मर्कूस 13
13
अन्त्यौ दिनुङ चिन्हको
(मत्ती २४:१-१४; लूका २१:५-१९)
1जब येशू परमेश्वरौ मन्दिर लकीङ बाहिर ख्योम्हन लेनाङ होसकुङ चेलाको मध्याङ काट चेलै डेया, “ङोस्नी गुरु ज्यु, कुडीक बा-बाड्सो ल्हुङ्को र कुडीक भव्य भवनको।” 2येशूये होसकी डेया, “नाकै इसे भवनको डाङ्ङ न ले नि, तर इसे भवनकुङ काट ल्हुङ मीटाक अर्को ल्हुङ माडास्च जाट्न पट्ट न भत्कडीले।”
3येशू परमेश्वरौ मन्दिर सामु जैतून डाँडाङ ङुम ङुनाङ पत्रुस, याकूब, यूहन्ना र अन्द्रियासै होसकोकी सुटुक्क गीना, 4“कानकी डेनी, इसे पट्ट न कुराको सेन छान्ने? अनि इसे पूरा छान्की अगाडि ही-ही चिन्ह छान्ने?” 5येशूये होखुरीककी डेया, “होशियार छान्नी, सुयेर नाखुरीककी ढाट्डीकी माडीन्ख्यो। 6वास्टै जना ङौ म्यार्मीनाङ ‘ङा न मुक्ति याछ ख्रीष्ट हो’ डेम राल्हे र होखुरीकै वास्टै भर्मीकोलाक ढाट्डीले। 7जब नाखुरीकै लडाइँको छान्च र लडाइँयो हल्लाको सेले, होडीक बेला माबीह्रीखी। याङ्च कुराको छान्की न पर्ले, तर अन्त्यौ दिन राखी चहिँ अझै बाँकी न ले। 8हीजैडेनाङ जातियो विरुद्धाङ जाति र राज्यौ विरुद्धाङ राज्य सोले। ठाउँ-ठावाङ भुकम्पको नुङ्ले र अनिकालको छान्ने। इसे चहिँ मास्टो भर्मीकी मीजा डीन्छ व्याथा सुरु छान्नाङ लेखा न कष्टकुङ सुरु मट्टै हो।
9 “नाखुरीक लहो बारेयाङ होशियार छानार ङुनी। भर्मीकै घोवार नाखुरीककी अदालताङ आल्हे। नाखुरीककी सभा ङुच इमकोवाङ आल्हार डुङ्ले। हीजैडेनाङ नाखुरीकै ङाकी डुट्चबाटै हाकिमको र राजाकुङ म्याहासाङ ङौ बारेयाङ गवाही याखी डेम नाखुरीक खडा छान्ने।
10 “र अन्त्यौ दिन राखी डेनाङ अगाडि चहिँ पट्ट न जातिकुङ भर्मीकोलाक सेछ समाचार सेटाक्की न पर्ले। 11जब भर्मीकै नाखुरीककी घोम आल्हार मुद्दा काले, तब नाखुरीक ही ङाक्की डेयार अघि लकीङ न चिन्ता माजाट्नी। तर होडीक न बेला ही नाखुरीककी याल्हे होसे न ङाक्नी। हीजैडेनाङ ङाक्च नाखुरीक होइन तर पवित्र आत्मा छान्ने।
12 “होडीक बेला लहो न भाये डाजेकी साट्की अरुकुङ मीहुटाङ जिम्मा याल्हे। होटजाट्न न बोये मीजाकोलाक र मीजाको बोइ-मोयो विरुद्धाङ सोले अनि होखुरीककी साट्की लैडीले। 13अनि ङाकी विश्वास जाट्च बाटै नाखुरीककी पट्टकै माजाक्ले। तर सु अन्तिम दिनसम्म स्थिर ङुले होचे न मुक्ति डुप्ले।
बीह्रीमसेच सङ्कष्टओ समयो बारेयाङ
(मत्ती २४:१५-२८; लूका २१:२०-२४)
