প্রেরিত্ 10
10
সেনাপতি কর্ণীলিয়
1কৈসরিয়া শঅরত্ কর্ণীলিয় নাঙে এক্কো মানুচ্ ইটালীয় সৈন্যদলর্ সেনাপতি এলঅ। 2যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো। 3এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।
4কর্ণীলিয় দোরেইনে সেই স্বর্গদূত্তো ইন্দি রিনি চেইনে কলঅ, “কঅ, প্রভু।” 5ইক্কিনে তুই যাফো শঅরত্ মানুচ্ পাধা, আর শিমোন, যিবের্ আর এক্কান নাঙ্ পিতর, তারে ডাগি আন্। সাগর পারত্ আর এক্কো শিমোন থায়। 6তে চামড়্ কাম্ গরে। পিতরে সেই শিমোন ঘরত্ আঘে।
7যে স্বর্গদূত্তো কর্ণীলিয় সমারে কধা কোইয়্যে তে যানার্ পরেদি কর্ণীলিয় দ্বিজন চাগর আর এক্কো সাহায্য গুরিয়্যে সৈন্যরে ডাগিলো। এ সৈন্যবো গোজেন ভক্ত এলঅ। 8বেক্ কধানি বুঝেই কনার্ পরেদি কর্ণীলিয় তারারে যাফোদত্ পাধেই দিলো।
পিতরর্ দর্শন
9তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো। 10সেক্কে পিতরর্ অমকদ পেত্ পুরের্ আর তে কিজু হেবাত্তে চার্। যেক্কে হানা যুক্কোল্ অর্ সেক্কে পিতরে ঘুম যাত্তে ধোক্ক্যেন্ অবস্থাত্ এলঅ। 11সে অবস্থায় তে দেগিলো, আগাজ্চান খুলো যেইয়্যে আর দাঙর্ কাবড় ধোক্ক্যেন্ কনঅ এক্কান জিনিজরে চের্বো কণা ধুরিনে পিত্থিমীত লামেই দিয়্যে অর্। 12সেই কাবড়ান ভিদিরে আঘে নানান্ বাবোত্ত্যে য়েমান্, বুগ্কোই আঢি বেড়েইয়্যে প্রাণি আর পেগ্। 13সে পরেদি তে এক্কো রঅ শুনিলো কন্না যেন তারে কর্, “পিতর, উঠ্, মারিনে হা।”
14পিতরে কলঅ, “না, না, প্রভু, কনঅ বাবদে না। অপবিত্র বা অসিজি কনঅ কিজু মুই কনদিন্অ ন-হাং।”
15সেক্কে তে আরঅ শুনিলো, “গোজেনে যিয়েন সিজি গোজ্জ্যে সিয়েনরে তুই অপবিত্র ন-কোচ্।” 16এবাবোত্যে তিনবার্ অনার্ পরেদি সেই কাবড়ান্ আগাজত্ তুলি নেযা অলঅ।
17যে দর্শন পিতরে পেইয়্যে সিয়েনর্ অত্ত কি ওই পারে সিয়েন তে সেক্কেয়ো চিন্তে গরের্; এমন্ সময় কর্ণীলিয়র্ পাধেয়্যে মানুচ্চুনে শিমোন ঘরান্ তোগেই পেইনে গেদো মুজুঙোত্ এইনে থিয়েলাক্। 18সে পরেদি তারা ডাগিনে পুযোর্ গুরিলাক্, “শিমোন, যিবেরে পিতর-অ কুয়ো অয়, তে কি ইধু থায়?”
19পিতরে সেক্কেয়ো দর্শনর্ কধা ভাবের্, এমন্ সময়োত্ পবিত্র আত্মাগানে তারে কলঅ, “চাহ্, তিনজন মান্জ্যে তরে তোগাদন্। 20উদিনে তলেদি যাহ্। কনঅ সন্দেহ ন-গুরিনে তারা সমারে যাহ্, কিয়া মুয়ই তারারে পাধেয়োং।”
21সেক্কে পিতরে লামি এইনে সেই মানুচ্চুনোরে কলঅ, “তুমি যিবেরে তগর্ মুয়ই সে মানুচ্চো। তুমি কিত্ত্যেই এচ্ছো?”
22সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্ আর তে গোজেনরে ভোক্তি গরে। বেক্ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।” 23সেক্কে পিতরে ঘরঅ ভিদিরে সেই মানুচ্চুনোরে ডাগি আনিলো আর তারার্ থেবার্ আহ্ হানা-দানার্ বেবস্থা গুরিলো।
কর্ণীলিয় ঘরত্ পিতরে
24তার্ কেল্যে তারা কৈসরিয়াত্ লুমিলাক্। সে অক্তত্ কর্ণীলিয় তার কুদুম্মো আর সমাজ্যেগুনোরে এগত্তর্ গুরিনে তারারে বাজ্জেই থেলঅ। 25পিতরে যেক্কে ঘরত্ সোমেল সেক্কে কর্ণীলিয় তা ইধু যেইনে তা ঠেংঅ উগুরে মাঢা নিগুরিনে গোজেনর্ সর্মান দিইনে তারে সালাম গুরিলো। 26মাত্তর্ পিতরে তারে তুলিনে কলঅ, “উদ্, মুই নিজেয়ো দঅ বানা এক্কো মানুচ্।”
27কর্ণীলিয় সমারে কধা কধে কধে পিতরে ভিদিরে যেইনে দেগিলো সিয়েনত্ বোউত্ মানুচ্ থুবেইয়োন্। 28সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়। 29সেনত্তে যেক্কে তুমি মরে ডাগিনে পাধেলা সেক্কে মুই কনঅ আবিত্তি ন-গুরিনে এচ্চ্যং। ইক্কিনে মুই পুযোর্ গরঙর্, তুমি কিত্ত্যেই মরে ডাগিনে পাধেয়ো?” 30সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্জোল্ল্যা কাবড় উজ্যে এক্কো মানুচ্ মঅ মুজুঙোত্ এইনে থিয়্যেইনে কলঅ, 31‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে। 32ইক্কিনে তুই যাফোদত্ মানুচ্ পাধা, আর শিমোন, যিবেরে পিতর-অ কুয়ো অয়, তারে ডাগি আন্। সাগর পারত্ যে শিমোনে থায় আর চামড়্ কাম্ গরে পিতরে তা ঘরত্ গর্বা ওইনে আঘে।’ 33সেনত্তে মুই সেক্কে তরে ডাগি আনিবাত্যে মানুচ্ পাধেলুং, আর তুমি এইনে গম্ ওইয়্যে। ইধু আমি বেক্কুনে ইক্কিনে গোজেন মুজুঙোত্ আঘিই। প্রভু তরে আমা ইধু যিয়েনি কবাত্তে উগুম দিয়্যে আমি সিয়েনি বেক্কানি শুনিবোং।”
34সেক্কে পিতরে কধে আরাম্ভ গুরিলো, ইক্কিনে মুই ঘেচ্চ্যেক্গুরি বুঝিলুং গোজেন চোগোত্ বেক্কুনে সং। 35পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়। 36গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়। 37মানুচ্চুনোর যে বাপ্তিষ্ম লনা উচিত্ যোহনে সে কধাগান ফগদাং গুরিবার পরেদি গালীলত্তুন্ ধুরি আরাম্ভ গুরিনে গোদা যিহূদীয়াত্ যিয়েন ঘোট্যে সিয়েন তুমি নিজে হবর্ পঅ। 38তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।
