Romans 16
16
CHAPTIR SAXTEEN.
Salutations and weel‐wishins oʼ Paul.
1Forby, I commend tʼye Phebe oor sister, as bein ane that serʼs the kirk in Cenchrea,
2That ye may gie her a welcome iʼ the Lord, wordie oʼ saunts, and may uphaud her whaur she may hae need oʼ ye; for eʼen she hersel up?-?haudit mony, and me mysel.
3Salute #16:3 Tak tent hoo mony kind words and speirins he sends to sae mony folk in Rome. Thair maun hae been an unco deal oʼ flittin aboot, iʼ thae days: aiblins mair amang the Jews than the ithers. It is gude no to write onything anent onyane that isna oʼ love!ye Prisca and Aquila, my marrows in Christ Jesus;
4Wha for my life offerʼt their ain necks; to wham no only I gie praise, but aʼ the kirks oʼ the Gentiles.
5And salute the gaitherin iʼ their hoose. Salute Epanetus, my dear ane, wha is first frute oʼ the Province oʼ Achaia to Christ.
6Salute Mary, wha wrocht muckle for us.
7Salute Andronicus, and Junias, my kin, and my fellow‐captives, wha are notit amang the Apostles; wha indeed war in Christ suner than myselʼ.
8Salute Ampliatus, a dear ane in the Lord.
9Salute Urban, oor comrade in Christ, and Stachys my beloved.
10Salute Apelles, ane appruvʼd oʼ Christ. Salute thae oʼ Aristobulusʼ family.
11Salute Herodian, my kinsman. Salute thae oʼ the family oʼ Narcissus, that are in the Lord.
12Salute Tryphena and Tryphosa, wha toil in the Lord. Salute Persis, the weel‐loved ane, wha indeed toiled muckle in the Lord.
13Salute Rufus, chosen oʼ the Lord, and his (and my) mither.
14Salute Asyncritus, Phlegon, Hermes, Patrobas, Hermas, and the brethren wiʼ them.
15Salute Philologus and Julias, Nereus and his sister, and Olympas, and aʼ the saunts wiʼ them.
16Salute ane anither wiʼ a sacred kiss. Aʼ the kirks oʼ Christ salute you.
17But I entreat ye, brethren, to tak tent oʼ thae that mak the diveesions and offences, contrar to the lear ye war learned, and turn awa frae them.
18For sic as thir ser‐na our Lord Jesus Christ, but their ain wame; and, by their fleechin words and flatterin speeches, deceive simple aefauld hearts.
19For yere obedience has come to be kent oʼ aʼ; ower you, than, I rejoice; but I wad hae ye to be wyss to that whilk is gude, and innocent oʼ that whilk is ill.
20But the God oʼ peace sal ding Sautan aneath yere feet sune! The tender‐love oʼ oor Lord Jesus Christ be wʼye!
21Timothy, my marrow, salutes ye, and Lucius, and Jason, and Sosipater my kinsmen.
22I, Tertius, wha penned this Epistle, salute ye iʼ the Lord.
23Gaius, the enterteener oʼ mysel and oʼ the hail kirk, salutes ye. Erastus the City Treasurer salutes ye; and Quartus oor brither.
24The kindly love oʼ oor Lord Jesus Christ wiʼ ye aʼ! Amen!
25Noo to him wha has pooer to dar ye siccarlie staun, conform to my Joyfuʼ‐message, eʼen the preachin oʼ Jesus Christ, accordin to the revealin oʼ the mystery, in by‐gane ages keepit close,
26But is make kent e‐noo, throwe the prophecies oʼ the Scripturs, conform to the wull oʼ the everlastin God, until obedience oʼ faith, to aʼ the nations made plain,
27To the only wyss God, throwe Jesus Christ — to him be glory, for ever mair! Amen.
Currently Selected:
Romans 16: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
Romans 16
16
CHAPTIR SAXTEEN.
Salutations and weel‐wishins oʼ Paul.
1Forby, I commend tʼye Phebe oor sister, as bein ane that serʼs the kirk in Cenchrea,
2That ye may gie her a welcome iʼ the Lord, wordie oʼ saunts, and may uphaud her whaur she may hae need oʼ ye; for eʼen she hersel up?-?haudit mony, and me mysel.
3Salute #16:3 Tak tent hoo mony kind words and speirins he sends to sae mony folk in Rome. Thair maun hae been an unco deal oʼ flittin aboot, iʼ thae days: aiblins mair amang the Jews than the ithers. It is gude no to write onything anent onyane that isna oʼ love!ye Prisca and Aquila, my marrows in Christ Jesus;
4Wha for my life offerʼt their ain necks; to wham no only I gie praise, but aʼ the kirks oʼ the Gentiles.
5And salute the gaitherin iʼ their hoose. Salute Epanetus, my dear ane, wha is first frute oʼ the Province oʼ Achaia to Christ.
6Salute Mary, wha wrocht muckle for us.
7Salute Andronicus, and Junias, my kin, and my fellow‐captives, wha are notit amang the Apostles; wha indeed war in Christ suner than myselʼ.
8Salute Ampliatus, a dear ane in the Lord.
9Salute Urban, oor comrade in Christ, and Stachys my beloved.
10Salute Apelles, ane appruvʼd oʼ Christ. Salute thae oʼ Aristobulusʼ family.
11Salute Herodian, my kinsman. Salute thae oʼ the family oʼ Narcissus, that are in the Lord.
12Salute Tryphena and Tryphosa, wha toil in the Lord. Salute Persis, the weel‐loved ane, wha indeed toiled muckle in the Lord.
13Salute Rufus, chosen oʼ the Lord, and his (and my) mither.
14Salute Asyncritus, Phlegon, Hermes, Patrobas, Hermas, and the brethren wiʼ them.
15Salute Philologus and Julias, Nereus and his sister, and Olympas, and aʼ the saunts wiʼ them.
16Salute ane anither wiʼ a sacred kiss. Aʼ the kirks oʼ Christ salute you.
17But I entreat ye, brethren, to tak tent oʼ thae that mak the diveesions and offences, contrar to the lear ye war learned, and turn awa frae them.
18For sic as thir ser‐na our Lord Jesus Christ, but their ain wame; and, by their fleechin words and flatterin speeches, deceive simple aefauld hearts.
19For yere obedience has come to be kent oʼ aʼ; ower you, than, I rejoice; but I wad hae ye to be wyss to that whilk is gude, and innocent oʼ that whilk is ill.
20But the God oʼ peace sal ding Sautan aneath yere feet sune! The tender‐love oʼ oor Lord Jesus Christ be wʼye!
21Timothy, my marrow, salutes ye, and Lucius, and Jason, and Sosipater my kinsmen.
22I, Tertius, wha penned this Epistle, salute ye iʼ the Lord.
23Gaius, the enterteener oʼ mysel and oʼ the hail kirk, salutes ye. Erastus the City Treasurer salutes ye; and Quartus oor brither.
24The kindly love oʼ oor Lord Jesus Christ wiʼ ye aʼ! Amen!
25Noo to him wha has pooer to dar ye siccarlie staun, conform to my Joyfuʼ‐message, eʼen the preachin oʼ Jesus Christ, accordin to the revealin oʼ the mystery, in by‐gane ages keepit close,
26But is make kent e‐noo, throwe the prophecies oʼ the Scripturs, conform to the wull oʼ the everlastin God, until obedience oʼ faith, to aʼ the nations made plain,
27To the only wyss God, throwe Jesus Christ — to him be glory, for ever mair! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.