යෙරමියා 14
14
තුන් බිය
1ඉඩෝරය පිළිබඳව යෙරමියා වෙත පැමිණි ස්වාමින්වහන්සේගේ වචනය;
2“යූදා වැලපෙයි,
එහි පුර දොරටු මැලවෙයි.
ඇගේ ජනයා බිම හිඳ විලාප දෙති.
යෙරුසලමේ මොරගෑම ඉහළ නැගේ.
3කුලවත්හු වතුර සොයන පිණිස, තම මෙහෙකරුවන් යවති.
ඔවුහු ජල රඳන වෙත යති.
එහෙත් ඔවුනට වතුර හමු නො වේ.
තම හිස් බඳුන් රැගෙන ඔවුහු ආපසු එති.
ඒ ලජ්ජාවට පත් ව, සිත් සසල ව,
තම හිස් වසාගෙන ය.
4දේශයට වැසි නොමැති බැවින්
පොළොව ඉරිතලා ගොසිනි;
ගොවීහු චංචල වී,
තම හිස් වසා ගනිති.
5වන පෙතේ මුව දෙන පවා
අලුත බිහි කළ තම පැටවා හැර දා යන්නේ,
තණකොළ නැති බැවිනි.
6වල් බූරුවන් පවා, මුඩු කඳු මත සිටගෙන,
සිවලුන් මෙන් සුළඟට ඉව අල්ලති.
උන්ගේ ඇස් පෙනීම හීන ව ගොසිනි.
මන්ද ගහ කොළ නැති බැවිනි.”
7අපට එරෙහිව අපේ පාප සාක්ෂි දෙතත්,
අහෝ ස්වාමින්වහන්ස, ඔබගේ නාමය උදෙසා ක්‍රියා කළ මැනවි.
අප පසුබට වූ වාර ගණන අපමණ ය;
ඔබවහන්සේට එරෙහිව අපි පව් කළෙමු.
8අහෝ ඔබ, ඉශ්‍රායෙල්හි බලාපොරොත්තුවෙනි,
විපත් කල්හි එහි ගැලවුම්කරුවාණනි,
දේශයට ආගන්තුකයකු සේ
රැයක් පමණක් නවතින ගමන්කරුවකු සේ ඔබ සිටින්නේ මන්ද?
9සන්ත්‍රස්ත වූ මිනිසකු සේ,
ගලවන්නට බලයක් නැති ප්‍රබල සටන්කරුවකු සේ ඔබ සිටින්නේ මන්ද?
එහෙත් අහෝ ස්වාමින්වහන්ස, ඔබවහන්සේ අප අතරේ ම ය;
අප, අමතනු ලබන්නේ ඔබගේ නාමයෙන් ය.
අපෙන් බැහැර නූන මැනවි.
10 ස්වාමින්වහන්සේ මෙම ජනයා ගැන පවසන්නේ මෙයයි:
“නොමග යෑමට ඔවුන් බෙහෙවින් ප්‍රිය ය;
ඔවුන් තම පාද හික්මවා ගන්නේ නැත.
එබැවින් ස්වාමින්වහන්සේ ඔවුන් පිළිගන්නේ නැත.
දැන් උන්වහන්සේ ඔවුන්ගේ දුෂ්ටකම් සිහි කොට,
ඔවුන්ගේ පාපවලට ඔවුන්ට දඬුවම් කරන සේක.”
11ඉන්පසු ස්වාමින්වහන්සේ මට මෙසේ පැවසූ සේක: “මෙම ජනයාගේ සුබ සිද්ධිය උදෙසා මට යාච්ඤා නො කරන්න. 12ඔවුන් නිරාහාර ශීලයෙන් සිටියත්, ඔවුන්ගේ කන්නලව්වට මා සවන් දෙන්නේ නැත; ඔවුන් දවන යාග පූජා හා ධාන්‍ය පූජා ඔප්පු කළත්, මා ඒවා පිළිගන්නේ නැත. ඒ වෙනුවට කඩුවෙන් ද සාගතයෙන් ද වසංගතයෙන් ද මම ඔවුන් විනාශ කරන්නෙමි.”
13එවිට මම කතා කොට, “අහෝ පරමාධිපති ස්වාමින්වහන්ස, බලන්න, දිවැසිවරු ඔවුන් අමතා කියන්නේ, ‘නුඹලා අසිපත දකින්නේවත්, සාගතය විඳින්නේවත් නැත. මේ ස්ථානයේදී නිති පවතින සාමයක් මම නුඹලාට දෙන්නෙමි’ කියා යැ” යි පැවසුවෙමි.