14 “नाखुरीकै नाश जाट्च झीर्न सेच कुराकी कुला मालेकी पर्च होला न टोङ्छ डाङ्ले।” (परेस्चये बुझडीस्ख्यो।) “होडीक बेला यहूदियाङ लेचको पहाड पट्टी भोग्डीस्ख्यो।#१३:१४ अपवित्र कुराकै परमेश्वरौ मन्दिरकी मास्च खासाक्ले, होसबाटै भर्मीको परमेश्वरकी प्रशंसा जाट्की नुङ्की माह्योक्ख्यो। #दानिएल ९:२७; ११:३१; १२:११ 15इम बाहिर लेच भर्मीको सामानको लाकी इम भित्री मापर्न न बाहिर लकीङ न भोग्डीस्ख्यो।#१३:१५ होसे बेला इस्राएल देशुङ इमकोवाङ फोकी युच धुरी मालेचसम्म पर्च छाना लेया। भर्मीको म्हुङ बाट्की डेम होला ङुच जाट्न्नया। 16ह्याङ लेचको लहो बढीन लाकी ल्हेसार इमाङ मानुङ्ख्यो। 17तर होडीक बेला गर्भवती र दुध गाच बालक मीकुह्वाङ लेच मोइकुङ कुडीक बिजोक छान्ने औला! 18होसे कुराको जुङ्छ बेलाङ माछान्ख्यो डेयार प्रार्थना जाट्नी। 19हीजैडेनाङ होसे दिनाङ याङ्च महासङ्कष्टको आइपर्न राल्हे की परमेश्वरै जाट्च सृष्टियो सुरुलकीङ चाहाँसम्म न त छान्नने, न त फेरि सेन र छान्ने। 20परमेश्वरै होसे सङ्कष्टओ दिनको माघट्डीम याछ लेनाङ च सुर भर्मी जीवाकी माह्योक्च लेया। तर होसकै चुन्डीचकुङ लागि होसे दिनको घट्डीम याम्हने।
21 “र होडीक बेला सुयेर नाखुरीककी ‘ङोस्नी, मुक्ति याछ ख्रीष्ट इला ले’ वा ‘होसको होला ले’, डेया डेनाङ नाखुरीकै होसे कुराकी विश्वास माजाट्की। 22हीजैडेनाङ झूटो ख्रीष्टको र झूटो अगमवक्ताको ख्योम्ह राल्हे। अनि परमेश्वरै चुन्डीचकोलाक ढाट्डीकी डेम ह्योक्ठर होखुरीकै चिन्हको र अचम्मौ कामको जाट्ले। 23तर नाखुरीक चहिँ होशियार छानार ङुनी। सेनी, ङै नाखुरीककी पट्ट न कुराको अघि लकीङ न डेम याम्हने।”
येशू फेरि राल्हे
(मत्ती २४:२९-३१; लूका २१:२५-२८)
24 “तर होसे दिनाङ महासङ्कष्ट न्हुइङ नाखान छुम्ह छान्ने र ग्याहोटै ट्याङ्छ माह्याले। 25टुगाको सर्घा लकीङ झाल्ले र सर्घाङ लेच शक्तिको होयोले। 26अनि होडीक बेला भर्मीकै भर्मीयो मीजाकी शक्ति र महिमाखाटा डेबुवाङ राम्हन लेच डाङ्ले। 27अनि होसकै स्वर्गदूतकोलाक बीर्न्हकाले र पृथ्वी र सर्घौ अन्तसम्म पट्ट ठाउँ लकीङ लहे चुन्डीचकोलाक भेला जाट्ले।”
अञ्जीरौ म्यार्टुङ लकीङ शिक्षा
(मत्ती २४:३२-३५; लूका २१:२९-३३)
28येशूये डेया, “अञ्जीरौ म्यार्टुङ लकीङ शिक्षा पान्ही। जब इच्यौ हाँगाको लकीङ टुसा राहार म्हेर्ले तब खान्छ समय खेरेप राहा डेयार नाखुरीककी थाहा छान्ने। 29इटजाट्न न नाखुरीकै र इसे कुराको छान्चै जाट्च डाङ्ले तब भर्मीयो मीजा खेरेप टाह्रामने डेम वार्न्ही। 30साँच्ची न ङा नाखुरीककी डेले, इसे पट्ट न कुरा पूरा माछान्ठर इसे पुस्ता माबीतडीस्ले। 31सर्घा र पृथ्वी बीतडीसार नुङ्ले तर ङौ वचन सेन र माबीतडीस्ले।
