लूका 4
4
येशूओ परीक्षा
(मत्ती ४:१-११; मर्कूस १:१२-१३)
1बप्तिस्मा लामभ्याच न्हुइङ येशू पवित्र आत्मै न्हेपार यर्दन नदी लकीङ ल्हेसा। होटै पवित्र आत्मै होसकोकी उजाड-ठाँवाङ आल्हा। 2होला शैतानै येशूकी चालीस याकसम्म परीक्षा जाटा होटै पापाङ पार्की पा। चालीस याकसम्म येशूये हीर माज्या। होटबाटै होसकोकी साप्फी मीटुक रन्छीया। 3होसे बेला न शैतानै येशूकी डेया, “नाको परमेश्वरौ मीजा हो डेनाङ इसे ल्हुङ्की आज्ञा जाट्नी र होसे रोटो छान्ख्यो” 4येशूये होसकी जवाफ याहा, “धर्मशास्त्राङ इट डेम रीक्ङने, ‘भर्मी रोटोये मट्टै माजीवाले।’”#व्यवस्था ८:३
5होटै शैतानै येशूकी घाङ्च ठावाङ आल्हार संसारौ पट्ट राज्यकोलाक काचुटीयाङ टान्हाक्चै इट डेया, 6“ङा इसे पट्ट न अधिकार र इच्यौ गौरव नाकोकी याल्हे इसे पट्ट न ङाकी याम्हने र ङा सुकी याखी मीमन जाट्ले होसकी न याल्हे। 7नाकै झोरा डेनाङ नाकोकी इसे पट्ट न याल्हे।” 8होटै येशूये शैतानकी डेया, “धर्मशास्त्राङ रीक्ङने, ‘नीये लहो परमेश्वरकी मट्टै झोरो र होसकुङ मट्टै सेवा जाट्की।’”#व्यवस्था ६:१४
9शैतानै येशूकी यरूशलेमाङ आल्हार परमेश्वरौ मन्दिरौ मीचुटाङ टाहाका र डेया, “नाको परमेश्वरौ मीजा हो डेनाङ इटै म्हाका फाल ङाप्नी। 10हीजैडेनाङ धर्मशास्त्राङ रीक्ङने,
‘नाकोकी हेरचाह जाट्की परमेश्वरै स्वर्गदूतकोलाक अह्रडीले,
11नाकुङ मीहील ल्हुङाङ माठोक्ख्यो डेम,
होखुरीकै नाकोकी मीहुट-मीहुटाङ न ढान्ने।’”#भजनसंग्रह ९१:११-१२
12येशूये शैतानकी डेया, “धर्मशास्त्राङ रीक्ङने, ‘नीये परमप्रभु लहो परमेश्वरकी परीक्षा माजाटो।’”#व्यवस्था ६:१६ 13शैतानै येशूकी पट्ट परीक्षा जाट्रखीङ अनुकुल समय माछान्ठर होसकोकी डासार ह्वा।
गालीलाङ येशूओ काम सुरु
(मत्ती ४:१२-१७; मर्कूस १:१४-१५)
14होटै येशू पवित्र आत्मौ शक्तिये गालीलाङ ल्हेस्न राहा, र होसकुङ बारेयाङ वार्लाक-पार्लाकुङ पट्ट न देशाङ सेछ कुरा फैलडीस्चै नुङा। 15येशूये यहूदीकुङ सभा ङुच इमकोवाङ नुङार शिक्षा याखी ठाला र पट्ट भर्मीकै होसकुङ प्रशंसा जाटा।
नासरताङ भर्मीकुङ अविश्वास
(मत्ती १३:५३-५८; मर्कूस ६:१-६)
16येशू मेखोल्हा होर्च सहर नासरताङ टाह्रा, सधैँ लेखा न होसको म्हुङ बाट्चनीक सभा ङुच इमाङ नुङार धर्मशास्त्र परेस्की डेम सोवा। 17येशूकी यशैया अगमवक्तै रीक्च किताब परेस्की डेम याहा। होसकै किताब खोलीयार इट डेयार रीक्च खण्डकी परेसा,
