Mm 23
23
1Ane Paul a nga fombô Sanédreñ a taté nkobô a jô na: A bobejañ, aso atata'a a kui môse wu, Mone môt wom ya *nlem, a nji ve ma bijô e mise me Zambe, mfa'a ya ényiñe jam. 2Ane Ntuni nnen Ananias a nga bendé bôte bé na, be bibi nye mebaé anyu. Ane Paul a nga jô nye na: 3Wo Zambe a ye bibi, wo, éfumulu mfin! O too éto ya tyi'i ma ajô ane metiñ. Wo fe mbiasane metiñ été, wo bendé bôte bôé na be bibi ma. 4Ane bôte be nga too valé be nga ve Paul ayemé na: Wo taa Ntuni nnene Zambe! 5Paul nye na: A bobejañ, me nji yeme na a ne Ntuni nnen. E ne fo'o ntilane na: Wo ye bo te ta ntebe ôsu ya bôte bôé.
6Paul a nga yeme na, ékôane bôt é nga to ngab ébaé. Bana Besadusieñ, bana Befarizieñ. Ane a nga yôtan e Sanédreñ été na. A bobejañ, me ne Farizieñ, mone Farizieñ. Amu mbunane wongan ajô ñwômane miñwuan, nde ba zu ma éto ntyi'ane mejô. 7A ngenane te suu nkobô nalé, ane ékôan é nga bôlane zañ, Befarizieñ a Besadusieñ. 8Besadusieñ ba yemete na: To'o ñwômane miñwuan, to'o éngele, to'o Nsisim, jôm é nji bo nalé. Ve Befarizieñ ke ba meme na, mame mete me ne bebela. 9Zô'é é nga bo nya abui. Beyeme bekalate bevok ya ngame Befarizieñ be nga sili na: Ye nya ajôô ya ve môte nyô mekua nyô, za *a yem, nge Nsisim a nga kobô nye, nge Engele' 10Eyoñ évete bezimbi é nga yene na, ntañete ô nga ye bo abui, a na, be ne nyabe Paul bifus, ane be nga lôme bôt be ke vaa Paul e zañe jap, a bulane nye *nda mimbôk. 11Alu e nga tôñe valé, Nti a nga yené e be Paul a jô na: Bo'o ngule *nlem, ô maneya kañete jôé dam e Yérusalém. Avale da fe wo yiane kañete Rôme.
Beyude ba bu mbia éso'o ya wôé Paul
(Mm 9:23-25; Sam 3:1-7; 2Ko 11:23, 26)
12Eyoñe tyé é nga lendé, Beyude be nga bôndé fek, a kane ngana na, ba ye bo te di nge nyu, ve akekui be wôéya Paul. 13Bôt, a lôte mewôm menyin, be nga tabe éso'o te. 14Ane be nga yene betuni benen a bemvendé a jô be na: Bi maneya tyik a kane ngana na, bia ye bo te di nge nyu, ve akekui bi wôéya Paul. 15Nde mfa'a wongan, nkañesane ya Sanédreñ ô ne na, mi sili évete bezimbi na a lôme bia nye. Mia ye jô nye na, mia yi mi tu'a kôme fase ajô dé. Wôna mfa'a wongan, bi maneya kôme na, a ngenane zene ya zu nloon, bia ye wôé nye. 16Mone kale Paul a nga mane wô'ô éso'o te; ane a nga ke *nda mimbôk a kate Paul. 17Ane Paul a nga loone mone bezimbi wua, a jô nye na: Kele liti ndômane nyô e be évete bezimbi. A bili jam éziñe ya kate nye. 18Ane mone bezimbi a nga nyoñe ndôman, a ke liti je évete bezimbi, a kate nye na: E mone mimbôk a ne jôé na Paul a te loone ma, a jô me na, me zu liti wo ndômane nyô; a bili jam éziñe ya kate wo. 19Ane évete bezimbi é nga bi ndômane wo a kee nye vôm étam, a kate nye jé ja lôt. Ane a nga sili nye na, ajô e ne aya' 20Ane mongô a nga yalan a jô nye na: Beyude be maneya kui *tyiñ na be zu sili wo na, ô lôme Paul akiti, a zu asu Sanédreñ. Ba veñ na a ke, be tu'a fase ajô dé. 21Te ve'ele kañese. Ba ye bo bôt, a lôte mewôm menyin, ba ye bole nye. Be maneya tyik a kane ngana na, ba ye bo te di nge nyu, ve akekui be wôéya nye. Nkañesane wôé ya suu nye étam ñwô ba yange. 22Ane évete bezimbi é nga suu *nlôman ô ke, a jô nye na: Te kate môte mfe na wo te me kulane émo'o ji.
