मर्कूस 8
8
येशूये बुली हजार भर्मीकी कास्च
(मत्ती १५:३२-३९)
1कायाक फेरि भर्मीकुङ बाड्को भीड जम्मा छाना। तर होसे भर्मीकोखाटा ज्याच ठोक हीर मालेचबाटै येशूये चेलाकोलाक लाहा लेठाङ आर्घार डेया, 2“इसे भीडकोलाक डाङार ङाकी साह्रै रोम सेया। हीजैडेनाङ इखुरीक ङाखाटा ङुच सोम याक छान्नभ्या, र इखुरीकखाटा ज्याच ठोक हीर माले। 3इखुरीककी मुलीन्न इमाङ बीर्न्हका डेनाङ इखुरीक लामाङ न मुर्छा पर्ले। हीजैडेनाङ इखुरीक मध्याङ कुडीक जना च लोसीङ र राम्हने।” 4होटै होसकुङ चेलाकै होसकोकी डेया, “इसे हीर मालेच ठावाङ इखुरीककी कुटै ज्याच ठोक कास्की?” 5येशूये होखुरीककी गीना, “नाखुरीकखाटा कुडीक ओटा रोटो ले?” होखुरीकै डेया, “सात ओटा ले।”
6येशूये भर्मीकोलाक चउराङ ङुकी डेया। अनि होसकै सात ओटा रोटो मीहुटाङ लार परमेश्वरकी धन्यवाद याहा। रोटो ग्याकार चेलाकोलाक याछै पुङ्की लैडीया र चेलाकै भर्मीकोलाक पुङ्ङ याहा। 7होखुरीकखाटा चेक्जा मसिनो डीस्याको र लेया। येशूये डीस्यौ लागि परमेश्वरकी धन्यवाद याहा र चेलाकोलाक पुङ्ङ याखी लैडीया। 8भर्मीकै रोटो र डीस्या ह्रास्ठर ज्याम र ओबारीस्च टुक्राको चेलाकै सात डालो न्हेप-न्हेप सोटा। 9होला जम्मा बुली हजार टडीक ज्याच भर्मीको लेया। होटै येशूये होसे भर्मीकोलाक लाहा लहो इमाङ बीर्न्हका। 10होटै न्हुइङ येशू तुरुन्तै लहो चेलाकोखाटा डुङ्गाङ काल्हार दलमनुथा डेच ठाउँ पट्टी नुङा।
फरिसीकै चीन्ह ङेछ
(मत्ती १६:१-४)
11फरिसीको येशू लेठाङ राहार होसकोखाटा बहस जाट्की ठाला। होखुरीकै होसकोकी अन्त ङोस्की डेम स्वर्ग लकीङ काट चिन्ह टान्हाक्नी डेम ङेहा। 12अनि येशूये लोट्च सास फेरीयार डेया, “इसे पुस्तै हीजै चिन्ह पाले? साँच्ची न ङा नाखुरीककी डेले, इसे पुस्ताकी कुसेर चिन्ह माह्याले।” 13होसे न्हुइङ होखुरीककी डासार येशू फेरि डुङ्गाङ काल्हार तालौ पारी पट्टी नुङा।
फरिसीको र हेरोदौ बारेयाङ शिक्षा
(मत्ती १६:५-१२)
14होसकुङ चेलाकै ज्याच ठोक बुकी म्ह्याका। डुङ्गाङ होखुरीकखाटा काट मट्टै रोटो लेया। 15येशूये चेलाकोलाक इट डेयार चेतावनी याहा, “नाखुरीक फरिसीकुङ खमिर र हेरोद राजा लकीङ होशियार छानार ङुनी।” 16होखुरीक लाहा लाहाङ छलफल जाट्की ठाला, “हीजैडेनाङ कानखाटा रोटो मालेचबाटै येशूये इट डेच हो।” 17होटै येशूये थाहा डुपार होखुरीककी डेया, “नाखुरीकखाटा रोटो माले डेयार हीजै नाखुरीक छलफल जाट्ले? ही नाखुरीकै अझै र माबुझडीस्नने? ही नाखुरीकुङ मीमन चाहाँसम्म र कठोर छान्नने? 18मीमीक लेनाङ र ही नाखुरीकै माडाङ्ले? मेनेकेप लेनाङ र ही नाखुरीकै मासेले? ही नाखुरीकै माआर्मीट्ने? 19जब ङै बाङा रोटो ग्याकार बाङा हजार भर्मीकी कास्च ही नाखुरीकै म्ह्याका? नाखुरीकै ओबारीस्च टुक्राको कुडीक डालो सोट्नन्या?” चेलाकै येशूकी जवाफ याहा, “बाह्र डालो।” 20येशूये फेरि डेया, “जब सात ओटा रोटो ग्याकार बुली हजार भर्मीकोलाक कास्नाङ नाखुरीकै ओबारीस्च टुक्राको कुडीक डालो सोट्नन्या?” होखुरीकै डेया, “सात डालो।” 21अनि येशूये होखुरीककी डेया, “ही नाखुरीकै अझै र माबुझडीस्ने?”