चङ्ख छान्की डेच शिक्षा
(मत्ती २४:३६-४४; लूका १२:३८,४०)
32 “तर होसे दिन र बेला सेन राल्हे डेच बारेयाङ परमेश्वर बोइकी बाहेक सुकीर थाहा माले। न त मीजाकी न त स्वर्गदूतकोलाक न थाहा ले। 33होटबाटै होशियार छानार ङुनी हीजैडेनाङ होसे दिन सेन राल्हे, नाखुरीककी थाहा माछान्ने।
34 “इसे च मालिकै लहो नोकरकोलाक इमुङ पट्ट न काम जाट्की डेयार जिम्मा याहा र पाल्याकी चङ्ख छानार ङोस्की डेम अह्रडीयार परदेश नुङ्च लेखा न हो। 35होटबाटै नाखुरीक र चङ्ख छानार ङुनी हीजैडेनाङ इमौ मालिक कुसबेला राल्हे, नाखुरीककी थाहा माछान्ने। होसे नाबीलाङ, की आधा राताङ, की गोये राक्च बेलाङ, की गोराक नाखान फेर्च बेलाङ, कुडीक बेला राल्हे नाखुरीककी थाहा माछान्ने। 36होसे मोसोमायाङ रान्हाङ होचे नाखुरीककी मीस्न ङुच माडुप्ख्यो। 37ही ङै नाखुरीककी डेमने होसे ङा पट्टकी डेले र चङ्ख छान्न ङुनी।”
Currently Selected:
मर्कूस 13: EMGP
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.
मर्कूस 13
13
अन्त्यौ दिनुङ चिन्हको
(मत्ती २४:१-१४; लूका २१:५-१९)
1जब येशू परमेश्वरौ मन्दिर लकीङ बाहिर ख्योम्हन लेनाङ होसकुङ चेलाको मध्याङ काट चेलै डेया, “ङोस्नी गुरु ज्यु, कुडीक बा-बाड्सो ल्हुङ्को र कुडीक भव्य भवनको।” 2येशूये होसकी डेया, “नाकै इसे भवनको डाङ्ङ न ले नि, तर इसे भवनकुङ काट ल्हुङ मीटाक अर्को ल्हुङ माडास्च जाट्न पट्ट न भत्कडीले।”
3येशू परमेश्वरौ मन्दिर सामु जैतून डाँडाङ ङुम ङुनाङ पत्रुस, याकूब, यूहन्ना र अन्द्रियासै होसकोकी सुटुक्क गीना, 4“कानकी डेनी, इसे पट्ट न कुराको सेन छान्ने? अनि इसे पूरा छान्की अगाडि ही-ही चिन्ह छान्ने?” 5येशूये होखुरीककी डेया, “होशियार छान्नी, सुयेर नाखुरीककी ढाट्डीकी माडीन्ख्यो। 6वास्टै जना ङौ म्यार्मीनाङ ‘ङा न मुक्ति याछ ख्रीष्ट हो’ डेम राल्हे र होखुरीकै वास्टै भर्मीकोलाक ढाट्डीले। 7जब नाखुरीकै लडाइँको छान्च र लडाइँयो हल्लाको सेले, होडीक बेला माबीह्रीखी। याङ्च कुराको छान्की न पर्ले, तर अन्त्यौ दिन राखी चहिँ अझै बाँकी न ले। 8हीजैडेनाङ जातियो विरुद्धाङ जाति र राज्यौ विरुद्धाङ राज्य सोले। ठाउँ-ठावाङ भुकम्पको नुङ्ले र अनिकालको छान्ने। इसे चहिँ मास्टो भर्मीकी मीजा डीन्छ व्याथा सुरु छान्नाङ लेखा न कष्टकुङ सुरु मट्टै हो।