18 “परमप्रभुओ आत्मा ङा मीटाक ले।
हीजैडेनाङ गरीब कोलाक सेछ समाचार सेटाक्की डेम होसकै ङाकी अभिषेक जाट्नने।
बन्धनाङ लेच कोलाक पीसाक्की र
मीमीक माडाङ्चकोलाक डाङ्च खास्की,
थिचोमिचोवाङ पर्च कोलाक स्वतन्त्र जाट्कीयो लागि,
19 र परमप्रभुओ प्रसन्नतौ वर्ष घोषणा जाट्कीयो निम्ति होसकै ङाकी बीर्न्हकामने।” #
यशैया ६१:१-२
20होसकै ङाक्ङ भ्याच न्हुइङ किताबकी बन्द जाटार ल्हेट्न याहा र ङुवा। होटै होला सेच वास्टै भर्मीकै येशूकी छक्क पर्यार ङोस्न ङुवा। 21होटै होसकै होखुरीककी डेया, “छीनी धर्मशास्त्राङ रीक्च इसे पट्ट न वचन नाखुरीकै सेनाङ-सेनाङ न ओल्न्ह भ्यामने।”
22पट्ट न भर्मीकै येशूओ प्रशंसा जाटा। होसकै डेच कुरा सेयार होखुरीक छक्क पर्चै मेखुरीक-मेखुरीक न कुरा जाट्चै इट डेया, “होसको च योसेफौ मीजा होइन र?” 23होसकै होखुरीककी डेया, “पक्का र नाखुरीकै ङाकी इसे न उखान डेले औला, ‘ए वैद्य!#४:२३ वैद्य: उसा जाट्च भर्मी लाहाकी न गेपाक्नी।’ नाखुरीकै ङाकी कफर्नहुमाङ जाट्नाङ लेखा लहो लाङ्घाङ सेन र थाहा माढीन्छ काम जाट्नी डेले औला।” 24होटै होसकै कुरा टुह्राक्चै डेया, “साँच्ची न ङा नाखुरीककी डेले, कुसेर अगमवक्ता कोलाक लहो लाङ्घा र लहो न इमुङ भर्मीकै चहिँ आदर माजाट्ले।
25 “ङा नाखुरीककी अर्को काट कुरा र डेले, एलियो पालाङ साढे सोम वर्षसम्म नामास माह्रा होटै पट्ट देशाङ बाड्को अनिकाल पर्या। होडीक बेला इस्राएलाङ वास्टै विधवाको लेया। 26तर सीदोन देशुङ सारपत डेच लाङ्घुङ विधवा लेठाङ मट्टै परमेश्वरै एलियाकी बीर्न्हका तर अरु सु लेठाङ र बीर्न्हमाका। 27होटजाट्न न एलीशा अगमवक्ता लेच बेलाङ इस्राएलाङ वास्टै कुष्ठरोगीको लेया। तर होखुरीक मध्याङ सिरिया देशुङ नामान डेच भर्मीकी बाहेक अरु सुकीर मागेपाका।”
28येशूये डेच इसे कुरा सेयार, यहूदीकुङ सभा ङुच इमाङ लेच पट्ट न भर्मीको मीरीसै चुर छाना। 29होटै होखुरीक जाराक-जुरुक सोवार येशूकी आर्ढुस्चै सहर लकीङ बाहिर छ्युका। होसे भर्मीकै खास्च सहर घाङ्च डाँडाङ लेया होटै येशूकी आल्हार होसे डाँडौ मीचुटीङ झालाक्की पा। 30तर होसको होखुरीकुङ मीघीङ ख्योहार नुङा।
दुष्टआत्मा लग्डीस्च भर्मी गेप्च
(मर्कूस १:२१-२८)
31होटै येशू गालीलौ काट सहर कफर्नहुम डेठाङ राहा। होला होसकै म्हुङ बाट्चनीक भर्मीकोलाक शिक्षा याम्हन लेया। 32येशूये पाहाक्च शिक्षा सेयार होला लेच भर्मीको छक्क पर्या, हीजैडेनाङ होसकै अधिकारखाटा पाहाक्न्या।
