যাত্রা 34
34
নূয়ো পাত্তর-ফলক্
1ইয়েন পরেদি লগেপ্রভু মোশিরে কলঅ, “তুই পত্তম্ পাত্তর-ফলক্কো ধোক্ক্যেন আরঅ দ্বিবে পাত্তর আরুগ্ বানেই নেযা। তর্ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ সিয়েনি মুই আরঅ এই নূয়ো আরুগ্ দ্বিবে উগুরে লিগি দিম্। 2বেন্যেমাদান্ যুক্কোল্ ওইনে তুই সিনাই মুড়োবোত্ উদিবে। সিদু মুড়োবো মাদাত্ তুই মঅ মুজুঙোত্ আঝিল্ অবে। 3কনজনে যেনে তঅ লগে ন-থান্ বা মুড়োবোর্ কনজাগাত্ যেনে কাররে দেগা ন-যায়; এমন্ কি, মুড়োবো মুজুঙেয়ো যেনে কনঅ গরু, ছাগল বা ভেড়া ঘাস হেবাত্তে ন-এজন্।”
4মোশি সেক্কে পত্তম্ পাত্তর-ফলক্কো ধোক্ক্যেন আরঅ দ্বিবে পাত্তর-আরুগ্ বানেই নেযেল আর লগেপ্রভুর উগুম্ মজিম্ বেন্যেপোত্যে সিনাই মুড়োবোত্ উদিলো। সেই দ্বিবে পাত্তর আরুগ্ তে আঢত্ গুরি নেযেল। 5লগেপ্রভু মেঘ ভিদিরেত্তুন্ লামি এইনে মোশি কায়-কুরে ঠিয়্যেল আর তার্ “লগেপ্রভু” নাঙান্ ফগদাঙ্ গুরিলো। 6তে মোশি মুজুঙেন্দি এ কধাগান্ ফগদাঙ্ গুরি গুরি গেলঅ, “লগেপ্রভু, লগেপ্রভু, তে মেয়্যেলোই ভরা আর দোয়্যের্ গোজেন। তে সহজে বেজার্ ন-অয়। তার্ অমকদ কোচ্পানা আর বিশ্বেজর্ দুযি নেই। 7তার্ অমকদ কোচ্পানা আজার্ আজার্ বংশ ধুরিনে থেবঅ। তে অন্যেয়, উল্লোমি আর পাপ্ ক্ষেমা গরে, মাত্তর্ দুষীগুনোরে সাজা-দে। তে বাবর্ অন্যেয়র্ সাজা তার্ বংশর্ তিন্নো-চের্বো বংশধর্ সং দি থায়।”
8-9এ কধাগান শুনিনে মোশি সেক্কে মাদিত্ মাদা নিগিরিনে তারে ভোক্তি জানেইনে কলঅ, “ও প্রভু, মঅ উগুরে যুনি তর্ দোয়্যে থায়্ সালে তুই আমা লগে আদিচ্। যুনিয়ো এ মানুচ্চুনে একবুচ্চ্যে তো তুই আমার্ ভান্ন্যেইয়ানি আর পাপ্পানি ক্ষেমা গুরিনে তর্ নিজোর্ বিলি আমারে মানি লঅ।”
10ইয়েনর্ জোবত্ লগেপ্রভু কলঅ, মুই এক্কান্ সুদোম থিদেবর্ গোজ্যং। তর্ বেক্ মানুচ্চুনো মুজুঙোত্ মুই এমন্ আমক্ অবার্ কাম্ গুরিম্ যিয়েনি এর্ আগেন্দি পিত্থিমীত্ কনঅ জাদর্ মুজুঙোত্ গরা ন-অয়। যে মানুচ্চুনো ভিদিরে তুই বজত্তি গরর্ তারা দেগিবাক্, মুই লগেপ্রভু তমাত্তে যে কামানি গুরিবাত্তে যাঙর্ সিয়েনি মানুচ্চুনোর মনত্ কদক্ দর্ আর ভোক্তি জাগেই দে। 11এচ্চ্যে মুই তমারে যে উগুমানি দিম্ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্ ধাবেই দিম্। 12উজিয়ার্! যে দেজত্ তুমি যর্ সেই দেজর্ মানুচ্চুনো লগে তুমি কনঅ চুক্তি ন-গুরিবা; সিয়েন্ গুরিলে তারা তমা ভিদিরে এক্কো ফাল্ ওইনে থেবাক্। 