Ghlɔɔmö a ‑nʋa 'Bɔgʋ nɩ 'mö a wɛlɩɩ
'Bɔgʋ nɩ 'mö a wɛlɩɩ
Pɔɔlʋ ‑ɔ 'cɛlɩɛ 'bɔgʋ nɩ‑ɩ, Zwiiföyiɛ. Zezwii yɛ ‑mä Lagɔ yɔwʋ mö 'wë, 'n ɔ yiɛ Pɔɔlʋ 'ylimö ghlɛ 'n ɔ yoo ɔ tietienyɔ 'wʋ 'zʋa, nzɩɩ, nɩkpaa ‑waaa Zwiiföwa glɩnɩɩ, ɔ 'kʋä 'Mänatɩtɩɩ 'nyɛ. 'Mänatɩtɩ 'la a biabialibho Zezwii 'nyɔɔ, ɔ 'kʋ ‑mä Ghlɔɔmö nʋä mö, nza ɔ 'cɛlɩɛ 'bɔgʋ nɩ.
Zezwii a ‑nʋa a ‑zɩkpaa ‑a ‑wʋä ‑mä Ghlɔɔmöö, a 'mö Zwiiföwaa ‑nyɛ ‑waaa Zwiiföwa glɩnɩ sɔ, 'mö ɔ 'pʋä 'wʋ. ‑Mä 'wʋ 'mö, wa 'wuë, 'mö ɔ nyɛɛ 'dɩ nɩɩ, 'nyinylolinʋwaa wa glɩnɩɛ. Zaa Lagɔ a 'yila 'klʋ a dɔ'wʋ, gbʋ wa kää ‑gömö.
‑Sɩbhä yɩ ‑wʋ 'mö ‑maa, Zezwii ‑ɔ 'kunɩɛ ‑lɛ suu 'klʋ, 'n wa ‑kɔɔ dlɩtɛɛnɩɩ, wa yɛ 'pʋ. Ɛ'ɛ ‑bhö nyɩasɛ, maa 'ɔ dlɩtɛɛnɩtɛnɛɛ, mɛɛ puëë. ‑Maa ɛ'ɛ ‑bhö Moyizɩ 'a Gböö a 'klʋkpamözʋzwɛɛ mɛ. ‑Sɩbhä a za, nɩkpaa 'wuë ‑wa 'tɛɛnɩɛ Zezwii Kliisɩ dlɩɩ, 'mözlɔnɩwa 'mö Lagɔ libhuä 'wʋ, 'n ɔ zuëë 'ɔ 'Wugɔmʋʋ ‑gömö. 'Wugɔmʋ 'la, mɔɔ kwänuëë, 'n wa nɛmöä nɩkpalili a sɛ.
Currently Selected:
Ghlɔɔmö a ‑nʋa 'Bɔgʋ nɩ 'mö a wɛlɩɩ: bet
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.