2 Corinthians 12
12
CHAPTIR TWALʼ.
He gets awa frae his toils and degradations, and speaks oʼ his revelations.
1To boast may be needfuʼ thoʼ it has nae profit; sae I wull come to visions and revelations oʼ the Lord.
2I ken a man in Christ, wha fowrteen years syne (and gin he was in the body, or oot oʼ the body, I ken‐na — God kens), was claught up, siccan a ane as this, the lenth oʼ the third Heeven,
3And I ken sic a man as this (gin he was iʼ the body, or oot oʼ the body, I ken‐na — God kens),
4That he was claucht up into Paradise, and heard unutterable things, whilk it is‐na for a man to speak.
5For sic a ane as this wull I boast, but for mysel I winna boast but in my ain weaknesses.
6For eʼen soud I be fain to boast, I sanna be a fule; for I wull speak truth. But I lat be, that nae ane soud think oʼ me aboon what he sees me to be, or hears frae me.
7And whaur‐for, least by the unco greatness oʼ the revelation I soud be ower muckle upliftit, thar was giʼen to me a stog iʼ the flesh, a messenger oʼ Sautan that he micht baff me.
8In this behauf, I thrice entreatit the Lord, that it micht gang frae me.
9And he said to me, “My tender love is eneuch for thee; for my strenth is #12:9 That is, Christʼs pooer schaws its glorious and perfete wark iʼ the lives and character, and amid the human weaknesses oʼ his folk. It is better for a man to be putten into danger and trial, and susteened throwe them aʼ, than no to hae the experience ava!perfited in weakness!” Maist blythely, than, wull I boast mysel raither iʼ my weaknesses, that the pooer oʼ Christ may be ower me, and around me.
10Sae, than, I am content in weaknesses, in skaithins, in necessities, in persecutions, in stretts — on behauf oʼ Christ; for whan I mysel am weak, than am I stieve!
11I hae become glaikit; ye hae compelled me! For I micht weel hae been commendit by you; for I am naething short oʼ the maist pre‐eminent Apostles — eʼen thoʼ I be naething!
12Truly, the tokens oʼ an Apostle war wrocht amang ye, in aʼ lang‐tholin; in signs, and ferlies, and pooers.
13For in whatna way war ye made inferior to the lave oʼ the Kirks, exceptin that I mysel wasna burdensome to ye? Forgie me this wrang!
14Tak tent! the third time I am haudin mysel in readiness to come to ye; naither wull I be burdensome; for I seek‐na yours, but you! For the bairns are na to be layin up gear for the parents, but the parents for the bairns.
15For, unco blythely wull I spend and be aʼ spent in behauf oʼ yere sauls: thoʼ, the mair I loʼe ye, the less am I loʼed.
16But, be it sae! I didna burden ye. But bein pawkie, I tuik ye wiʼ guile!
17Was thar ony ane oʼ thae I sent tʼye, by wham I tuik advantage oʼ ye?
18I entreatit Titus, and I sent him wiʼ the brethren: surely Titus didna take advantage oʼ ye? Wasʼt no iʼ the same spirit we walkit? wasʼt no iʼ the same fit‐prints?
19Ye think, aʼ this time, we are makin apology tʼye! Afore God, in Christ, are we speakin. But aʼ things, beloved, are for yere up‐biggin.
20For I am in fear, least in ony way, haein come, I soudna finʼ in ye sic as I wad desire; and that I soud be fund oʼ you sic as ye wadna. Least by ony means strivins, envies, belchins oʼ wrath, diveesions, ill‐speakins, swallins, tulzies, be fund.
21Least, haein come again, my God sal humble me amang ye, and I sal hae to mak maen ower mony oʼ thae wha had afore sinned, and hae‐na repentit oʼ the uncleannesses, and lechery, and wantonness they war guilty oʼ.
Currently Selected:
2 Corinthians 12: SCO1904
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.
