SALM 60
60
Phung Ning Luatnak Ca Thlacam#60.0 Hebru holh ah cun, hi hla hi David hla a si; Naharaim i a ummi le Zobah i a ummi Armenean mi hna he an i tuk i a phuahmi a si, cu tuknak ah cun a ralbawi Joab nih Edom mi thong hleihnih a thah hna, a thah hnanak hmun cu Cite Nelrawn ti a si, ti a si.
(Slm 108.6-13)
1 #
2Sam 8.13; 1Cha 18.12 Maw Pathian, na kan hlawt cang i
kan ralhau kha
na chim dih cang hna;
kan cungah na thin a hung —
sihmanhsehlaw atu cu kanmah leiah
i mer ko sawh.
2Vawlei kha na hninhter i na kahter;
atu cu a hma kha damter ṭhan ko,
zeicahtiah kuai dih aa zal cang.
3Na mi cu temhnak tampi na kan inter,
a kan rittertu zu kha na kan dinter.
4Nangmah an ṭihmi hna caah
hmelchunhnak na phun,
sihmanhsehlaw an i let i an ral hna
sin khan an zam ṭhiamṭhiam.
5Na ṭhawnnak in kan khamh tuah;
kan thlacamnak kha kan let tuah,
cuticun na dawtmi hna hi
kan luat kho lai.
6Pathian nih a hmunthiang chungin
aa thawh i,
“Shekhem cu ka tei lai i ka cheu lai,
cun Sukkoth Nelrawn cu ka mi kha
ka phawt hna lai.
7Gilead cu keimah ta a si, Manasseh
zong keimah ta a si,
Efraim cu ka luchin a si i
Judah cu ka bawifung a si.
8Sihmanhsehlaw Moab cu
ka kut ṭawlnak kheng ah
ka hman lai i
Edom cu ka kedan chiahnak
kuang ah ka hman lai.
Filistin nih hin, amah cu ka tei lai i
ka au lai, tiin aa ruah dahra?”
a ti.
9Maw Pathian, aho nih dah ralhau
a ngeimi khua chungah
a ka luhpi lai?
Aho nih dah Edom ah a ka kalpi lai?
10Na kan hlawt taktak ko cang maw?
Kan ralkap cu na kalpi ti hna
lai lo maw?
11Minung bawmhnak cu zeihmanh
a ṭhathnem lo caah
kan raldohnak ah hin nangmah nih
kan bawm ko.
12Pathian kan sinah a ṭan caah
kan tei hna lai;
kan ral cu amah nih a kan teipiak
hna lai.
Currently Selected:
SALM 60: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
SALM 60
60
Phung Ning Luatnak Ca Thlacam#60.0 Hebru holh ah cun, hi hla hi David hla a si; Naharaim i a ummi le Zobah i a ummi Armenean mi hna he an i tuk i a phuahmi a si, cu tuknak ah cun a ralbawi Joab nih Edom mi thong hleihnih a thah hna, a thah hnanak hmun cu Cite Nelrawn ti a si, ti a si.
(Slm 108.6-13)
1 #
2Sam 8.13; 1Cha 18.12 Maw Pathian, na kan hlawt cang i
kan ralhau kha
na chim dih cang hna;
kan cungah na thin a hung —
sihmanhsehlaw atu cu kanmah leiah
i mer ko sawh.
2Vawlei kha na hninhter i na kahter;
atu cu a hma kha damter ṭhan ko,
zeicahtiah kuai dih aa zal cang.
3Na mi cu temhnak tampi na kan inter,
a kan rittertu zu kha na kan dinter.
4Nangmah an ṭihmi hna caah
hmelchunhnak na phun,
sihmanhsehlaw an i let i an ral hna
sin khan an zam ṭhiamṭhiam.
5Na ṭhawnnak in kan khamh tuah;
kan thlacamnak kha kan let tuah,
cuticun na dawtmi hna hi
kan luat kho lai.
6Pathian nih a hmunthiang chungin
aa thawh i,
“Shekhem cu ka tei lai i ka cheu lai,
cun Sukkoth Nelrawn cu ka mi kha
ka phawt hna lai.
7Gilead cu keimah ta a si, Manasseh
zong keimah ta a si,
Efraim cu ka luchin a si i
Judah cu ka bawifung a si.
8Sihmanhsehlaw Moab cu
ka kut ṭawlnak kheng ah
ka hman lai i
Edom cu ka kedan chiahnak
kuang ah ka hman lai.
Filistin nih hin, amah cu ka tei lai i
ka au lai, tiin aa ruah dahra?”
a ti.
9Maw Pathian, aho nih dah ralhau
a ngeimi khua chungah
a ka luhpi lai?
Aho nih dah Edom ah a ka kalpi lai?
10Na kan hlawt taktak ko cang maw?
Kan ralkap cu na kalpi ti hna
lai lo maw?
11Minung bawmhnak cu zeihmanh
a ṭhathnem lo caah
kan raldohnak ah hin nangmah nih
kan bawm ko.
12Pathian kan sinah a ṭan caah
kan tei hna lai;
kan ral cu amah nih a kan teipiak
hna lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006