যাত্রা 27
27
পুজ্যে-উৎসর্বর্ পূজো
1বাব্লা তক্তালোই পাচ্ আত লাম্বা, পাচ্ আত্ পাদাজ্যে আর তিন আত্ উজু গুরি এক্কো চের্কুন্যে ডালিপূজো বানেবা। 2ডালিপূজোবো বানেবার্ অক্তত্ সিবের্ চের্ কোণার তক্তানি এমন্গুরি চাজি ফেলা পুরিবো যেনে চের্বো শিং ধোক্ক্যেন অয়। সেক্কে শিংসহ ডালিপূজোবো এক্কো গোট্টাল্ জিনিস অবঅ। পিদোল্লোই বেক্ ডালিপূজোবো বেড়েই দিবা। 3ডালিপূজোবোর্ ছেইয়ানি ফেলেবার্ পিলে আর কাদি, উৎসর্বর্ লো রাগেবার্ কদরা, য়েরা তুলিবার্ কাদা চামেচ্ আর আগুন্ রাগেবার্ পিলে বেক্কুন্ পিদোল্লোই বানা পুরিবো। 4পিদোল্লোই এক্কো কানা কানা পিলে, অত্তাৎ জাল ধোক্ক্যেন বানেবা। সিবের্ চের্ কোণাত্ চের্বো পিদলর্ হেবা লাগেবা। 5ডালিপূজোবোর্ চেরোকিত্তেত্তুন্ নিগিলি এচ্চ্যে তাগ্কো তলেদি এই কানা কানা পিলেবো রাগেবা। সিবে ডালিপূজোবোর্ তলেত্তুন্ ধুরি উগুরেন্দি সংমোধ্যে জাগানত্ থেবঅ। 6ডালি পূজোবোত্যে বাব্লা তক্তালোই দ্বিবে লুদিক্ বানা পুরিবো আর সেই লুদিক্ দ্বিবেরে পিদোল্লোই বেড়েই দিয়্যে পুরিবো। 7এই লুদিক্কুন্ হেবা ভিদিরেদি ভোরেই দিয়্যে পুরিবো। সেক্কে ডালিপূজোবো বুয়োই নেযেবার্ অক্তত্ লুদিক্কুন্ ডালিপূজোবোর্ দ্বিডাগেন্দি থেবাক্। 8ডালিপূজোবো তক্তালোই বানা পুরিবো আর সিবের্ ভিদিরেদিগান ফাঁক্ থেবঅ। এই মুড়োবো উগুরে তরে যেধোক্ক্যেন দেগা অলঅ ঠিগ্ সেধোক্ক্যেন গুরি তুই সিবে বানেবে।
থেবার-তাম্বুলানর্ উদোন্
9থেবার-তাম্বুলানর্ চেরোকিত্তেদি এক্কান উদোন্ থেবঅ। ইয়েনর্ দোগিণেদি অবঅ একশত আত্। সিন্দি থেবঅ পাগেয়্যে মসীনা সুদোলোই পর্দা। 10সেই পর্দাগানি ঠাঙেবাত্তে কুড়িবো খুদো থেবাক্। খুদোগুনোর্ তলে থেবাক্ এক্কো গুরি পিদোলর্ টেং-টগ্, আর খুদোগুনোর্ লগে লাগেয়ে থেবাক্ রূবোর্ হুক্ আর বানিবার-পাত। 11উদোনর্ উত্তোরেন্দিয়ো অবঅ একশত্ আত্। সিয়েনত্অ থেবঅ পর্দা, কুড়িবো খুদো, কুড়িবো পিদোলর্ টেঙ-টগ্ আর খুদোগুনোর্ লগে থেবাক্ রূবোর হুক্ আর বানিবার-পাত্।
12উদোনর্ পোজিমেদিগান অবঅ পঞ্চাশ্ আত্। সিয়েনত্অ কয়েক্কান্ পর্দা আর দোশ্ছুয়ো খুদো থেবাক্ আর খুদোগুনোর্ তলে থেবাক্ এক্কো গুরি টেঙ-টগ্। 13উদোনর্ পূগেন্দিগান অবঅ পঞ্চাশ্ আত্। 14-15সিদুগোর্ দোরানির্ দ্বিডাগেদি থেবঅ পনর আত্ গুরি কয়েক্কান্ লাম্বা পর্দা আর তিন্নো গুরি খুদো আর টেঙ-টগ্।