33यहूदीकुङ सभा ङुच इमाङ दुष्टआत्मा लग्डीस्च काट भर्मी लेया। होचे बाड्को स्वरै च्याकार डेया, 34“ए नासरतुङ येशू, नाकुङ कानखाटा ही काम? ही नाको कानकी नाश जाट्की डेम राछ? ङाकी थाहा ले नाको परमेश्वरै बीर्न्हकाच पवित्र भर्मी हो।” 35इसे कुरा सेयार येशूये होसे दुष्टआत्माकी हक्कारीयार डेया, “माच्याको र इसे भर्मी लकीङ ख्योहार नुङ्ना।” होसे भर्मीकी पट्टौ म्याहासाङ कुरुकार दुष्टआत्मा ख्योहार नुङा। तर भर्मीकी चहिँ हीयाङ र चोट मापर्या।
36पट्ट न भर्मी छक्क पर्यार कुरा जाट्की ठाला, “इसे भर्मीये ङाक्च बोलीयाङ कुङ्च अधिकार र शक्ति लेसा? होसकै च्याक्नाङ दुष्टआत्माको र ख्योहार ह्वाले!” 37इसे कुरा होसे इलाकुङ पट्ट न ठावाङ फैलडीसा।
येशूये वास्टै भर्मीकोलाक गेपाक्च
(मत्ती ८:१४-१७; मर्कूस १:२९-३४)
38येशू यहूदीकुङ सभा ङुच इमीङ ख्योहार सिमोनौ इमाङ नुङा। होडीक बेला सिमोनौ गुमा साप्फी ज्वरो राहार थला पर्न ङुमन्या। भर्मीकै, “इसकी गेपाक्ङ यान्ही” डेम येशूकी बिन्ती जाटा। 39होटै येशू सिमोनौ गुमा खेरेप टोङ्हार ज्वरोकी हक्कारीया र होडीक बेला न ज्वरै डास्की क्योटा र तुरुन्तै सोवार होचे होखुरीककी ज्यामा-गामा खासार याहा।
40होटै नाखान कीम्खी पानाङ भर्मीकै अरु खाल-खालुङ छाचकोलाक येशू लेठाङ राका। र येशूये होखुरीक मीटाक मीहुट डाम पट्टकी गेपाका। 41होला लेच वास्टै भर्मीको लकीङ दुष्टआत्माको च्याक्चै, इट डेचै ख्योहा, “नाको परमेश्वरौ मीजा हो।” तर येशूये होसे दुष्टआत्माकोलाक हक्कारीयार ङाक्की माह्या। हीजैडेनाङ होखुरीकै होसको मुक्ति याछ ख्रीष्ट हो डेम चीन्डीमन्या।
येशूये प्रचार जाट्च
(मर्कूस १:३५-३९)
42होटै गोराक ट्याङ्छ बित्तिकै येशू सुर मालेच ठावाङ नुङा। तर भर्मीको होसकोकी पाचै नुङार होसकोकी डुप्रखीङ इट डेया, “कानकी डासार मानुङ्नी” डेम रोकडीकी पा। 43तर येशूये होखुरीककी डेया, “ङै परमेश्वरौ राज्यौ सेछ समाचार वास्टै भर्मीकोलाक ठाउँ-ठावाङ नुङार सेटाक्की न पर्ले। हीजैडेनाङ ङाकी इसे न काम जाट्की डेम बीर्न्हकाच हो।” 44इटजाट्न होसकै पट्ट न यहूदिया डेच ठाउङ सभा ङुच इम-इमाङ नुङार प्रचार जाट्की ठाला।
Currently Selected:
लूका 4: EMGP
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.