13তুমি তারার্ ডালিপূজোগুন্ ভাঙি ফেলেবা, তারার্ পূজোর্ পাত্তরুন্ কট্টা কট্টা গুরি ফেলেবা আর তারার্ পূজোর্ আশেরা-খুদোগুন্ কাবি ফেলেবা। 14তুমি কনঅ দেবেদার্ উবোসনা ন-গুরিবা, কিত্তে লগেপ্রভুর্ নাঙান্ অলঅ পাইদে ভোক্তি পেবার্ আওজি গোজেন; তে তার্ পাইদে ভোক্তিগানি চায়্।
15যিগুনে সেই দেজত্ বজত্তি গত্তন্ তারা লগে কনঅ চুক্তি ন-গুরিবা, কিত্তে তারা যেক্কে ভান্ন্যেই মনভাব্পোই তারার্ দেবেদা পূজোত্ নিজোরে তুলি দিবাক্ আর সিগুনোর্ নাঙে য়েমান্ ডালি দিবাক্ সেক্কে তারা তমারে বাত্যেবাক্ আর তুমি তারার্ ডালি দিয়্যে য়েরানি হেবা। 16ইয়েনিবাদে তুমি তারার্ ঝিগুনো সমারে যেক্কে তমার্ পূঅগুনোরে মেলা গুরি দিবা সেক্কে সেই বেক্ মিলেগুনে ভান্ন্যেই মনভাব্পোই তারার্ দেব-দেবেদা পূজোত্ নিজোরে তুলি দিবাক্ আর তমার পূঅগুনোরেয়ো সেক্কে টানি নেযেবাক্।
17তুমি ধাতুলোই কনঅ মূত্তি ন-বানেবা।
18তুমি সদাছাড়া পিদের্ পরপ্পো পালেবা। মুই তমারে যেধোক্ক্যেন উগুম্ দুয়োং সেধোক্ক্যেন গুরি তুমি সাত দিন সং সদাছাড়া পিদে হেবা। আবীব মাজর্ ঠিগ্ সময়োত্ তুমি এই পরপ্পো পালন্ গুরিবা, কিত্তে সেই মাজত্ তুমি মিসর্ দেজত্তুন্ নিগিলি এচ্চো।
19“পেদঅ ভিদিরে পত্তি পত্তম মরদ পূঅগুন মর্। এমন্ কি, তমার বেক্ য়েমানপালুনোর্ পত্তি চেলা ছগুনো মর্।” 20মাত্তর্ গাধার্ পত্তম চেলা ছবোর্ বদলে এক্কো ভেড়াছাগল ছঅ দিইনে গাধা ছবোরে ছাড়েই নেযেবা। সেই ছবোরে যুনি ছাড়েই নেযা ন-যায়্ সালে তার্ গত্তনাবো ভাঙি দিয়্যে পুরিবো। তমার পত্তি পত্তম পূঅবোরেয়ো ছাড়েই নেযা পুরিবো।
“পরবর্ অক্তত্ কনজনে যেনে খালি আত্তোই মইদু ন-এজন্।” 21“সাপ্তায়্ ছয়দিন তুমি কাম্ গুরিবা মাত্তর্ সাত্ দিনোত্ জিরেবা। এমন্ কি, চাষ গুরিবার্ আর ফসল কাবিবার্ অক্তত্অ সিয়েন্ গরা পুরিবো।” 22গম কাবানার্ অক্তত্ পত্তম কাপ্যে গমুন্দোই সাত সাপ্তার্ পরব্ পালন্ গুরিবা আর চাষ কামর শেজ মাস্চোত্ পালন্ গুরিবা ফসল থুবেবার্ পরব্। 23বজরে তিনবার্ তমার বেক্ মরত্তুনোত্তুন্ প্রভু লগেপ্রভুর্ মুজুঙোত্ আঝিল্ উয়ো পুরিবো। তেয়ই ইস্রায়েলীয়গুনোর গোজেন। 24দেজ ভিদিরে বেক্ জাদ্তুনোরে মুই তমা মুজুঙোত্তুন্ ধাবেই দিম্ আর তমার দেজর্ দুযিবো বাড়েই দিম্। বজরে তিনবার্ গুরি যেক্কে তুমি তমার্ গোজেন লগেপ্রভুর্ মুজুঙোত্ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্ ন-গুরিবাক্।