16“উদোনর্ দোরানত্তে চের্বো খুদো, চের্বো টেঙ-টগ্ আর কুড়ি আত লাম্বা এক্কান্ পর্দা থেবঅ। পর্দাগান্ অবঅ য়েল্, বিগুনি আর রাঙা রংয়র্ সুদো আর পাগেয়্যে মসীনা সুদোলোই এক্কান নক্শা গোজ্যে জিনিস।” 17উদোনর্ চেরোকিত্তে বেক্ খুদোগুনোত্ রূবোর্ হুক্ আর বানিবার-পাত্ আর পিদোলর্ টেঙ-টগ্ থেবাক্। 18উদোনান্ লাম্বান্দি অবদে একশত্ আত্ আর ডাগেন্দি পঞ্চাশ্ আত্। সিয়েনর্ চেরোকিত্তে পর্দাগানি পাচ্ আত্ গুরি উজু অবঅ আর সিয়েনি বানা পুড়িবোদে পাগেয়্যে মসীনা সুদোলোই, আর খুদোগুনোত্ থেবদে পিদোলর্ টেং-বদঙ্। 19থেবার-তাম্বুলানত্ যেদক্কানি পযাপিরা বেবহার্ গরা পুরিবো, সিয়েনি যে কামদই বেবহার্ গরা অদঅ সাৎ বেক্কানি পিদোল্লোই বানা পুরিবো। এমন্ কি, তাম্বুলানর্ আর উদোন পর্দার্ খুদোগুনো অবাক্ পিদোলর্।
চেরাগ্বদঙর্ তেল
20চেরাগ্বদঙত্ যেনে পহর্ জ্বালেই রাগা যায়্ সেনত্তে তুই ইস্রায়েলীয়গুনোরে উগুম্ দে যেনে তারা ছিঁজেয়ে জলপাইয়র্ খাটি তেল তইদু আনন্। 21এই মিলন-তাম্বুলর্ সাক্ষ্য-সুন্দুগো মুজুঙোত্ যে পর্দাগান্ থেবঅ সেই পর্দাগানর্ বারেদি হারোণ আর তার্ পূঅগুনে সাজোন্যেত্তুন্ ধুরি বেন্যেমাদান সং লগেপ্রভুর্ মুজুঙোত্ চেরাক্কুন্ দেগাশুনো গুরিবাক্। ইস্রায়েলীয়গুনে যেনে বংশর্ পর্ বংশ্ ধুরিনে আজল সুদোম্ ইজেবে ইয়েনি পালন গরন্।
Currently Selected:
যাত্রা 27: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
যাত্রা 27
27
পুজ্যে-উৎসর্বর্ পূজো
1বাব্লা তক্তালোই পাচ্ আত লাম্বা, পাচ্ আত্ পাদাজ্যে আর তিন আত্ উজু গুরি এক্কো চের্কুন্যে ডালিপূজো বানেবা। 2ডালিপূজোবো বানেবার্ অক্তত্ সিবের্ চের্ কোণার তক্তানি এমন্গুরি চাজি ফেলা পুরিবো যেনে চের্বো শিং ধোক্ক্যেন অয়। সেক্কে শিংসহ ডালিপূজোবো এক্কো গোট্টাল্ জিনিস অবঅ। পিদোল্লোই বেক্ ডালিপূজোবো বেড়েই দিবা। 3ডালিপূজোবোর্ ছেইয়ানি ফেলেবার্ পিলে আর কাদি, উৎসর্বর্ লো রাগেবার্ কদরা, য়েরা তুলিবার্ কাদা চামেচ্ আর আগুন্ রাগেবার্ পিলে বেক্কুন্ পিদোল্লোই বানা পুরিবো। 4পিদোল্লোই এক্কো কানা কানা পিলে, অত্তাৎ জাল ধোক্ক্যেন বানেবা। সিবের্ চের্ কোণাত্ চের্বো পিদলর্ হেবা লাগেবা। 5ডালিপূজোবোর্ চেরোকিত্তেত্তুন্ নিগিলি এচ্চ্যে তাগ্কো তলেদি এই কানা কানা পিলেবো রাগেবা। সিবে ডালিপূজোবোর্ তলেত্তুন্ ধুরি উগুরেন্দি সংমোধ্যে জাগানত্ থেবঅ। 6ডালি পূজোবোত্যে বাব্লা তক্তালোই দ্বিবে লুদিক্ বানা পুরিবো আর সেই লুদিক্ দ্বিবেরে পিদোল্লোই বেড়েই দিয়্যে পুরিবো। 7এই লুদিক্কুন্ হেবা ভিদিরেদি ভোরেই দিয়্যে পুরিবো। সেক্কে ডালিপূজোবো বুয়োই নেযেবার্ অক্তত্ লুদিক্কুন্ ডালিপূজোবোর্ দ্বিডাগেন্দি থেবাক্। 8ডালিপূজোবো তক্তালোই বানা পুরিবো আর সিবের্ ভিদিরেদিগান ফাঁক্ থেবঅ। এই মুড়োবো উগুরে তরে যেধোক্ক্যেন দেগা অলঅ ঠিগ্ সেধোক্ক্যেন গুরি তুই সিবে বানেবে।
