Philemon 1
1
CHAPTIR ANE.
Paul speaks weel oʼ Philemonʼs faith; and commends his servin‐man Onesimus.
1Paul, a prisoner oʼ Christ Jesus, and Timothy, oor brither, to Philemon, oor weel‐loʼed, and oor marrow,
2And to Apphia oor sister, and to Archippus oor sodger‐marrow, and to the Kirk in yere hoose —
3Tender‐love to ye, and peace, frae God oor Faither and the Lord Jesus Christ.
4I am gien thanks to my God, aye pittin ye iʼ my prayers:
5Hearin oʼ yere love and faith that ye hae to the Lord Jesus, and to aʼ the saunts,
6That the fellowship oʼ yere faith may be zealous in the schawin‐forth oʼ ilka gude thing in ye, until Christ.
7For mickle joy had I, and comfort, in yere love; for that the tender‐affections oʼ the saunts are refreshed by you, brither;
8And sae, — thoʼ unco bauldness oʼ speech I hae in Christ to press upon ye what is becomin —
9Yet I wad raither entreat: bein siccan a ane as Paul, in eild, but noo a prisoner oʼ Christ Jesus.
10I entreat you regairdin a bairn oʼ mine, wham I hae begotten iʼ my bonds, Onesimus;
11Him, at ae time oʼ nae profit to ye; but noo unco serviceable to you and me;
12Wham I send back tʼye; him, that is my ain tender‐affections!
13Wham I wad fain ettle wiʼ mysel to detain, that, in your behauf he micht do service to me, iʼ the bonds oʼ the Gude‐word.
14But, wantin word oʼ yere mind, naething was I willin to do; that no oʼ necessity, but oʼ free choice, yere gude soud be.
15For aiblins for siccan a cause he was pairtit wiʼ ye for a wee, that ye micht hae him back for aye:
16Nae mair as a servant, but aboon a servant, brither weel‐loʼed — vera specially to me, but hoo mickle mair to you — baith iʼ the flesh and the Lord!
17Gin than ye coont me as ane wiʼ yersel, tak him to ye, as mysel.
18And gin aiblins he has wranged ye, or is indebted, the same tae me div ye reckon.
19I Paul pit it doon wiʼ my ain haun; I wull meet it; thoʼ I say‐na tʼye hoo ye are awn me eʼen yere ain sel.
20Aye, brither! lat me hae joy oʼ ye iʼ the Lord: refresh ye my tender‐affections in Christ!
21Lippenin to yere courtesie, I wrate to ye, kennin that ye wull do eʼen mair nor I seek.
22But, at the same time, #1:22 Paul lookit forrit to liberty: and we tak thae to be richt wha think Paul gat awa frae Rome eftir the twa years imprisonment spoken oʼ in Acts.mak me ready a lodgin; for I look forrit, throwe yere prayers, that I sal be gien as a favor to ye.
23Thar salute ye Epaphras, my prison‐marrow in Christ Jesus,
24And Mark, Aristarchus, Demas and Luke, my brither‐workers.
25The tender‐love oʼ oor Lord Jesus Christ be wiʼ yere spirit!
Currently Selected:
Philemon 1: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
Philemon 1
1
CHAPTIR ANE.
Paul speaks weel oʼ Philemonʼs faith; and commends his servin‐man Onesimus.
1Paul, a prisoner oʼ Christ Jesus, and Timothy, oor brither, to Philemon, oor weel‐loʼed, and oor marrow,
2And to Apphia oor sister, and to Archippus oor sodger‐marrow, and to the Kirk in yere hoose —
3Tender‐love to ye, and peace, frae God oor Faither and the Lord Jesus Christ.
4I am gien thanks to my God, aye pittin ye iʼ my prayers:
5Hearin oʼ yere love and faith that ye hae to the Lord Jesus, and to aʼ the saunts,
6That the fellowship oʼ yere faith may be zealous in the schawin‐forth oʼ ilka gude thing in ye, until Christ.
7For mickle joy had I, and comfort, in yere love; for that the tender‐affections oʼ the saunts are refreshed by you, brither;
8And sae, — thoʼ unco bauldness oʼ speech I hae in Christ to press upon ye what is becomin —
9Yet I wad raither entreat: bein siccan a ane as Paul, in eild, but noo a prisoner oʼ Christ Jesus.
10I entreat you regairdin a bairn oʼ mine, wham I hae begotten iʼ my bonds, Onesimus;
11Him, at ae time oʼ nae profit to ye; but noo unco serviceable to you and me;
12Wham I send back tʼye; him, that is my ain tender‐affections!
13Wham I wad fain ettle wiʼ mysel to detain, that, in your behauf he micht do service to me, iʼ the bonds oʼ the Gude‐word.
14But, wantin word oʼ yere mind, naething was I willin to do; that no oʼ necessity, but oʼ free choice, yere gude soud be.
15For aiblins for siccan a cause he was pairtit wiʼ ye for a wee, that ye micht hae him back for aye:
16Nae mair as a servant, but aboon a servant, brither weel‐loʼed — vera specially to me, but hoo mickle mair to you — baith iʼ the flesh and the Lord!
17Gin than ye coont me as ane wiʼ yersel, tak him to ye, as mysel.
18And gin aiblins he has wranged ye, or is indebted, the same tae me div ye reckon.
19I Paul pit it doon wiʼ my ain haun; I wull meet it; thoʼ I say‐na tʼye hoo ye are awn me eʼen yere ain sel.
20Aye, brither! lat me hae joy oʼ ye iʼ the Lord: refresh ye my tender‐affections in Christ!
21Lippenin to yere courtesie, I wrate to ye, kennin that ye wull do eʼen mair nor I seek.
22But, at the same time, #1:22 Paul lookit forrit to liberty: and we tak thae to be richt wha think Paul gat awa frae Rome eftir the twa years imprisonment spoken oʼ in Acts.mak me ready a lodgin; for I look forrit, throwe yere prayers, that I sal be gien as a favor to ye.
23Thar salute ye Epaphras, my prison‐marrow in Christ Jesus,
24And Mark, Aristarchus, Demas and Luke, my brither‐workers.
25The tender‐love oʼ oor Lord Jesus Christ be wiʼ yere spirit!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.