25“যেক্কে তুমি মর্ নাঙে য়েমানর্ লো উৎসর্ব গুরিবা সেক্কে সিয়েনর্ লগে যেন সদা দিয়্যে কনঅ কিজু উৎসর্ব গরা ন-অয়। উদ্ধোর-পরবর্ উৎসর্ব-গোজ্যে কনঅ কিজু বেন্যেমাদান্ সং যেনে পড়ি ন-থায়্।” 26তমা ক্ষেদত্তুন্ কাবি আন্যে পত্তম ফসলর্ বেগত্তুন্ গম ভাগ্কো তুমি তমার গোজেন লগেপ্রভুর্ ঘরত্ নেযেবা।
“ছাগল ছবোর্ য়েরাগান্ তার্ মাবো দুধতান্দোই ন-রানিবা।”
27সে পরেদি লগেপ্রভু মোশিরে কলঅ, “এই বেক্ কধানি তুই লিগি রাগা কিত্তে এই বেক্ কধা মজিম্ তর্ আর ইস্রায়েলীয়গুনোত্তে মুই মর্ সুদোমান্ থিদেবর্ গোজ্যং।”
28সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্ এলঅ। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্ আরুগ্ দ্বিবে উগুরে তার্ সুদোমর্ কধানি আরঅ লিগি দিলো, আর সিয়েনিই অলঅ সেই দশ্ছান্ উগুম্।
মোশির মুয়োন্ পহর্ অলঅ
29মোশি যেক্কে সাক্ষ্য-আরুগ্ দ্বিবে আঢত্ লোইনে সিনাই মুড়োবোত্তুন্ লামি এলঅ সেক্কে তে টার্ ন-পায়দ্যে যে, লগেপ্রভুর্ লগে কধা কনার্ কারনে তার্ মুয়োন্ জোল্জোল্যে পহর্ ওই উঠ্যে। 30হারোণ আর বেক্ ইস্রায়েলীয়গুনে মোশির্ এই জোল্জোল্যে পহর্ মুয়োন দেগিনে তাইদু যেবাত্তে দোরেলাক্। 31মাত্তর্ মোশি তারারে ডাগানার্ পরেদি হারোণ আর ইস্রায়েলীয়গুনোর্ মাই-মুরুব্বীগুনে তাইদু এলাক্। সেক্কে মোশি তারা লগে কধা কলঅ। 32ইয়েন পরেদি ইস্রায়েলীয়গুনে বেক্কুনে তাইদু এলাক্ আর তে সিনাই মুড়োবোত্ পেইয়্যে লগেপ্রভুর্ বেক্ উগুমানি তারারে জানেল।
33মোশি মানুচ্চুনো লগে কধা কনা থুম্ গুরিনে নিজো মুয়োন্ কাবড়্লোই ঢাগি দিলো। 34মাত্তর্ ইয়েন পরেদি যেক্কে তে লগেপ্রভু লগে কধা কবাত্তে তা মুজুঙোত্ যেদঅ সেক্কে তে তার্ মুয়োন উগুরে কাবড়ান্ সোরেই ফেলেদ। লগেপ্রভুর মুজুঙোত্তুন্ নিগিলি ন-এজানা সং তার্ মুয়োন্ খুল্যে থেদঅ। সিয়েনত্ তে যেদক্কানি উগুম্ পেদঅ সিয়েনত্তুন্ নিগিলি এইনে তে ইস্রায়েলীয়গুনোরে সিয়েনি জানেদ। 35মানুচ্চুনে দেগিদাক্, মোশির্ মুয়োন্ জোল্জোল্যে পহর্ ওই যেইয়্যে। মোশি আরঅ তার্ মুয়োন্ নাঢি দিদো আর লগেপ্রভুর্ লগে কধা কবাত্তে ন যানা সং তার্ মুয়োন্ নাঢি রাগেদ।
Currently Selected:
যাত্রা 34: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
যাত্রা 34
34
নূয়ো পাত্তর-ফলক্
