HOSEA 10
10
Pathian Nih Israel Mi Bia A Ceih Hna
1Israel mi cu tlai a duh ngaimi phun
mitsur ruang bantuk an si,
A thei tam deuh a hung tlai paoh ah
biakṭheng zong kha tam deuh
an sak ve,
An vawlei nih tam deuh a chuahter
paoh ah an biakmi tung thiang kha
dawh deuh in an ser ve hna.
2An lungthin a sualmi, hi minung hna
cu, an sual ruangah
an tuar awk a si.
Pathian hrimhrim nih an biakṭheng cu
a den dih hna lai i an biakmi
an tung thiang cu a hau dih hna lai.
3Annih nih cun an i thawh lai i,
“Bawipa kan ṭih lo caah
siangpahrang kan ngei lo;
Asinain siangpahrang nih cun zei tal
a kan tuahpiak kho hnga maw?
an ti lai.
4A chim lawng kha an chim
lengmang,
Sullam ngei loin chiat kha an ser i
biakamnak kha an tuah i
Pakhat le pakhat taza i cuainak kha
sivai a ngeimi belh leileh rinkhuar
ah an khoh bantukin an kho.
5Beth-aven i a ummi cawfa-pathian
ruangah khan Samaria mi hna cu
a ther in an ther;
An cawfa-pathian cu sal ah an kalpi
caah a biami hna cu an ṭap i
tlangbawi hna cu an ai,
An sunparnak a simi an siasal
ruangah cun mi cu lungrethei in
an um.
6Siasal cu Assiria ah kalpi a si lai i
Uktu Siangpahrang ngan cu
laksawng ah va ṭhenh a si lai;
Efraim cu ningzahnak nih a phak lai i
Israel mi nih an nawl ngaih lonak
ningzahnak kha an in lai.
7Samaria le a siangpahrang cu ti cung i
aa vuanmi thing pelpawi bantukin
fenh an si;
8Israel mi nih sualnak an tuahnak
hmunthiang hna cu hrawh an si lai,
Aven i a ummi khuahrumbo hna cu
hloh an si lai;
An biakṭheng hna cu hling le belh nih
a zual hna lai i
Tlang cu, “Kan nenh ko u,” an ti
hna lai i fing cu
“Kan tlak ko u,” an ti hna lai. #Luk 23.30; Biat 6.16
9Gibeah i sualnak an rak tuahnak
thawk khan ka cung i sualnak tuah
hi Israel mi nih an ngol rih lo.
Cucaah ral nih Gibeah ah a phak
hna lai. #Biac 19.1-30
10Hi misual miphun hi ka doh hna lai i
dan ka tat hna lai.
Anmah doh awkah miphun tampi kha
an ṭang ṭi lai i an sualnak a tammi
ruangah hin dantatnak an in lai.
11Israel cu ṭha tein cawnpiak cangmi,
facang cil zong a duh cangmi
cawla bantuk a si;
Sihmanhsehlaw aa dawhmi
a hngawng ah khan
thuantum khinh i
leithuannak thingthluan tu kha
ṭemchih awkah ka ruah cang;
Judah cu leithuannak kha
ka hnuhter i
Israel cu leitlang dennak kha
ka hnuhter.
12Annih cu ka thawh hna i, “Nan caah
dinnak kha i tuh u law keimah lei i
nan ṭannak nih a chuahpimi
thluachuahnak kha zun tuah u.
Nan dinhtermi vawlei kha ṭuan
cang hna u,
Zeicahtiah atu cu Bawipa keimah leiah
i mer caan a si cang i ka ra lai i
thluachuahnak kan pek hna lai,”
tiah ka ti. #Jer 4.3
13Sihmanhsehlaw nannih nih ṭhat
lonak tu kha nan tuh i a theitlai kha
nan zun.
Nan lih chimmi nih a chuahtermi
theitlai kha nan ei cang.
Nannih nih nan rangleng hna le
nan ralkap hna kha nan i bochan caah,
14Raltuknak cu nan mi hna cungah
a tlung lai i
nan ralhau vialte cu an rawk dih lai.
Shalman siangpahrang nih Beth-arbel
a rak hrawh i
Nu le ngakchia a rak thah dih hna ni
bantuk kha a si lai.
15Bethel khuami hna, nan tuahmi thil
a ṭha lomi ruangah hihi nan cung i
a tlung dingmi cu a si;
Khua a dei hrimhrim lai bantukin
Israel siangpahrang zong cu hloh
a si hrimhrim ve lai.