39“যিহূদীগুনো দেজত্ আর যিরূশালেমত্ তে যিয়েনি গোজ্যে আমি সিয়েনির সাক্ষী। মানুচ্চুনে তারে ক্রুশোত্ টাঙেইনে মারে ফেল্ল্যন্। 40মাত্তর্ গোজেনে তিন দিনোত্ তারে মরণত্তুন্ জেদা গুরি তুলিলো আর এমন্ গুরিলো যাতে মানুচ্চুনে তারে দেগন্। 41তো বেক্কুনে তারে ন-দেগন্, মাত্তর্ গোজেনে যে সাক্ষীগুনোরে আগেত্তুন্ ধুরি বেঈ থোইয়্যে সিগুনে তারে দেক্ক্যন্, অত্তাৎ তে মরণত্তুন্ জেদা ওই উদোনার পরেদি আমি যিগুনে তা সমারে হানা-দানা গোজ্জ্যেই আমিই তারে দেক্ক্যেই। 42তে আমারে উগুম দিয়্যে যেন আমি যিহূদীগুনো ইধু ফগদাং গুরিই আর সাক্ষি দিই যে, গোজেনে তারে জেদা গোজ্জ্যে আর মরাগুনোর্ বিচেরগুরিয়্যে ইজেবে বেঈ লোইয়্যে। 43বেক্ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”
44পিতরে সেক্কেয়ো কধা কর্, এমন সময়োত্ যিগুনে সে কধানি শুনোদন তারা বেক্কুনো উগুরে পবিত্র আত্মাগান্ এলঅ। 45যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্। 46তারা সিয়েন বুঝিলাক্ কিয়া এ অযিহূদীগুনোরে তারা নানান্ ভাষায় কধা কদে আর গোজেনরে বাঈনী গত্তে শুনিলাক্।
সেক্কে পিতরে কলঅ, 47“পানিত্ বাপ্তিষ্ম লদে কি এ মানুচ্চুনোরে কেঅ মানা গুরি পারে? তারা দঅ আমা ধোক্ক্যেন পবিত্র আত্মাগানরে পেয়োন্।” 48সেক্কে তে সেই মানুচ্চুনোরে যীশু খ্রীষ্টর্ নাঙে বাপ্তিষ্ম দিবাত্তে উগুম দিলো। পরেদি তারা পিতররে তারা ইধু কয়েক্ দিন থেবাত্তে কোজোলি গুরিলাক্।
Currently Selected:
প্রেরিত্ 10: CBT
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society
প্রেরিত্ 10
10
সেনাপতি কর্ণীলিয়
1কৈসরিয়া শঅরত্ কর্ণীলিয় নাঙে এক্কো মানুচ্ ইটালীয় সৈন্যদলর্ সেনাপতি এলঅ। 2যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো। 3এক দিন্ন্যে বেল্যেমাদান্ তিন্নো বাজদে তে এক্কান্ দর্শন পেলঅ। তে গমেদালে দেগিলোদে গোজেনর্ এক্কো দূত্ এইনে তারে ডাগের্, “কর্ণীলিয়”।
4কর্ণীলিয় দোরেইনে সেই স্বর্গদূত্তো ইন্দি রিনি চেইনে কলঅ, “কঅ, প্রভু।” 5ইক্কিনে তুই যাফো শঅরত্ মানুচ্ পাধা, আর শিমোন, যিবের্ আর এক্কান নাঙ্ পিতর, তারে ডাগি আন্। সাগর পারত্ আর এক্কো শিমোন থায়। 6তে চামড়্ কাম্ গরে। পিতরে সেই শিমোন ঘরত্ আঘে।
7যে স্বর্গদূত্তো কর্ণীলিয় সমারে কধা কোইয়্যে তে যানার্ পরেদি কর্ণীলিয় দ্বিজন চাগর আর এক্কো সাহায্য গুরিয়্যে সৈন্যরে ডাগিলো। এ সৈন্যবো গোজেন ভক্ত এলঅ। 8বেক্ কধানি বুঝেই কনার্ পরেদি কর্ণীলিয় তারারে যাফোদত্ পাধেই দিলো।
পিতরর্ দর্শন
9তার্ কেল্যে যেক্কে সেই মানুচ্চুনে যাফো শঅর ইন্দি এত্তন্ সেক্কে বেলান্ পেরায় দিবুজ্যে। পিতরে তবনা গুরিবাত্তে সেক্কে চালত্ উদিলো। 10সেক্কে পিতরর্ অমকদ পেত্ পুরের্ আর তে কিজু হেবাত্তে চার্। যেক্কে হানা যুক্কোল্ অর্ সেক্কে পিতরে ঘুম যাত্তে ধোক্ক্যেন্ অবস্থাত্ এলঅ। 11সে অবস্থায় তে দেগিলো, আগাজ্চান খুলো যেইয়্যে আর দাঙর্ কাবড় ধোক্ক্যেন্ কনঅ এক্কান জিনিজরে চের্বো কণা ধুরিনে পিত্থিমীত লামেই দিয়্যে অর্। 12সেই কাবড়ান ভিদিরে আঘে নানান্ বাবোত্ত্যে য়েমান্, বুগ্কোই আঢি বেড়েইয়্যে প্রাণি আর পেগ্। 13সে পরেদি তে এক্কো রঅ শুনিলো কন্না যেন তারে কর্, “পিতর, উঠ্, মারিনে হা।”