2 Corinthians 12
12
CHAPTIR TWALʼ.
He gets awa frae his toils and degradations, and speaks oʼ his revelations.
1To boast may be needfuʼ thoʼ it has nae profit; sae I wull come to visions and revelations oʼ the Lord.
2I ken a man in Christ, wha fowrteen years syne (and gin he was in the body, or oot oʼ the body, I ken‐na — God kens), was claught up, siccan a ane as this, the lenth oʼ the third Heeven,
3And I ken sic a man as this (gin he was iʼ the body, or oot oʼ the body, I ken‐na — God kens),
4That he was claucht up into Paradise, and heard unutterable things, whilk it is‐na for a man to speak.
5For sic a ane as this wull I boast, but for mysel I winna boast but in my ain weaknesses.
6For eʼen soud I be fain to boast, I sanna be a fule; for I wull speak truth. But I lat be, that nae ane soud think oʼ me aboon what he sees me to be, or hears frae me.
7And whaur‐for, least by the unco greatness oʼ the revelation I soud be ower muckle upliftit, thar was giʼen to me a stog iʼ the flesh, a messenger oʼ Sautan that he micht baff me.
8In this behauf, I thrice entreatit the Lord, that it micht gang frae me.
9And he said to me, “My tender love is eneuch for thee; for my strenth is #12:9 That is, Christʼs pooer schaws its glorious and perfete wark iʼ the lives and character, and amid the human weaknesses oʼ his folk. It is better for a man to be putten into danger and trial, and susteened throwe them aʼ, than no to hae the experience ava!perfited in weakness!” Maist blythely, than, wull I boast mysel raither iʼ my weaknesses, that the pooer oʼ Christ may be ower me, and around me.
10Sae, than, I am content in weaknesses, in skaithins, in necessities, in persecutions, in stretts — on behauf oʼ Christ; for whan I mysel am weak, than am I stieve!
11I hae become glaikit; ye hae compelled me! For I micht weel hae been commendit by you; for I am naething short oʼ the maist pre‐eminent Apostles — eʼen thoʼ I be naething!
12Truly, the tokens oʼ an Apostle war wrocht amang ye, in aʼ lang‐tholin; in signs, and ferlies, and pooers.
13For in whatna way war ye made inferior to the lave oʼ the Kirks, exceptin that I mysel wasna burdensome to ye? Forgie me this wrang!
14Tak tent! the third time I am haudin mysel in readiness to come to ye; naither wull I be burdensome; for I seek‐na yours, but you! For the bairns are na to be layin up gear for the parents, but the parents for the bairns.
15For, unco blythely wull I spend and be aʼ spent in behauf oʼ yere sauls: thoʼ, the mair I loʼe ye, the less am I loʼed.
16But, be it sae! I didna burden ye. But bein pawkie, I tuik ye wiʼ guile!
17Was thar ony ane oʼ thae I sent tʼye, by wham I tuik advantage oʼ ye?
18I entreatit Titus, and I sent him wiʼ the brethren: surely Titus didna take advantage oʼ ye? Wasʼt no iʼ the same spirit we walkit? wasʼt no iʼ the same fit‐prints?
19Ye think, aʼ this time, we are makin apology tʼye! Afore God, in Christ, are we speakin. But aʼ things, beloved, are for yere up‐biggin.
20For I am in fear, least in ony way, haein come, I soudna finʼ in ye sic as I wad desire; and that I soud be fund oʼ you sic as ye wadna. Least by ony means strivins, envies, belchins oʼ wrath, diveesions, ill‐speakins, swallins, tulzies, be fund.
21Least, haein come again, my God sal humble me amang ye, and I sal hae to mak maen ower mony oʼ thae wha had afore sinned, and hae‐na repentit oʼ the uncleannesses, and lechery, and wantonness they war guilty oʼ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Translated by Rev William Wye Smith. Published in Paisley, Scotland in 1904.