MIKAH 3
3
Mikah Nih Israel Hruaitu Pawl Kha A Mawhchiat Hna
1Cun kaa thawh i,
“Nannih Jakob hruaitu hna,
Israel uktu hna, ngai tuah u,
A dingmi thil a duhtu kha nan si awk a si,
2Sihmanhsehlaw ṭhatnak kha
nan huat i ṭhat lonak kha nan duh;
Mi kha a nung in an cuar nan hawh
hna i an ruh i aa benhmi tit kha
nan khoih;
3Ka mi kha an sa nan ei hna, an cuar
nan hawh hna;
An ruh nan den hna i um chung i
chuan awk sa bangin nan can hna,” ka ti.
4Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.
5Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:
6Ka mi hna cu a pingah nan hruai hna
caah langhnak zeihmanh nan hmu
ti lai lo i
zeihmanh nan rak chimchung kho
ti fawn lai lo.
Profet hna, nan ni cu a dong
dengmang cang; ni nih an liamtak
dengmang cang hna.
7Hmutu pawl si hna seh, mang ih
thiam si hna seh an dihlak in
an ning a zak lai;
Pathian sinin lehnak zeihmanh
a um lo caah an dihlak in
an kaa an i hup lai.
8Sihmanhsehlaw kei tu cu
Bawipa thlarau nih
ṭhawnnak le bia khiah thiamnak le
ral ṭhatnak in a ka khahter i
Israel mi hna cu an sualnak kha
zeidah a si tiah ka chimh hna.
9Israel uktu hna, ka bia ngai tuah u,
nannih dinnak kha a hua i ṭhatnak
kha palhnak i a mertu hna,
ngai tuah u.
10Pathian khualipi Jerusalem cu
lainawnnak le dinlonak in nan sak.
11Khua a uktu hna nih khan ziknawh
ei in an uk hna.
Tlangbawi hna nih khan a man hmuh
awk lawngah phungbia kha
an chimh hna.
Profet hna nih khan tangka hmuhnak
ding ca lawngah phuannak kha
an chim;
Cun an dihlak in Bawipa cu kan sinah
a um, an ti dih.
An i thawh i, “Bawipa cu kan sinah
a um lo mei?
Harnak zeihmanh nih
a kan tlunhnawh kho lai lo,” an ti.
12Cucaah nanmah ruangah Zion cu
lei bantukin thuan a si lai i,
Jerusalem cu a rawkmi thilpon ah
a cang lai i,
Biakinn tlang cu tupi ah a cang lai. #Jer 26.18
Currently Selected:
MIKAH 3: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
MIKAH 3
3
Mikah Nih Israel Hruaitu Pawl Kha A Mawhchiat Hna
1Cun kaa thawh i,
“Nannih Jakob hruaitu hna,
Israel uktu hna, ngai tuah u,
A dingmi thil a duhtu kha nan si awk a si,
2Sihmanhsehlaw ṭhatnak kha
nan huat i ṭhat lonak kha nan duh;
Mi kha a nung in an cuar nan hawh
hna i an ruh i aa benhmi tit kha
nan khoih;
3Ka mi kha an sa nan ei hna, an cuar
nan hawh hna;
An ruh nan den hna i um chung i
chuan awk sa bangin nan can hna,” ka ti.
4Khi tikah Bawipa kha an auh lai, sihmanhsehlaw a let hna lai lo; khi caan a phak tikah a hmai kha a thuhkanh hna lai, zeicahtiah an tuahmi kha a ṭhalo tuk hringhran.
5Mizapi cu, a man a phalh khotu hna sinah, nan cungah daihnak a tlung lai, tiin bia a kamhtu hna le, a phalh kho lomi hna sinah, nan cungah ral a tlung lai, tiin a ṭhihtu hna profet hna nih an hlen cang hna. Hi profet hna kongah Bawipa nih a chimmi bia cu hihi a si:
6Ka mi hna cu a pingah nan hruai hna
caah langhnak zeihmanh nan hmu
ti lai lo i
zeihmanh nan rak chimchung kho
ti fawn lai lo.
Profet hna, nan ni cu a dong
dengmang cang; ni nih an liamtak
dengmang cang hna.
7Hmutu pawl si hna seh, mang ih
thiam si hna seh an dihlak in
an ning a zak lai;
Pathian sinin lehnak zeihmanh
a um lo caah an dihlak in
an kaa an i hup lai.
8Sihmanhsehlaw kei tu cu
Bawipa thlarau nih
ṭhawnnak le bia khiah thiamnak le
ral ṭhatnak in a ka khahter i
Israel mi hna cu an sualnak kha
zeidah a si tiah ka chimh hna.
9Israel uktu hna, ka bia ngai tuah u,
nannih dinnak kha a hua i ṭhatnak
kha palhnak i a mertu hna,
ngai tuah u.
10Pathian khualipi Jerusalem cu
lainawnnak le dinlonak in nan sak.
11Khua a uktu hna nih khan ziknawh
ei in an uk hna.
Tlangbawi hna nih khan a man hmuh
awk lawngah phungbia kha
an chimh hna.
Profet hna nih khan tangka hmuhnak
ding ca lawngah phuannak kha
an chim;
Cun an dihlak in Bawipa cu kan sinah
a um, an ti dih.
An i thawh i, “Bawipa cu kan sinah
a um lo mei?
Harnak zeihmanh nih
a kan tlunhnawh kho lai lo,” an ti.
12Cucaah nanmah ruangah Zion cu
lei bantukin thuan a si lai i,
Jerusalem cu a rawkmi thilpon ah
a cang lai i,
Biakinn tlang cu tupi ah a cang lai. #Jer 26.18
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006