থেবার-তাম্বুলানর্ উদোন্
9থেবার-তাম্বুলানর্ চেরোকিত্তেদি এক্কান উদোন্ থেবঅ। ইয়েনর্ দোগিণেদি অবঅ একশত আত্। সিন্দি থেবঅ পাগেয়্যে মসীনা সুদোলোই পর্দা। 10সেই পর্দাগানি ঠাঙেবাত্তে কুড়িবো খুদো থেবাক্। খুদোগুনোর্ তলে থেবাক্ এক্কো গুরি পিদোলর্ টেং-টগ্, আর খুদোগুনোর্ লগে লাগেয়ে থেবাক্ রূবোর্ হুক্ আর বানিবার-পাত। 11উদোনর্ উত্তোরেন্দিয়ো অবঅ একশত্ আত্। সিয়েনত্অ থেবঅ পর্দা, কুড়িবো খুদো, কুড়িবো পিদোলর্ টেঙ-টগ্ আর খুদোগুনোর্ লগে থেবাক্ রূবোর হুক্ আর বানিবার-পাত্।
12উদোনর্ পোজিমেদিগান অবঅ পঞ্চাশ্ আত্। সিয়েনত্অ কয়েক্কান্ পর্দা আর দোশ্ছুয়ো খুদো থেবাক্ আর খুদোগুনোর্ তলে থেবাক্ এক্কো গুরি টেঙ-টগ্। 13উদোনর্ পূগেন্দিগান অবঅ পঞ্চাশ্ আত্। 14-15সিদুগোর্ দোরানির্ দ্বিডাগেদি থেবঅ পনর আত্ গুরি কয়েক্কান্ লাম্বা পর্দা আর তিন্নো গুরি খুদো আর টেঙ-টগ্।
16“উদোনর্ দোরানত্তে চের্বো খুদো, চের্বো টেঙ-টগ্ আর কুড়ি আত লাম্বা এক্কান্ পর্দা থেবঅ। পর্দাগান্ অবঅ য়েল্, বিগুনি আর রাঙা রংয়র্ সুদো আর পাগেয়্যে মসীনা সুদোলোই এক্কান নক্শা গোজ্যে জিনিস।” 17উদোনর্ চেরোকিত্তে বেক্ খুদোগুনোত্ রূবোর্ হুক্ আর বানিবার-পাত্ আর পিদোলর্ টেঙ-টগ্ থেবাক্। 18উদোনান্ লাম্বান্দি অবদে একশত্ আত্ আর ডাগেন্দি পঞ্চাশ্ আত্। সিয়েনর্ চেরোকিত্তে পর্দাগানি পাচ্ আত্ গুরি উজু অবঅ আর সিয়েনি বানা পুড়িবোদে পাগেয়্যে মসীনা সুদোলোই, আর খুদোগুনোত্ থেবদে পিদোলর্ টেং-বদঙ্। 19থেবার-তাম্বুলানত্ যেদক্কানি পযাপিরা বেবহার্ গরা পুরিবো, সিয়েনি যে কামদই বেবহার্ গরা অদঅ সাৎ বেক্কানি পিদোল্লোই বানা পুরিবো। এমন্ কি, তাম্বুলানর্ আর উদোন পর্দার্ খুদোগুনো অবাক্ পিদোলর্।
চেরাগ্বদঙর্ তেল
20চেরাগ্বদঙত্ যেনে পহর্ জ্বালেই রাগা যায়্ সেনত্তে তুই ইস্রায়েলীয়গুনোরে উগুম্ দে যেনে তারা ছিঁজেয়ে জলপাইয়র্ খাটি তেল তইদু আনন্। 21এই মিলন-তাম্বুলর্ সাক্ষ্য-সুন্দুগো মুজুঙোত্ যে পর্দাগান্ থেবঅ সেই পর্দাগানর্ বারেদি হারোণ আর তার্ পূঅগুনে সাজোন্যেত্তুন্ ধুরি বেন্যেমাদান সং লগেপ্রভুর্ মুজুঙোত্ চেরাক্কুন্ দেগাশুনো গুরিবাক্। ইস্রায়েলীয়গুনে যেনে বংশর্ পর্ বংশ্ ধুরিনে আজল সুদোম্ ইজেবে ইয়েনি পালন গরন্।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society