14পিতরে কলঅ, “না, না, প্রভু, কনঅ বাবদে না। অপবিত্র বা অসিজি কনঅ কিজু মুই কনদিন্অ ন-হাং।”
15সেক্কে তে আরঅ শুনিলো, “গোজেনে যিয়েন সিজি গোজ্জ্যে সিয়েনরে তুই অপবিত্র ন-কোচ্।” 16এবাবোত্যে তিনবার্ অনার্ পরেদি সেই কাবড়ান্ আগাজত্ তুলি নেযা অলঅ।
17যে দর্শন পিতরে পেইয়্যে সিয়েনর্ অত্ত কি ওই পারে সিয়েন তে সেক্কেয়ো চিন্তে গরের্; এমন্ সময় কর্ণীলিয়র্ পাধেয়্যে মানুচ্চুনে শিমোন ঘরান্ তোগেই পেইনে গেদো মুজুঙোত্ এইনে থিয়েলাক্। 18সে পরেদি তারা ডাগিনে পুযোর্ গুরিলাক্, “শিমোন, যিবেরে পিতর-অ কুয়ো অয়, তে কি ইধু থায়?”
19পিতরে সেক্কেয়ো দর্শনর্ কধা ভাবের্, এমন্ সময়োত্ পবিত্র আত্মাগানে তারে কলঅ, “চাহ্, তিনজন মান্জ্যে তরে তোগাদন্। 20উদিনে তলেদি যাহ্। কনঅ সন্দেহ ন-গুরিনে তারা সমারে যাহ্, কিয়া মুয়ই তারারে পাধেয়োং।”
21সেক্কে পিতরে লামি এইনে সেই মানুচ্চুনোরে কলঅ, “তুমি যিবেরে তগর্ মুয়ই সে মানুচ্চো। তুমি কিত্ত্যেই এচ্ছো?”
22সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্ আর তে গোজেনরে ভোক্তি গরে। বেক্ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।” 23সেক্কে পিতরে ঘরঅ ভিদিরে সেই মানুচ্চুনোরে ডাগি আনিলো আর তারার্ থেবার্ আহ্ হানা-দানার্ বেবস্থা গুরিলো।
কর্ণীলিয় ঘরত্ পিতরে
24তার্ কেল্যে তারা কৈসরিয়াত্ লুমিলাক্। সে অক্তত্ কর্ণীলিয় তার কুদুম্মো আর সমাজ্যেগুনোরে এগত্তর্ গুরিনে তারারে বাজ্জেই থেলঅ। 25পিতরে যেক্কে ঘরত্ সোমেল সেক্কে কর্ণীলিয় তা ইধু যেইনে তা ঠেংঅ উগুরে মাঢা নিগুরিনে গোজেনর্ সর্মান দিইনে তারে সালাম গুরিলো। 26মাত্তর্ পিতরে তারে তুলিনে কলঅ, “উদ্, মুই নিজেয়ো দঅ বানা এক্কো মানুচ্।”
27কর্ণীলিয় সমারে কধা কধে কধে পিতরে ভিদিরে যেইনে দেগিলো সিয়েনত্ বোউত্ মানুচ্ থুবেইয়োন্। 28সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়। 29সেনত্তে যেক্কে তুমি মরে ডাগিনে পাধেলা সেক্কে মুই কনঅ আবিত্তি ন-গুরিনে এচ্চ্যং। ইক্কিনে মুই পুযোর্ গরঙর্, তুমি কিত্ত্যেই মরে ডাগিনে পাধেয়ো?” 30সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্জোল্ল্যা কাবড় উজ্যে এক্কো মানুচ্ মঅ মুজুঙোত্ এইনে থিয়্যেইনে কলঅ, 31‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে। 32ইক্কিনে তুই যাফোদত্ মানুচ্ পাধা, আর শিমোন, যিবেরে পিতর-অ কুয়ো অয়, তারে ডাগি আন্। সাগর পারত্ যে শিমোনে থায় আর চামড়্ কাম্ গরে পিতরে তা ঘরত্ গর্বা ওইনে আঘে।’ 33সেনত্তে মুই সেক্কে তরে ডাগি আনিবাত্যে মানুচ্ পাধেলুং, আর তুমি এইনে গম্ ওইয়্যে। ইধু আমি বেক্কুনে ইক্কিনে গোজেন মুজুঙোত্ আঘিই। প্রভু তরে আমা ইধু যিয়েনি কবাত্তে উগুম দিয়্যে আমি সিয়েনি বেক্কানি শুনিবোং।”