लूका 4
4
येशूओ परीक्षा
(मत्ती ४:१-११; मर्कूस १:१२-१३)
1बप्तिस्मा लामभ्याच न्हुइङ येशू पवित्र आत्मै न्हेपार यर्दन नदी लकीङ ल्हेसा। होटै पवित्र आत्मै होसकोकी उजाड-ठाँवाङ आल्हा। 2होला शैतानै येशूकी चालीस याकसम्म परीक्षा जाटा होटै पापाङ पार्की पा। चालीस याकसम्म येशूये हीर माज्या। होटबाटै होसकोकी साप्फी मीटुक रन्छीया। 3होसे बेला न शैतानै येशूकी डेया, “नाको परमेश्वरौ मीजा हो डेनाङ इसे ल्हुङ्की आज्ञा जाट्नी र होसे रोटो छान्ख्यो” 4येशूये होसकी जवाफ याहा, “धर्मशास्त्राङ इट डेम रीक्ङने, ‘भर्मी रोटोये मट्टै माजीवाले।’”#व्यवस्था ८:३
5होटै शैतानै येशूकी घाङ्च ठावाङ आल्हार संसारौ पट्ट राज्यकोलाक काचुटीयाङ टान्हाक्चै इट डेया, 6“ङा इसे पट्ट न अधिकार र इच्यौ गौरव नाकोकी याल्हे इसे पट्ट न ङाकी याम्हने र ङा सुकी याखी मीमन जाट्ले होसकी न याल्हे। 7नाकै झोरा डेनाङ नाकोकी इसे पट्ट न याल्हे।” 8होटै येशूये शैतानकी डेया, “धर्मशास्त्राङ रीक्ङने, ‘नीये लहो परमेश्वरकी मट्टै झोरो र होसकुङ मट्टै सेवा जाट्की।’”#व्यवस्था ६:१४
9शैतानै येशूकी यरूशलेमाङ आल्हार परमेश्वरौ मन्दिरौ मीचुटाङ टाहाका र डेया, “नाको परमेश्वरौ मीजा हो डेनाङ इटै म्हाका फाल ङाप्नी। 10हीजैडेनाङ धर्मशास्त्राङ रीक्ङने,
‘नाकोकी हेरचाह जाट्की परमेश्वरै स्वर्गदूतकोलाक अह्रडीले,
11नाकुङ मीहील ल्हुङाङ माठोक्ख्यो डेम,
होखुरीकै नाकोकी मीहुट-मीहुटाङ न ढान्ने।’”#भजनसंग्रह ९१:११-१२
12येशूये शैतानकी डेया, “धर्मशास्त्राङ रीक्ङने, ‘नीये परमप्रभु लहो परमेश्वरकी परीक्षा माजाटो।’”#व्यवस्था ६:१६ 13शैतानै येशूकी पट्ट परीक्षा जाट्रखीङ अनुकुल समय माछान्ठर होसकोकी डासार ह्वा।
गालीलाङ येशूओ काम सुरु
(मत्ती ४:१२-१७; मर्कूस १:१४-१५)
14होटै येशू पवित्र आत्मौ शक्तिये गालीलाङ ल्हेस्न राहा, र होसकुङ बारेयाङ वार्लाक-पार्लाकुङ पट्ट न देशाङ सेछ कुरा फैलडीस्चै नुङा। 15येशूये यहूदीकुङ सभा ङुच इमकोवाङ नुङार शिक्षा याखी ठाला र पट्ट भर्मीकै होसकुङ प्रशंसा जाटा।
नासरताङ भर्मीकुङ अविश्वास
(मत्ती १३:५३-५८; मर्कूस ६:१-६)
16येशू मेखोल्हा होर्च सहर नासरताङ टाह्रा, सधैँ लेखा न होसको म्हुङ बाट्चनीक सभा ङुच इमाङ नुङार धर्मशास्त्र परेस्की डेम सोवा। 17येशूकी यशैया अगमवक्तै रीक्च किताब परेस्की डेम याहा। होसकै किताब खोलीयार इट डेयार रीक्च खण्डकी परेसा,
