2 TIMOTE 4
4
1Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn; 2phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna. 3Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai. 4Biatak kha an kaltak lai i minung tuanbia tu kha ngaih an duh deuh lai. 5Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.
6Kei tu cu raithawinak biakṭheng cung i an ka chiah caan a phan cang; hi vawlei cung nunnak hi ka chuahtak lai caan a phan cang. 7Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal. 8Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.
Pumpak Biacah
9Khulrang in ka sinah ra law ka duh. 10Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal. #Kol 4.14; File 24; 2Kor 8.23; Gal 2.3; Tit 1.4 11Luka lawng ka sinah a um. Marka kha rak i ratpi, zeicahtiah ka rianṭuannak ah misantlai ngai a si. #Kol 4.14; File 24; Lam 12.12,25; 13.13; 15.37-39; Kol 4.10 12Taikhikas kha Efesa khua ah ka kalter. #Lam 20.4; Efe 6.21-22; Kol 4.7-8 13Cun na rat tikah Troas khua i Karpas inn i ka chiahtakmi ka angkileng kha rak phor te, cun cauk zong kha rak phor hna law saphaw cauk ko kha rak philh sual hna hlah. #Lam 20.6
14Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai. #1Tim 1.20; Slm 62.12; Rom 2.6 15Cun nangmah zong amah cu i ralring, zeicahtiah kan bia kha fak piin a do zungzalmi a si.
16Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh. 17Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh. 18Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.
Donghnak Biakchawnhnak
19Prisilla le Akuila le Onesiforas innchungkhar kha an kut ka tlaih hna. #Lam 18.2; 2Tim 1.16-17 20Erastas cu Korin khua ah a um i Trofimas cu a zawt caah Miletas ah ka kaltak. #Lam 19.22; Rom 16.23; Lam 20.4; 21.29 21Khuasik tlak hlanah rat rak i zuam. Zubulas, Pudens, Linas le Klaudia nih an in biakchawnhnak na kut an in tlaih i a dang kan unau pawl zong nih an in tlaih ve.
22Bawipa cu na thlarau sinah um ko seh. Nan dihlak sinah Pathian vel cu um ko seh.
Currently Selected:
2 TIMOTE 4: HCL06
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006
2 TIMOTE 4
4
1Pathian hmai le, mi vialte a nungmi he a thimi he, bia a ceihtu ding Khrih Jesuh hmaiah, fak piin kan nawl; cun a rat lainak le a pennak in kan nawl fawn; 2phung kha chim hna, a caan a rem zongah a rem lo zongah chim hna; al a herh ahcun al hna, chimhhrin a herh ahcun chimhring hna, a nawl in nawl a herh ahcun nawl hna law lungsau thinfual in cawnpiak hna. 3Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai. 4Biatak kha an kaltak lai i minung tuanbia tu kha ngaih an duh deuh lai. 5Sihmanhsehlaw nang cu zeitik caan paoh ah daite le khualu khuataw khak tein um ko; harnak kha in i zuam, Thawngṭha karhter kha fak piin i zuam, Pathian nih an kawh chan rian vialte kha ṭuan.
6Kei tu cu raithawinak biakṭheng cung i an ka chiah caan a phan cang; hi vawlei cung nunnak hi ka chuahtak lai caan a phan cang. 7Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal. 8Atu cu teinak laksawng nih khan a ka hngah ko cang, cu laksawng cu ka Bawipa, dinnak Bawi nih, cu Ni i a ka pek laimi dinnak suiluchin cu a si — keimah lawng cu a ka pekmi ka si lai lo, amah a langh lainak dawtnak in a hngaktu vialte zong kha a pek ve hna lai.
Pumpak Biacah
9Khulrang in ka sinah ra law ka duh. 10Demas cu tu chan vawlei he an i duh i a ka zamtak ai; Thesalonika khua ah a kal cang. Kresen cu Galati ram ah a kal i Titas cu Dalmatia ram ah a kal. #Kol 4.14; File 24; 2Kor 8.23; Gal 2.3; Tit 1.4 11Luka lawng ka sinah a um. Marka kha rak i ratpi, zeicahtiah ka rianṭuannak ah misantlai ngai a si. #Kol 4.14; File 24; Lam 12.12,25; 13.13; 15.37-39; Kol 4.10 12Taikhikas kha Efesa khua ah ka kalter. #Lam 20.4; Efe 6.21-22; Kol 4.7-8 13Cun na rat tikah Troas khua i Karpas inn i ka chiahtakmi ka angkileng kha rak phor te, cun cauk zong kha rak phor hna law saphaw cauk ko kha rak philh sual hna hlah. #Lam 20.6
14Dar soser Alekzandar nih khan ka cungah harnak nganpi a tuah. Bawipa nih a rianṭuanning in a cham ve te ko lai. #1Tim 1.20; Slm 62.12; Rom 2.6 15Cun nangmah zong amah cu i ralring, zeicahtiah kan bia kha fak piin a do zungzalmi a si.
16Biaceihnak i ka chuah hmasa bik ah cun ahohmanh nih an ka dirpi lo; an dihlak in an ka zamtak. Pathian nih sual ah relpiak sawh hna hlah seh. 17Sihmanhsehlaw Bawipa nih a ka umpi i Jentail mi vialte nih an theih khawh nakhnga Thawngṭha cu tling cikcek tein chim khawhnak thazang a ka pek; cun chiandeih kaa chung khan a ka chanh. 18Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.
Donghnak Biakchawnhnak
19Prisilla le Akuila le Onesiforas innchungkhar kha an kut ka tlaih hna. #Lam 18.2; 2Tim 1.16-17 20Erastas cu Korin khua ah a um i Trofimas cu a zawt caah Miletas ah ka kaltak. #Lam 19.22; Rom 16.23; Lam 20.4; 21.29 21Khuasik tlak hlanah rat rak i zuam. Zubulas, Pudens, Linas le Klaudia nih an in biakchawnhnak na kut an in tlaih i a dang kan unau pawl zong nih an in tlaih ve.
22Bawipa cu na thlarau sinah um ko seh. Nan dihlak sinah Pathian vel cu um ko seh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lai (Hakha) Common Language Bible © Bible Society of Myanmar 2006