34সেক্কে পিতরে কধে আরাম্ভ গুরিলো, ইক্কিনে মুই ঘেচ্চ্যেক্গুরি বুঝিলুং গোজেন চোগোত্ বেক্কুনে সং। 35পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়। 36গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়। 37মানুচ্চুনোর যে বাপ্তিষ্ম লনা উচিত্ যোহনে সে কধাগান ফগদাং গুরিবার পরেদি গালীলত্তুন্ ধুরি আরাম্ভ গুরিনে গোদা যিহূদীয়াত্ যিয়েন ঘোট্যে সিয়েন তুমি নিজে হবর্ পঅ। 38তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।
39“যিহূদীগুনো দেজত্ আর যিরূশালেমত্ তে যিয়েনি গোজ্যে আমি সিয়েনির সাক্ষী। মানুচ্চুনে তারে ক্রুশোত্ টাঙেইনে মারে ফেল্ল্যন্। 40মাত্তর্ গোজেনে তিন দিনোত্ তারে মরণত্তুন্ জেদা গুরি তুলিলো আর এমন্ গুরিলো যাতে মানুচ্চুনে তারে দেগন্। 41তো বেক্কুনে তারে ন-দেগন্, মাত্তর্ গোজেনে যে সাক্ষীগুনোরে আগেত্তুন্ ধুরি বেঈ থোইয়্যে সিগুনে তারে দেক্ক্যন্, অত্তাৎ তে মরণত্তুন্ জেদা ওই উদোনার পরেদি আমি যিগুনে তা সমারে হানা-দানা গোজ্জ্যেই আমিই তারে দেক্ক্যেই। 42তে আমারে উগুম দিয়্যে যেন আমি যিহূদীগুনো ইধু ফগদাং গুরিই আর সাক্ষি দিই যে, গোজেনে তারে জেদা গোজ্জ্যে আর মরাগুনোর্ বিচেরগুরিয়্যে ইজেবে বেঈ লোইয়্যে। 43বেক্ ভাববাদীগুনে তা পৌইদ্যেনে এ সাক্ষিগান দেদন্ যে, তা উগুরে যিগুনে বিশ্বেজ্ গরন্ তারা পত্তিজনে তা গুণান্দোই পাপর্ ক্ষেমা পান্।”
44পিতরে সেক্কেয়ো কধা কর্, এমন সময়োত্ যিগুনে সে কধানি শুনোদন তারা বেক্কুনো উগুরে পবিত্র আত্মাগান্ এলঅ। 45যে যিহূদী বিশ্বেজিগুনে পিতর সমারে এচ্চ্যন্ তারা অযিহূদীগুনো উগুরেয়ো পবিত্র আত্মাগানরে দান ইজেবে ঢালি দিয়্যে অলঅ দেগিনে আমক্ ওই গেলাক্। 46তারা সিয়েন বুঝিলাক্ কিয়া এ অযিহূদীগুনোরে তারা নানান্ ভাষায় কধা কদে আর গোজেনরে বাঈনী গত্তে শুনিলাক্।
সেক্কে পিতরে কলঅ, 47“পানিত্ বাপ্তিষ্ম লদে কি এ মানুচ্চুনোরে কেঅ মানা গুরি পারে? তারা দঅ আমা ধোক্ক্যেন পবিত্র আত্মাগানরে পেয়োন্।” 48সেক্কে তে সেই মানুচ্চুনোরে যীশু খ্রীষ্টর্ নাঙে বাপ্তিষ্ম দিবাত্তে উগুম দিলো। পরেদি তারা পিতররে তারা ইধু কয়েক্ দিন থেবাত্তে কোজোলি গুরিলাক্।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2021 Bangladesh Bible Society