14එවිට ස්වාමින්වහන්සේ මා අමතමින්, “ඒ දිවැසිවරුන් මගේ නාමයෙන් පවසන්නේ බොරු ය. මා ඔවුන් යැව්වේවත්, ඔවුන්ට අණ කළේවත්, ඔවුනට කතා කළේවත් නැත. ඔවුහු බොරු දර්ශන ද කමකට නැති නිමිති ද තමන්ගේ ම මනසට නැගෙන මිථ්‍යාවන් ද ගැන දිවැසි වැකි පවසති. 15එබැවින්, මගේ නාමයෙන් දිවැසි වැකි පවසන දිවැසිවරුන් ගැන ස්වාමින්වහන්සේ මෙසේ පවසන සේක: මා ඔවුන් එවුවේ නැත; එහෙත් ‘මේ දේශයට අසිපත හෝ සාගතය හෝ නො වදී’ යැයි පවසන මෙම දිවැසිවරුන් අසිපතින් හා සාගතයෙන් ම වැනසී යැවේ. 16ඔවුන් දිවැසි වැකි පවසන මෙම ජනයා, සාගතය හා අසිපත හේතු කොට යෙරුසලම් වීදිවලට හෙළා දමනු ලබති. ඔවුන් හෝ ඔවුන්ගේ භාර්යාවන් හෝ ඔවුන්ගේ පුතුන් හෝ ඔවුන්ගේ දූවරුන් හෝ වළලන්නට කිසිවකුදු නො වනු ඇත. ඔවුන්ගේ දුෂ්ටකමට හිමි විපත්තිය මම ඔවුන් පිට හෙළන්නෙමි.
17“මේ වචනය ඔබ ඔවුන්ට පැවසිය යුතු ය:
“ ‘රැයේ හා දහවලේ නො නැවතී,
මගේ දෙනෙතින් කඳුළු ගලා-හැලේවා;
මන්ද මගේ ජනයා වන කන්‍යා දියණිය
දරුණු තුවාලයකින්, සිඳී බිඳී ගොසිනි.
ඉහුලුම් නො දෙන පහරකින් පීඩාවට පත් ව ඇත.
18ගම්බදට මා ගියොත්, මෙන්න,
මා දකින්නේ කඩුවෙන් මැරුම් කෑවුන් ය.
නගරයට මා ගියොත්, මෙන්න,
එහිදීත් මා දකින්නේ සාගතයට ගොදුරුවූවන් ය.
දිවැසිවරු හා පූජකයෝ යන දෙගොල්ල ම තමන් නො දන්නා දේශයක ඒ මේ අත යති.
ඔවුන්ට වැටහීමක් නැත.’ ”
19ඔබ මුළුමනින් ම යූදා ප්‍රතික්ෂේප කළ සේක් ද?
ඔබ සියොන නීච කොට සලකන සේක් ද?
සුව කළ නො හැකි තරමට
ඔබ අපට පහර දුන්නේ මන්ද?
අපි සාමය බලා සිටියෙමු.
එහෙත් පැමිණි සෙතක් නැත.
අපි සුවය බලා සිටියෙමු.
එහෙත් මෙන්න භීතිය!
20අහෝ ස්වාමින්වහන්ස, අපගේ දුෂ්ටකමත්,
අපේ පියවරුන්ගේ අයුතුකමත් අපි ඒත්තු ගන්නෙමු.
අපි ඔබට එරෙහිව පව් කර ඇත්තෙමු.
21ඔබගේ නාමයේ ගෞරවය උදෙසා, අප නීච කොට නො සැලකුව මැනවි.
ඔබගේ තේජෝ මහිමයේ සිංහාසනය නින්දාවට පත් නො කළ මැනවි.
අප හා ඇති ඔබගේ ගිවිසුම සිහි කළ මැනවි.
එය බිඳ නො දැමුව මැනවි.
22වැසි වස්සන්නට හැකි ජාතීන්ගේ පිළිම-දෙවියකු සිටී ද?
මහ වැසි වස්සන්නට අහසට හැකි ද?
නැත. ඒ ඔබ ම නො වේ ද? අහෝ ස්වාමින්වහන්ස, අපේ දෙවියන්වහන්ස,
අපි ඔබ මත බලාපොරොත්තු තබා සිටින්නෙමු.
මන්ද මේ හැම දේ කරවන්නේ ඔබවහන්සේ ම ය.
