মথি 4
4
প্রভু যীশুরে পাপত্ ফেলেবার চেট্ট্যা
(মার্ক ১:১২-১৩; লূক ৪:১-১৩)
1ইয়েনর্ পরেদি পবিত্র আত্মাগানে যীশুরে ধূল্যেচর-চাগালাত্ নেযেল যেনে শদানে যীশুরে লুভ্ দেগেইনে পাপত্ ফেলেবার চেট্ট্যা গুরি পারে। 2সিধু তে চল্লিশ দিন আর চল্লিশ রেত্ উবোস্ থানার পরেদি যীশুর পেট্ পুরের্। 3সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”
4যীশু জোবত্ কলঅ, “পবিত্র বোইয়োত্ লেগা আঘে,
মানুচ্ বানা রুটিলোই ন-বাজন্,
মাত্তর্ গোজেনর্ পত্তি মুয়ো কধালোই বাজন্।”
5সেক্কে শদান্নো যীশুরে পবিত্র শঅর্ যিরূশালেমত্ নেযেল আর উবোসনা-ঘর মাঢা উগুরে তারে থিয়্যেই রাগেইনে কলঅ, 6“তুই যুনি গোজেনর্ পুয়ো অচ্ সালে ঝাম্ দিইনে তলেদি পড়্, কিয়া পবিত্র বোইবোত্ লেঘা আঘে,
গোজেনে তা দূত্তুনোরে তঅ পৌইদ্যেনে উগুম দিবো;
তারা তরে আঢ্তোই ধুরি ফেলেবাক্
যেনে তঅ টেঙত্ পাত্তর আঘাত্ ন লাগে।”
7যীশু শদান্নোরে কলঅ, “আরঅ এ কধাগান্অ লেগা আঘে,
তর্ প্রভু গোজেনরে তুই জগা চেবাত্তে ন-যেচ্।”
8পরেদি শদানে আরঅ তারে খুব অজল্ এক্কো মুড়োত্ নেযেল আর জগদর্ বেক্ রেজ্যগানি আর সিয়েনর্ সয়-সাগোজ্যে দেগেইনে কলঅ, 9“তুই যুনি মাদিত্ পড়িনে মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি মুই তরে দিম্।”
10সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে,
তুই তর্ প্রভু গোজেনরে ভোক্তি গুরিবে,
বানা তারে সেবা গুরিবে।”
11সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।
প্রভু যীশুর কামর্ আরাম্ভ
(মার্ক ১:১৪-১৫; লূক ৪:১৪-১৫)
12-13পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ। 14ইয়েনি অলঅ যেনে ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পরিপূরোণ অয়:
15সবূলূন আর নপ্তালি চাগালা, সাগর ইন্দি,
যর্দনর অন্য পারর্ আর অযিহূদীগুনোর গালীলোর
16যে মানুচ্চুনে আন্ধারত্ বজত্তি গরন,
তারা বোউত্ পহ্র দেগিবাক্।
যিগুনে ঘুর্গুজ্যে আন্ধার দেজত্ বজত্তি গরন,
তারা ইধু পহ্র ফগদাং অবঅ।
17সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”
শিচ্চ্য-অনা
(মার্ক ১:১৬-২০; লূক ৫:১-১১)
18যীশু গালীল সাগর পার ইন্দি যেবার্ অক্তত্ শিমোন, যিবেরে পিতর কুয়ো অয় আর তার ভেই আন্দ্রিয়রে দেগিলো। তারা সাগরত্ জাল্ ফেলেয়োন, কিয়া তারা জাল্যে এলাক্। 19যীশু তারারে কলঅ, “মঅ সমারে এজঅ, মুই তমারে মানুচ্-ধরা জাল্যে বানেম্।” 20সেক্কে তারা জালানি থোইনে যীশু সমারে গেলাক্।
21সিয়েনত্তুন্ উজেই যেইনে তে যাকোব আর যোহন নাঙে অন্য দ্বিভেইয়োরে দেগিলো। তারা সিবদিয়র পুয়ো এলাক্। তারা বাপ্পো সিবদিয় সমারে নঅগানত্ বজিনে তারা জালানি তুনোদন্। যীশু সেই দ্বিভেইয়োরেয়ো ডাগিলো। 22তারা সেক্কে তারার্ নঅগান্ আর বাব্পোরে ফেলেইনে যীশু সমারে গেলাক্।
ভালোক্ জনে গম্ অলাক্
(লূক ৬:১৭-১৯)
23গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো। 24গোদা সিরিয়া দেজত্ তা কধা ছিদি পড়িলো। যিদুক্কুন মান্জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো। 25গালীল, দিকাপলি, যিরূশালেম, যিহূদিয়া আর যর্দনর অন্য পারত্তুন্ বোউত্ মানুচ্ যীশুর পিজে পিজে যাহ্ ধুরিলাক্।
Currently Selected:
মথি 4: CBT
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society
মথি 4
4
প্রভু যীশুরে পাপত্ ফেলেবার চেট্ট্যা
(মার্ক ১:১২-১৩; লূক ৪:১-১৩)
