Exodus 2
2
Moseyakʼ janam
1Niạko oktere Lewi gusṭiren mitʼṭen hoṛ do inạ mitʼ gusṭirenge mitʼṭen kuṛiye baplakedea. 2#Apos 7.20; Ibr 11.23Ar kuṛi doe bhạrti hoṛmoyena ar mitʼṭen koṛa gidrại hoyentaea. Gidrạ do ńelokʼte ạḍi napaegeye tahẽkana. Ona iạte uniren eṅgattetʼ do pe cando hạbicʼ acʼ ṭhene oko dohokedea. 3Menkhan tinre ar bae oko doho daṛeadea unre uni do pạṭiol ghãste mitʼṭecʼ piṭạri benaokate onare jaṭaṅ hasa ar alkatrae potaoada ar onare uni gidrại giticʼkedete nil gaḍa reakʼ pạṭiol gajaṛreye doho oṭokada. 4Ar gidrạwakʼ cetʼ hoyokʼa mente ona ńel lạgitʼ uniren ạjittetʼ do onḍe khon thoṛa sạṅgiń ńokʼreye teṅgo akan tahẽkana.
5Thoṛa ghạṛicʼ khange Pharaoren hoponera do ḍạbrạkʼ lạgitʼ gaḍateye hecʼena. Ar unre uniren kạ̃ṛmĩko do gaḍa aṛe aṛeteko dãṛã baṛaekan tahẽkana. Unre uni do pạṭiol gajaṛre mitʼṭecʼ pạṭạriye ńelńamketʼ khan acʼ ṭhen ạguiy lạgitʼ mitʼṭen kạ̃ṛmĩye kolkadea. 6Uni do onae oṭakʼketʼ khan ạḍiye hahaṛayena ar mitʼṭen koṛa gidrạ onare rarakʼkane ńelkedea. Onate raj hoponera do uni gidrạ cetanre ạḍi mãyã hecʼadea. Uniye menkeda, “Nui do Ibrikoren gidrạ kanae.”
7Unre gidrạren ạjittetʼ do hecʼkate Pharaoren hoponerae metadea, “Iń do cetʼ am lạgitʼ mitʼṭen Ibri maejiu iń hohoạguama, jemon nui gidrại nunu harawam?”
8Uni doe menkeda, “Hẽ, Do calakʼme.” Unre kuṛi do senkate gidrạren eṅgattetʼgeye hoho ạgukedea.
9Pharaoren hoponera do uniye metadea, “Nui gidrạ idikate nunu harawạńme. Noa lạgitʼ iń do betoniń emama.” Unre uni maejiu do gidrại idikedea are nunu harakedea.
10 #
Apos 7.21
Gidrạ thoṛae harayen khan maejiu do Pharaoren hoponera ṭhene idikedea, ar uni do acʼren gidrạ lekae ataṅkedea. Uniye menkeda, “Nui do dakʼ khoniń owar rakapʼ akadea.” Ar onate uniyakʼ ńutum do Mose#2.10: Mose: Noa ńutum reakʼ mane do “dakʼ khon owaricʼ.”ye dohoketʼtaea.
Mose Midiạn disạmteye dạṛetʼkan
11 #
Apos 7.23-28
#Ibr 11.24 Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana. 12Unre uni do beṛhaete koyokʼ baṛakate okoehõ bae ńel ńamletʼkoa. Khan uni Misri hoṛe gocʼkedea ar gitilreye topakadea. 13Dosar hilokʼ uni do arhõ bahreteye oḍok senena ar barea Ibri hoṛ lạṛhạikane ńelketʼkinạ. Unre uni do dusiyicʼe metadea, “Cedakʼ amren boeha dom dale kana?”
14Uni hoṛe menkeda, “Okoe baṅ ạliń talare mukhiyạ ar bicạricʼe dohoakatʼme? Uni Misri hoṛ leka cetʼ iń hõ gojeńem khojkana?” Noa katha ańjomkate Mose doe botorena. Uni doe hudiskeda, khạṭige noa katha do sodor akana.
15Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena. 16#Apos 7.29; Ibr 11.27 Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana. 17Menkhan adom gukʼpiko do hecʼkate kuń ṭhen khon onko kuṛikoko laga ńirketʼkoa. Noa ńelte Mose doe beretʼena ar onkoe goṛowatʼkoa ar onkoren bhiḍiko hõ dakʼe ńũwatʼkoa. 18Ado onko kuṛiko akoren apattetʼ ṭhenko ruạṛen khan uni doe kuliketʼkoa, “Teheń do cekate unạkʼ usạrape ruạṛ hecʼena?”
19Onkoko menkeda, “Mitʼṭen misri hoṛ do gupikoakʼ ti khone rukhiyạketʼlea. Eken ona do baṅ, uni do dakʼe loketʼte aleren bhiḍiko hõe ńũ ocoketʼkoa.”
20Uni do acʼren hoponerakoe kuliketʼkoa, “Uni hoṛ do okare menaea? Ar cedakʼpe bạgi oṭoadea? Do hohoaepe ar thoṛa jom ocoyepe.”
21Mose do uni naeke ṭhen tahen lạgitʼe rạjiyena ar naeke do Mose tulucʼ acʼren hoponera Silpại baplakadea. 22Silpạren mitʼṭen koṛa gidrại hoyen khan Mose do uniyakʼ ńutum Gerseme#2.22: Gersem: Noa ńutum reakʼ mane do “upriạ.” dohoketʼtaea, ente uni doe menkeda, “Iń do upriạ hoṛiń hoyakana.”
23Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena. 24#Gen 15.13,14Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda. 25Uni do Israelko secʼe beṅgetʼkeda ar onkoe moneyatʼkoa.
Currently Selected:
Exodus 2: SBT
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.
Exodus 2
2
Moseyakʼ janam
1Niạko oktere Lewi gusṭiren mitʼṭen hoṛ do inạ mitʼ gusṭirenge mitʼṭen kuṛiye baplakedea. 2#Apos 7.20; Ibr 11.23Ar kuṛi doe bhạrti hoṛmoyena ar mitʼṭen koṛa gidrại hoyentaea. Gidrạ do ńelokʼte ạḍi napaegeye tahẽkana. Ona iạte uniren eṅgattetʼ do pe cando hạbicʼ acʼ ṭhene oko dohokedea. 3Menkhan tinre ar bae oko doho daṛeadea unre uni do pạṭiol ghãste mitʼṭecʼ piṭạri benaokate onare jaṭaṅ hasa ar alkatrae potaoada ar onare uni gidrại giticʼkedete nil gaḍa reakʼ pạṭiol gajaṛreye doho oṭokada. 4Ar gidrạwakʼ cetʼ hoyokʼa mente ona ńel lạgitʼ uniren ạjittetʼ do onḍe khon thoṛa sạṅgiń ńokʼreye teṅgo akan tahẽkana.
5Thoṛa ghạṛicʼ khange Pharaoren hoponera do ḍạbrạkʼ lạgitʼ gaḍateye hecʼena. Ar unre uniren kạ̃ṛmĩko do gaḍa aṛe aṛeteko dãṛã baṛaekan tahẽkana. Unre uni do pạṭiol gajaṛre mitʼṭecʼ pạṭạriye ńelńamketʼ khan acʼ ṭhen ạguiy lạgitʼ mitʼṭen kạ̃ṛmĩye kolkadea. 6Uni do onae oṭakʼketʼ khan ạḍiye hahaṛayena ar mitʼṭen koṛa gidrạ onare rarakʼkane ńelkedea. Onate raj hoponera do uni gidrạ cetanre ạḍi mãyã hecʼadea. Uniye menkeda, “Nui do Ibrikoren gidrạ kanae.”
7Unre gidrạren ạjittetʼ do hecʼkate Pharaoren hoponerae metadea, “Iń do cetʼ am lạgitʼ mitʼṭen Ibri maejiu iń hohoạguama, jemon nui gidrại nunu harawam?”
8Uni doe menkeda, “Hẽ, Do calakʼme.” Unre kuṛi do senkate gidrạren eṅgattetʼgeye hoho ạgukedea.
9Pharaoren hoponera do uniye metadea, “Nui gidrạ idikate nunu harawạńme. Noa lạgitʼ iń do betoniń emama.” Unre uni maejiu do gidrại idikedea are nunu harakedea.
