Exodus 5
5
Pharao samaṅre Mose ar Aron
1Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”
2Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”
3Unre Mose ar Aronkin menkeda, “Ibrikoren Isor do ạliń ṭhene ńel ocoakana. Onate dayakate sen ocoaleme jemon hahaṅkarre pe din reakʼ horte senkate Probhu Isor ńutumte dãṛẽle samaṅ daṛeakʼ. Ar baṅkhan jãhãn moṛok se lạṛhại hotete uni do ale cetanre sạjạiye kola.”
4Misorren raj do unkine metatʼkinạ, “Mose ar Aron, aben do kạmiko khon hoṛakʼ mon cedakʼ ben ocokʼetʼtakoa? Do calakʼ ben, ar kạmite ruạṛokʼben. 5Ńelben, disạmre aperen hoṛ doko saṅge idikʼkana, ar aben khạtirte onko do kạmiko bạgi akada.”
6Pharao do enhilokʼge golamko cetanreye dohoakade sasantaoicʼ sordar ar Israelren cakʼlaoko cetanre noa hukume emkeda, 7“Iṭạ benao lạgitʼ hoṛko busupʼ alope emakoa. Onko do akotege busupʼko jogao joṅma. 8Menkhan enhõ lahate tinạkʼ iṭako benaoetʼ tahẽkan ṭhik unạkʼge onko ṭhen khonpe bujhạu hatao joṅa, mitʼṭecʼ hõ alope aṛakʼakoa. Onko hoṛ doko kuṛhiạgea ar onateko rakʼeda arko meneda Isor ńutumte dãṛẽ samaṅ lạgitʼ sen ocoaleme. 9Ape do onkore arhõ hamal kạmiko ladeakope, jemon eṛe kathare lutur baṅkate kạmire lạgiyạ paṛao akanko tahen.”
10Unre golamko cetanreye dohoakatʼko sordar ar Israelren cakʼlaoko do bahrete senkate hoṛkoko metatʼkoa, “Pharaoe menakada, uni do busupʼ ar bae emapea. 11Jãhãrege busupʼpe ńam onḍe khon ạgujoṅpe. Menkhan onate apeakʼ kạmiko do thoṛa hõ bale komaotapea.”
12Onate onko do busupʼ bodolte lanḍha jogaṛ lạgitʼ Misor disạm reakʼ sanam jaegako pasnao idiyena. 13Onko sordarko do usạrae lạgitʼko metatʼkoa, “Busupʼ jogaṛ ape jokhecʼ dinre tinạkʼ iṭạpe benaoetʼ tahẽkan ńitokʼ hõ ṭhik unạkʼge benao lagaoapea.” 14Mitʼ din Pharaoren sordarko do onkoko bahal akatʼko Israelkoren cakʼlaokoko dal baṛaketʼkoa arko metatʼkoa, “Din hilokʼ tinạkʼkate iṭạ benao reakʼ katha tahẽkan ńit do cedakʼ bape daṛeakʼkana? Ape do teheń hõ bape kạmi daṛe akada ar hola hõ bape daṛe akada.”
15Onate Israelren cakʼlaoko do Pharao ṭhen senkate rakʼateko menkeda, “Amren golamko sãote nonka do cedakʼem beohareda? 16Jãhãn busupʼge ale do bale ńameda, menkhan sordarko do iṭạ benaoko metale kana. Ar ńelme, amren golamko dole dal ocokʼkana, menkhan dos do amren hoṛkoakʼ kangea.”
17Pharao do onkoe roṛ ruạṛatʼkoa, “Ape dope kuṛhiạgea. Onatepe meneda, ‘Probhu Isor ńutumte dãṛẽ emokʼ lạgitʼ sen ocoaleme.’ 18Do calakʼpe, ar kạmipe. Ape do busupʼ ar baṅ emapea, enhõ tinạkʼgan iṭạ benao reakʼ katha unạkʼgepe benaoa.”
19Unre Israelren cakʼlaoko doko bujhạukeda, onko do muhinreko paṛao akana, ente onko doko men ocolena lahate din hilokʼ tinạkʼkate iṭạko benaoetʼ tahẽkan ńitokʼ hõ ṭhik unạkʼ katege benao lagao akoa. 20Onko do Pharao samaṅ khon oḍok hecʼkate Mose ar Aron sãoteko ńapamena. Unkin do onko lạgitʼge kin tạṅgi akatʼ tahẽkana. 21Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”
Moseyakʼ duk sodor ar Isorakʼ as reaṅ
22Unre Mose do sen ruạṛkate Probhui metadea, “E Probhu Isor, noko jạtrenko kosṭo do cedakʼem emakokana? Ar cedakʼ baṅ iń hõm kol akadiń? 23Pharao ṭhen amakʼ ńutum roṛ tayom khon noko hoṛko cetanre muhin do hecʼ paṛao akana. Ar amren hoṛ do okorem rukhiyạletʼkoa?”
Currently Selected:
Exodus 5: SBT
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
Exodus 5
5
Pharao samaṅre Mose ar Aron
1Inạ tayom Mose ar Aron do senkate Pharaokin metadea, “Probhu Isor, okoe doe Israelkoren Isor kan, uniye meneda, ‘ińren hoṛko hahaṅkarre iń ńutumte jemon mitʼṭecʼ porobko porob daṛeakʼ onate onko sen ocoakome.’ ”
2Menkhan Pharaoe menkeda, “Okoe kanae uni Probhu Isor do, one uniyakʼ hukumiń ańjomte Israelkoń sen ocoakoa? Nui Probhu Isor hõ bạń baḍae akadea ar Israelko hõ bạń sen ocoakoa.”