9 “नाखुरीक लहो बारेयाङ होशियार छानार ङुनी। भर्मीकै घोवार नाखुरीककी अदालताङ आल्हे। नाखुरीककी सभा ङुच इमकोवाङ आल्हार डुङ्ले। हीजैडेनाङ नाखुरीकै ङाकी डुट्चबाटै हाकिमको र राजाकुङ म्याहासाङ ङौ बारेयाङ गवाही याखी डेम नाखुरीक खडा छान्ने।
10 “र अन्त्यौ दिन राखी डेनाङ अगाडि चहिँ पट्ट न जातिकुङ भर्मीकोलाक सेछ समाचार सेटाक्की न पर्ले। 11जब भर्मीकै नाखुरीककी घोम आल्हार मुद्दा काले, तब नाखुरीक ही ङाक्की डेयार अघि लकीङ न चिन्ता माजाट्नी। तर होडीक न बेला ही नाखुरीककी याल्हे होसे न ङाक्नी। हीजैडेनाङ ङाक्च नाखुरीक होइन तर पवित्र आत्मा छान्ने।
12 “होडीक बेला लहो न भाये डाजेकी साट्की अरुकुङ मीहुटाङ जिम्मा याल्हे। होटजाट्न न बोये मीजाकोलाक र मीजाको बोइ-मोयो विरुद्धाङ सोले अनि होखुरीककी साट्की लैडीले। 13अनि ङाकी विश्वास जाट्च बाटै नाखुरीककी पट्टकै माजाक्ले। तर सु अन्तिम दिनसम्म स्थिर ङुले होचे न मुक्ति डुप्ले।
बीह्रीमसेच सङ्कष्टओ समयो बारेयाङ
(मत्ती २४:१५-२८; लूका २१:२०-२४)
14 “नाखुरीकै नाश जाट्च झीर्न सेच कुराकी कुला मालेकी पर्च होला न टोङ्छ डाङ्ले।” (परेस्चये बुझडीस्ख्यो।) “होडीक बेला यहूदियाङ लेचको पहाड पट्टी भोग्डीस्ख्यो।#१३:१४ अपवित्र कुराकै परमेश्वरौ मन्दिरकी मास्च खासाक्ले, होसबाटै भर्मीको परमेश्वरकी प्रशंसा जाट्की नुङ्की माह्योक्ख्यो। #दानिएल ९:२७; ११:३१; १२:११ 15इम बाहिर लेच भर्मीको सामानको लाकी इम भित्री मापर्न न बाहिर लकीङ न भोग्डीस्ख्यो।#१३:१५ होसे बेला इस्राएल देशुङ इमकोवाङ फोकी युच धुरी मालेचसम्म पर्च छाना लेया। भर्मीको म्हुङ बाट्की डेम होला ङुच जाट्न्नया। 16ह्याङ लेचको लहो बढीन लाकी ल्हेसार इमाङ मानुङ्ख्यो। 17तर होडीक बेला गर्भवती र दुध गाच बालक मीकुह्वाङ लेच मोइकुङ कुडीक बिजोक छान्ने औला! 18होसे कुराको जुङ्छ बेलाङ माछान्ख्यो डेयार प्रार्थना जाट्नी। 19हीजैडेनाङ होसे दिनाङ याङ्च महासङ्कष्टको आइपर्न राल्हे की परमेश्वरै जाट्च सृष्टियो सुरुलकीङ चाहाँसम्म न त छान्नने, न त फेरि सेन र छान्ने। 20परमेश्वरै होसे सङ्कष्टओ दिनको माघट्डीम याछ लेनाङ च सुर भर्मी जीवाकी माह्योक्च लेया। तर होसकै चुन्डीचकुङ लागि होसे दिनको घट्डीम याम्हने।