18 “परमप्रभुओ आत्मा ङा मीटाक ले।
हीजैडेनाङ गरीब कोलाक सेछ समाचार सेटाक्की डेम होसकै ङाकी अभिषेक जाट्नने।
बन्धनाङ लेच कोलाक पीसाक्की र
मीमीक माडाङ्चकोलाक डाङ्च खास्की,
थिचोमिचोवाङ पर्च कोलाक स्वतन्त्र जाट्कीयो लागि,
19 र परमप्रभुओ प्रसन्नतौ वर्ष घोषणा जाट्कीयो निम्ति होसकै ङाकी बीर्न्हकामने।” #
यशैया ६१:१-२
20होसकै ङाक्ङ भ्याच न्हुइङ किताबकी बन्द जाटार ल्हेट्न याहा र ङुवा। होटै होला सेच वास्टै भर्मीकै येशूकी छक्क पर्यार ङोस्न ङुवा। 21होटै होसकै होखुरीककी डेया, “छीनी धर्मशास्त्राङ रीक्च इसे पट्ट न वचन नाखुरीकै सेनाङ-सेनाङ न ओल्न्ह भ्यामने।”
22पट्ट न भर्मीकै येशूओ प्रशंसा जाटा। होसकै डेच कुरा सेयार होखुरीक छक्क पर्चै मेखुरीक-मेखुरीक न कुरा जाट्चै इट डेया, “होसको च योसेफौ मीजा होइन र?” 23होसकै होखुरीककी डेया, “पक्का र नाखुरीकै ङाकी इसे न उखान डेले औला, ‘ए वैद्य!#४:२३ वैद्य: उसा जाट्च भर्मी लाहाकी न गेपाक्नी।’ नाखुरीकै ङाकी कफर्नहुमाङ जाट्नाङ लेखा लहो लाङ्घाङ सेन र थाहा माढीन्छ काम जाट्नी डेले औला।” 24होटै होसकै कुरा टुह्राक्चै डेया, “साँच्ची न ङा नाखुरीककी डेले, कुसेर अगमवक्ता कोलाक लहो लाङ्घा र लहो न इमुङ भर्मीकै चहिँ आदर माजाट्ले।
25 “ङा नाखुरीककी अर्को काट कुरा र डेले, एलियो पालाङ साढे सोम वर्षसम्म नामास माह्रा होटै पट्ट देशाङ बाड्को अनिकाल पर्या। होडीक बेला इस्राएलाङ वास्टै विधवाको लेया। 26तर सीदोन देशुङ सारपत डेच लाङ्घुङ विधवा लेठाङ मट्टै परमेश्वरै एलियाकी बीर्न्हका तर अरु सु लेठाङ र बीर्न्हमाका। 27होटजाट्न न एलीशा अगमवक्ता लेच बेलाङ इस्राएलाङ वास्टै कुष्ठरोगीको लेया। तर होखुरीक मध्याङ सिरिया देशुङ नामान डेच भर्मीकी बाहेक अरु सुकीर मागेपाका।”
28येशूये डेच इसे कुरा सेयार, यहूदीकुङ सभा ङुच इमाङ लेच पट्ट न भर्मीको मीरीसै चुर छाना। 29होटै होखुरीक जाराक-जुरुक सोवार येशूकी आर्ढुस्चै सहर लकीङ बाहिर छ्युका। होसे भर्मीकै खास्च सहर घाङ्च डाँडाङ लेया होटै येशूकी आल्हार होसे डाँडौ मीचुटीङ झालाक्की पा। 30तर होसको होखुरीकुङ मीघीङ ख्योहार नुङा।
दुष्टआत्मा लग्डीस्च भर्मी गेप्च
(मर्कूस १:२१-२८)
31होटै येशू गालीलौ काट सहर कफर्नहुम डेठाङ राहा। होला होसकै म्हुङ बाट्चनीक भर्मीकोलाक शिक्षा याम्हन लेया। 32येशूये पाहाक्च शिक्षा सेयार होला लेच भर्मीको छक्क पर्या, हीजैडेनाङ होसकै अधिकारखाटा पाहाक्न्या।