1ইয়েন পরেদি লগেপ্রভু মোশিরে কলঅ, “তুই পত্তম্ পাত্তর-ফলক্কো ধোক্ক্যেন আরঅ দ্বিবে পাত্তর আরুগ্ বানেই নেযা। তর্ ভাঙি ফেলেয়্যে আরুগ্ দ্বিবে উগুরে যে কধানি লেগা এলঅ সিয়েনি মুই আরঅ এই নূয়ো আরুগ্ দ্বিবে উগুরে লিগি দিম্। 2বেন্যেমাদান্ যুক্কোল্ ওইনে তুই সিনাই মুড়োবোত্ উদিবে। সিদু মুড়োবো মাদাত্ তুই মঅ মুজুঙোত্ আঝিল্ অবে। 3কনজনে যেনে তঅ লগে ন-থান্ বা মুড়োবোর্ কনজাগাত্ যেনে কাররে দেগা ন-যায়; এমন্ কি, মুড়োবো মুজুঙেয়ো যেনে কনঅ গরু, ছাগল বা ভেড়া ঘাস হেবাত্তে ন-এজন্।”
4মোশি সেক্কে পত্তম্ পাত্তর-ফলক্কো ধোক্ক্যেন আরঅ দ্বিবে পাত্তর-আরুগ্ বানেই নেযেল আর লগেপ্রভুর উগুম্ মজিম্ বেন্যেপোত্যে সিনাই মুড়োবোত্ উদিলো। সেই দ্বিবে পাত্তর আরুগ্ তে আঢত্ গুরি নেযেল। 5লগেপ্রভু মেঘ ভিদিরেত্তুন্ লামি এইনে মোশি কায়-কুরে ঠিয়্যেল আর তার্ “লগেপ্রভু” নাঙান্ ফগদাঙ্ গুরিলো। 6তে মোশি মুজুঙেন্দি এ কধাগান্ ফগদাঙ্ গুরি গুরি গেলঅ, “লগেপ্রভু, লগেপ্রভু, তে মেয়্যেলোই ভরা আর দোয়্যের্ গোজেন। তে সহজে বেজার্ ন-অয়। তার্ অমকদ কোচ্পানা আর বিশ্বেজর্ দুযি নেই। 7তার্ অমকদ কোচ্পানা আজার্ আজার্ বংশ ধুরিনে থেবঅ। তে অন্যেয়, উল্লোমি আর পাপ্ ক্ষেমা গরে, মাত্তর্ দুষীগুনোরে সাজা-দে। তে বাবর্ অন্যেয়র্ সাজা তার্ বংশর্ তিন্নো-চের্বো বংশধর্ সং দি থায়।”
8-9এ কধাগান শুনিনে মোশি সেক্কে মাদিত্ মাদা নিগিরিনে তারে ভোক্তি জানেইনে কলঅ, “ও প্রভু, মঅ উগুরে যুনি তর্ দোয়্যে থায়্ সালে তুই আমা লগে আদিচ্। যুনিয়ো এ মানুচ্চুনে একবুচ্চ্যে তো তুই আমার্ ভান্ন্যেইয়ানি আর পাপ্পানি ক্ষেমা গুরিনে তর্ নিজোর্ বিলি আমারে মানি লঅ।”
10ইয়েনর্ জোবত্ লগেপ্রভু কলঅ, মুই এক্কান্ সুদোম থিদেবর্ গোজ্যং। তর্ বেক্ মানুচ্চুনো মুজুঙোত্ মুই এমন্ আমক্ অবার্ কাম্ গুরিম্ যিয়েনি এর্ আগেন্দি পিত্থিমীত্ কনঅ জাদর্ মুজুঙোত্ গরা ন-অয়। যে মানুচ্চুনো ভিদিরে তুই বজত্তি গরর্ তারা দেগিবাক্, মুই লগেপ্রভু তমাত্তে যে কামানি গুরিবাত্তে যাঙর্ সিয়েনি মানুচ্চুনোর মনত্ কদক্ দর্ আর ভোক্তি জাগেই দে। 11এচ্চ্যে মুই তমারে যে উগুমানি দিম্ সিয়েনি তুমি পালেবা। ইমোরীয়, কনানীয়, হিত্তীয়, পরিষীয়, হিব্বীয় আর যিবুষীয়গুনোরে মুই তমা মুজুঙোত্তুন্ ধাবেই দিম্। 