येशूये मीमीक माडाङ्चकी गेपाक्च
22येशू बेथसेदाङ राहा र होला भर्मीकै होसको लेठाङ काट मीमीक माडाङ्च भर्मीकी राका। अनि होखुरीकै इसकी छुम यान्ही डेयार येशूखाटा बिन्ती जाटा। 23येशूये होसे मीमीक माडाङ्च भर्मीयो मीहुट घोवार होसकी लाङ्घीङ बाहिर आल्हा। होसकै लहो मेठोक होच्यो मीमीकाङ मोल्न याहा र होसे मीटाक मीहुट डार होसकी गीना, “नाकै हीर डाङ्ङने?” 24होचे वार्लाक-पार्लाक ङोसार डेया, “भर्मीकोलाक च सीङौ म्यार्टुङ लेखा न डाङ्ने, र होखुरीक च ह्वाम ङुमने।” 25फेरि येशूये होसे भर्मीयो मीमीकाङ मीहुट डार होचे एकोहोरोखाटा ङोसा। होटै होसे भर्मीये छ्याङ्गै पट्ट ठोक डाङ्की ह्योका। 26येशूये होसे भर्मीकी लाङ्घाङ मान्न न लहो इमाङ नुङ्की डेम बीर्न्हका।
येशू सु आले?
(मत्ती १६:१३-२०; लूका ९:१८-२१)
27होटै न्हुइङ येशू र मेकुङ चेलाको कैसरिया फिलिप्पीयुङ खेरेपुङ लाङ्घाकोवाङ नुङा। लामाङ नुङ्चै जाट्नाङ होसकै लहो चेलाकोलाक इट डेयार गीना, “ङाकी भर्मीकै ही डेले र ङा सु हो?” 28होखुरीकै होसकोकी डेया, “कुडीकै डेले, बप्तिस्मा याछ यूहन्ना हो, कुडीकै डेले एलिया हो र कुडीकै चहिँ अगमवक्ताको मध्याङ काट जना हो डेले।” 29तब येशूये होखुरीककी गीना, “तर नाखुरीक चहिँ ही डेले, ङा सु हो?” पत्रुसै उत्तर याहा, “नाको मुक्ति याछ ख्रीष्ट हो।” 30होटै येशूये होखुरीककी लहो बारेयाङ सुकीर माडेकी डेम डेया।
येशूये लाहा सीकी पर्च बारेयाङ जाट्च भविष्यवाणी
(मत्ती १६:२१-२३; लूका ९:२२)
31येशूये मेखोल्हौ बारेयाङ चेलाकोलाक इटजाट्न डेया, “भर्मीयो मीजै साप्फी दु:ख भोग्डीकी पर्ले। अगुवाको, मुख्य पूजाहारीको र धर्मगुरुकै इन्कार जाट्ले र साट्ले तर सोम याकाङ जीवाम सोले।” 32इटजाट्न होसकै इसे कुरा प्रष्ट जाटार डेया। तर इसे कुरा सेरखीङ पत्रुसै येशूकी काटपट्टी आल्हार च्याका। 33तर येशूये न्हुङ्लाक ल्हेसार लहो चेलाकोलाक ङोसार पत्रुसकी होसकै इट डेयार हक्कारीया, “ए शैतान, ङा लकीङ नुङ्की क्योटो! हीजैडेनाङ नुओ मीमन परमेश्वर पट्टी माले, तर भर्मी पट्टी ले।”
चेलाकै जाट्की पर्च त्यागौ बारेयाङ
(मत्ती १६:२४-२८; लूका ९:२३-२७)