1ইয়েনর্ পরেদি পবিত্র আত্মাগানে যীশুরে ধূল্যেচর-চাগালাত্ নেযেল যেনে শদানে যীশুরে লুভ্ দেগেইনে পাপত্ ফেলেবার চেট্ট্যা গুরি পারে। 2সিধু তে চল্লিশ দিন আর চল্লিশ রেত্ উবোস্ থানার পরেদি যীশুর পেট্ পুরের্। 3সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”
4যীশু জোবত্ কলঅ, “পবিত্র বোইয়োত্ লেগা আঘে,
মানুচ্ বানা রুটিলোই ন-বাজন্,
মাত্তর্ গোজেনর্ পত্তি মুয়ো কধালোই বাজন্।”
5সেক্কে শদান্নো যীশুরে পবিত্র শঅর্ যিরূশালেমত্ নেযেল আর উবোসনা-ঘর মাঢা উগুরে তারে থিয়্যেই রাগেইনে কলঅ, 6“তুই যুনি গোজেনর্ পুয়ো অচ্ সালে ঝাম্ দিইনে তলেদি পড়্, কিয়া পবিত্র বোইবোত্ লেঘা আঘে,
গোজেনে তা দূত্তুনোরে তঅ পৌইদ্যেনে উগুম দিবো;
তারা তরে আঢ্তোই ধুরি ফেলেবাক্
যেনে তঅ টেঙত্ পাত্তর আঘাত্ ন লাগে।”
7যীশু শদান্নোরে কলঅ, “আরঅ এ কধাগান্অ লেগা আঘে,
তর্ প্রভু গোজেনরে তুই জগা চেবাত্তে ন-যেচ্।”
8পরেদি শদানে আরঅ তারে খুব অজল্ এক্কো মুড়োত্ নেযেল আর জগদর্ বেক্ রেজ্যগানি আর সিয়েনর্ সয়-সাগোজ্যে দেগেইনে কলঅ, 9“তুই যুনি মাদিত্ পড়িনে মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি মুই তরে দিম্।”
10সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে,
তুই তর্ প্রভু গোজেনরে ভোক্তি গুরিবে,
বানা তারে সেবা গুরিবে।”
11সেক্কে শদান্নো তারে ফেলেই গেলগোই, আর স্বর্গদূত্তুনে এইনে তার্ সেবা যত্তন্ গরা ধুরিলাক্।
প্রভু যীশুর কামর্ আরাম্ভ
(মার্ক ১:১৪-১৫; লূক ৪:১৪-১৫)
12-13পরেদি যীশু শুনিলো যোহনরে জেলখানাত্ বন্দী গুরি রাগা ওইয়্যে। সেক্কে তে গালীলোত্ গেলগোই আর নাসরত্ আদামান্ ফেলেইনে সবূলূন আর নপ্তালি চাগালা ভিদিরে সাগর পারর্ কফরনাহূম শঅরত্ যেইনে রলঅ। 14ইয়েনি অলঅ যেনে ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পরিপূরোণ অয়:
15সবূলূন আর নপ্তালি চাগালা, সাগর ইন্দি,
যর্দনর অন্য পারর্ আর অযিহূদীগুনোর গালীলোর
16যে মানুচ্চুনে আন্ধারত্ বজত্তি গরন,
তারা বোউত্ পহ্র দেগিবাক্।
যিগুনে ঘুর্গুজ্যে আন্ধার দেজত্ বজত্তি গরন,
তারা ইধু পহ্র ফগদাং অবঅ।
17সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”
শিচ্চ্য-অনা
(মার্ক ১:১৬-২০; লূক ৫:১-১১)
18যীশু গালীল সাগর পার ইন্দি যেবার্ অক্তত্ শিমোন, যিবেরে পিতর কুয়ো অয় আর তার ভেই আন্দ্রিয়রে দেগিলো। তারা সাগরত্ জাল্ ফেলেয়োন, কিয়া তারা জাল্যে এলাক্। 19যীশু তারারে কলঅ, “মঅ সমারে এজঅ, মুই তমারে মানুচ্-ধরা জাল্যে বানেম্।” 20সেক্কে তারা জালানি থোইনে যীশু সমারে গেলাক্।
21সিয়েনত্তুন্ উজেই যেইনে তে যাকোব আর যোহন নাঙে অন্য দ্বিভেইয়োরে দেগিলো। তারা সিবদিয়র পুয়ো এলাক্। তারা বাপ্পো সিবদিয় সমারে নঅগানত্ বজিনে তারা জালানি তুনোদন্। যীশু সেই দ্বিভেইয়োরেয়ো ডাগিলো। 22তারা সেক্কে তারার্ নঅগান্ আর বাব্পোরে ফেলেইনে যীশু সমারে গেলাক্।
ভালোক্ জনে গম্ অলাক্
(লূক ৬:১৭-১৯)
23গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো। 24গোদা সিরিয়া দেজত্ তা কধা ছিদি পড়িলো। যিদুক্কুন মান্জ্যে নানান্ বাবোত্যে পীড়েত্ আর অমকদ যন্ত্রনাত্ দুঘ্ পাদন্, যিগুনোরে ভান্ন্যেই আত্মায় ধোজ্যে আর যিগুনে মির্গি আর অবস্ রুগোত্ ভুগোদন, মানুচ্চুনে তারারে যীশু ইধু আনিলাক্। তে তারারে বেক্কুনোরে গম্ গুরিলো। 25গালীল, দিকাপলি, যিরূশালেম, যিহূদিয়া আর যর্দনর অন্য পারত্তুন্ বোউত্ মানুচ্ যীশুর পিজে পিজে যাহ্ ধুরিলাক্।
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2021 Bangladesh Bible Society