33यहूदीकुङ सभा ङुच इमाङ दुष्टआत्मा लग्डीस्च काट भर्मी लेया। होचे बाड्को स्वरै च्याकार डेया, 34“ए नासरतुङ येशू, नाकुङ कानखाटा ही काम? ही नाको कानकी नाश जाट्की डेम राछ? ङाकी थाहा ले नाको परमेश्वरै बीर्न्हकाच पवित्र भर्मी हो।” 35इसे कुरा सेयार येशूये होसे दुष्टआत्माकी हक्कारीयार डेया, “माच्याको र इसे भर्मी लकीङ ख्योहार नुङ्ना।” होसे भर्मीकी पट्टौ म्याहासाङ कुरुकार दुष्टआत्मा ख्योहार नुङा। तर भर्मीकी चहिँ हीयाङ र चोट मापर्या।
36पट्ट न भर्मी छक्क पर्यार कुरा जाट्की ठाला, “इसे भर्मीये ङाक्च बोलीयाङ कुङ्च अधिकार र शक्ति लेसा? होसकै च्याक्नाङ दुष्टआत्माको र ख्योहार ह्वाले!” 37इसे कुरा होसे इलाकुङ पट्ट न ठावाङ फैलडीसा।
येशूये वास्टै भर्मीकोलाक गेपाक्च
(मत्ती ८:१४-१७; मर्कूस १:२९-३४)
38येशू यहूदीकुङ सभा ङुच इमीङ ख्योहार सिमोनौ इमाङ नुङा। होडीक बेला सिमोनौ गुमा साप्फी ज्वरो राहार थला पर्न ङुमन्या। भर्मीकै, “इसकी गेपाक्ङ यान्ही” डेम येशूकी बिन्ती जाटा। 39होटै येशू सिमोनौ गुमा खेरेप टोङ्हार ज्वरोकी हक्कारीया र होडीक बेला न ज्वरै डास्की क्योटा र तुरुन्तै सोवार होचे होखुरीककी ज्यामा-गामा खासार याहा।
40होटै नाखान कीम्खी पानाङ भर्मीकै अरु खाल-खालुङ छाचकोलाक येशू लेठाङ राका। र येशूये होखुरीक मीटाक मीहुट डाम पट्टकी गेपाका। 41होला लेच वास्टै भर्मीको लकीङ दुष्टआत्माको च्याक्चै, इट डेचै ख्योहा, “नाको परमेश्वरौ मीजा हो।” तर येशूये होसे दुष्टआत्माकोलाक हक्कारीयार ङाक्की माह्या। हीजैडेनाङ होखुरीकै होसको मुक्ति याछ ख्रीष्ट हो डेम चीन्डीमन्या।
येशूये प्रचार जाट्च
(मर्कूस १:३५-३९)
42होटै गोराक ट्याङ्छ बित्तिकै येशू सुर मालेच ठावाङ नुङा। तर भर्मीको होसकोकी पाचै नुङार होसकोकी डुप्रखीङ इट डेया, “कानकी डासार मानुङ्नी” डेम रोकडीकी पा। 43तर येशूये होखुरीककी डेया, “ङै परमेश्वरौ राज्यौ सेछ समाचार वास्टै भर्मीकोलाक ठाउँ-ठावाङ नुङार सेटाक्की न पर्ले। हीजैडेनाङ ङाकी इसे न काम जाट्की डेम बीर्न्हकाच हो।” 44इटजाट्न होसकै पट्ट न यहूदिया डेच ठाउङ सभा ङुच इम-इमाङ नुङार प्रचार जाट्की ठाला।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2025 by Mother Tongue Translators Society and Wycliffe Bible Translators, Inc.