34येशूये लहो चेलाकोलाक र होला लेच भर्मीकुङ भीडकी लाहा लेठाङ आर्घा र डेया, “सुर भर्मी ङा न्हुङ-न्हुङ ह्वाकी मीमन जाट्ले डेनाङ होचे लाहाकी इन्कार जाट्ख्यो र लहो क्रूस बुवार ङाकी डुट्ख्यो।#८:३४ क्रूस बुकीओ अर्थ चहिँ येशूओ कारणै दु:ख भोग्डीकी तयार छान्की अथवा सीकी र तयार छान्की हो। 35हीजैडेनाङ सुये लहो जीवन जीवाटाक्च मीमन जाट्ले, होचे होसे गुमडीले, तर ङौ र सेछ समाचारौ लागि लहो जीवन गुमडीचये चहिँ होसे जीवाटाक्ले। 36इडीक भर्मीये पट्ट संसार न मीहुटाङ पार्नाङ र लहो जीवन#८:३६ जीवन: इसे चहिँ सेन र मासीच जीवनौ बारेयाङ हो। चहिँ गुमडीया डेनाङ होसकी ही फाइदा छान्ने र? 37सेन र मासीच जीवन चहिँ सुयेर परमेश्वरखाटा लोकी माह्योक्ले। 38इसे व्यभिचारी र पापी पुस्ताङ सु ङा र ङौ वचनखाटा काराले, भर्मीयो मीजा र लहो बोयो महिमाङ पवित्र स्वर्गदूतकोखाटा रान्हाङ होसेखाटा काराले।”
Currently Selected:
मर्कूस 8: EMGP
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.
मर्कूस 8
8
येशूये बुली हजार भर्मीकी कास्च
(मत्ती १५:३२-३९)
1कायाक फेरि भर्मीकुङ बाड्को भीड जम्मा छाना। तर होसे भर्मीकोखाटा ज्याच ठोक हीर मालेचबाटै येशूये चेलाकोलाक लाहा लेठाङ आर्घार डेया, 2“इसे भीडकोलाक डाङार ङाकी साह्रै रोम सेया। हीजैडेनाङ इखुरीक ङाखाटा ङुच सोम याक छान्नभ्या, र इखुरीकखाटा ज्याच ठोक हीर माले। 3इखुरीककी मुलीन्न इमाङ बीर्न्हका डेनाङ इखुरीक लामाङ न मुर्छा पर्ले। हीजैडेनाङ इखुरीक मध्याङ कुडीक जना च लोसीङ र राम्हने।” 4होटै होसकुङ चेलाकै होसकोकी डेया, “इसे हीर मालेच ठावाङ इखुरीककी कुटै ज्याच ठोक कास्की?” 5येशूये होखुरीककी गीना, “नाखुरीकखाटा कुडीक ओटा रोटो ले?” होखुरीकै डेया, “सात ओटा ले।”
6येशूये भर्मीकोलाक चउराङ ङुकी डेया। अनि होसकै सात ओटा रोटो मीहुटाङ लार परमेश्वरकी धन्यवाद याहा। रोटो ग्याकार चेलाकोलाक याछै पुङ्की लैडीया र चेलाकै भर्मीकोलाक पुङ्ङ याहा। 7होखुरीकखाटा चेक्जा मसिनो डीस्याको र लेया। येशूये डीस्यौ लागि परमेश्वरकी धन्यवाद याहा र चेलाकोलाक पुङ्ङ याखी लैडीया। 8भर्मीकै रोटो र डीस्या ह्रास्ठर ज्याम र ओबारीस्च टुक्राको चेलाकै सात डालो न्हेप-न्हेप सोटा। 9होला जम्मा बुली हजार टडीक ज्याच भर्मीको लेया। होटै येशूये होसे भर्मीकोलाक लाहा लहो इमाङ बीर्न्हका। 10होटै न्हुइङ येशू तुरुन्तै लहो चेलाकोखाटा डुङ्गाङ काल्हार दलमनुथा डेच ठाउँ पट्टी नुङा।
फरिसीकै चीन्ह ङेछ
(मत्ती १६:१-४)
