ngule ya bet. A teke ngule ya beta liti *zen, ane évuñulu é nga wo'otô bia. 16E tee mon ékôte mañ ba loone na kôda a volô'ô bia, nde bi nga bi éyoñe ya bôndé fek, a ngule ya wulu sitima. 17Ane beliti *zen ya sitima be nga ke selé nye kindik a tiñeti nye minkol mbôma'ane. Nalé, amu be nga ko woñ ya ke jimbi mebôme me nselek ya biwome bi kindik ya Libie. Ane be nga telé, a jô'é na évuñulu nje é wo'otô bia. 18Tyé kpwaa, amu mbia ôkôs a nga ke ôsu a fô'ô bia, ane be nga jibi wua akum ôsôé. 19Wôna, môse lale, a mo map bebien, be nga ke ôsu a kandé biôme ya sitima a wua bie mañ été. 20Bi nga tabe abui melu, te yene jôp nge ateté. Okôs ô nga too angôndô, aval ô ngenane te tame yen, avale ya na, bi nga jañele ndi minlem ya nyiñ.
21Bôte be nga tabe ayap, teke di jôm. Ane Paul a nga tebe tetele a jô na: A bemvôé bam, nge mi nga ye wô'ô melebe mame na, bi bo te tame kôlô Kréte, ve bi nji tôbane avale nju'u di, a jañele abim akume di. 22Eyoñe ji, ma ye'elane mia na, mi bo ngule minlem. Amu teke môt éziñ ya be mia a ye jañele ényiñe jé, sitima étam nye bia ye jañele. 23Alu ebiene di, éngele Zambe wom, nyô ma bo ésaé, a te yené e be ma, 24a jô me na: A Paul te ko woñ, amu wo yiane kobô asu njô bôte nnen. A Zambe a ye nyii bôt bese mia be be mi ne nsamba. 25Ajô te bo'one ngule minlem, a bemvôé bam, amu da ye bobane nalé. 26Ve da, bia ye fo'o ke jimbi ékôte mañ éziñ.
27Alu awômô a nyini, nde évuñulu é nga kee bia e mañe ba loone Adriatik. Wôna, e zañe alu, beliti *zen be sitima be nga taté wô'ôtane si. 28Eyoñe be nga wua ôsoño'o, be nga yene nté édok ô nto méta awôm a étan. 29A woñe ya na, sitima a za jimbi *mekok, be nga wua bitelé bi nyiine mvuse sitima a febe tyé a ôkaé. 30Beliti zene ya sitima be nga jeñe zene ya tup. Ane be nga suu bial wo litane bôte ôsôé, a be nga vañe jô bôte na, be futi bitelé ôsu ya sitima. 31Ve Paul a nga jô mba'ale sitima ya Rôme a bezimbi na: Nge bôte ba be kôlô sitima été, be se ngule ya nyiñ.
32Ane bezimbi be nga tyi'i minkole ya bial a jô'é wô ô ke. 33Nté be nga bo be yange'e melende me tyé, Paul a nga lebe bôte na, be di bidi a jô be na: Den a ne *môs awômô a nyini, mi tele angôndô été, teke di jôm. 34Ma lebe mia na mi di jôm éziñ, amu e ne ajô ényiñ mfa'a wônan. Ma beta ba'alane mia na, teke môt a ye jañele koñ ésile jé. 35Eyoñ a nga mane kobô nalé, ane a nga nyoñe fembé a ve akéva, a be'e je, a taté di. 36Be bese fe be nyoñe ngu, a di éyoñe jap. 37Bi nga to bese bôte mintete mibaé a mewôm mesaman e sitima été. 38Eyoñe bi nga mane di a jaé, be nga jeñe zene ya ve sitima éveves, a wua minkuta bidi mivok e mañ été. 39Eyoñe tyé é nga lendé, beliti zene ya sitima be nji beta yemelane vôm be né. Ve be nga yen mendim me mañ m'éziñ a kindik. Be nga bili nkômban, nge e mbe ngule ya bo na, be telé sitima vôm ate. 40Ve éyoñe be nga bo te yene zene ya tebe, ane be nga tiine bitelé ya sitima a li'i bie mañ. Be nga kuli fe minkole mia volô mfulane sitima mfa'a ya mvus. Ane be nga tindi éyé ja be'e évuñulu ôsu ya sitima, avale ya na, évuñulu nje é tindi be a kee be kindik. 41Ve sitima a nga viane ke jimbi abôme nselek a bôlé mañe yôp, te ngule ya ke ôsu, amu ngule ya mintyôa mi mañ. 42Bezimbi, éyoñ be nga yene na mimbôk mivok mia zu mane tup, e ba ba yeme jok, be nga bôndé fe'e ya wôé be. 43Ane évete bezimbi ntete wua é nga dañe kômbô nyii Paul. A nga kame be, be bo te bo nalé. A nga ve ngule na, e ba ba yeme jok, be jok, a ke kindik. 44E ba bevok be ke ba tyebe e mimbôlane mi biôme ya sitima. Ane bese be nga mane nyiñ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.