10 #
Apos 7.21
Gidrạ thoṛae harayen khan maejiu do Pharaoren hoponera ṭhene idikedea, ar uni do acʼren gidrạ lekae ataṅkedea. Uniye menkeda, “Nui do dakʼ khoniń owar rakapʼ akadea.” Ar onate uniyakʼ ńutum do Mose#2.10: Mose: Noa ńutum reakʼ mane do “dakʼ khon owaricʼ.”ye dohoketʼtaea.
Mose Midiạn disạmteye dạṛetʼkan
11 #
Apos 7.23-28
#Ibr 11.24 Mose doe sẽṛãyen khan mitʼdin uni do acʼ jạtrenko sãote ńapamokʼ lạgitʼe oḍokena ar hamal gokʼ bhạriạ kạmiye ńelketʼkoa. Uni do arhõe ńelkeda, Misorren mitʼṭen hoṛ do Ibrikoren mitʼ hoṛe dale kana. 12Unre uni do beṛhaete koyokʼ baṛakate okoehõ bae ńel ńamletʼkoa. Khan uni Misri hoṛe gocʼkedea ar gitilreye topakadea. 13Dosar hilokʼ uni do arhõ bahreteye oḍok senena ar barea Ibri hoṛ lạṛhạikane ńelketʼkinạ. Unre uni do dusiyicʼe metadea, “Cedakʼ amren boeha dom dale kana?”
14Uni hoṛe menkeda, “Okoe baṅ ạliń talare mukhiyạ ar bicạricʼe dohoakatʼme? Uni Misri hoṛ leka cetʼ iń hõ gojeńem khojkana?” Noa katha ańjomkate Mose doe botorena. Uni doe hudiskeda, khạṭige noa katha do sodor akana.
15Pharao noa kathae ańjomketʼ khan Mose goje lạgitʼe kurumuṭukeda. Menkhan Mose do Pharao ṭhen khone dạṛketʼte Midiạn disạmteye calaoena. Ar onḍe senkate uni do mitʼṭecʼ kuń aṛereye duṛupʼena. 16#Apos 7.29; Ibr 11.27 Onḍenicʼ Midiạn naekeren do eae goṭen hoponerako tahẽkantaea. Onko do apattetʼren bhiḍiko dakʼ ńũako lạgitʼ dakʼ lo rakapʼkate gamlareko dul perecʼetʼ tahẽkana. 17Menkhan adom gukʼpiko do hecʼkate kuń ṭhen khon onko kuṛikoko laga ńirketʼkoa. Noa ńelte Mose doe beretʼena ar onkoe goṛowatʼkoa ar onkoren bhiḍiko hõ dakʼe ńũwatʼkoa. 18Ado onko kuṛiko akoren apattetʼ ṭhenko ruạṛen khan uni doe kuliketʼkoa, “Teheń do cekate unạkʼ usạrape ruạṛ hecʼena?”
19Onkoko menkeda, “Mitʼṭen misri hoṛ do gupikoakʼ ti khone rukhiyạketʼlea. Eken ona do baṅ, uni do dakʼe loketʼte aleren bhiḍiko hõe ńũ ocoketʼkoa.”
20Uni do acʼren hoponerakoe kuliketʼkoa, “Uni hoṛ do okare menaea? Ar cedakʼpe bạgi oṭoadea? Do hohoaepe ar thoṛa jom ocoyepe.”
21Mose do uni naeke ṭhen tahen lạgitʼe rạjiyena ar naeke do Mose tulucʼ acʼren hoponera Silpại baplakadea. 22Silpạren mitʼṭen koṛa gidrại hoyen khan Mose do uniyakʼ ńutum Gerseme#2.22: Gersem: Noa ńutum reakʼ mane do “upriạ.” dohoketʼtaea, ente uni doe menkeda, “Iń do upriạ hoṛiń hoyakana.”
23Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena. 24#Gen 15.13,14Isor do onkoakʼ rakʼe ańjomketʼtakote Abraham, Isahak ar Jakob lạgitʼ okaṭakʼ bondobose doholetʼ ona kathae disạkeda. 25Uni do Israelko secʼe beṅgetʼkeda ar onkoe moneyatʼkoa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Santali Bible © Bangladesh Bible Society, 2021.