Currently Selected:
යෙරමියා 14: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
යෙරමියා 14
14
තුන් බිය
1ඉඩෝරය පිළිබඳව යෙරමියා වෙත පැමිණි ස්වාමින්වහන්සේගේ වචනය;
2“යූදා වැලපෙයි,
එහි පුර දොරටු මැලවෙයි.
ඇගේ ජනයා බිම හිඳ විලාප දෙති.
යෙරුසලමේ මොරගෑම ඉහළ නැගේ.
3කුලවත්හු වතුර සොයන පිණිස, තම මෙහෙකරුවන් යවති.
ඔවුහු ජල රඳන වෙත යති.
එහෙත් ඔවුනට වතුර හමු නො වේ.
තම හිස් බඳුන් රැගෙන ඔවුහු ආපසු එති.
ඒ ලජ්ජාවට පත් ව, සිත් සසල ව,
තම හිස් වසාගෙන ය.
4දේශයට වැසි නොමැති බැවින්
පොළොව ඉරිතලා ගොසිනි;
ගොවීහු චංචල වී,
තම හිස් වසා ගනිති.
5වන පෙතේ මුව දෙන පවා
අලුත බිහි කළ තම පැටවා හැර දා යන්නේ,
තණකොළ නැති බැවිනි.
6වල් බූරුවන් පවා, මුඩු කඳු මත සිටගෙන,
සිවලුන් මෙන් සුළඟට ඉව අල්ලති.
උන්ගේ ඇස් පෙනීම හීන ව ගොසිනි.
මන්ද ගහ කොළ නැති බැවිනි.”
7අපට එරෙහිව අපේ පාප සාක්ෂි දෙතත්,
අහෝ ස්වාමින්වහන්ස, ඔබගේ නාමය උදෙසා ක්‍රියා කළ මැනවි.
අප පසුබට වූ වාර ගණන අපමණ ය;
ඔබවහන්සේට එරෙහිව අපි පව් කළෙමු.
8අහෝ ඔබ, ඉශ්‍රායෙල්හි බලාපොරොත්තුවෙනි,
විපත් කල්හි එහි ගැලවුම්කරුවාණනි,
දේශයට ආගන්තුකයකු සේ
රැයක් පමණක් නවතින ගමන්කරුවකු සේ ඔබ සිටින්නේ මන්ද?
9සන්ත්‍රස්ත වූ මිනිසකු සේ,
ගලවන්නට බලයක් නැති ප්‍රබල සටන්කරුවකු සේ ඔබ සිටින්නේ මන්ද?
එහෙත් අහෝ ස්වාමින්වහන්ස, ඔබවහන්සේ අප අතරේ ම ය;
අප, අමතනු ලබන්නේ ඔබගේ නාමයෙන් ය.
අපෙන් බැහැර නූන මැනවි.
10 ස්වාමින්වහන්සේ මෙම ජනයා ගැන පවසන්නේ මෙයයි:
“නොමග යෑමට ඔවුන් බෙහෙවින් ප්‍රිය ය;
ඔවුන් තම පාද හික්මවා ගන්නේ නැත.
එබැවින් ස්වාමින්වහන්සේ ඔවුන් පිළිගන්නේ නැත.
දැන් උන්වහන්සේ ඔවුන්ගේ දුෂ්ටකම් සිහි කොට,
ඔවුන්ගේ පාපවලට ඔවුන්ට දඬුවම් කරන සේක.”
11ඉන්පසු ස්වාමින්වහන්සේ මට මෙසේ පැවසූ සේක: “මෙම ජනයාගේ සුබ සිද්ධිය උදෙසා මට යාච්ඤා නො කරන්න. 12ඔවුන් නිරාහාර ශීලයෙන් සිටියත්, ඔවුන්ගේ කන්නලව්වට මා සවන් දෙන්නේ නැත; ඔවුන් දවන යාග පූජා හා ධාන්‍ය පූජා ඔප්පු කළත්, මා ඒවා පිළිගන්නේ නැත. ඒ වෙනුවට කඩුවෙන් ද සාගතයෙන් ද වසංගතයෙන් ද මම ඔවුන් විනාශ කරන්නෙමි.”
13එවිට මම කතා කොට, “අහෝ පරමාධිපති ස්වාමින්වහන්ස, බලන්න, දිවැසිවරු ඔවුන් අමතා කියන්නේ, ‘නුඹලා අසිපත දකින්නේවත්, සාගතය විඳින්නේවත් නැත. මේ ස්ථානයේදී නිති පවතින සාමයක් මම නුඹලාට දෙන්නෙමි’ කියා යැ” යි පැවසුවෙමි.