12উজিয়ার্! যে দেজত্ তুমি যর্ সেই দেজর্ মানুচ্চুনো লগে তুমি কনঅ চুক্তি ন-গুরিবা; সিয়েন্ গুরিলে তারা তমা ভিদিরে এক্কো ফাল্ ওইনে থেবাক্। 13তুমি তারার্ ডালিপূজোগুন্ ভাঙি ফেলেবা, তারার্ পূজোর্ পাত্তরুন্ কট্টা কট্টা গুরি ফেলেবা আর তারার্ পূজোর্ আশেরা-খুদোগুন্ কাবি ফেলেবা। 14তুমি কনঅ দেবেদার্ উবোসনা ন-গুরিবা, কিত্তে লগেপ্রভুর্ নাঙান্ অলঅ পাইদে ভোক্তি পেবার্ আওজি গোজেন; তে তার্ পাইদে ভোক্তিগানি চায়্।
15যিগুনে সেই দেজত্ বজত্তি গত্তন্ তারা লগে কনঅ চুক্তি ন-গুরিবা, কিত্তে তারা যেক্কে ভান্ন্যেই মনভাব্পোই তারার্ দেবেদা পূজোত্ নিজোরে তুলি দিবাক্ আর সিগুনোর্ নাঙে য়েমান্ ডালি দিবাক্ সেক্কে তারা তমারে বাত্যেবাক্ আর তুমি তারার্ ডালি দিয়্যে য়েরানি হেবা। 16ইয়েনিবাদে তুমি তারার্ ঝিগুনো সমারে যেক্কে তমার্ পূঅগুনোরে মেলা গুরি দিবা সেক্কে সেই বেক্ মিলেগুনে ভান্ন্যেই মনভাব্পোই তারার্ দেব-দেবেদা পূজোত্ নিজোরে তুলি দিবাক্ আর তমার পূঅগুনোরেয়ো সেক্কে টানি নেযেবাক্।
17তুমি ধাতুলোই কনঅ মূত্তি ন-বানেবা।
18তুমি সদাছাড়া পিদের্ পরপ্পো পালেবা। মুই তমারে যেধোক্ক্যেন উগুম্ দুয়োং সেধোক্ক্যেন গুরি তুমি সাত দিন সং সদাছাড়া পিদে হেবা। আবীব মাজর্ ঠিগ্ সময়োত্ তুমি এই পরপ্পো পালন্ গুরিবা, কিত্তে সেই মাজত্ তুমি মিসর্ দেজত্তুন্ নিগিলি এচ্চো।
19“পেদঅ ভিদিরে পত্তি পত্তম মরদ পূঅগুন মর্। এমন্ কি, তমার বেক্ য়েমানপালুনোর্ পত্তি চেলা ছগুনো মর্।” 20মাত্তর্ গাধার্ পত্তম চেলা ছবোর্ বদলে এক্কো ভেড়াছাগল ছঅ দিইনে গাধা ছবোরে ছাড়েই নেযেবা। সেই ছবোরে যুনি ছাড়েই নেযা ন-যায়্ সালে তার্ গত্তনাবো ভাঙি দিয়্যে পুরিবো। তমার পত্তি পত্তম পূঅবোরেয়ো ছাড়েই নেযা পুরিবো।
“পরবর্ অক্তত্ কনজনে যেনে খালি আত্তোই মইদু ন-এজন্।” 21“সাপ্তায়্ ছয়দিন তুমি কাম্ গুরিবা মাত্তর্ সাত্ দিনোত্ জিরেবা। এমন্ কি, চাষ গুরিবার্ আর ফসল কাবিবার্ অক্তত্অ সিয়েন্ গরা পুরিবো।” 22গম কাবানার্ অক্তত্ পত্তম কাপ্যে গমুন্দোই সাত সাপ্তার্ পরব্ পালন্ গুরিবা আর চাষ কামর শেজ মাস্চোত্ পালন্ গুরিবা ফসল থুবেবার্ পরব্। 23বজরে তিনবার্ তমার বেক্ মরত্তুনোত্তুন্ প্রভু লগেপ্রভুর্ মুজুঙোত্ আঝিল্ উয়ো পুরিবো। তেয়ই ইস্রায়েলীয়গুনোর গোজেন। 24দেজ ভিদিরে বেক্ জাদ্তুনোরে মুই তমা মুজুঙোত্তুন্ ধাবেই দিম্ আর তমার দেজর্ দুযিবো বাড়েই দিম্। বজরে তিনবার্ গুরি যেক্কে তুমি তমার্ গোজেন লগেপ্রভুর্ মুজুঙোত্ আঝিল্ অবাত্তে যেবা সেক্কে কনজনে তমা জাগা-জোমিগানি উগুরে লুভ্ ন-গুরিবাক্।