21 “र होडीक बेला सुयेर नाखुरीककी ‘ङोस्नी, मुक्ति याछ ख्रीष्ट इला ले’ वा ‘होसको होला ले’, डेया डेनाङ नाखुरीकै होसे कुराकी विश्वास माजाट्की। 22हीजैडेनाङ झूटो ख्रीष्टको र झूटो अगमवक्ताको ख्योम्ह राल्हे। अनि परमेश्वरै चुन्डीचकोलाक ढाट्डीकी डेम ह्योक्ठर होखुरीकै चिन्हको र अचम्मौ कामको जाट्ले। 23तर नाखुरीक चहिँ होशियार छानार ङुनी। सेनी, ङै नाखुरीककी पट्ट न कुराको अघि लकीङ न डेम याम्हने।”
येशू फेरि राल्हे
(मत्ती २४:२९-३१; लूका २१:२५-२८)
24 “तर होसे दिनाङ महासङ्कष्ट न्हुइङ नाखान छुम्ह छान्ने र ग्याहोटै ट्याङ्छ माह्याले। 25टुगाको सर्घा लकीङ झाल्ले र सर्घाङ लेच शक्तिको होयोले। 26अनि होडीक बेला भर्मीकै भर्मीयो मीजाकी शक्ति र महिमाखाटा डेबुवाङ राम्हन लेच डाङ्ले। 27अनि होसकै स्वर्गदूतकोलाक बीर्न्हकाले र पृथ्वी र सर्घौ अन्तसम्म पट्ट ठाउँ लकीङ लहे चुन्डीचकोलाक भेला जाट्ले।”
अञ्जीरौ म्यार्टुङ लकीङ शिक्षा
(मत्ती २४:३२-३५; लूका २१:२९-३३)
28येशूये डेया, “अञ्जीरौ म्यार्टुङ लकीङ शिक्षा पान्ही। जब इच्यौ हाँगाको लकीङ टुसा राहार म्हेर्ले तब खान्छ समय खेरेप राहा डेयार नाखुरीककी थाहा छान्ने। 29इटजाट्न न नाखुरीकै र इसे कुराको छान्चै जाट्च डाङ्ले तब भर्मीयो मीजा खेरेप टाह्रामने डेम वार्न्ही। 30साँच्ची न ङा नाखुरीककी डेले, इसे पट्ट न कुरा पूरा माछान्ठर इसे पुस्ता माबीतडीस्ले। 31सर्घा र पृथ्वी बीतडीसार नुङ्ले तर ङौ वचन सेन र माबीतडीस्ले।
चङ्ख छान्की डेच शिक्षा
(मत्ती २४:३६-४४; लूका १२:३८,४०)
32 “तर होसे दिन र बेला सेन राल्हे डेच बारेयाङ परमेश्वर बोइकी बाहेक सुकीर थाहा माले। न त मीजाकी न त स्वर्गदूतकोलाक न थाहा ले। 33होटबाटै होशियार छानार ङुनी हीजैडेनाङ होसे दिन सेन राल्हे, नाखुरीककी थाहा माछान्ने।
34 “इसे च मालिकै लहो नोकरकोलाक इमुङ पट्ट न काम जाट्की डेयार जिम्मा याहा र पाल्याकी चङ्ख छानार ङोस्की डेम अह्रडीयार परदेश नुङ्च लेखा न हो। 35होटबाटै नाखुरीक र चङ्ख छानार ङुनी हीजैडेनाङ इमौ मालिक कुसबेला राल्हे, नाखुरीककी थाहा माछान्ने। होसे नाबीलाङ, की आधा राताङ, की गोये राक्च बेलाङ, की गोराक नाखान फेर्च बेलाङ, कुडीक बेला राल्हे नाखुरीककी थाहा माछान्ने। 36होसे मोसोमायाङ रान्हाङ होचे नाखुरीककी मीस्न ङुच माडुप्ख्यो। 37ही ङै नाखुरीककी डेमने होसे ङा पट्टकी डेले र चङ्ख छान्न ङुनी।”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.