Paul a tabe mimbôk e Sézaré
23Ane a nga loone bezimbi bé bebaé a jô be na: Kômesa'an, mi ke Sézaré. Mi téé *mewolo ébul ya mamengô'é. Mia kee bezimbi mintete mibaé. Be wulu bikabela mewôme zamgbwa, a bevolô mintete mibaé. 24Be kôme Paul bikabela a ye bet été, a kui *mvo'é e be ngovina Félix. 25Ane a nga tili kalate a bili mejô mana na: 26Ma, Claudius Lizias, ma tili mbamba njô bôt Félix, mbôlô! 27Beyude be nga bi môte ma lôme wo le. Be nga li'i tyôtyoé ya wôé nye. Ane me nga vañ ajô te a bôte bam, a vaa be nye mo. Amu me ndôme wô'ô na a ne bialébialé ya éjôé ya Rôme, 28amu me nga kômbô yeme jame ba bo'olô nye, ane me nga lôme nye a ke kate Sanédreñ. 29Ane me nga yene na, ajô da nnambe ve mame ya metiñe map. Teke yen éfia ja ve môte mekua ya awu, nge ji ya ka'a môt ngata'a. 30Eyoñe me yemeya na, be nga bo éso'o ya wôé nye, ajô te ñhe ma lôme wo nye. Me nga tu'a fe kate bôt ba bo'olô nye na, be zu ésomane jap e be wo. 31Aval ane be nga bendé be, bezimbi be nga kee Paul e be Antipatris a alu. 32Bewulu bikabela be nga kee nye. Ane be nga bulane *nda mimbôk. 33Eyoñ be nga kui Sézaré, bewulu bikabela be nga ve ngovina kalate, a liti nye Paul. 34Ane ngovina a nga lañe kalate a sili na Paul a ne bialébialé ya afôla avé? Be nga jô na, e Silisi. 35Ane ngovina a nga jô Paul na: Ma ye wô'ô ane wo kat ajô éyoñe bôte ba bo'olô wo ba ye so. Ane a nga bendé na, be ba'ale nye *nda be Hérôde.
Currently Selected:
Mm 23: BDCB
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.
Mm 23
23
1Ane Paul a nga fombô Sanédreñ a taté nkobô a jô na: A bobejañ, aso atata'a a kui môse wu, Mone môt wom ya *nlem, a nji ve ma bijô e mise me Zambe, mfa'a ya ényiñe jam. 2Ane Ntuni nnen Ananias a nga bendé bôte bé na, be bibi nye mebaé anyu. Ane Paul a nga jô nye na: 3Wo Zambe a ye bibi, wo, éfumulu mfin! O too éto ya tyi'i ma ajô ane metiñ. Wo fe mbiasane metiñ été, wo bendé bôte bôé na be bibi ma. 4Ane bôte be nga too valé be nga ve Paul ayemé na: Wo taa Ntuni nnene Zambe! 5Paul nye na: A bobejañ, me nji yeme na a ne Ntuni nnen. E ne fo'o ntilane na: Wo ye bo te ta ntebe ôsu ya bôte bôé.
6Paul a nga yeme na, ékôane bôt é nga to ngab ébaé. Bana Besadusieñ, bana Befarizieñ. Ane a nga yôtan e Sanédreñ été na. A bobejañ, me ne Farizieñ, mone Farizieñ. Amu mbunane wongan ajô ñwômane miñwuan, nde ba zu ma éto ntyi'ane mejô. 7A ngenane te suu nkobô nalé, ane ékôan é nga bôlane zañ, Befarizieñ a Besadusieñ. 8Besadusieñ ba yemete na: To'o ñwômane miñwuan, to'o éngele, to'o Nsisim, jôm é nji bo nalé. Ve Befarizieñ ke ba meme na, mame mete me ne bebela. 9Zô'é é nga bo nya abui. Beyeme bekalate bevok ya ngame Befarizieñ be nga sili na: Ye nya ajôô ya ve môte nyô mekua nyô, za *a yem, nge Nsisim a nga kobô nye, nge Engele' 10Eyoñ évete bezimbi é nga yene na, ntañete ô nga ye bo abui, a na, be ne nyabe Paul bifus, ane be nga lôme bôt be ke vaa Paul e zañe jap, a bulane nye *nda mimbôk. 11Alu e nga tôñe valé, Nti a nga yené e be Paul a jô na: Bo'o ngule *nlem, ô maneya kañete jôé dam e Yérusalém. Avale da fe wo yiane kañete Rôme.