11फरिसीको येशू लेठाङ राहार होसकोखाटा बहस जाट्की ठाला। होखुरीकै होसकोकी अन्त ङोस्की डेम स्वर्ग लकीङ काट चिन्ह टान्हाक्नी डेम ङेहा। 12अनि येशूये लोट्च सास फेरीयार डेया, “इसे पुस्तै हीजै चिन्ह पाले? साँच्ची न ङा नाखुरीककी डेले, इसे पुस्ताकी कुसेर चिन्ह माह्याले।” 13होसे न्हुइङ होखुरीककी डासार येशू फेरि डुङ्गाङ काल्हार तालौ पारी पट्टी नुङा।
फरिसीको र हेरोदौ बारेयाङ शिक्षा
(मत्ती १६:५-१२)
14होसकुङ चेलाकै ज्याच ठोक बुकी म्ह्याका। डुङ्गाङ होखुरीकखाटा काट मट्टै रोटो लेया। 15येशूये चेलाकोलाक इट डेयार चेतावनी याहा, “नाखुरीक फरिसीकुङ खमिर र हेरोद राजा लकीङ होशियार छानार ङुनी।” 16होखुरीक लाहा लाहाङ छलफल जाट्की ठाला, “हीजैडेनाङ कानखाटा रोटो मालेचबाटै येशूये इट डेच हो।” 17होटै येशूये थाहा डुपार होखुरीककी डेया, “नाखुरीकखाटा रोटो माले डेयार हीजै नाखुरीक छलफल जाट्ले? ही नाखुरीकै अझै र माबुझडीस्नने? ही नाखुरीकुङ मीमन चाहाँसम्म र कठोर छान्नने? 18मीमीक लेनाङ र ही नाखुरीकै माडाङ्ले? मेनेकेप लेनाङ र ही नाखुरीकै मासेले? ही नाखुरीकै माआर्मीट्ने? 19जब ङै बाङा रोटो ग्याकार बाङा हजार भर्मीकी कास्च ही नाखुरीकै म्ह्याका? नाखुरीकै ओबारीस्च टुक्राको कुडीक डालो सोट्नन्या?” चेलाकै येशूकी जवाफ याहा, “बाह्र डालो।” 20येशूये फेरि डेया, “जब सात ओटा रोटो ग्याकार बुली हजार भर्मीकोलाक कास्नाङ नाखुरीकै ओबारीस्च टुक्राको कुडीक डालो सोट्नन्या?” होखुरीकै डेया, “सात डालो।” 21अनि येशूये होखुरीककी डेया, “ही नाखुरीकै अझै र माबुझडीस्ने?”
येशूये मीमीक माडाङ्चकी गेपाक्च
22येशू बेथसेदाङ राहा र होला भर्मीकै होसको लेठाङ काट मीमीक माडाङ्च भर्मीकी राका। अनि होखुरीकै इसकी छुम यान्ही डेयार येशूखाटा बिन्ती जाटा। 23येशूये होसे मीमीक माडाङ्च भर्मीयो मीहुट घोवार होसकी लाङ्घीङ बाहिर आल्हा। होसकै लहो मेठोक होच्यो मीमीकाङ मोल्न याहा र होसे मीटाक मीहुट डार होसकी गीना, “नाकै हीर डाङ्ङने?” 24होचे वार्लाक-पार्लाक ङोसार डेया, “भर्मीकोलाक च सीङौ म्यार्टुङ लेखा न डाङ्ने, र होखुरीक च ह्वाम ङुमने।” 25फेरि येशूये होसे भर्मीयो मीमीकाङ मीहुट डार होचे एकोहोरोखाटा ङोसा। होटै होसे भर्मीये छ्याङ्गै पट्ट ठोक डाङ्की ह्योका। 26येशूये होसे भर्मीकी लाङ्घाङ मान्न न लहो इमाङ नुङ्की डेम बीर्न्हका।
येशू सु आले?