Currently Selected:
HOSEA 10: HCL06
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
HOSEA 10
10
Pathian Nih Israel Mi Bia A Ceih Hna
1Israel mi cu tlai a duh ngaimi phun
mitsur ruang bantuk an si,
A thei tam deuh a hung tlai paoh ah
biakṭheng zong kha tam deuh
an sak ve,
An vawlei nih tam deuh a chuahter
paoh ah an biakmi tung thiang kha
dawh deuh in an ser ve hna.
2An lungthin a sualmi, hi minung hna
cu, an sual ruangah
an tuar awk a si.
Pathian hrimhrim nih an biakṭheng cu
a den dih hna lai i an biakmi
an tung thiang cu a hau dih hna lai.
3Annih nih cun an i thawh lai i,
“Bawipa kan ṭih lo caah
siangpahrang kan ngei lo;
Asinain siangpahrang nih cun zei tal
a kan tuahpiak kho hnga maw?
an ti lai.
4A chim lawng kha an chim
lengmang,
Sullam ngei loin chiat kha an ser i
biakamnak kha an tuah i
Pakhat le pakhat taza i cuainak kha
sivai a ngeimi belh leileh rinkhuar
ah an khoh bantukin an kho.
5Beth-aven i a ummi cawfa-pathian
ruangah khan Samaria mi hna cu
a ther in an ther;
An cawfa-pathian cu sal ah an kalpi
caah a biami hna cu an ṭap i
tlangbawi hna cu an ai,
An sunparnak a simi an siasal
ruangah cun mi cu lungrethei in
an um.
6Siasal cu Assiria ah kalpi a si lai i
Uktu Siangpahrang ngan cu
laksawng ah va ṭhenh a si lai;
Efraim cu ningzahnak nih a phak lai i
Israel mi nih an nawl ngaih lonak
ningzahnak kha an in lai.
7Samaria le a siangpahrang cu ti cung i
aa vuanmi thing pelpawi bantukin
fenh an si;
8Israel mi nih sualnak an tuahnak
hmunthiang hna cu hrawh an si lai,
Aven i a ummi khuahrumbo hna cu
hloh an si lai;
An biakṭheng hna cu hling le belh nih
a zual hna lai i
Tlang cu, “Kan nenh ko u,” an ti
hna lai i fing cu
“Kan tlak ko u,” an ti hna lai. #Luk 23.30; Biat 6.16
9Gibeah i sualnak an rak tuahnak
thawk khan ka cung i sualnak tuah
hi Israel mi nih an ngol rih lo.
Cucaah ral nih Gibeah ah a phak
hna lai. #Biac 19.1-30
10Hi misual miphun hi ka doh hna lai i
dan ka tat hna lai.
Anmah doh awkah miphun tampi kha
an ṭang ṭi lai i an sualnak a tammi
ruangah hin dantatnak an in lai.
11Israel cu ṭha tein cawnpiak cangmi,
facang cil zong a duh cangmi
cawla bantuk a si;
Sihmanhsehlaw aa dawhmi
a hngawng ah khan
thuantum khinh i
leithuannak thingthluan tu kha
ṭemchih awkah ka ruah cang;
Judah cu leithuannak kha
ka hnuhter i
Israel cu leitlang dennak kha
ka hnuhter.
12Annih cu ka thawh hna i, “Nan caah
dinnak kha i tuh u law keimah lei i
nan ṭannak nih a chuahpimi
thluachuahnak kha zun tuah u.
Nan dinhtermi vawlei kha ṭuan
cang hna u,
Zeicahtiah atu cu Bawipa keimah leiah
i mer caan a si cang i ka ra lai i
thluachuahnak kan pek hna lai,”
tiah ka ti. #Jer 4.3
13Sihmanhsehlaw nannih nih ṭhat
lonak tu kha nan tuh i a theitlai kha
nan zun.
Nan lih chimmi nih a chuahtermi
theitlai kha nan ei cang.
Nannih nih nan rangleng hna le
nan ralkap hna kha nan i bochan caah,
14Raltuknak cu nan mi hna cungah
a tlung lai i
nan ralhau vialte cu an rawk dih lai.
Shalman siangpahrang nih Beth-arbel
a rak hrawh i
Nu le ngakchia a rak thah dih hna ni
bantuk kha a si lai.
15Bethel khuami hna, nan tuahmi thil
a ṭha lomi ruangah hihi nan cung i
a tlung dingmi cu a si;
Khua a dei hrimhrim lai bantukin
Israel siangpahrang zong cu hloh
a si hrimhrim ve lai.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006