25“যেক্কে তুমি মর্ নাঙে য়েমানর্ লো উৎসর্ব গুরিবা সেক্কে সিয়েনর্ লগে যেন সদা দিয়্যে কনঅ কিজু উৎসর্ব গরা ন-অয়। উদ্ধোর-পরবর্ উৎসর্ব-গোজ্যে কনঅ কিজু বেন্যেমাদান্ সং যেনে পড়ি ন-থায়্।” 26তমা ক্ষেদত্তুন্ কাবি আন্যে পত্তম ফসলর্ বেগত্তুন্ গম ভাগ্কো তুমি তমার গোজেন লগেপ্রভুর্ ঘরত্ নেযেবা।
“ছাগল ছবোর্ য়েরাগান্ তার্ মাবো দুধতান্দোই ন-রানিবা।”
27সে পরেদি লগেপ্রভু মোশিরে কলঅ, “এই বেক্ কধানি তুই লিগি রাগা কিত্তে এই বেক্ কধা মজিম্ তর্ আর ইস্রায়েলীয়গুনোত্তে মুই মর্ সুদোমান্ থিদেবর্ গোজ্যং।”
28সিনাই মুড়োবো উগুরে মোশি লগেপ্রভু ইদু চল্লিশ দিন আর চল্লিশ রেত্ এলঅ। এই সময়ো ভিদিরে তে কনঅ পিদে বা পানি ন-খায়। লগেপ্রভু সেই পাত্তরর্ আরুগ্ দ্বিবে উগুরে তার্ সুদোমর্ কধানি আরঅ লিগি দিলো, আর সিয়েনিই অলঅ সেই দশ্ছান্ উগুম্।
মোশির মুয়োন্ পহর্ অলঅ
29মোশি যেক্কে সাক্ষ্য-আরুগ্ দ্বিবে আঢত্ লোইনে সিনাই মুড়োবোত্তুন্ লামি এলঅ সেক্কে তে টার্ ন-পায়দ্যে যে, লগেপ্রভুর্ লগে কধা কনার্ কারনে তার্ মুয়োন্ জোল্জোল্যে পহর্ ওই উঠ্যে। 30হারোণ আর বেক্ ইস্রায়েলীয়গুনে মোশির্ এই জোল্জোল্যে পহর্ মুয়োন দেগিনে তাইদু যেবাত্তে দোরেলাক্। 31মাত্তর্ মোশি তারারে ডাগানার্ পরেদি হারোণ আর ইস্রায়েলীয়গুনোর্ মাই-মুরুব্বীগুনে তাইদু এলাক্। সেক্কে মোশি তারা লগে কধা কলঅ। 32ইয়েন পরেদি ইস্রায়েলীয়গুনে বেক্কুনে তাইদু এলাক্ আর তে সিনাই মুড়োবোত্ পেইয়্যে লগেপ্রভুর্ বেক্ উগুমানি তারারে জানেল।
33মোশি মানুচ্চুনো লগে কধা কনা থুম্ গুরিনে নিজো মুয়োন্ কাবড়্লোই ঢাগি দিলো। 34মাত্তর্ ইয়েন পরেদি যেক্কে তে লগেপ্রভু লগে কধা কবাত্তে তা মুজুঙোত্ যেদঅ সেক্কে তে তার্ মুয়োন উগুরে কাবড়ান্ সোরেই ফেলেদ। লগেপ্রভুর মুজুঙোত্তুন্ নিগিলি ন-এজানা সং তার্ মুয়োন্ খুল্যে থেদঅ। সিয়েনত্ তে যেদক্কানি উগুম্ পেদঅ সিয়েনত্তুন্ নিগিলি এইনে তে ইস্রায়েলীয়গুনোরে সিয়েনি জানেদ। 35মানুচ্চুনে দেগিদাক্, মোশির্ মুয়োন্ জোল্জোল্যে পহর্ ওই যেইয়্যে। মোশি আরঅ তার্ মুয়োন্ নাঢি দিদো আর লগেপ্রভুর্ লগে কধা কবাত্তে ন যানা সং তার্ মুয়োন্ নাঢি রাগেদ।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society