3Unre Mose ar Aronkin menkeda, “Ibrikoren Isor do ạliń ṭhene ńel ocoakana. Onate dayakate sen ocoaleme jemon hahaṅkarre pe din reakʼ horte senkate Probhu Isor ńutumte dãṛẽle samaṅ daṛeakʼ. Ar baṅkhan jãhãn moṛok se lạṛhại hotete uni do ale cetanre sạjạiye kola.”
4Misorren raj do unkine metatʼkinạ, “Mose ar Aron, aben do kạmiko khon hoṛakʼ mon cedakʼ ben ocokʼetʼtakoa? Do calakʼ ben, ar kạmite ruạṛokʼben. 5Ńelben, disạmre aperen hoṛ doko saṅge idikʼkana, ar aben khạtirte onko do kạmiko bạgi akada.”
6Pharao do enhilokʼge golamko cetanreye dohoakade sasantaoicʼ sordar ar Israelren cakʼlaoko cetanre noa hukume emkeda, 7“Iṭạ benao lạgitʼ hoṛko busupʼ alope emakoa. Onko do akotege busupʼko jogao joṅma. 8Menkhan enhõ lahate tinạkʼ iṭako benaoetʼ tahẽkan ṭhik unạkʼge onko ṭhen khonpe bujhạu hatao joṅa, mitʼṭecʼ hõ alope aṛakʼakoa. Onko hoṛ doko kuṛhiạgea ar onateko rakʼeda arko meneda Isor ńutumte dãṛẽ samaṅ lạgitʼ sen ocoaleme. 9Ape do onkore arhõ hamal kạmiko ladeakope, jemon eṛe kathare lutur baṅkate kạmire lạgiyạ paṛao akanko tahen.”
10Unre golamko cetanreye dohoakatʼko sordar ar Israelren cakʼlaoko do bahrete senkate hoṛkoko metatʼkoa, “Pharaoe menakada, uni do busupʼ ar bae emapea. 11Jãhãrege busupʼpe ńam onḍe khon ạgujoṅpe. Menkhan onate apeakʼ kạmiko do thoṛa hõ bale komaotapea.”
12Onate onko do busupʼ bodolte lanḍha jogaṛ lạgitʼ Misor disạm reakʼ sanam jaegako pasnao idiyena. 13Onko sordarko do usạrae lạgitʼko metatʼkoa, “Busupʼ jogaṛ ape jokhecʼ dinre tinạkʼ iṭạpe benaoetʼ tahẽkan ńitokʼ hõ ṭhik unạkʼge benao lagaoapea.” 14Mitʼ din Pharaoren sordarko do onkoko bahal akatʼko Israelkoren cakʼlaokoko dal baṛaketʼkoa arko metatʼkoa, “Din hilokʼ tinạkʼkate iṭạ benao reakʼ katha tahẽkan ńit do cedakʼ bape daṛeakʼkana? Ape do teheń hõ bape kạmi daṛe akada ar hola hõ bape daṛe akada.”
15Onate Israelren cakʼlaoko do Pharao ṭhen senkate rakʼateko menkeda, “Amren golamko sãote nonka do cedakʼem beohareda? 16Jãhãn busupʼge ale do bale ńameda, menkhan sordarko do iṭạ benaoko metale kana. Ar ńelme, amren golamko dole dal ocokʼkana, menkhan dos do amren hoṛkoakʼ kangea.”
17Pharao do onkoe roṛ ruạṛatʼkoa, “Ape dope kuṛhiạgea. Onatepe meneda, ‘Probhu Isor ńutumte dãṛẽ emokʼ lạgitʼ sen ocoaleme.’ 18Do calakʼpe, ar kạmipe. Ape do busupʼ ar baṅ emapea, enhõ tinạkʼgan iṭạ benao reakʼ katha unạkʼgepe benaoa.”
19Unre Israelren cakʼlaoko doko bujhạukeda, onko do muhinreko paṛao akana, ente onko doko men ocolena lahate din hilokʼ tinạkʼkate iṭạko benaoetʼ tahẽkan ńitokʼ hõ ṭhik unạkʼ katege benao lagao akoa. 20Onko do Pharao samaṅ khon oḍok hecʼkate Mose ar Aron sãoteko ńapamena. Unkin do onko lạgitʼge kin tạṅgi akatʼ tahẽkana. 21Cakʼlaoko do unkinko metatʼkinạ, “Probhu Isor do aben baṛe sạjạiye emaben ma, ente Pharao ar uniren kạmiyạko ṭhen mitʼṭecʼ hirkhạwakʼ ben kạmi akada, ar aben do gocʼ ocole lạgitʼ onkoakʼ tire tarwaṛe ben cal akawatʼkoa.”
Moseyakʼ duk sodor ar Isorakʼ as reaṅ
22Unre Mose do sen ruạṛkate Probhui metadea, “E Probhu Isor, noko jạtrenko kosṭo do cedakʼem emakokana? Ar cedakʼ baṅ iń hõm kol akadiń? 23Pharao ṭhen amakʼ ńutum roṛ tayom khon noko hoṛko cetanre muhin do hecʼ paṛao akana. Ar amren hoṛ do okorem rukhiyạletʼkoa?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.