(मत्ती १६:१३-२०; लूका ९:१८-२१)
27होटै न्हुइङ येशू र मेकुङ चेलाको कैसरिया फिलिप्पीयुङ खेरेपुङ लाङ्घाकोवाङ नुङा। लामाङ नुङ्चै जाट्नाङ होसकै लहो चेलाकोलाक इट डेयार गीना, “ङाकी भर्मीकै ही डेले र ङा सु हो?” 28होखुरीकै होसकोकी डेया, “कुडीकै डेले, बप्तिस्मा याछ यूहन्ना हो, कुडीकै डेले एलिया हो र कुडीकै चहिँ अगमवक्ताको मध्याङ काट जना हो डेले।” 29तब येशूये होखुरीककी गीना, “तर नाखुरीक चहिँ ही डेले, ङा सु हो?” पत्रुसै उत्तर याहा, “नाको मुक्ति याछ ख्रीष्ट हो।” 30होटै येशूये होखुरीककी लहो बारेयाङ सुकीर माडेकी डेम डेया।
येशूये लाहा सीकी पर्च बारेयाङ जाट्च भविष्यवाणी
(मत्ती १६:२१-२३; लूका ९:२२)
31येशूये मेखोल्हौ बारेयाङ चेलाकोलाक इटजाट्न डेया, “भर्मीयो मीजै साप्फी दु:ख भोग्डीकी पर्ले। अगुवाको, मुख्य पूजाहारीको र धर्मगुरुकै इन्कार जाट्ले र साट्ले तर सोम याकाङ जीवाम सोले।” 32इटजाट्न होसकै इसे कुरा प्रष्ट जाटार डेया। तर इसे कुरा सेरखीङ पत्रुसै येशूकी काटपट्टी आल्हार च्याका। 33तर येशूये न्हुङ्लाक ल्हेसार लहो चेलाकोलाक ङोसार पत्रुसकी होसकै इट डेयार हक्कारीया, “ए शैतान, ङा लकीङ नुङ्की क्योटो! हीजैडेनाङ नुओ मीमन परमेश्वर पट्टी माले, तर भर्मी पट्टी ले।”
चेलाकै जाट्की पर्च त्यागौ बारेयाङ
(मत्ती १६:२४-२८; लूका ९:२३-२७)
34येशूये लहो चेलाकोलाक र होला लेच भर्मीकुङ भीडकी लाहा लेठाङ आर्घा र डेया, “सुर भर्मी ङा न्हुङ-न्हुङ ह्वाकी मीमन जाट्ले डेनाङ होचे लाहाकी इन्कार जाट्ख्यो र लहो क्रूस बुवार ङाकी डुट्ख्यो।#८:३४ क्रूस बुकीओ अर्थ चहिँ येशूओ कारणै दु:ख भोग्डीकी तयार छान्की अथवा सीकी र तयार छान्की हो। 35हीजैडेनाङ सुये लहो जीवन जीवाटाक्च मीमन जाट्ले, होचे होसे गुमडीले, तर ङौ र सेछ समाचारौ लागि लहो जीवन गुमडीचये चहिँ होसे जीवाटाक्ले। 36इडीक भर्मीये पट्ट संसार न मीहुटाङ पार्नाङ र लहो जीवन#८:३६ जीवन: इसे चहिँ सेन र मासीच जीवनौ बारेयाङ हो। चहिँ गुमडीया डेनाङ होसकी ही फाइदा छान्ने र? 37सेन र मासीच जीवन चहिँ सुयेर परमेश्वरखाटा लोकी माह्योक्ले। 38इसे व्यभिचारी र पापी पुस्ताङ सु ङा र ङौ वचनखाटा काराले, भर्मीयो मीजा र लहो बोयो महिमाङ पवित्र स्वर्गदूतकोखाटा रान्हाङ होसेखाटा काराले।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.