ගීතාවලිය 15

දාවිත්ගේ ගීතයකි.

1අහෝ ස්වාමින්වහන්ස, ඔබගේ ශුද්ධ කූඩාරමේ නැවතී සිටින්නේ කවුරු ද?

ඔබගේ ශුද්ධ කන්දේ වාසය කරනු ඇත්තේ කවුරු ද?

2නිදොස්කමින් හැසිරෙන්නා ය;

දමිටු දේ ම කරන්නා ය;

මුළු හදින් ඇත්ත කතා කරන්නා ය;

3තම දිවෙන් නින්දා අපහාස නො කරන්නා ය;

තම අසල්වැසියාට වරද නො කරන්නා ය.

තම සගයාට එරෙහිව අවලාද නො නගන්නා ය;

4අධමයා පිළිකුල් කරන්නා ය;

ස්වාමින්වහන්සේට භයවූවන්ට ගරුකරන්නා ය.

අවාසි සහගත වූවත්,

තමා කළ දිවුරුම වෙනස් නො කරන්නා ය.

5පොලියක් නැතිව තම මුදල් ණයට දෙන්නා ය;

නිදොස් කෙනකුට එරෙහි වීමට අල්ලස් නො ගන්නා ය.

එලෙස ක්‍රියා කරන්නා

කිසි කල නො සැලෙන්නේ ය.

Currently Selected:

ගීතාවලිය 15: SCV

Highlight

Copy

Want to have your highlights saved across all your devices? Sign up or sign in