Beyude ba bu mbia éso'o ya wôé Paul
(Mm 9:23-25; Sam 3:1-7; 2Ko 11:23, 26)
12Eyoñe tyé é nga lendé, Beyude be nga bôndé fek, a kane ngana na, ba ye bo te di nge nyu, ve akekui be wôéya Paul. 13Bôt, a lôte mewôm menyin, be nga tabe éso'o te. 14Ane be nga yene betuni benen a bemvendé a jô be na: Bi maneya tyik a kane ngana na, bia ye bo te di nge nyu, ve akekui bi wôéya Paul. 15Nde mfa'a wongan, nkañesane ya Sanédreñ ô ne na, mi sili évete bezimbi na a lôme bia nye. Mia ye jô nye na, mia yi mi tu'a kôme fase ajô dé. Wôna mfa'a wongan, bi maneya kôme na, a ngenane zene ya zu nloon, bia ye wôé nye. 16Mone kale Paul a nga mane wô'ô éso'o te; ane a nga ke *nda mimbôk a kate Paul. 17Ane Paul a nga loone mone bezimbi wua, a jô nye na: Kele liti ndômane nyô e be évete bezimbi. A bili jam éziñe ya kate nye. 18Ane mone bezimbi a nga nyoñe ndôman, a ke liti je évete bezimbi, a kate nye na: E mone mimbôk a ne jôé na Paul a te loone ma, a jô me na, me zu liti wo ndômane nyô; a bili jam éziñe ya kate wo. 19Ane évete bezimbi é nga bi ndômane wo a kee nye vôm étam, a kate nye jé ja lôt. Ane a nga sili nye na, ajô e ne aya' 20Ane mongô a nga yalan a jô nye na: Beyude be maneya kui *tyiñ na be zu sili wo na, ô lôme Paul akiti, a zu asu Sanédreñ. Ba veñ na a ke, be tu'a fase ajô dé. 21Te ve'ele kañese. Ba ye bo bôt, a lôte mewôm menyin, ba ye bole nye. Be maneya tyik a kane ngana na, ba ye bo te di nge nyu, ve akekui be wôéya nye. Nkañesane wôé ya suu nye étam ñwô ba yange. 22Ane évete bezimbi é nga suu *nlôman ô ke, a jô nye na: Te kate môte mfe na wo te me kulane émo'o ji.
Paul a tabe mimbôk e Sézaré
23Ane a nga loone bezimbi bé bebaé a jô be na: Kômesa'an, mi ke Sézaré. Mi téé *mewolo ébul ya mamengô'é. Mia kee bezimbi mintete mibaé. Be wulu bikabela mewôme zamgbwa, a bevolô mintete mibaé. 24Be kôme Paul bikabela a ye bet été, a kui *mvo'é e be ngovina Félix. 25Ane a nga tili kalate a bili mejô mana na: 26Ma, Claudius Lizias, ma tili mbamba njô bôt Félix, mbôlô! 27Beyude be nga bi môte ma lôme wo le. Be nga li'i tyôtyoé ya wôé nye. Ane me nga vañ ajô te a bôte bam, a vaa be nye mo. Amu me ndôme wô'ô na a ne bialébialé ya éjôé ya Rôme, 28amu me nga kômbô yeme jame ba bo'olô nye, ane me nga lôme nye a ke kate Sanédreñ. 29Ane me nga yene na, ajô da nnambe ve mame ya metiñe map. Teke yen éfia ja ve môte mekua ya awu, nge ji ya ka'a môt ngata'a. 30Eyoñe me yemeya na, be nga bo éso'o ya wôé nye, ajô te ñhe ma lôme wo nye. Me nga tu'a fe kate bôt ba bo'olô nye na, be zu ésomane jap e be wo. 31Aval ane be nga bendé be, bezimbi be nga kee Paul e be Antipatris a alu. 32Bewulu bikabela be nga kee nye. Ane be nga bulane *nda mimbôk. 33Eyoñ be nga kui Sézaré, bewulu bikabela be nga ve ngovina kalate, a liti nye Paul. 34Ane ngovina a nga lañe kalate a sili na Paul a ne bialébialé ya afôla avé? Be nga jô na, e Silisi. 35Ane ngovina a nga jô Paul na: Ma ye wô'ô ane wo kat ajô éyoñe bôte ba bo'olô wo ba ye so. Ane a nga bendé na, be ba'ale nye *nda be Hérôde.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Bible en langue Bulu © L'Alliance Biblique du Cameroun, 2007, 2015.