14එවිට ස්වාමින්වහන්සේ මා අමතමින්, “ඒ දිවැසිවරුන් මගේ නාමයෙන් පවසන්නේ බොරු ය. මා ඔවුන් යැව්වේවත්, ඔවුන්ට අණ කළේවත්, ඔවුනට කතා කළේවත් නැත. ඔවුහු බොරු දර්ශන ද කමකට නැති නිමිති ද තමන්ගේ ම මනසට නැගෙන මිථ්‍යාවන් ද ගැන දිවැසි වැකි පවසති. 15එබැවින්, මගේ නාමයෙන් දිවැසි වැකි පවසන දිවැසිවරුන් ගැන ස්වාමින්වහන්සේ මෙසේ පවසන සේක: මා ඔවුන් එවුවේ නැත; එහෙත් ‘මේ දේශයට අසිපත හෝ සාගතය හෝ නො වදී’ යැයි පවසන මෙම දිවැසිවරුන් අසිපතින් හා සාගතයෙන් ම වැනසී යැවේ. 16ඔවුන් දිවැසි වැකි පවසන මෙම ජනයා, සාගතය හා අසිපත හේතු කොට යෙරුසලම් වීදිවලට හෙළා දමනු ලබති. ඔවුන් හෝ ඔවුන්ගේ භාර්යාවන් හෝ ඔවුන්ගේ පුතුන් හෝ ඔවුන්ගේ දූවරුන් හෝ වළලන්නට කිසිවකුදු නො වනු ඇත. ඔවුන්ගේ දුෂ්ටකමට හිමි විපත්තිය මම ඔවුන් පිට හෙළන්නෙමි.
17“මේ වචනය ඔබ ඔවුන්ට පැවසිය යුතු ය:
“ ‘රැයේ හා දහවලේ නො නැවතී,
මගේ දෙනෙතින් කඳුළු ගලා-හැලේවා;
මන්ද මගේ ජනයා වන කන්‍යා දියණිය
දරුණු තුවාලයකින්, සිඳී බිඳී ගොසිනි.
ඉහුලුම් නො දෙන පහරකින් පීඩාවට පත් ව ඇත.
18ගම්බදට මා ගියොත්, මෙන්න,
මා දකින්නේ කඩුවෙන් මැරුම් කෑවුන් ය.
නගරයට මා ගියොත්, මෙන්න,
එහිදීත් මා දකින්නේ සාගතයට ගොදුරුවූවන් ය.
දිවැසිවරු හා පූජකයෝ යන දෙගොල්ල ම තමන් නො දන්නා දේශයක ඒ මේ අත යති.
ඔවුන්ට වැටහීමක් නැත.’ ”
19ඔබ මුළුමනින් ම යූදා ප්‍රතික්ෂේප කළ සේක් ද?
ඔබ සියොන නීච කොට සලකන සේක් ද?
සුව කළ නො හැකි තරමට
ඔබ අපට පහර දුන්නේ මන්ද?
අපි සාමය බලා සිටියෙමු.
එහෙත් පැමිණි සෙතක් නැත.
අපි සුවය බලා සිටියෙමු.
එහෙත් මෙන්න භීතිය!
20අහෝ ස්වාමින්වහන්ස, අපගේ දුෂ්ටකමත්,
අපේ පියවරුන්ගේ අයුතුකමත් අපි ඒත්තු ගන්නෙමු.
අපි ඔබට එරෙහිව පව් කර ඇත්තෙමු.
21ඔබගේ නාමයේ ගෞරවය උදෙසා, අප නීච කොට නො සැලකුව මැනවි.
ඔබගේ තේජෝ මහිමයේ සිංහාසනය නින්දාවට පත් නො කළ මැනවි.
අප හා ඇති ඔබගේ ගිවිසුම සිහි කළ මැනවි.
එය බිඳ නො දැමුව මැනවි.
22වැසි වස්සන්නට හැකි ජාතීන්ගේ පිළිම-දෙවියකු සිටී ද?
මහ වැසි වස්සන්නට අහසට හැකි ද?
නැත. ඒ ඔබ ම නො වේ ද? අහෝ ස්වාමින්වහන්ස, අපේ දෙවියන්වහන්ස,
අපි ඔබ මත බලාපොරොත්තු තබා සිටින්නෙමු.
මන්ද මේ හැම දේ කරවන්නේ ඔබවහන්සේ ම ය.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.